嚐味 (已結業)

媽咪之前行愉景新城，成日都話想試下呢間野，唔知算係馬來西亞定新加坡之類既餐廳！今日返去荃灣，乜都無食就同佢去左呢間野食！環境唔錯，都幾乾淨既，裝修都靚，咁我地就叫左碗豬頸肉既喇沙米線，什錦喇沙同燒雞沙嗲加酸辣鳳爪試下！好失望，碗喇沙無椰汁味，顏色都唔同，好唔正宗，好淡！唯一豬頸肉係好軟身，切得薄薄一層容易咬！味道唔錯！然後酸辣鳳爪不過不失！燒雞串既沙嗲，份量少，比較濕唔似燒出黎！味道唔錯！但完全唔似沙嗲！呢間野，只可以講！唔會再食！

味皇分支嚐味吸引人的正是這啡叫一個26元早餐一大杯超值2料米肉丁加 沙茶牛普通 間間味道差不多但總體價錢還公道只好 咖啡是非常好大熱好味濃而芬芳不苦澀會不會頂死那些咖啡專門店?????很讚

夜晚成9點，商場好多都cut 咗order。經過嚐味，專食東南亞菜，待應就喺門口話要食野就入嚟啦，9點半cut order，仲有時間啊。睇睇時間都夜，唯有入去試下啦。入到去環境都幾好，幾乾淨。菜單都幾多選擇。飯，粉炒野都有，價錢普通，唔太貴又唔太平。酸辣凰瓜味道ok，35蚊得8隻度就少咗啲。無骨海南雞飯份量唔太多，食哂都唔太飽。雞味ok，肉質滑可以一試叻沙扎肉米線湯無叻沙味，超濃味精，唔辣但超濃辣椒粉同胡椒味，飲完喉嚨超渴扎肉無扎肉味，只有重重既黑胡椒味。全味精，整體差碗叻沙較為ok係啲米線。食完飲咗成杯冰飲都解唔到渴總括，入嚟餵飽自己就算，唔好期望食到東南亞既味道。

愉景新城係小朋友天地，生左個囡當然要帶佢出街玩下啦！近近地去荃灣小試牛刀，飲完奶奶食飽飽就到我同太太醫肚！我地揀左新加坡菜，因為太太想食喇沙，愉景新城既餐廳好貼心，門口有BB車停泊位，方便家庭。我地坐左係近門口位，叫左兩個下午茶，呢度既下午茶絕對係茶餐廳價錢！豬頸肉喇沙湯米線 + 香茅豬肉喇沙湯米線先講個喇沙湯，唔係好辣唔係好濃，同新加坡的差得遠囉！不過又唔算"稀"的，唔夠辣令我有啲失望...湯內有半隻蛋，豆腐卜同菜，配料方面都OK。豬頸肉有六片，顏色係紅紅地色，驟眼睇好似未熟咁食既時候有啲擔心，其實凍肉舖賣豬頸肉都好平，唔明點解要$42咁貴呢？香茅豬扒好啲，香茅味好濃厚，豬排的網紋好靚而且線條分明豬排肉質香嫩美味，呢個35蚊抵食啲！凍飲加$3，意料中事，好彩都算大杯！

早上八時許，又要做一個重要決定，去那一間餐廳吃早餐呢？一份美味的早餐確實能令我精神爽利，開工也會特別興奮！ 現在愉景新城的選擇確實多了，大家樂是我經常去的一間，快靚正( 以它的價錢來說), 今天依舊有很多人排隊，由於時間有鬆動不用趕，所以去了對面比較人小的嚐味。已經來過數次，嚐味其實是一間有東南亞美食的茶餐廳，座位比起大家樂舒適，裝飾也比較有特色。今天發現它的早餐多了不同的選擇( 港式) ，有少許進步。揀選了番茄腸仔粒湯通粉，湯底味濃不會過酸過鹹，只嫌湯底比較稀，晨早吃酸酸的通粉確實有醒胃的作用。配料有數件番茄及一些腸仔粒，還有幾條芥蘭菜，而通粉口感一般。牛乳炒蛋味道也算不差，但從質感和口感來說，它沒有大家樂的香滑，確實比下去，沒有驚喜.另外有一份土司，薄薄的土司看似正正常常，土司內已經塗上牛油，不似大家樂會附上一小盒牛油(多小可以自己決定), 拿開上面一塊後，才驚覺下面的一塊土司特別細，不知是否故意有此安排，感覺不良好！這裡的熱咖啡我頗喜歡，咖啡香，易入口，而大家樂的咖啡就更濃味。兩者我都喜愛。雖然來了數次，但今次才發現每邊座位的小擺設都有不同，頗精緻。而這個時段只有二三成客人，不用

