嚐味 (已結業)

香港人一向鐘情吃東南亞菜，星馬泰菜系均各有特色，亦已相當入屋及對港人胃口。 沒假期去當地旅遊？可以味蕾先行，來「嚐味」品嚐一系列菜式，感受其傳統當地美食的獨特魅力。 「招牌無骨海南雞飯」$52 雞隻來自自家農埸放養，採用無激素，無公害，用粟米飼料飼養90天的雞種，雞味特別鮮味濃郁，吃得更健康。 加上人手去骨，再配以椰香油飯及自家秘製醬汁，似在曼谷當地吃到的，廚師弄得皮下沒有那層肥雞油，雞皮薄脆口感似海蜇，肉滑，必定一試難忘。 「喇沙龍蝦湯雜錦米線」$50 喇沙湯底以上等龍蝦，優質豬骨、老雞、並用獨特的地道泰國傳統配方調製。 超過二十種材料慢煮而成的湯底乃精華所在、再配上新鮮椰汁添加東南亞風味，湯鮮且龍蝦味特出，令人再三回味。 「坑燒厚切牛脷飯」$50 牛脷先用秘制滷水汁，慢煮至肉質嫩滑，經厚切處理，再用坑燒方法烹調，表厚香口，內𥚃鮮嫩多汁，亦令焦香多一重層次。厚切有質感，柔軟度高，好下飯。 「馬來咖喱牛腩」$50 馬來咖喱系列利用丁香、肉桂、茴香、肉豆蔻等十多種上等香料，配合新鮮椰汁調製，並加入薯仔粒提升口感，香與辣均並重，相當惹味。牛腩和牛筋都炆得入味，用來配白

今日應承兩個細路買玩具，奬勵佢地參加朗誦比賽的勇氣！响D-Park買完禮物就順便食埋午餐，諗住平平地食茶餐廳攪掂，於是乎就揀左「嚐味」。呢度食新加坡菜，有海南雞同埋肉骨茶等南洋美食！無骨海南雞都係賣五十幾，招牌鹽焗雞飯都係五十有找，緊係要試試！小朋友就食瑞士汁雞肶飯。先講個冇骨海南雞，賣相認真「麻麻地」，啲雞真係起曬雞皮，毛孔十分粗大，睇見都得人驚！而且隻雞都幾肥，雞皮多過雞肉，結果大半碟都冇食到，無情情做左「大嘥鬼」。至於招牌鹽焗雞，可食度也偏低，六件雞入面只有一舊係肉，其餘都係骨，好明顯將貨就價。味道方面亦食唔到鹽焗雞應有的鹹味，風味略嫌不足！至於瑞士汁雞肶雖然好入味，但廚師努力地掩飾雞肶的「雪」味，結果煮到啲雞肶肉又老又鞋。講到尾兩碟娃娃菜係唯一可取的野食，而餐具「油笠笠」令人對其衛生水平大扣印象分。對此間「嚐味」完全對味道不以為然，實在有點失望，希望在價錢做到抵食之餘亦要多加注意食物的味道，先乎合「嚐味」的初衷。

之前間唔時有食開，貪佢外賣自取$50海南雞飯有湯，算抵食。今日夜晚肚餓餓地，唔想煮飯，諗住再去試下，一睇發覺加左價，盒又轉埋(即係份量少左)，又無左湯，都算啦，當你經營成本高左啦，竟然連海南雞醬都無俾埋，薑油又無，仲慘過食白切雞，有冇搞錯。原本服務都麻麻，出面又懶係野放個咩托兒area，好心專心搞返好d平時服務同食物質素仲好啦，雞又唔滑，飯又無味，你連醬都唔俾我，唔怪得之晚市個場都唔多人，呢鋪真係要入永久黑名單。

星期日的午餐，時常都系遲遲的😂😂休閒的午餐時間，令人響往🥣海鮮喇沙：大大碗上檯，賣相吸引。湯底濃濃的，小辣，料足，具龍蝦味！內有魚塊、蛋、生菜、蟹柳、青口及蝦粒！不錯。另叫了海南雞飯，超大份的！三種調料以供食用。飯香，雞肉外皮滑，肉質還好，不屬好嫩滑，但其價錢十分平民小食：炸蟹餅其樣貌十分吸引，兩件$35，不算好底。蟹餅炸過過時，外是脆香，內是少硬，不是那麼吸引。平民餐廳，價格及其份量是親民。

