嚐館

营业中

休息中

收工嚟黃大仙探朋友班，之後一齊食晚飯。朋友想食小菜，帶咗我嚟黃大仙中心呢間「嚐館 Cityfresh Bistro」。餐廳地方頗大，裝修時尚，環境光猛，座位闊落，坐得都幾舒服。餐牌包羅萬有，由炒粉麵飯、家常小菜、煲仔飯、鑊氣小炒，以至優質靚扒、經典甜品等，應有盡有。我哋點咗個二人套餐 ($198)，可以任選兩款小菜，另奉送涼拌小食、例湯、白飯及熱飲。今日嘅前菜係泰式鳳爪，入口爽脆，酸酸辣辣，非常醒胃。是日例湯為合掌瓜豬骨湯，湯身熱辣辣，用料十足，味道清甜，生津解渴。菠蘿咕嚕金沙骨：金沙骨醃得好入味，肉質鬆化又夠腍身，配合埋啲咕嚕汁，酸甜可口，味道誘人。冬菜蒸黃花魚：黃花魚肉質嫩滑，非常新鮮，加上以大量芫茜、蔥花和冬菜一起蒸，能提升魚嘅鮮味，連魚汁都特別鮮甜味美，送飯一流。食完再嘆返杯茶，一樂也！

呢日喺黃大仙呢頭放lunch 就喺呢個商場搵食啦 見到呢間環境光猛闊落嘅茶餐廳有唔少午餐嘅選擇 就入咗去試試🤤例湯呢日嘅湯係中湯 係紅蘿蔔豬骨湯🍲 入面冇乜湯渣 啱晒唔食湯渣嘅我 清清地幾適合冬天飲椰香咖哩牛腩飯幾鍾意佢嘅擺盤 冇諗過係街坊食堂食午餐都可以咁賞心悅目😂 咖哩汁唔算好多 係較杰身嘅咖哩 但絕對夠晒送飯食🍛 咖哩味道唔係好辣 但香料同椰汁味好香 除咗有牛腩之外 仲有牛筋 同埋薯仔喺入面🥔 牛腩炆得好入味 啖啖肉都唔錯紅酒燴牛尾意粉本來就係睇中午餐menu都有牛尾食先入嚟😻 一碟嘅份量都好多 有5-6件牛尾😚 牛尾燴得好腍 半肥瘦好juicy 而且好輕易就將牛肉同牛骨分開 意粉配埋紅酒汁都幾夾🍷 飲品凍奶茶 嚟食港式餐廳會想嘆返杯奶茶 呢度奶同茶嘅比例剛好☕️ 低糖凍綠茶 綠茶清清地 啱晒飯後飲用🍵午市時段都見到唔少街坊過嚟食晏 食完個靚午又可以充滿能量咁繼續開工啦😂

親愛的餐廳經理:我是一位您餐廳的客戶,很遺憾地向您反映在 2024年5月24日來用餐的不愉快經歷。從整體來看，這次用餐體驗非常糟糕。首先，餐廳環境混亂且清潔情況差劣，滿地碎屑和食物殘渣，讓人反感。此外，服務人員態度冷淡，還會用粗口罵人，問候老豆老母。最重要的是，點的菜品口味平平，淡而無味，明顯不新鮮，連基本的烹飪水準都無法達到。我為自己和陪同的朋友們付出了高昂的消費費用,但卻換來如此糟糕的體驗。作為一家希望在市場上有所發展的餐廳，希望您能夠重視此次投訴。分析問題所在，儘快改善服務質量，提升用餐環境，讓顧客能夠有更好的用餐感受。

公司落site 食飯, 嗰頭都預咗冇咩好食. 見到間有啲人流，但係又唔使排隊嘅餐廳.應該都冇死入去試吓.送咗個例湯. 例湯正常幾香陳皮味.叫咗個海南雞飯, 雖然比唔上五星級餐廳嘅 幼嫩, 但係其實都滑，同埋食雞最緊要嘅雞味.啲雞柔嫩滑. 最重要係配埋黃色嘅油飯.雞油再加埋黃薑粉煮食嘅飯先係海南雞嘅精華所在，如果佢碗飯可以再實啲就好啦完全吾夠喉. 走嘅時候仲有人排隊. 我諗呢間應該係呢個商場嘅名店. 下次再嚟呢頭做嘢嘅時候再encore.

