嚐越 (已結業)

我係一個東涌居民，都習慣左東涌食肆選擇少，不過近年東涌吸引左唔少旅遊人士同購物人士，所以食肆已經比原來多，可以話無咁沈悶，雖然質素唔可以同市區食肆比咁平均啦！嚐越進註東涌都好一段日子，亦都係我地經常幫襯既食肆，提供另類既選擇，尤其係夏天炎熱既日子。食物質素因不時幫襯下監測住，都覺得唔錯，但奇怪食評既得分比想像中差。等我講下我既體驗，食客可自行分析一下。叫左兩份 Set Lunch：自選小食 + 自選湯粉/飯 + 自選飲品 小食：- 越南春卷：春卷饀料好味，差在隔油時間不足，油油地！- 炸鳯尾蝦：炸得甘脆，蝦肉夠爽！*以上兩款均附上薯仔沙律，薯蓉裡面伴有沙律醬，酸酸地好開胃，我老公至愛，相信減肥人士只可淺嚐。 主食：- 雞排 + 燒豬肉湯朦粉：湯底唔係普通味精湯底，雖唔係頂級版，但係經過用心餚製，唔錯！雞排同燒豬肉味道與肉質一向都好，做到水準。不過同樣係隔油時間不足，油油地！- 豬排凍朦朦粉：豬排一向都做得嫩滑，尤其晚餐供應既豬排菜式更為突顯。 飲品：- 熱鹹檸蜜：無論冬、夏都係我既至愛。- 芒果亞麻子梳打：味道ok啦！對於針對中價食肆質素黎講，嚐越既食物質素、環境同服務同樣都達到唔錯既

行完大佛&大澳, 好攰, 見呢間有人排隊等, 所以試下叫咗$198 二人餐, 分量夠三個人食蝦棒+春捲拼盤:唔似即炸,似隔夜, 難食牛、雞串燒最好食, 夠滑, 又大件, 難得雞絲河粉有兩碗, 勁大碗豬頸肉炒翠肉瓜, D豬頸肉幾爽清炒雜菜, D菜幾新鮮椰汁黑糯米, 味道OK, 不過好細碗柚子鳳爪 (+$1送): 酸辣開胃整體O K, 最緊要坐得幾舒服, 加印象分

在昂平排隊落山排左個半鐘,沒氣力再挑選邊間食肆。胡亂入左去,食物都算吸引啦!雖然信用咭套餐,食品都唔錯,但我地都係想自己揀。鐵鍋惹味通菜,菜有點老,但都咬到,不用吐根。味道一般。鮮黃牛脊湯粉,湯清淡,牛肉尚少,整豌平平無奇,可餐牌上仲寫「推介」。南瓜海鮮湯,一點南瓜味都無,咸咸地,有點迷迭香味,好怪好難飲。胡椒大蜆煲,好胡椒bor!蜆亦非常新鮮!幸好食到呢度,有番d分數。青咖哩牛柳粒飯,正!雖然焗出來,無青色,但有青咖哩的小辣+椰香!牛柳小粒正好拌著飯吃!加$1越式豬肉串,好似台式肥肉腸!無甚特別。拌碟的薯蓉,響食完以上熱氣野,有少少「沙律」味道既野入口,係幾好既!不過佢微凍,感覺好似滔左出黎,唔知放左幾耐咁!

