囍八方 (差館上街)

营业中

休息中

小店舖位唔算大，大約有7-8張枱，但裝修好精緻，令人有溫馨的感覺。佢主打每日新鮮自家製餃子同骨膠鮮魚湯，呢個組合對於追求健康的現代人非常吸引農家粟子炆鴨飯 配 骨膠紫菜鮮魚湯完全係住家飯的感覺，食物味道不會泰太濃，個骨膠鮮魚湯真係冇得頂，奶白嘅顏色，飲完個嘴有將住的感覺，好鮮甜的魚湯，正👍🏻自選湯麵：幼上海麵 配 韭菜餃 菠菜餃 貢丸同埋魚腐上海幼麵吸晒啲鮮魚湯，每啖都食到麵的香氣，唔會太軟太淋，剛剛好佢的餃子真係無得輸，皮簿餡正，好有肉汁，而且唔會有豬肉的腥味，用料唔錯芹菜煎餃當你以為湯餃已經係高峰，錯了，煎餃更加不得了！外皮香脆，但keep到乾身，唔會油笠笠，咬落去啲肉汁噴出黎，大滿足，黎到一定要試，否則一定後悔！全素辣菜圃呢個菜圃又係不得了，無加任何味精，只係用天然香料醃製，但真係好香，好嘢味！仲要佢係全素，素食嘅朋友都可以食飲品：樽仔奶茶同冷泡茶

放工時間嘅上環半山區，好多酒鬼上去酒吧蒲，不過慶祝TGIF唔一定要蒲吧嘅，邊個話happy hour一定要隊酒，大胃偏偏就係要蒲餃飲奶茶都可以壞過凱婷㗎，仲要好鬼好飲囉，茶奶味均勻濃厚冷泡茶除咗洗滌腸胃，仲可以洗滌埋心靈煎餃塊皮炸得好靚，顏色滿分食之前落啲醋同菜脯先醋香得嚟又夠清新菜脯係全素，天然得嚟都夠刺激㗎完全帶出咗餃子嘅鮮味，調味真厲害滷水蛋大粒又入味，係晚餐嘅完美點綴手拍青瓜同雲耳都好爽脆，仲好惹味𠻹呢間主打無添加無味精係不錯的，一飲湯知真章雲吞好嫩口，感覺好溫柔開喺呢個地方，更添隱世美食嘅風采

收工經過，發現原來有間餃子店都開左一段時間，即刻入來試吓。骨膠鮮魚湯西洋菜鮮豬肉餃一碗有8隻。鮮魚湯每日新鮮熬製，飲到魚湯既鮮味，唔腥亦唔會有落左味精果種咸味，好有屋企人煲魚湯既感覺😋 至於西洋菜餃子，都係每日新鮮自家製，真正做到皮薄餡靚，好好食😍自家製辣菜脯自家製作真係好有心思，算係微辣，試完幾隻原汁原味既水餃再落少少菜脯，就更架惹味😋囍八方冷泡茶以電解還原水泡製，茶味夠哂香濃。韭菜豬肉餃見有唔少熟客都買生餃，決定買份煎餃返去做聽日午餐😋 無落防腐劑既關係，要放冰格冷藏，七日內好煮泥食。