今日放假嚟嘆個早餐,嚟過這間餐廳很多次,因坐位都舒服及大間,仲有啲熊公仔做裝飾,感覺唔錯,所以,今日唸住食豪啲,未食過這個早餐就叫了個牛角包牛柳餐,38元望到個餐牌個牛角飽幾大個,仲有黃豆和沙律,應該夠飽.等了一陣,早餐送上買相已不太吸引,牛扒個樣都ok ,和張相個樣都差不多。但個牛角包真係超級迷你“,一口牛角包”, 真係接受唔到。 立即叫經理,但佢話係咁樣。我話咁我接受唔到,之後她就幫我換了一份多士。我才接受。 多士都很脆口牛扒不是太靭,蛋都炒得頗滑,生菜撈了千島醬,味道唔錯。奶茶略為奶味重一點 。下次都是叫麵餐會穩鎮啲

叫左香茅豬扒飯，買相好味 豬扒厚切肥美，香茅味好濃，煎左表面香脆，內𥚃又嫰又淋，個汁加蛋撈飯，汁太咸了！蛋煎得太久,連蛋黃也全熟，成個飯好乾。反而沙律一讚，沙律菜新鮮嫩綠，加芝麻沙律汁可口，菜爽口👍🏻👍🏻

吾知點解呢排食飯我成日都是吃東南亞既菜式，仲要係吃海南雞啊。可能味道好食，又或者我上了癮啊！我今次去嚐味呢間餐廳，我點左一碟海南雞食，可能我想食哂全港既海南雞飯..哈。呢碟海南雞既肉都非常厚身，我知隻雞本身都大隻的。望落去都幾新鮮，食入口就真係幾鮮味，都係無骨既，呢個係幾緊要的。全部雞肉相信都係經精心炮製過的，雞皮同雞肉都係容易分開的，油油的而滑身，煮既火候剛好，令到雞肉滑滑好味，正。調味料方面係比左一款酸酸地又甜甜地，而有少少辣的醬料配搭，食落都幾好味。

今日一早起身,來到嚐味食早餐,今天想揀簡單點的，叫了咖央多士配火腿炒蛋.多士有3件,烘得少少燶,恰到好處,很香脆.但咖央略為少了點,只吃到少少甜味,不足夠。蛋炒得很香滑,沙律菜其實亦有點少,但有5款不同的嘢食,都很滿足。熱奶茶,很有茶味,用了寫上香港情懷的瓦杯,好似特別好味的

荃灣愉景新城大翻新後，沒有了大眾化的Food Court, 取而代之多了一些不同的餐廳，嚐味便是其中一家。午餐時，客人不算太多。亞洲特色美食，說穿了就係乜都有得食，不要預期做得精緻，入得口已收貨。和風拉麵，馬來喇沙，泰式冬蔭公湯河，越式三寶飯，睇完個Menu就好似參加完一個亞洲環遊鴨仔團。此情此景，只求飽肚，海南雞套餐可能是最playsafe 的選擇，最後點了一個$70的無骨海南雞套餐。先來的雪耳椰子湯感覺對辦，大大塊的雪耳，湯頭椰子味濃，滿意！油菜大大碟，這對於以食飽為objective的我來說，絕對收貨。最後的主角，去骨海南雞飯，味道冇問題，雞的肉質亦算嫩，跟上的泰式酸汁亦同個雞好夾，尤其欣賞伴碟的西式菜沙律，有落dressing, 有誠意，但.......雞的份量真係有點少得肉酸！老實講，呢個餐索價$70, 在荃灣區你收呢個價位，但份量真係少得過份，呢個商場我都食過幾間餐廳，你樓下的日本餐廳，午市定食，$80,我已有一個牛肉鍋，一個飯，三塊壽司，一個蒸蛋，一個沙律，係少你一杯凍檸茶，究竟係你個舖位特別貴租，定係你的員工人工特別高，還是你的食水特別深呢？

今日返返下工，阿敏突然問我今晚得唔得閒陪佢食飯，咁岩老公今晚出去食飯，我地就約左係荃灣等，近佢又近我~一路行去愉景新城條橋，見到POSTER，開左間新既新加坡菜，於是就去試下啦~我地去到都係7點，人不多可以直入，叫左個二人套餐SHARE食~無骨海南雞(半隻): 老實講真係唔多覺呢隻有半隻..我覺得份量好少，但係無骨又的確食起上黎好方便，呢半隻雞麻麻地，雞皮厚，可以好清楚見到D肥膏，雞肉偏小，肉質唔嫩，鞋口既..個海南雞醬都係一般，無乜特色。香茅豬扒: 有5件算OK，呢個反而烤得好好味!!!清楚見到豬扒被烤過既痕跡，香茅味又香又重，食起上落好香口。豬扒烤得脆脆地，又鎖住D肉汁，食既時間唔會變左”乾爭爭”，仲好JUICY!!!豬扒亦唔韌，VERY GOOD!炭燒菠蘿釀去骨雞翼: 睇個名起初我以為係好大舊菠蘿包住D雞翼…心諗咁勁既?點知原來係調返轉，我屎蠢XD 菠蘿無乜特別，亦唔覺得炭燒過，不過幾甜，係就係細粒左D，但要比雞翼包住嘛無計啦XD至於去骨雞翼就真係有炭燒過喎，燒得好香好入味，個面又唔油，係隻雞翼細左少少…真係一口雞翼呀!