同男友halloween當日夜晚去迪士尼玩,諗住係東薈城逛逛食埋野先去~就發現左呢間咁有特色既餐廳,因為我估唔到一間越南餐廳會咁應節佈置得好靚,好特別!係門口已經狂影相,最意想不到係連佢地d侍應都化埋妝,見到佢地好開心囉 抵佢地咁旺啦!我地坐左張卡位,見到佢地d人好忙走黎走去~好唔好意思咁叫停左個靚仔主任(睇唔到佢叫咩名) 問下佢呢到有咩好食~咁佢就介紹左幾樣野比我地 之後問我地會唔會考慮叫夠$250蚊 可以加1蚊換半隻雞 佢話呢到d吊燒雞真係好好味! 不過佢又好坦白同我地講如果我地食夠250蚊再加埋半隻雞真係驚會食唔哂 哈哈 無錯 其實我地都係諗住食少少野ja 但係我地真係好想試下佢講果隻吊燒雞,佢話不如叫一個菠蘿炒飯+半隻吊燒雞+多杯野飲 又可以揀個 1蚊小食 我地就一於咁叫啦 good ! 佢真係勁好囉 又有禮貌 又有耐性(因為我地好多問題問佢^_^) 唔怪得呢間野,咁多人話d服務好啦~真係值得一讚!!!菠蘿炒飯 勁大隻 好抵食!吊燒雞 真係好好食>o< d皮脆卜卜 d肉好滑 正!!!佢仲介紹我地飲椰青 又係大大個好甜呀~今餐同男友真係食得好開心呀下次一定要同屋

今次要講既主要唔係食物質素,係服務質素!我地今曰去探完朋友,之後大家話想食越南野!甘就去左嘗越,一去到要等位,不過無所謂,入到去見到佢地好忙,之後梯菜排!!不過都唔知食D咩好,想叫佢地介紹下,第一次無人理,跟住見到個男侍應,叫佢埋黎,叫佢介紹下(我地4個人),佢問左我地有咩唔食得先,跟住答佢無,我同佢講要平要好食,佢就話叫一個2人餐+半隻雞+波羅反,好聽佢講,之後佢拎野食黎,到d食物到齊,佢問我地飽唔飽,我地覺得十分飽,同好好好食,我地無信錯人!又平($5xx)!我要講一講呢位男侍應,笑容好好,夠應識商店食品,做事有效率,俾我慼覺佢比任何一間高級食市既侍應更professional,會用心去站在我地立場,同令我地覺得好溫暖,加上佢都幾令仔,我覺得傑出就是佢(好似叫kenny)我一定會再去!!

呢間餐廳啱啱開張既時候啲野真係唔得不過最近食同上次食我都覺得啲食物唔錯特別係佢既香茅豬扒同埋啲撈檬豬扒夠嫩而且好香我叫嗰個春卷撈檬都好正啲春卷大大舊, 而且覺得佢好新鮮好脆(所以好熱氣-.-)另外嗰個咖喱牛腩飯, 好重香茅味唯一我覺得不足係汁比較少但份量足夠, 牛腩算夠淋總括黎講我覺得呢間餐廳唔值咁多喊面其實佢啲食物係唔錯的

星期日去東涌行街,男朋友話想食越南野,所以就話想去呢間嚐越.之前都上過來睇,評語都唔係咁好,但係男朋友叫到,咁就試下啦.去到都幾多人,要等位.終於有位,坐低左又無人理,水又無杯,不過唔緊要啦,但係之後落order又要等...兩個人叫左:1) 牛脊湯河,湯底雖然淡淡的,不過加左指天椒同青檸之後又覺得幾好味道2) 香茅豬扒,大大碗,我地兩個夠食~同埋豬扒煎得幾香口3) 蒸粉包,一碟有兩粒,剛剛一人一粒,漲卜卜咁,仲食到入面有好多材料,雖然味道淡一點,但反而唔會遮蓋左原本材料既味道~~幾好~4) 串燒牛肉,個汁都幾惹味,仲有個串燒用個盒盛住上幾特別~5) 南瓜什菜,幾好味,D菜都新鮮~ 好香牛油味~6) 青檸梳打,無咩特別,總括黎講呢餐飯都算唔錯~黎之前雖然無咩期望,但反而食完之後都覺得幾好,我同男朋友都好滿意~雖然間餐廳都幾難搵...不過都坐得好舒服~如果下次再入東涌都應該再食過~

經常聽朋友說東涌有間很好的越南餐廳,今日和家人去完迪士尼,就決定到嚐越行了很久終於找到了越式併盤:有粉卷,春卷,蔗蝦很熱,材料很新鮮什麼車頭粉:是我食過最正的牛肉湯河,尤其是那湯底,正正蚧肉炒粉C:很好吃,食完之後差點要再叫一碟:

剛一家大細回鄉探親完坐直通巴士回到東涌，理所當然去嚐越食野啦，這間越南菜館之前朋友介紹的，我已是第三次來了，貪這裡坐位舒適，食品有水準！我們叫左兩碗細牛粉，湯夠清但好香牛味，牛肉半生熟好鮮，加點青檸成碗粉都好清新醒胃。菠蘿炒飯金黃色好吸引，炒得又夠香口同入面新鮮清甜的菠蘿粒配搭的恰到好處！但好似貴小小還有豬扒也很抵贊，外層煎得夠香，但內面夠嫩滑有肉汁加上D蔥送飯一流！當然來這裡不能不吃串燒啦！有豬、牛、雞三种選擇，就咁食已經好正好夠味，再點那個惹味得來帶小小甜口的沙爹醬，令串燒不會過咸好好味！野菜鍋湯濃菜嫩OK牛柳粒不會太熟小小辣好惹味，好喜歡它配上番茄好可口值得一贊！

難得到東涌逛outlet, 肚子餓時來了這裡吃下午茶. 別以為下午茶不用等位, 原來也要拿票子等叫號碼! 等了約十多分鐘後, 才有位子坐下. 這間嚐越和九龍灣那間的裝修差不多, 有點東南亞風味. 店內的人也多, 不少還是在吃午餐. 點了鮮黃牛脊湯檬粉餐和雞絲酸湯水晶粉餐.服務不算殷勤, 坐下後良久也沒有侍應拿水給我們, 最後還是要我們開口要才有. 先來餐飲, 熱檸檬水沒甚特別, 但青檸梳打卻有點怪. 一般喝到的青檸梳打都帶甜味, 但這裡的卻帶鹹味, 味道也是怪怪的, 一點也不好喝. 鮮黃牛脊湯檬粉其實和平常吃的生牛肉河看起來差不多, 不過這個是用牛脊肉, 瘦一點而已. 雖然牛脊肉一點也不韌, 但卻沒有牛肉味道, 很明顯是雪藏貨.雞絲酸湯水晶粉則只有很微的酸味, 主要是由菠蘿帶來酸味. 水晶粉像韓國粉絲一般, 沒甚麼味道. 雞絲也是無味的, 不太喜歡.整體而言, 食物除了份量大以外, 無甚可取; 服務又不殷勤, 與同集團其他分店一樣的質素. 如果不是下午茶價錢較平之外, 實在沒有再光顧的理由.

好耐都約唔到朋友食晚飯, 難得大家有時間入東涌搵佢啦! 東涌有咩好食我真係唔太知, 由佢拍板吧! 嚐一次越菜啦......我哋懶得諗叫咗個二人套餐, 包括四個餸同兩碗湯濛1) 清炒雜菜---味道都好好蔬菜都算係新鮮2) 蒸粉包---外表好靚但其實都唔知係咩味, 因為淡而無味3) 串燒---香噴噴, 記得要趁熱食, 賣相又唔錯, 有豬. 牛. 雞選擇但我哋要牛同雞點埋沙嗲醬一 流4) 蒜香豬扒---超勁肥豬肉, 真係咬一啖想吐, 成口肥肉好難受囉...5) 香茅豬扒湯濛---碗濛湯味又無好似滾水泡咁, 叫人點食呀??其實二人套餐份量足夠三四人食飲品要加錢另叫....

本人第一次寫食評:今日,成家人放假,12點出街,唔知去邊好,聽啊媽講就去東涌行下,聽講有間越南餐廳,就去試下,不過都幾難搵= ="裝修就幾好,但係D食物冇咩越南既風味我地3個人1個細路都叫左好多野食下...細既生牛河2碗湯唔得,淡到冇味,D河粉就多湯就少,成碗完全冇鮮味,同埋我都第一次聽越南河粉有分大細蒸粉包:冇咩特色,普普通通,但係D魚露唔踮,好淡,仲要比得細細碗,我比較中意有一支魚露放係度任倒串燒雞:勁難食,D肉一咬就散開哂蝦春捲(差唔多既名):幾香口,不過食唔到有蝦(好細隻)南乳燒雞:我真係唔知越南有南乳燒雞,不過好好食,好似去酒樓擺酒食果D= ="唔知咩炒粉絲(名唔記得...):粉絲冇味,芽菜D味仲勁過D粉絲,仲好油埋單:$326,都一般不過D野唔好食,唔似越南野,正常情況下都唔會去食