🐈：一涼就想食餃子，朋友話呢間好食就去試吓。 舖頭唔大但係唔駛等好耐就有位，客人除咗香港人，都有唔少外國人。店員超好服務態度又盡責任，會好細心咁介紹餐牌嘅食物。🥰———————————————🌟五寶齋麵-常餐 $𝟼𝟾其實我好少食齋，但朋友想試吓就陪佢食。比我想像中好食，除咗好有口感之外，佢全部都整得好入味，味道甜甜的，又夠煙韌，好開胃，好夾清甜嘅湯麵👍🏻。朋友仲鬧我食晒佢啲 齋🤣🤣。𓂀推介度：♥︎♥︎♥︎♥︎_🌟五福臨門-常餐 $𝟼𝟾有5款餃子🥟：芹菜餃、西洋菜餃、韭菜餃、鮮蝦雲吞同鮮蝦菠菜餃。啲餃全部每日新鮮包，粒粒都皮薄餡靚😍，湯底係骨膠魚湯，真係一啲味精都無😊。我最鍾意係韭菜餃同鮮蝦雲吞，鮮味十足👍🏻。另外常餐會跟個麻辣雲耳青瓜拼滷水蛋👍🏻𓂀推介度：♥︎♥︎♥︎♥︎♥︎_🌟囍八方煎韭菜豬肉餃𝟷𝟶𝚙𝚌𝚜 $𝟻𝟿‼️煎得勁香同勁脆🥰，望到都已經覺得好好食！豬肉嘅肉汁同油份鎖住晒係啲餃子入面，一咬落去好juicy🤤，個人認為2個人share 1份就岩岩好。我一定會再返黎食架🥢‼️𓂀推介度：♥︎♥︎♥︎♥︎♥_🌟獨家秘製辣菜脯🌶🌶一定要落呢個辣菜脯！佢個辣油仲會慢慢滲啲辣香味出黎，加埋個醋，真係會食唔停。不過我覺得都

晚上在附近搵野食, 離遠看到問紅噹噹的餐廳, 就入去試吓。 店員見我第一次去非常熱情款待, 介紹不少主打款式給我們, 仲介紹話所有水餃都是每日新鮮人手製作, 無味精和防腐。 豬軟骨鮮蝦波菜餃上海粗麵($68) 套餐送小食麻辣雲耳青瓜鹵蛋豆腐 & 冷泡茶米線轉左上海粗麵, 口感軟綿有彈性。鮮蝦波菜餃有鮮味, 好足料。 囍八方冷泡茶用電解還原水沖泡而成,茶味香濃甘香。 店員服務很好, 見我們飲完還主動提出幫我們加水, 可以再飲😋 樽身好特別, 我回家後再重用😂農家粟子炆鴨飯($56)送骨膠紫菜鮮魚湯粟子炆鴨好惹味, 鴨肉有鴨味, 紫菜魚湯無味精好清, 乳白色的湯充滿骨膠原, 好健康😚囍八方煎韭菜鮮豬肉餃(6隻/$36)煎餃真是無得輸, 又香又脆, 饀料夠足, 新鮮韭菜和豬肉好夠味, 咬落淡淡肉汁, 好juicy。 配自家製的菜甫和白醋😋👍👍樽仔奶茶($26)我非常喜歡這款奶茶, 奶和茶比例剛好, 茶味唔會太稀太濃😋

好動小妹喜愛周日到港島區拍拍照、尋找一下新靈感～ 不知不覺到了下午茶時間，有間中式店鋪《囍八方》專門吃餃子😎店主親切地介紹菜式，提到必點全手工餃、而骨膠魚湯更是每朝熬製，100%無添加味精 ! 聽完己很期待了 奶白色湯底蝦大隻又爽口彈牙挑選了自選套餐 HKD 45 - HKD 52韭菜餃、春卷、秘製牛腩 、淮山麵美顏骨膠鮮魚湯 ; 樽裝囍八方冷泡茶 HKD 12每隻餃子都漲卜卜，材料十足！皮簿，夾起也不會易散👍🏻春卷用魚肉製作，內裡還有一粒粒的粟米🌽淮山麵跟奶白色魚湯一起吃很美味呢 牛腩易於咀嚼也沒有根這裡有飯、麵、撈面等等 即使男生同行更可添加小食 回去港鐵西營盤站A1出口距離約7分鐘而已

