嚐越 (已結業)

一次難忘......永不再光顧! 話說上星期日想同男友阿麻出街食飯(三人)開心一下,起身都中午一點零,諗黎諗去葵芳無咩好食,就帶去試下呢間。行埋門口個知客唔見人，四圍望下入面啦，就見到個知客同緊較近門口的第一張台客人寫單，我等...左5分幾鐘都有(阿麻係老遠都慢行到過來)。望住個知客落單(無部長理我,店內有兩個的)，個知客望左一眼我就算，落完單慢慢行埋門口問我幾位(佢望到有個老人家)，俾左一張"近"門口既大台我地三人，坐底左有個侍應拎三份餐牌黎就走，望左兩望，再問係咪未有下午茶? 個部長(面黑黑咁)就答:呢家入坐仲係午餐,未到下午茶時段WO。好啦...只好叫餐牌有既野，又唔係俾唔起(單叫一碗粉都係$4X ) 之後分左兩次落單，叫左兩個SET LUNCH、一碗咩咩金邊粉、一份墨魚餅、一份唔知咩卷(合共$201 恆生卡免加一) 果三碗面黎得慢，又多味精，份量參差，食物黎重複左兩次，飲品太甜(糖多)，仲寫住招牌湯粉，食落味道麻麻，有碗要落酸汁伴食，要問到至有人拎枝酸汁黎，唔問就乾哽了。返到家飲左兩大杯水~ 唉......大家出街食飯前, 上一上OPEN RICE先好去未食過既餐廳。