嚐越 (已結業)

24/7/2006今晚見老友二人黎屋企附近就盡地主之誼一齊食餐晚飯,本應想試下泰國菜但朋友話熱氣次下就選擇呢度,見只得3個人就簡單叫個2人餐加多,一兩味就攪掂,我地叫左個$158二人餐有…….唔知咩沙律—食落只覺得求求其其搵d生菜加d雞肉就上碟冬陰公湯—越南餐居然有冬陰公湯飲,奇怪!奇怪!湯黎到只望落似咩都冇似公仔麵味精湯多,飲落只有小小香茅味其他就”伯冇”真係唔好飲!春卷拚蝦餅—普普通通炒牛肉粒—味道唔錯炒雜菜—細碟得黎又冇咩味道白飯兩碗(跟餐)餸菜黎晒要猛追先有,黎到重係濕淋淋重衰過我煮另加….金不換炸軟殼蟹—全冇味道另只有炸炒一大堆牛脊湯濛—o.k.但已經係最好o既一樣燕窩芒果椰汁糯米飯—芒果好酸另完全冇椰汁香味而糯米飯又普通埋單$300,環境雖然比之前多左但貴左之下感覺完全唔得,另外比客飲o既水有d怪味真係唔知點攪,服務方便只可以話o.k.如比我同以前比我寧願食未變身之前,因唔貴下差極都可接受!下次都係咪攪!

週日下午，跟老媽到這兒吃個late lunch，點了兩份湯麵和一客特價小吃，埋單$59.4，價錢雖然OK，但餸量少得可憐！我選了「香茅豬扒湯河」（$20），老媽要了「香烤牛肉湯檬」（$20）。飲品都選了「青檸蘇打」。湯麵是大大碗，味道不差，但餸料少得令人吃驚！豬扒只有小孩巴掌大，牛肉只有兩湯匙而已，少得令人震驚！於是，點了份「鳳爪小吃」（特價$14），味道。淡淡，要努力下魚露才似番D 樣。座位擠迫，餸料過少，味道唔得，大概無下次。

以前叫做越南村,就真係好食又抵食18蚊一個餐又有野飲,不過裝修左之後,少左去好多,因為Service又差左好多,野又唔好食,記憶所得上次去果時埋個單,埋左成15分鐘真係火都黎埋.之後以後都唔去食.因為有比較如果想食越南野去小巴黎好過又平又正.

豬扒檬粉大大碗，d豬扒好味，都幾香口，檬粉都ok, $35幾抵下，仲有得坐露天卡位，環境幾靚~兩個餐3個人食, $80睇數，多到食唔晒，仲想點？

座位窄, D嘢食上錯枱, 食物麻麻, 服務態度勁差, 埋單又耐. .... 我將佢列入黑名單, 以後都吾再去食.

我要話比大家知，一句講晒: 受氣~!!日期: 一年前的晚上人物: 我和男友事件1: 受氣指數~ 7分(10分滿) 漏order, 食物落錯檯, 待應浮雲, 晤夠人手...............事件2: 受氣指數~ 20分~!! (10分滿) 結賬後離座, 心想: 好歹都是一餐, 算吧.............忽然，被一位浮雲的待應叫停, 她不是說多謝晒拜拜; 而係用鄙視的語氣講：你地埋單未呀~?!............................o下? ...............!@$%#~!@#*&% 最後評論: 餐廳內的座位狹窄、以食物質素而評......不值此值錢。

見佢環境幾舒服幾企理．．．點知ｄ野咁難食～廿幾蚊份下午茶，兩個女仔都食ｏ左３個餐～份量極細。原味蝦湯晶粉好一般，唔知點解ｍｅｎｕ仲推介！個雞絲撈懞先離譜！一食就知係味精，勁多香料同胡椒粉！食到個口成陣味，喉嚨又唔舒服！只有個炒金邊粉勉強合格，但都炒到乾精精，而且冇咩料得ｄ芽菜囉。完全唔夠人手．．．咁既服務仲要加一．．最恐怖係我地個位見到ｄ師傅，將ｄ落單ｏ既紙放落碟ｏ野食個面度．．好核突囉！冇下次！

原味蝦湯晶粉幾好食~湯底酸酸may may咁,夠醒胃,d蝦又幾鮮甜下午茶$22(有加一)送野飲算抵食~

星期天早上去食個lunch, 佢個set lunch真係好抵架, 有一碗麵加一個drink都只係賣三十幾蚊，今次叫左個牛油雞翼，香芧豬扒撈檬，青檸梳打。牛油雞翼一客有4隻，係全翼好大隻，全部都係即炸個隻，雖然無咩牛油味, 但係好香脆好多肉, 好正! 香芧豬扒撈檬，青檸梳打個度d service唔錯, 個d waiter個個都好熱心，好勤力加水, 又好有心機咁介紹食物，service真係唔錯, 加上呢度個半開放式design, 令陽光可以穿透入店中, 感覺好開揚, 之前黎過食dinner, 不過原來食lunch個feel重正, 唔錯唔錯

回到公司，再與同事食生日飯，地點在嚐越~ 10個人，吃的東西太多，難以盡數，只記下推介食物：　- 春卷：香口而且大件，不過略嫌多油- 庶蝦：越南菜中最好的小食，這裡水準都okay！- 黑椒牛肉粒：牛肉很鬆較，調味也好~- 鑊仔炒金邊粉：金邊粉很滑，味道不錯，我吃了2碗！　但咖喱與飲品（我今次試黑芝麻奶露），仍然沒進步，相多不濟~ 而且服務也有待改善！

