嚐味 (已結業)

一個香茅豬扒河等足半個鐘都未有，同桌既鐵板到左加埋食完都未到，下午6時15分落單，由成間鋪得3枱客等到滿座，明明黎既時候無咩人無咩單都要搞咁耐，以後真係唔會再幫襯。

0907分落order嘅我地其實未食完。40分被趕行去收銀處付款。見我飲緊水未起身竟然對我大叫出櫃檯俾錢。43分執我張枱。。間店10幾張枱客變到個個被催趕。急急腳。全速食到胃都痛。唔知食氣飽定食野飽。成功9。45成為尾2被趕走。。另一枱最尾個枱係930last order前落單。全間鋪俾住壓力佢地食真係好慘。。。本身已經唔係好食。仲要爭分奪秒，無人阻到佢地1000收工 。今日第一次去，下次唔敢再去。。

只要有兒童的地方就有家長，愉景新城似乎在這幾年慢慢領悟到這種連帶關係，逐漸轉型將愉景新城打造成一個兒童樂園，所以，你會看見這裡的不少餐廳都加入兒童的元素，例如嚐味，就在門口設置個區域，劃分為兒童玩具區，玩具是兒童注意力的殺手，當他們專注在玩玩具的時候，就無法對其家長發出超人死光，對家長而言是一大喜訊。兒童看見玩具而開心，家長看見兒童開心而開心，所以，家長會更願意在一間這樣的餐廳內等候入座。玩具區是前提，重點是菜式，一看餐牌，菜式海納百川，多個地方美食融為一體，而且一個套餐很多東西吃，其它比較之下，極之遜色，看似十分抵食，不消想，即點了一個二人套餐B($187)，包含：海南雞(例牌)：有鮮甜辣醬伴碟，同M記的泰式辣醬差不多是同一番風味，醮多幾次，你不知自己吃的是M記雞還是海南雞，吃著吃著，你會發現自己迷失在一堆小雞雞之中，不知那隻小雞雞才是自己的...庶蝦：隻炸蝦包含在碌庶入面，臨死前還專登留低蝦尾好讓我認得出它是一隻蝦，放心，你對比翼雙蝦尾，就算你化左蝦我都會認得你。我好像是第一次吃，別有一番風味，庶十分清甜，即時有衝動回家買碌庶咬，又有衝動買隻蝦舔，心想著若果我一啖庶一啖蝦，雙手交替

因為小朋友逢weekend都在愉景新城上英文堂！所以已經熟悉整個商場！早餐來講，呢間絕對係第一推薦！由其帶著小朋友的家！因為此餐廳大門位置設有小朋友玩樂區，而且每隔一段時間玩樂區的玩具會轉，之前是車車主題，現在是智力遊戲為主。除此之外，每份早餐可以外加$8多一碗小朋友食既通心粉，食第方面真心有考慮到家長同小朋友既需要。因為家長唔再需為左就小朋友放自己想點既早餐，需又唔需要再另外點份全餐比小朋友！一份早餐加$8通心粉！$40賣單！大人小朋友夠飽！一流！

今日午餐叫咗個外賣，冇記錯佢個名係香茅豬扒肉碎飯，老老實實呢間野係食東南亞風味，但係我食唔出有任何東南亞風味，感覺上係似茶餐廳多啲，豬扒方面我覺得佢有少少乾爭爭，同埋有少少鞋，肉碎方面尚可以，下次嘅話我一定唔會叫呢個飯，佢價錢上有少少貴，講就講話食東南亞野，但我感覺上覺覺得佢係普通貨色，可能愉景新城冇乜太多嘢食啦基本上好多時，例如下午呢間野都好爆場，周年你想外賣自取都要等超級無敵耐，究竟呢間野值唔值得等呢？你試過就知啦

今日中午過來食晏，人流勁多的餐廳，其實系類似茶餐廳，不過也越南野食，也有其他亞洲菜式，種類多。今日點了一份台式鹽酥雞滷肉蛋飯，好大碗，有4大件雞，足夠一個人食量，只須$48，不過質素一般，鹽酥雞太多炸粉，蛋太硬，只可以用抵食大碟來形容。

響商場買完野想食埋飯先走, 成個商場平既餐廳唔多, 所以揀左呢間嚐味, 有D東南亞茶餐廳feel.晚餐有款精選二人套餐, A至F任揀, 都係148蚊, 好似都幾抵食.A要左無骨海南雞, 睇落都算幾多肉, 肉質算幾滑, 唔太多肥, 個伴汁酸酸地幾醒胃.B要左串燒沙爹雞, 有成4串, 條條都大大串, 雞肉都幾滑, 不過沙爹味唔夠, 個汁又較稀.C要泰式春卷, 有4小條, 都幾脆口, 但味道偏淡, 餡料都係正常野, 無咩特別.D要肉燥四季豆, 四季豆炒得幾爽口, 不過較油, 肉燥就唔算太濃味, 都係台式好味D.最後E要左白飯, F要左紅豆冰, 成個餐都幾多野食, 2人都食得夠飽.