點了一個外賣。個豬軟骨飯味道唔錯。但加了錢杯抹茶鮮奶簡直垃圾，從來沒有喝過那麼難飲的飲品。原本打算對自己好些，所以才加$買。但換來卻是失望。而且一開個杯，已經發現份量不是滿。打電話去店詢問飲品味道就是這樣沒有奶味，職員話已有鮮奶。😡😡很久以前買過這裡的午餐，那次的食物的味道不好。今次飲品又是如此。決定blacklist這餐廳。

去骨海南雞配油飯 涼菜 靚湯 海南雞醬已去骨的海南雞肉肉質嫩滑，雞皮薄且彈牙，配上秘制醬油，雞味香濃，加上油飯一起吃，回味無窮上湯海鮮粉絲雜菜煲海鮮有魷魚、蝦仁、青口、蜆肉、八爪魚，雜菜有菜心、白菜、西蘭花，用料十足！熱奶茶奶香茶滑，入口順滑，奶味香濃，港式名物必試！City Fresh （黃大仙 )📍黃大仙正德街103號黃大仙中心南館地下高層UG41號舖

黃大仙中心有好多餐廳，見呢間餐廳個餐牌有好多選擇，有中式既炒粉麵飯，小菜，蒸魚，西式意粉，意大利飯，pizza,扒餐，焗飯等等，最估吾到仲有東南亞風味海南雞飯，喇沙，拉麵😂😂 你諗到既都可以響到搵到🤩👍價錢仲吾貴幾抵食，基本上每樣主食都跟一杯飲品😊我地想食西式野，叫左個意粉同海南雞，有驚喜🤩⭐️蕃茄龍蝦汁煙三文魚意粉意粉上枱時熱辣辣，賣相一流，真係同餐牌個張相一樣，有朵三文魚卷成既大花🌸配上好多菇同洋蔥，口感豐富，意粉個汁好特別，食得出係自己溝既蕃茄龍蝦汁，第二度食吾到架😆愈食愈開胃⭐️去骨海南雞配油飯海南雞份量充足，雞胸都好滑，配上3款不同口味的醬汁，食出3個不同口感，3款醬料比其他餐廳好食，我最中意點中間果款甜醬油，油飯好特別，中間會有d薑絲☺️食完好滿足，餐廳職員好勤快，落單同上菜都好快手，又會推薦客人有咩好食，見到隔離枱蒸魚好大條，下次再來試下先😋

黃大仙食肆花多眼亂，要揾食少d心思都好難突圍而出，平時鋸扒閒閒地都要2百幾至3百幾，呢間餐廳就真係價廉物美。一客西冷牛扒只需一百蚊有找，仲配埋餐湯及餐飲，認真抵!餐廳裝修光猛新派，藍綠色小清新，而且多卡位，係舒適嘅用餐時光!西冷牛扒指牛胸脊肉部分，肉質細嫩，大理石油花均勻，富有嚼勁。肉質瘦削、細密，一邊外層有脂肪覆蓋。脂肪層下有一條軟骨。西冷的肉汁雖不及肉眼，但卻是製作牛扒的一流食材，配埋黑椒汁更加和味!

🍚.黃大仙中心南館有好多餐廳，而UG層有一間平民餐廳，食物種類包羅萬有，而這次吃了他們的二人中餐套餐.👫🏻 家長二人套餐 $198🍖菠蘿咕嚕金沙骨甜酸適中，份量剛好，醬汁不會太水或太黏，還有菠蘿跟青椒做伴菜🍲海皇粉絲雜菜煲材料很足，有青口、蝦、魷魚、蘿蔔絲、西蘭花、椰菜花、菜心、小白菜… 幫助我均衡飲食.另外套餐還會送一份涼伴、兩碗例湯，以及兩杯熱飲，凍飲要加$3喔☝🏻⭐️推薦⭐️Max 5️⃣🐽味道 🐽🐽🐽🐽環境 🐽🐽🐽🐽🐽服務 🐽🐽🐽🐽🐽衛生 🐽🐽🐽🐽🐽抵食 🐽🐽🐽🐽🐽💰不收加一服務費

唔知有幾多人寧願瞓晏啲而放棄早餐呢？包括我在內，相信大家都習慣夜蒲，晨早起身真係一件唔簡單嘅事。不過，近日天氣唔錯，決定喺黃大仙嘅嚐館嘆份早餐，再出發行山，由喜愛日蒲開始今日嘅小旅程。濃香黑椒汁美國安格斯牛扒拼出前一丁黃大仙嚐館嘅出前一丁唔需要另外加錢，所以識食就梗係揀出前一丁啦！當然你都可以轉配通粉、米粉。至於湯底就係出前一丁嘅麻油味湯底，真係啱晒我口味。至於早餐嘅薄牛扒都唔會求求其其，用上美國嘅安格斯，配上濃香嘅黑椒汁，令早餐已充滿食神。值得一讚嘅係，牛扒係會另上，咁就唔會浸住喺個湯麵入邊啦。香煎美國雞扒出前一丁另一款早餐，就選擇咗香煎美國雞扒。雞扒夠厚身，唔會煎得太乾，而雞皮香口仍有油香。配搭嘅炒蛋非常香滑，夾住牛油多士一齊食，就更加好味！

