嚐館

唔知有幾多人寧願瞓晏啲而放棄早餐呢？包括我在內，相信大家都習慣夜蒲，晨早起身真係一件唔簡單嘅事。不過，近日天氣唔錯，決定喺黃大仙嘅嚐館嘆份早餐，再出發行山，由喜愛日蒲開始今日嘅小旅程。


濃香黑椒汁美國安格斯牛扒拼出前一丁
黃大仙嚐館嘅出前一丁唔需要另外加錢，所以識食就梗係揀出前一丁啦！當然你都可以轉配通粉、米粉。至於湯底就係出前一丁嘅麻油味湯底，真係啱晒我口味。至於早餐嘅薄牛扒都唔會求求其其，用上美國嘅安格斯，配上濃香嘅黑椒汁，令早餐已充滿食神。值得一讚嘅係，牛扒係會另上，咁就唔會浸住喺個湯麵入邊啦。

濃香黑椒汁美國安格斯牛扒拼出前一丁

香煎美國雞扒出前一丁
另一款早餐，就選擇咗香煎美國雞扒。雞扒夠厚身，唔會煎得太乾，而雞皮香口仍有油香。配搭嘅炒蛋非常香滑，夾住牛油多士一齊食，就更加好味！

香煎美國雞扒出前一丁

香煎美國雞扒出前一丁