今日同小朋友黎商場玩，肚餓就諗著隨便入一間餐廳食野。間間餐廳都排滿晒人，貪快入黎呢間食，點知惡夢就咁開始。喇沙冇味，豬頸肉仲鞋過呀伯個屎忽。間野根本就唔係人食，唔信就親自黎試下 ，你岩食既話就通知我，屋企有幾包就過期既狗糧，我送俾你。

中午時份，與朋友一起吃飯。正好見這餐廳好多人，所以叫了一个三人餐一試。東南亞拼盆整體而言，都很好尤其是那蝦餅，又大又厚又外脆內軟！味道很足，很好。小心燙口就好。馬來咖喱牛腩，好大碗。大部份都是咖喱，牛腩只有5个左右，但肉很厚。咖哩就有点偏油（對於不吃辣的人而言，辣），所以吃後口腔會有油膩膩的辣感。酸辣鳳爪，一盤只有幾支，不过是去硬骨的，所以也算價格合理。味道有想似偏的辣甜辣醬，很鮮味，很有咬口。雜菌上湯浸時菜，很清淡。菜是刚熟的，所以不老，但就是菌不夠入味。咖哩薄餅，薄餅很脆，有手抓餅的感覺。不用咖哩醬也有淡淡的鹹味。這咖哩較牛腩的不油、不辣。很好吃我叫了杯 話梅柑桔梳打，完全沒柑桔的味道服務方面：店員很慢，要等好久才有人理衛生：碗筷真是不乾淨，都油油的，还有飯粒、菜碎。環境：整體是不錯的。就是人多時，走路有些困難，怕撞到其他用餐的人。

週末才掛8號風球，只可以選擇附近的餐廳醫肚餐廳餐牌上9成為全日menu，常餐，港式小菜，星馬泰菜式都有，選擇很多，一大班朋友來就可以照顧到不同需要！牛舌蛋包飯似乎是本店的主打，有一張獨立的menu介紹。牛舌雖說不上入口即溶，但十分厚切，軟滑適中，十分滿足。蛋包飯中規中矩，有家的感覺。雜錦海鮮叻沙有點喜出望外，湯底十分濃郁，有椰香味道，而且配料也豐富，魚塊，青口，蝦隻，樣樣俱全！餐飲以普通餐廳來說，熱奶茶算是不錯，茶味夠！

行下街,行到咁上下又唔算餓,等到下午茶時候先去食野都冇問題又唔使等咁耐,又有下午茶餐叫食好多個餐都有粉麵再加個多士,麵加多士都係40蚊左右再加個野飲結果我就叫左個香茅豬扒喇沙龍蝦湯米線加個熱奶茶盛惠$42...講返個餐先豬扒同米線分開另上,豬扒都尚算入味,煎左後比較油同埋唔夠香口,可以再煎香一點龍蝦湯米線就中等,喇沙同龍蝦夾埋好似有少少互搶味道個人反而喜愛濃味一點既喇沙奶茶都幾香幾滑,.香茅豬扒喇沙龍蝦湯米線加個熱奶茶這個配合都幾好

係荃灣放左工之後，大概七點到，行左荃灣天地，行左一陣都未諗到食乜，又見到嚐味有少少位，又見到佢地推出既二人同餐好坁食咁，148就有勁互勁多野食，就同朋友入左去食。入到去個環境都幾好，侍應耂好貼心咁比左二人餐張紙同筆我地，介紹我地食二人餐。所以最後我地就嗌左二人餐啦，但我個frd真係好想食農夫包，然而又無得跟餐，所以就散叫左個咖喱農夫包。首先，覺得要讚既係食物上得超級快，又夠熱辣辣，岩曬我依個餓鬼。另外，食物方面覺得都平均都係中上水平，夠熱夠味，但又未到世界級好食，但唯一覺得可惜係個生菜包，啲肉的確唔好食，所以最後只係靜番個生菜包，其他都清曬。總括就覺得依間係個平價平民餐廳，諗唔到食咩可以試下👍🏿

好少行黎荃灣區，今日甘岩要係荃灣傾生意就選擇左呢間嚐越食個午餐。一坐底見到海南雞飯同牛脷飯係必食推介，甘同友人諗都無諗即時order la.首先黎左碟海南雞飯，m....m...個賣相真係再食啖雞雞肉好un....加上價錢又五平，完全無諗過係甘既質素。好多地區都好過佢之後黎左碟牛脷蛋飯，蛋飯賣相👌🏼仲好好味但係個牛脷同幅圖五一樣之餘仲要好難食 好un... 間餐廳仲要話係必食推介都只有甘既質素，好難想像其他食物會係點🤔又或者飯類做得五精緻，下次有機會會試下湯河類，如果仲有下次的話！

今日年初三，在商場見到這間門口貼了很多食品相片，主要是東南亞，品種多，賣相不錯，便試下，入到去看餐牌原來是味皇的進化版，怪不得食品種類有些一樣，但是價錢貴些，像我今晚吃的海南無骨雞飯餐，跟湯及菜，75元，覺得貴了，雞肉量不多，一碗飯如男人吃會覺不夠份量，女孩吃叫做啱啱好。馬來亞咖喱牛腩飯，汁多但餸很少，少辣，愛用汁撈飯吃會喜愛。牛脷飯的牛脷不夠冧，無紅酒味。總結是今晚填飽個肚。早之係咁就過對面大家樂食。

麵，湯淡而無味雞翼，唔熟人手唔夠，櫃檯、樓面、傳菜、收拾清潔等一腳踢，好難有質素！曾經有次係深水埗食過一間茶記，個湯啲味同滾水冇分別。呢間只係比滾水湯底好少少！屋企煮出前一丁好過