我最鐘意係試新餐廳，今日我見到荃灣呢間都算新晚餐廳，我就決定要一試喇。餐廳主打係亞洲特式餐廳，其實又係東南亞美食，我今次點左道香茅豬扒飯，因好耐無食過香茅了。好喇我既香茅豬扒到了，眼見同個menu有少許出入，點解吾係切片呢？宜家係全塊上，不過吾緊要，自己切都得。碟上有太陽蛋附上，沙律、蝦片及白飯。我首先試左塊豬扒，望落有少許似牛扒，都好易切，因為好法薄身，豬扒上有好多香茅配料放左係上面，我試一啖入口，都幾有香茅既味道，少許咸既味道，肉身都煎得幾香，林林地幾易入口。我再加埋太陽蛋一起食，太陽蛋就無味道的，可能加留少許豉油會更加好。另外呢度係有薑蓉跟埋既，我試下呢個配搭有幾得意啊。仲有我最尾食埋塊蝦片，都不過不失。總結，食物質數算合格啦，價錢算是抵食，可以一試既。

今曰同做朋友去左荃灣愉景新城隔離體育場打羽毛球,玩完好n肚餓,行返去愉景新城揾野食,揾到依間餐廳,1入去見好似包埸甘..無人!我就坐底點菜,叫d店員落單,叫左2聲見d店員只顧吹水!甘咪大聲d叫店員lo,有個卒之行埋黎,但黑面甘行過黎!點左豬扒飯食,豬扒飯黎到,o下..件豬扒又薄又干,想點呀!食落無口感無質感,重有雪藏味,完全無豬味可言,我食左2片,忍唔住埋單走人(唔會有下次lo..)

係荃灣收工,行下行下,去左愉景新城睇衫,睇完衫咪去揾野食la..我入左門口,個收銀重望我5秒,我講1位食飯,佢直頭唔彩我我自己坐底就算,好難先叫到服務員落單,因為佢o地吹水中!我叫左雞油飯,隻雞有小許雞肉味,肉質鬆軟,但雞肉只得3件係正常有,下面果d全部屍底貨,姐係頭搭尾碎肉!油飯係涷左的,1d熱力都無....態度差,野食唔得....依間餐廳竟然可以生存到,好野!唔怪得甘大個餐廳裏面,幾乎四野無人!我眼見得2台

今日黎到愉景新城搵野食! 屋企人提議試試東南亞菜式! 因為屋企人到先, 我後來先去, 入到去好似茶餐廳咁, 大叫感覺其實其經不太好! 我們一行四人, 見到有個四人套餐唔諗就order 了!無骨海南雞半隻  味道同醬汁不錯! 但肉質比較乾身!同埋好多雞皮, 有點肥... 炭燒豬頸肉好乾身, 好似食豬肉乾咁,其實份量唔算好小, 但係佢既味道一d都唔吸引!泰式蝦餅同埋春卷比較隱陣, 都係一般既蝦餅味, 春卷沒特別, 點酸甜醬汁, 不錯呀!至於酸辣鳳爪真係唔好食, 濕身既, 可能係佢既汁或者係佢既特式,但係正常酸辣鳳爪唔會咁既質地, 所以我覺得怪怪地!炭燒菠蘿釀去骨雞翼哩個可以話咁多味之中最特別, 入面有一粒菠蘿,食到酸酸既味道, 去骨雞翼既味道都唔錯既!大蝦胡麻醬田園沙津既味道一般, 沙律菜不夠新鮮!真係冇特別可言..仲有馬來咖哩雞皇同咖哩簿餅,雞皇味道好差, 雖然咖哩夠辣, 但雞皇肉有d"梅", 咖哩簿餅比較好, 佢既2隻咖啡係唔一樣既, 我比較鐘意咖哩簿餅既一款!最後冬陰功湯, 佢係用細細個煱即時煲熱, 或可keep住溫度,煲熱煲左好耐好耐都唔滖....好似冇火咁...淡而冇味, 冇乜材