嚐越 (已結業)

對葵芳區沒有一間食肆提起興趣，中菜、西菜有點膩，日本菜又沒有一間像樣，越南菜應該會開胃一點。酸湯雞絲水晶粉-湯底的甜味重於酸味，要另加新鮮的辣椒粒材得突出味道來，水晶粉即是粉絲又不夠爽口滑身，雞絲份量少到十隻手指可數得出。鐵鍋火車頭-我原以為火車頭是好大碗的，份量少過上述的酸湯水晶粉，河粉很粗糙，不夠滑溜。香露嫩菜-只是白灼西蘭花及椰菜花，再淋上特製的醬汁。最初上枱是只得一碟菜，我已覺得奇怪，再問一下侍應，他才恍然大悟。芒果柚子乳酪-味道太假，無新鮮芒草味可言。雖然信用卡有9折，但味道毫不吸引，去食碗粉麵好得多，原來26個喊面是有因的。

七一假期隨隨便便同老公去食 lunch﹐ 一人 $100 食到好飽好飽:牛油雞翼春卷黃牛脊湯河粉抄通菜無冰凍奶茶 (有少許椰子味?)食物水準 OK 啦﹗ 天氣好﹐我地坐外面﹐有少少風扇﹐幾舒服。隔著塊玻璃揮揮手好快就有 waiter 來應我地啦。當然﹐越南菜有更好食的﹐不過當 casual 的一個 lunch / tea 都幾好呢~

上星期五 (六月二十日), 放左工去食晚飯,等左一陣就有位啦. 入到去揀左豬頸肉炒粉, 椰汁焗黃咖喱海鮮飯同埋牛油雞翼兩個人食, 無叫飲品, 個待應就不斷咁介紹d特飲俾我地..但我哋都無咩興趣..佢都仲要問多左兩次.. 都算啦!!! 但個雞翼同炒粉都好咸, 最嚇人係個所謂海鮮飯, 個飯放左係個椰殼到..表面見到有黃色的咖喱汁同一兩件蝦乾同埋蜆. 再撥開就全部都係白飯. 仲要一d椰香味都無..真係夠膽講句同叫個白飯無分別....之前都有係呢間餐廳食個下午茶,唔覺有問題,但食完個晚飯,以後都唔會再去!!

食越南餐, 有好多選擇. 以這樣的價錢, 食物質素竟然可以如此差, 無謂再去啦.今日午飯唔食什麼好, 於是試下. 三個人食了以下幾樣, 埋單三百零五.鮮蝦柚子沙律 - 點解得咁少柚子?雞肉燒烤串 - 10元一串, 好唔過街檔.三拼 - 庶蝦似墨魚膠充. 粉包點解咁多紅蘿蔔絲? 春卷第一次食咁大條, 生菜都唔夠包.牛肉湯粉 - 唯一可以食吓, 袛逹一般水平, 唔食無壞.扎肉河粉 - 粉條有"項"味, 扎肉搭塊"尾", 黑黑地唔敢食.棷子咖喱飯 - 不如要碗白飯.芒果糯米飯甜品 - 做個特別樣, 果然無味道. 都係去翻的泰國餐館食有保証.煮食物要落心機, 好食而賣貴的可以接受. 這樣的食品, 袛有一個工能, 填滿個肚, 走過去老麥食都一樣, 不過實恵好多.老婆在九龍灣食過一次, 比這裏還要差一點, 可謂五十步笑百步. 因為我想試, 所以無阻止, 結果好後悔, 影響整天心情.

今日(11/5/2008)同屋企人係嚐越食LUNCH, 諗住早少少慶祝母親節, 怕晚市外出用膳太多人. 一去到, 係餐廳門口見到明明有好多吉ge枱, 但都仲要客人等好耐至攞到位, 好明顯係人手不足, 待慢客人.攞到位後, 我打左個突. 因為得番高枱槁椅, 坐得好唔舒服, 尤其我同埋父母去, 對於年紀大ge人黎講, 好唔方便. 呢間餐廳位於住宅地段, 但就無考慮到光顧ge會係咩人, 設備無顧及到用家.準備落order, 我招左好耐手都無侍應生過黎. 最後黎左個waiter, 我同佢講要咩餐, 佢竟然答我話唔係佢負責, 等佢嗌第二個人黎serve我. 我真係呆左囉, 乜有餐廳咁分工ga? 你serve唔到我ge就唔好企出黎啦.仲有食物ge水準亦令我大失所望, 賣相係唔錯, 可惜全部都淡而無味! 我個位五十幾歲高齡ge媽媽食炒河粉, 都要問侍應生攞多幾份辣醬至食得落. 我食ge生牛肉湯河, 個湯淡到無味, 唔望住, 仲以為自己飲緊清水. (沙嗲王ge越南菜仲好味過佢多多聲, 而且更加經濟實惠)最令人disgusting既係, 我發現餐具上有食物渣滓!!! 太離譜啦! 衛生好差!第一次幫襯已錯

我一家6口去左哩度食dinner,叫左2個2人餐,因為我地都較細食,應該夠飽既...點知黎到既係一碟碟超迷你既送..仲要係勁多生菜鋪底,上面放少少肉就當一碟送,厄人lor!!食完哂個4人餐,我地6個都好似冇野落肚,仲要係冇肉落肚!!唔通佢真係當我地要食埋果d鋪底生菜!?!?真係要減肥先好去食...咁就冇左幾百啦...