係上環嘅一個街角最近開左間好吸引眼球嘅餃子店🙌🏻紅色為主調嘅裝橫配上石屎，新派中菜嘅樣貌🥳內裡亦有一股東主有喜嘅喜慶氛圍諗住要儲足精力ot，所以都食得比較多🤣麻辣雲耳青瓜，清新開胃嘅前菜，少少辣，惹味非常~麻辣滷蛋，用上蛋黃較大嘅雞蛋，所以蛋香非常足👍🏻骨膠鮮魚湯韭菜鮮豬肉餃，里度嘅餃子非常飽滿，皮薄但不破，做得非常好，根據店員講，餃子都係每日現做，保證新鮮😛食嘅時候店員亦推薦試舖頭自家制嘅菜脯，微辣帶咸香😋骨膠鮮魚湯粟米香菇鮮豬肉餃，係我平常都非常鍾意嘅組合，粟米嘅甜配上菇嘅香，令人著迷嘅味道，另外里度嘅鮮魚湯底嘅鮮甜都襯托到餃子更富層次😛放縱的吃🤣再黎一個煎素餃🙈煎餃實在邪惡，叫素嘅感覺良好少少，餡料有木耳、粟米、椰菜等，富爽脆嘅口感，本身餃子皮煎得香脆，亦唔會因為餡料蔬菜帶水份而變淋，很不錯👍🏻飲品選擇都幾多，我同朋友就被樽仔奶茶同冷泡茶吸引，樽仔奶茶嘅茶奶比例好好，仲做到茶餐廳嗰種好厚嘅口感，impressive!冷泡茶係店員推薦，用上電解還原水沖泡，唔知係米因為用上電解還原水，口感順滑👍🏻里度鄰近文武廟同上環一啲賣古董、文藝品嘅店舖，假期過黎行下食個飯都好不錯嘅❤️❤️

搵friend傾完野，隨便喺佢屋企附近食少少野就番屋企。行落街見到呢條巷仔成九點仲有間鋪燈火通明，行入去無晒客以為閂左門，點知疑似老闆娘嘅店員行出黎話仲開緊門，招呼我入去坐。由於全間鋪得番我一個人嘅緣故，呢位疑似老闆娘嘅店員好有心機招呼我，問我喜歡食飯類定麵類，又建議我可以飲乜野。按佢建議，叫左個車仔米線加樽仔奶茶。車仔米線佢特別建議我試餃子，話係人手包嘅，的確係特別足料同有特色！至於奶茶，由於係無冰緣故，飲落口就知特別夠茶味！特別再讚一次服務，臨收工都用心招呼！

減肥絕對唔係我A姐一個人嘅目標，連近期肥咗少少，少到只係肥咗3公斤嘅M佬，都話要加入減肥行列。雖然我唔明點解只係肥咗3公斤嘅佢都要咁誇張，但難得身邊有人同你有共同目標，都係一件好事嚟嘅。我哋今日嘅晚餐就想搵啲少鹽少糖無味精嘅餐廳，結果就嚟到上環嘅囍八方，食吓自家製水餃啦！秘方辣菜脯喺食主菜前，竟然先介紹醬料？因為呢個醬料可能會陪伴住你嚟緊嘅每一道菜！呢個辣菜脯係囍八方獨家秘製，辣度算係小小辣，但菜脯內加入咗豆豉同唔同香料，所以夠晒香，令到食物嘅味道層次大大提升。自家製豬軟骨撈粗麵店員建議我哋試粗麵。果真！粗麵嘅口感更佳！至於豬軟骨有四大舊，夠入味又軟稔；而配撈麵嘅仲有紫菜骨膠鮮魚湯，紫菜無沙，加上無添加味精，食到紫菜嘅鮮甜味。囍八方煎韭菜鮮豬肉餃呢度所有嘅餃子都係每日新鮮自家製，食得好放心。呢個煎韭菜鮮豬肉餃嘅餃子煎到微燶，脆口而入面爆汁，韭菜香味突出。骨膠鮮魚湯鮮蝦菠菜餃呢個鮮蝦菠菜餃皮薄足料，蝦大大隻好彈牙，當然呢個骨膠鮮魚湯亦係一大重點，湯色奶白，魚味濃香又唔腥，飲到最一滴。鮮蝦紅油抄手紅油抄手雖然唔大隻，但重點係個秘製醬汁，辣度適中，一啖一隻夠滿足。樽仔奶茶 + 囍八方冷泡茶樽