今日同左細表妹去左呢間餐廳, 由於我細表妹係小朋友, 所以我地只叫左3樣野share...不過冇樣掂...1.水晶鮮蝦扎肉卷$35, 得2件, 冇蝦...得扎肉一小塊..好搵笨2.南越蒸粉卷$28 共4件, 好硬..好似岩岩係,雪櫃拎出來...不知所謂3.香茅豬扒撈檬$35, 好油...d 豬扒好咸...唉...唔掂...冇下次..d 野食...比小x黎及越x園差十xxx倍, 好唔掂,坐得好迫.. D SERVICE OK 啦...

幾個月前同老婆去過，但係一定要講!!! 等大家唔好咁蠢去幫櫬!!1/ 嚐越炒飯，$68 係就係貴左d但係見係招牌野一於試下la！個賣相幾特別，白白地色，點知...食落口咸到阿媽都唔認得，咁都算喇!! 我同老婆食食o下仲有好多石仔o既物体食到"lok lok" 聲，再拎黎睇下....我懷疑係d粗鹽炒唔溶，跟住叫經理換過佢!!換過都冇乜心機食! 因為我覺得出面茶餐廳廿幾蚊o既楊洲炒飯好食過佢一萬倍!!!!!! $68............唉............>_<2/ 咖喱牛腩河，價錢$35 ! 牛腩又少又碎! 差! 河粉碎到夾唔倒! 好似賣淨尾咁!! 唔掂!又要出聲!! 換!! 喂!! 我地係消費者呀!! 唔好當我地白痴得架!!你賣十幾蚊我就尤你！你賣咁貴!!! #$@#!*(^^*()_xx@.....3/蒸粉皮，價錢唔平，細得緊要，兩啖食完!!! 唔抵!!!總結: 搵笨!!!!! 冇下次!! 嚐越好似係御將集團，佢其他食肆都係麻麻地!!!

(1)室內有冷氣，但佢地有度逍往噴水池的座位既門成日開出開入，攪到D熱氣成日衝曬入來，時冷時熱，食完呢餐即病。(2)水都無俾杯，要叫先識拿來。(3)叫了個$28海鮮湯，裡面配料係一隻蝦加兩三件番茄，呃$，如果係咁計我阿媽煲果D咪要成千蚊。(4)叫了個安南炒金邊粉，成個干炒牛河煮法，有D仲要未炒熟，一餅餅，係無乜料既，價錢好似係$68。(5)叫了個$68嚐越炒飯，呢個炒飯先係重點，一來到就見到白雪雪的，食落啖而無味得來仲要D飯係又凍又濕又一舊舊的，好耐未試過咁難食，即時叫阿媽唔好食，叫個waiter過來睇睇佢地個廚房炒D乜，D Waiter見到都唔知講乜好，因為實在差得好緊要，是旦搵個巴士站茶水站都炒得好過佢，以呢個價錢仲可以買到3盒。(6)叫了個$55牛柳粒紅飯，雖然賣相好過嚐越炒飯，但又係炒到一舊舊，牛柳粒裡面血淋淋的，總之都係差。總結：嚐越呢間餐廳真係嚐下好喇!本人奉勸各位唔好去，因為實在物非所值。http://www.metroplaza.com.hk/cybermall/metro/shop_info_popup?shop_id=539

哈~行下行下~到時候食飯啦~本想搵間酒家食飯..經過見到e間嚐越...幾靚呀~望下個menu,都有d好野食咁喎~咪試下啦...返正去酒家都未必有位--五個人去..叫左一個hkbank餐同吊燒雞...紅咖哩排骨..仲有小食--豬扒啦~春卷咁~~味道好好呀~hkbank餐個蟹真係好正~個汁好滑~~仲有d瓜做配菜--賣相器皿好特別..個鴨脯就一般啦~食個汁,d鴨都冇味o既..限食個蔗蝦都好香口.仲有爆蝦球..入面有鵝肝醬架..又幾夾喎~蒜容包..好普通o既野~但整得真係好脆好香..到燒雞啦~夠脆夠滑夠南乳咪~我唔點汁都好夠咪~但好可惜冇雞味..都成80蚊半隻架..都係雪床野,紅咖哩都幾好..d骨我就唔食啦~都係怪怪地咁.鍾意啖啖肉多d,豬扒好香好林~賣相好骨子,一層層咁上~整體上講...................正..服務方面,一入去個知客都好nice..服務都好好€呀~~我地唔鍾意食通菜,問個男經理可唔可以轉其他菜.果時都好忙下架啦~佢好快咁話,我問一問~轉頭返黎..得..冇問題~就算佢話唔轉得~我都覺得佢好好啦~今餐都算貴啦..但一個字..值..無意中發現好野... 下次會再去

呢道由越南村改為嚐越之後都未試過,咪諗住試下囉! 我們幾個女仔,叫了一些小食(春卷,乜乜粉卷....)春卷炸到晒, 於是就叫侍應來換, 但好似不願意換的樣子, 粉卷一夾就散,不要得........還有個越式炒金粉,(淋的)超難食,唉~~浪費我們的金錢.不會再來!!!