因為去Hollywood Hotel嘅關係，又唔想去呢間Hotel裡面食ｄ又貴又唔吸引嘅Buffet,所以就一家三口出左黎東涌搵野食，之前已經想同老婆黎呢間野食，但係最終就試左樓上嘅金滬庭 講番呢間鋪頭，第一個印象都幾好，門口嘅waiter都幾好人，Remind我地８點後有７折，如果佢唔提我地，我地玩到咁餓，一定已經衝左入去食ｌｕ，好在當時已經７：５６，唔需要等好耐就已經嗌飛．當晚我地點左以下幾樣野食： １．椰皇青咖哩牛腩飯　－　一如我地所料，價錢咁平，一定好細個，味道真係普普通通，感覺唔到有青咖哩同牛腩嘅存在，反而好奇怪有啲白汁芝士嘅味道２．香茅豬扒湯濛　－　先講豬扒，都幾肥，不過味道ｏｋ，幾香口。到湯濛ｏ勒，白色粗身的，原全唔係我地想要嘅湯濛，反而似米粉多ｄ囉，不過職員ａ堅稱ｏ個ｄ係正宗湯濛，佢話我地講ｏ個ｄ叫濛粉ｗｏｒ，其實ｏ個個waitress都唔係幾禮貌，不過老婆好大方要左佢，ｈｍ．．．．老婆真係善解人意３．上湯雜菜　－　ｏｋ喇，不過唔加辣會更好，攪到囡囡冇得食！４．三越（春捲拼盤）　－　漏左單，所以冇黎過５．芒果黑糯米　－　黑糯米鬆散，無左黏口煙韌嘅特性，不過芒果夠甜，加番

行左一日，玩左一日，昂平吊車都玩埋，再戰東涌平價店舖，對腳已不是自己，就之但搵左一間越南野食，６點半鐘，人不多，但都要坐門口卡位。被門口的一蚊小菜吸引了，點知要叫夠２００蚊先可以叫一碟，匯豐銀行信用卡既餐又唔吸引！但最終都叫了以下食物：最先上的係：火車頭河粉：粉多而冇味，湯也冇味，牛丸又味道，牛肉三小塊，更不用提，太淋太熟，完全唔掂檔！椰皇黃咖哩海鮮飯：好熱，但很小份，味道不過不失啦！嚐越咖哩牛：都不錯，但肉很少！咖哩味不辣適中。上湯雜菜：多菜且熱，款式都很多！都ＯＫ！酸白雲鳳爪：酸酸地好醒胃，但好遲先上，唔係好得！呢個唔係一早就整定咖喇咩？有咩理由咁遲先上枱？本來仲叫左一個軟殼蟹的，但點知上枱食左兩啖之後覺得好咸，真係食唔落喇！叫佢幫我地ＣＡＮＣＥＬ左佢！埋單一人都要一佰蚊，唔係好抵！

其實呢餐都係好耐之前既事，我記得間野都係遠離地鐵站果邊。就試下呢度既下午茶，我叫左個生熟牛肉湯河同牛油雞翼。生熟牛肉湯河個色水都幾好睇，好明顯牛肉有生有熟既。而牛肉都算幾淋既，但肉味就唔多夠啦。而個湯底都唔差既，個湯好清又甜甜地。加小小魚露都幾好食既。但我覺得最好食既湯河都係荃灣既金滿都，哈哈。牛油雞翼由於係即炸既關係，所以最遲先上。雞翼好夠熱，但我覺得雞翼鹹左小小。而且個味濃左，不過，個雞翼都幾多件，但下次個味唔使太濃架。凍奶茶普通既港式味道，但都唔算特別好飲。呢間野下午茶都唔算多人，個感覺好靜。呢間野五點到六點會休息既，但食緊野既客人係唔會特別趕走佢地既。