收工附近飲杯嘢傾吓計之前梗係去食啲嘢先，唸住食個餃，點知一食就變咗做晚餐🤣。不過的餃又真係幾好食😋。店員仲介紹鮮魚湯湯底日日淆制，餃子🥟每日新鮮包，的確的餃真係皮薄餡靚，真係要推介大家🥳🔻秘製梅菜扣肉飯$56🔻套飯餐有一碗靚湯🤩美顏骨膠紫菜鮮魚湯一碗，的確係幾正喎👍🏻。幾鮮味，有魚味🐟，唔腥，仲有小小紫菜😋。甜梅菜同扣肉一樣好淋，又入味🤩。扣肉入口即溶，油香味幾重，加上甜梅菜，送飯真係一流🤩🔻煎芹菜豬肉餃$69🔻超香芹菜味🤤，煎得好香口😋，加的上海米醋，酸酸地，食落唔覺膩👍🏻，仲同芹菜味好夾🥳，隻隻都煎得好靚仔🤣。🔻骨膠鮮魚湯西洋菜豬肉餃$45🔻湯餃煮得好通透，好清楚見到的菜🥬，菜同肉既比例幾好，食落好香西洋菜味，因為餡料切得細緻，的香味出晒嚟👍🏻，依個西洋菜餃真係好出色😍。🔻樽仔奶茶$26🔻樽仔幾可愛😍，奶茶幾深色😍，隔住個樽都覺得好濃🤣。的確飲落茶味係香濃，而且幾滑😋，甜度適中👍🏻，口感幾rich喎，飲完會有餘香，真心估佢唔到。🔻囍八方冷泡茶$26🔻標榜用電解還原水制，唔知係心理作用定咩🤣，飲落真係又幾香茶味喎🍵，有少少回甘☺️，但係又無平時飲茶既澀澀地既感覺堂食唔夠喉，買左一打生餃

囍八方-位於上環既小店，主打新鮮包製餃子同100%無味精既魚湯，就算出街食都哥以食得放心✅蟲草花鴨腿湯飯湯底清甜，味道濃郁，飲落真係似平時媽媽牌係屋企煲既靚湯，有原隻鴨腿，啲鴨肉煲到好軟稔，可以跟白飯或時菜😍表層唔會有油脂，係健康之選👍🏾✅秘製牛腩撈麵配紫菜骨膠鮮魚湯牛腩入味而脂肪比例低，但咬落軟稔唔會韌，亦夠入味，建議撈麵可以配埋店舖獨家既辣菜脯同上海米醋，味道更好，食食下會覺得少少乾，配有鮮甜既鮮魚湯既配搭好好👍🏾✅囍八方煎韭菜鮮豬肉餃呢度既餃子肉料新鮮，每日包製，餃子皮薄而煎到微焦，咬落有韭菜香同豬肉既調味好適中，唔會過濃，個人鐘意點埋佢既上海米醋食，減低左煎餃既膩感✅樽仔奶茶店舖自家製既樽仔奶茶，茶味濃郁而且夠滑，個人覺得甜度減低啲會更好✅囍八方冷泡茶以電解還原水製作，茶味甘香，食完主食飲返淡感覺清新，亦減低感🌟欣賞店家既製作用料新鮮同唔添加味精，令食客可以食到美食又食得安心

