四喜大排檔

营业中

休息中

夜晚洗完架車已經八點半！好肚餓😵‍💫😵‍💫，拿拿林搵下邊度有好嘢食，見咁耐都冇食過大排檔畀我搵到柴灣四喜大排檔， 好有細個食大牌排檔嘅風味😊 一食唔得了！ 質素水準一流！ 夠鑊氣！淨係講個椒鹽九肚魚外脆內軟！滑捋捋！夠曬熱！芥蘭炒牛肉 又係冇得輸！牛肉軟淋淋、重牛味； 啫啫雞煲最驚喜係有埋豬潤！超好食！ 又係鑊氣十足！辣酒煮花螺同平時食嘅有啲唔同，佢真係好重酒味！而且唔散～請教咗師傅佢哋做法有另一套，好特別！ 鍾意烈酒嘅朋友，可以一試！多寶魚好大條！又滑！ 啖啖肉！真係食唔曬！ 時價今日＄180，超抵！兩個人食五個餸，一碗白飯埋單＄654＊＊ 咁當然講叫得大排檔就喺街邊， 通常都比較熱鬧