中秋佳節可以提早下班，一個人單拖食午飯，上了訂座apps隨意找了間餐廳。結果來到了愉景新城的「嚐味」。可能是平日的關係，店內頗多空座位。餐廳以藍綠色為主調，再配合地下階磚的印花，甚有東南亞風味。由於筆者使用了訂座apps上的優惠，所以只能夠單點食物。（不過，筆者發現午巿套餐是附有飲品，而單點食物則需另外點飲品，所以實際上也沒有什麼優惠可言。）最近筆者愛上了冬蔭功湯底，它的香和惹味令人不其然胃口大開。而今次的冬蔭功湯底偏重椰奶味，喝下去嚐到陣陣奶香，也不會太辣。海南雞絲肉質頗滑。但可惜廚房切了雞翼位給筆者，雞皮部份比雞肉還要多。今次的雜菌，是配上雞髀菇和草菇。菇類可以索入冬蔭功湯底的美味，更能滿足味覺享受。筆者留意到，入內光顧的都多是附近街坊。可能是因為餐廳在商場內位處的位置不太當眼吧～說真的，如不是有訂座apps，筆者也不會知道愉景新城有這家餐廳呢。

同老公黎呢度睇戲，見訂位有折就訂定位先，點知原來呢個鐘數都五係爆場囉，佢個票尾有升級特飲，所以嗌左下午茶餐冇散叫，個涼粉冰真係冇得輸，不過個鴛鴦紅豆冰就爭左小小，不過算啦都五差

今日黎荃灣上堂，一個人又五知食咩好，上到電梯見到有肉骨茶諗住試下啦，點知原來12點後先有，咁唯有揀其他野食啦，試個香茅豬扒炒蛋飯，同埋凍檸水，原來只係$41咋我問個侍應係味計錯數，佢話係早鳥優惠，星期一至五都有，每日都五同，等我下次再黎試下先

店內劃分部分空間可以提供玩具給小童享用，店內環境頗為舒適，產品質素包括份量及味道也可以，星期六中午時段相信是較為繁忙，服務效率及出餐速度也是到位，下次到愉景新城會再來。

本來已經blacklist咗佢兩年，今日路過佢門口，發覺餐牌有啲改變，多咗啲中式套餐，於是就想畀個機會佢。點知， 坐低咗之後，發覺佢依然係污糟如舊，拉開個筷子櫃，嗰啲筷子入面有十粒八粒乾咗嘅葱，好明顯係洗碗嘅時候嗰兜水唔乾淨，而擺筷子嗰位人兄，又係盲嘅一樣照擺落去！叫咗個70蚊嘅豬肚雞煲，除咗嗰五六粒豬肚同埋啲湯係食得落肚之外，其他嗰五六件雞全部都係嗰啲切出嚟嘅頭頭尾尾、骨慘慘嘅“下欄”，而侍應嘅水準依然低落，除咗佢喺擺碟餸落嚟時幾乎車碟餸埋嚟我個頭之外，仲係依舊每次擺飯落嚟都係搵隻手掌罩住啲飯！做飲食最基本嘅嘢都冇，你話死未！

今日去到，坐低無人執野。仲要15~20分鐘先有人肯落單，全程啲伙計吾理人，全間店得一個人可以落單，態度亦差，問伙計拎張紙巾都話無哂!重點未食完就直接收野，唔會問下仲要唔要。點解可咁做生意!食物質素尚可，不過真係唔會再去!