秋天好乾燥, 收工就係想食啲湯湯地嘅野諗起前排行經嘅囍八方, 打算去試一試<五福臨門套餐>因為唔係好肚餓, 大食妹今次就唔食麵啦嗌左份可以食盡囍八方餃子嘅五福臨門套餐五福臨門套餐除咗主食外, 仲有配送麻辣雲耳青瓜、鹵水蛋同豆漿或冷泡茶, 而飲品轉樽仔奶茶都只要加13蚊<五福臨門>五福臨門嘅湯㡳係每朝新熬製嘅無味精美顏骨膠鮮魚湯, 飲落非常暖胃而五福就分別係每日新鮮包製嘅芹菜餃、西洋菜餃、韮菜餃、鮮蝦雲吞同鮮蝦菠菜餃, 皮薄餡靚<芹菜餃>芹菜餃餡料係混合左芹菜同豬肉, 芹菜非常新鮮, 咬落脆口<西洋菜餃>大食妹極力推介西洋菜餃有種特別嘅香味<韮菜餃>韭菜餃韭菜味非常突出建議留到最後食<鮮蝦雲吞>鮮蝦雲吞裏面有原隻鮮蝦, 彈牙爽口<鮮蝦菠菜餃>鮮蝦菠菜餃就可以俾你一次滿足晒兩個願望<麻辣雲耳青瓜、鹵水蛋>配送嘅小菜都唔馬虎, 雲耳同青瓜都好爽口, 而滷水蛋都幾入味<獨家秘方菜脯>大家食湯麵或者湯餃記得一定要試吓囍八方嘅獨家秘方菜脯裏面有陣豆豉味,

今日喺上環返完工，梗係要發掘下上環美食。我之前都好鍾意同朋友或者同事喺上環上山啲斜路食啲靚靚Cafe或者西餐廳，今次就搵咗間餃子店食下。本身好鍾意餃子既我，見到佢啲餃子係每日新鮮包製同埋個湯係用骨膠魚湯煲嘅，加上無添加味精，食完啲餃子仲可以飲埋啲湯，健康，正！我叫咗個骨膠鮮魚湯鮮蝦菠菜餃（8隻），果然好足料，餡入面夠多菜，蝦都幾大隻，個湯好鮮甜。我加左佢d自家製菜脯落碗湯餃到，係有d辣但好惹味會係咁加落去食上癮！最後叫咗個樽仔奶茶，茶同奶味都好出，飲唔晒仲可以帶走。

今日特意嚟到剛剛開左一個多月嘅新餃子店。環境幾舒服，雖然新開，但是全店滿座！店員態度親切會主動向客人介紹不同餃子嘅特色。 在店員介紹下 分別試咗湯餃和煎餃。 湯餃我們要了常餐的五福臨門-湯底係魚湯但係一啲都唔腥 ，餃子是真正的皮薄餡靚，餃子包括有芹菜餃、西洋菜餃、韭菜餃、鮮蝦雲吞和鮮蝦菠菜餃五種。店員介紹可以嘗試用菜莆辣醬一齊食，都幾好味，有不同的感覺。另外我哋試咗煎松茸餃，初時都有啲猶豫因為價錢比一般餃子貴，但係最後都叫咗想試吓，因為出面好少有得叫哩種餃子。果然係無揀錯，係幾特別，尤其是加埋D醬料食😋飲品方面常餐包括嘢飲我哋叫咗冷泡茶，清清地，有茶香味。另一杯叫咗樽仔奶茶，有驚喜，茶味濃郁要真要試一試啦！呢間餃子店真係用心經營而且價錢相宜材料新鮮怪不得見到雖然開左無耐但已有很多熟客，而我都會再返嚟！

好味誠意新開小店，地點比較難揾附近經常拍愛回家，裝修用了傳統中國紅配新潮水泥牆，環境整潔光猛。今次點了碗豬軟骨米線，煎西洋菜餃。豬軟骨入味，個骨膠原鮮魚湯底一流，餃子皮薄餡靚，鹵蛋配青瓜原來好夾👍。又一間餐廳可以列入飯堂😍