食左開邊大頭蝦$128(2 pieces only),又話係招牌菜,勁細同難食.唔新鮮不在話下,又冇膏,又唔入咪(應該係芝士煙肉)...唉..個粉卷..好多紅蘿蔔,係就係"索索"聲, 但好素...(都係小巴黎好食d)....唔知點解個豬頸肉撈粉都可以冇味...4個人叫左4碟唔飽但已經食唔落....之後仲要再用$200上樓上食和民先開心番....我已經同我屋企人black list左佢!!!

一次難忘......永不再光顧! 話說上星期日想同男友阿麻出街食飯(三人)開心一下,起身都中午一點零,諗黎諗去葵芳無咩好食,就帶去試下呢間。行埋門口個知客唔見人，四圍望下入面啦，就見到個知客同緊較近門口的第一張台客人寫單，我等...左5分幾鐘都有(阿麻係老遠都慢行到過來)。望住個知客落單(無部長理我,店內有兩個的)，個知客望左一眼我就算，落完單慢慢行埋門口問我幾位(佢望到有個老人家)，俾左一張"近"門口既大台我地三人，坐底左有個侍應拎三份餐牌黎就走，望左兩望，再問係咪未有下午茶? 個部長(面黑黑咁)就答:呢家入坐仲係午餐,未到下午茶時段WO。好啦...只好叫餐牌有既野，又唔係俾唔起(單叫一碗粉都係$4X ) 之後分左兩次落單，叫左兩個SET LUNCH、一碗咩咩金邊粉、一份墨魚餅、一份唔知咩卷(合共$201 恆生卡免加一) 果三碗面黎得慢，又多味精，份量參差，食物黎重複左兩次，飲品太甜(糖多)，仲寫住招牌湯粉，食落味道麻麻，有碗要落酸汁伴食，要問到至有人拎枝酸汁黎，唔問就乾哽了。返到家飲左兩大杯水~ 唉......大家出街食飯前, 上一上OPEN RICE先好去未食過既餐廳。

今晚又一個人開餐，平時較少來嗜越，今日即管試試。雖然一個人，都點左幾多野。香茅豬扒湯河($42)，唔錯，豬扒分開碟盛載碎上，煎得幾香又夠鬆化，湯底都可以但略嫌味精重。馬拉盞炒菜($38)，可能因為蔬菜選擇有限，得白菜，小白菜，生菜可選，基本上馬拉盞要炒通菜先好味，結果唯有馬拉盞炒小白菜，但菜有小小菜青味。見推介胡椒大蜆($50)就點來試下，鐵鍋上，湯底好香胡椒味，材料有芹菜、紅椒、粉絲等，湯底幾惹味。但大蜆size一般大，而且冇乜鮮味，覺得有點唔值。結果埋單$141，覺得今餐只係麻麻。但員工服務唔錯，很主動，值得一讚。

昨晚2人第一次去試呢間。其它過得去，但食物勁多味精。返到屋企要不停飲水.....Blacklist~

星期日食左個Tea A餐(咖哩牛腩+短法包+飲品) $22(連加一),牛腩好入味好夠’林’, 個包夠鬆軟,好好味.下次會再食.

呢到有幾個set　for不多人數而組成的set,份量和品質都好好,而且一set有菜有肉有湯兼有飲品,幾好.唔使點等位而且服務好兼friendly.

與哥哥到這裡食下午茶, 因大家還未食午飯的關係, 所以點了三個茶餐,味道, 幾好,但個豬扒"蒙"粉份量很少.不過整體上都幾抵食.

同朋友一人叫一個札肉粉, 湯底係無味, 我要用甜酸汁撈至放得入口, 仲有個粉卷可以話係又乾又淡, 唉..我都已經係可以食到好清淡既人, 但今餐真係接受唔到要讚既係服務好好, 體貼客人

環境不錯,幾悠閒可能是平日下午的關係,好少人點了個下午茶香茅豬扒撈檬加青檸蘇打$2x+10%塊豬扒乾得可憐.以為自己在食紙皮._.冇服務可言.勝在環境good