難得星期六能早起！ 即刻梳洗完落商場食個早餐先！ 平時食開隔離的熊仔餐廳！今次第一次食呢間茶記！ 可能愉景商場主題係兒童商場，所以餐廳的設計都十分有趣！ 有好多公仔/玩具作裝飾，店鋪的色彩都好繽紛，食野都食得好開心！ 而且近門口收銀處還有地方俾小朋友玩耍！ 係香港地真係我第一次係茶餐廳見到！ 哈哈！打完一大輪好似唔多關事食早餐事！anyway 早餐order 了五香肉丁麵 肉丁普通，但多士同炒蛋都不錯！ 整體早餐都不錯！ good morning !! 岩曬一家大細黎食！

上星期六下午我同兩個女和工人姐姐原先諗住去食麥記，但因太多人搵唔到位，於是改去第二度，經過嚐味見有位，於是入去試下。妹妹揀咗菠蘿炒飯，打算同工人姐姐share, 碟飯好快就送到，妹妹同工人姐姐各自分飯到碗內，當阿妹食咗幾啖飯後同我講話d炒飯冇菠蘿，我於是檢查在碗內和碟上的炒飯，發覺真係一件菠蘿都冇，只有蕃茄丶蛋絲丶肉粒和少許肉鬆，於是我就叫個男侍應問他究竟這碟係唔係菠蘿炒飯，佢話要入去廚房問一問，之後佢就攞咗個碗裝住幾粒罐頭菠蘿比我，話之前漏咗，而家補返俾你，我話我哋叫的是菠蘿炒飯，唔係菠蘿伴飯，麻煩佢去廚房換過一碟俾我，跟著侍應就叫妹妹同工人姐姐將她倆碗內的炒飯倒番落碟，我哋照做完後，男侍應就攞返碟炒飯入廚房。冇幾耐有另一位侍應就攞嚟一碟炒飯飯比我哋，碟飯係就係有菠蘿炒過，之但係個份量好似同被收時差不多，而且d材料好似同原先嗰份差不多(除咗今次多咗菠蘿之外)，我覺得可疑，於是就找回原先那位男侍應，問他這碟炒飯是否新做的，但他竟說這是用剛才我們的那碟飯再加菠蘿炒返出嚟⋯⋯OMG! 想不到這間店舖竟然這樣對待食客，將不同食客食過的炒飯一齊倒返落碟後再加菠蘿炒返出來比我哋，真的太嘔心了！這

琴晚去食嘢 咁我今日呢已經好想食炒貴叼咁就去樓下間食啦 跟住呢叫完之後 隔咗2分鐘咁啦 嗰個女人呢落單嗰個 就話今日冇貴刁喎河粉都冇 跟住呢我就話 咁我已好不耐煩 跟住就話今日要炒飯囉 是但啦 跟住呢再隔多2分鐘 佢話今日廚房唔做炒野 跟住我已經好唔gur想拍枱 跟住呢是但叫咗個飯啦 跟住我哋見到個廚房推出有炒貴刁喎

星期日，又臨近新年，食個晚飯到到都要等，去到愉景新城，見到呢間竟然有位，就同屋企人選擇左呢間，點知就中曬伏首先先講個炒飯，泰式肉碎炒飯？？我問個員工，呢個係泰式肉碎炒飯，佢猶豫左一下答我⋯係⋯⋯燒烏頭竟然係冰凍上！！打開錫紙果一刻，竟然係凍冰冰，立即叫人整熱去蔗蝦變蝦餅，呢個都係小問題椰子雞湯淡如水⋯黎到已經想食海南雞飯，點知好失望，好un.....成餐飯，無様好食，最估唔到燒魚會係凍上永無下次再食！！！

放工經過屋企附近, 睇到嚐味有新火鍋!! 比起對面一人火鍋好似吸引d。天氣又咁凍...立即叫埋媽咪落黎打邊爐!!佢有好多選擇, 有羊腩煲又有椰子雞煲亦都有烤魚, 好似幾正咁...我同媽咪都係泰國菜迷...所以我地二話不說, 叫左"泰皇雞煲" $148, 足料!!! Good Good!!整體其實幾好味, 我試過好多類似用冬陰公做湯底嘅火鍋, 不過好多都只係得個辣字....佢唔似出面d冬陰公湯底齋辣, 佢酸度同辣度啱啱好, 非常香!!!仲有椰青飲, $35!! 抵喎!佢有做promotion, 一至五都有d煲平!! 值得一試!!