前排去開黃大仙廟經過呢附近入去搵食，見到呢間茶記乾淨企理，所以就入去試吓😆見到佢哋Menu嘅選擇真係有好多，西餐有中餐，又有港式，睇到眼花撩亂唔知揀咩好🤣黃金脆蝦球🍤$128呢個蝦球真係好邪惡，用咗鹹蛋黃醬嚟炸，總共有10隻，每隻都大大隻，食落好香脆入面好彈牙，忍唔住一啖接一啖，真係好食🥹佢哋每個餸仲會配埋飯同湯，好有住家飯嘅感覺🥰大澳蝦醬生炒牛肉飯🍚$63呢個牛肉飯一嚟到已經覺得好香蝦醬味，翻炒到粒粒分明，而且好入味，味道同平時食開嘅生炒牛肉飯有啲唔同，幾特別😋

今日出咗去黃大仙上堂，午餐時段揀去左嚐館。店內環境闊落乾淨，架座坐得幾舒服，午市套餐好抵食，是一個不錯的選擇去骨海南雞油飯 $108配油飯涼菜靚湯海南雞醬即磨咖啡本身都好鍾意食海南雞飯，呢呢間的海南雞都幾嫩滑，配上三款醬汁，其中一款泰式辣醬仲要係自家製，味道好出色即磨拉花咖啡，賣相好靚，咖啡亦夠香醇招牌瑞士汁乾炒牛河 $68凍檸茶乾炒牛河炒得好有鑊氣，香噴噴。河粉富彈性 招牌瑞士 甜甜地 食落好開胃整體來說，環境闊落，價錢亦唔貴，午餐之選

同媽咪去黃大仙拜完太歲順便係黃大仙搵嘢食位於黃大仙中心南館嘅嚐館環境乾淨企理，空間感好足選擇都幾多，而且價格都幾合理▪️秘製蔥油叉燒煎蛋飯（$75）叉燒完全cover米飯，份量好多不過叉燒較瘦，好彩叉燒本身夠腍身加埋秘製醬油同蔥油，撈飯食一流▪️招牌瑞士汁乾炒牛河（$68）好夠鑊氣嘅炒河，牛肉有質素，唔會醃到過腍瑞士汁調味好出色，食落好惹味，但又唔會好油配埋辣椒醬一齊食無得彈▪️凍檸茶（+$3）大大杯，解解膩

Lunch 食飯，趕時間就當然想快靚正。呢間Cityfresh Bistro完全配合到香港人食lunch嘅需要。今日同同事附近做野，十分趕急要一小時內食完lunch番去，店員呀姐感受到我地趕急，特意話我地知邊d野食會較快。不過我唔爭氣想食焗飯，呀姐話焗爐有位可以立即搞。結果焗飯不負期望，味道香濃，亦有用炒底焗，算係快靚正。同事食嘅咖喱飯亦唔錯，大大份一位女士食唔晒。下次再黎黃大仙做野可encore！😎

OT 收工後的一餐～ 隨機亂入黃大仙中心的一家茶餐廳，看到有煲仔飯，天氣凍凍地，便決定一試～ 北菇滑雞煲仔飯 $85冬天必食煲仔飯(⁎⁍̴̛ᴗ⁍̴̛⁎)即叫即整，等了大概20分鐘，煲仔飯香噴噴地上枱～ 滑雞果然是滑雞，肉質鮮嫩，配上香氣四溢的北菇，口感一流！最正的是必食飯焦(*ˉ︶ˉ*)不知不覺，便自己把一整煲都吃完⁄(⁄ ⁄ ⁄ω⁄ ⁄ ⁄)⁄配有例湯，是紅蘿蔔豬骨湯，湯渣不算多，有一件豬骨～清清地，很適合冬天喝，非常滋潤(*ˉ︶ˉ*)熱華田 +$8 整體來說，是不錯的茶餐廳，重點是店員非常親切有禮，阿姨們很懂得推薦餐廳的特色菜，看我一個人，便推薦我吃煲仔飯，隔離有一整個家庭的，便推薦他們吃四人餐，還有餐廳非常受歡迎的$198.2人餐，下次有機會會再和老公來試～