嚐仙 (已結業)

最近聽得多呢間台灣過江龍仙草芋圓店咁啱想食甜品就單純嚟咗食lu😂🍧雙芋仙草奶凍 +小丸子 ($49)2個人share 呢個甜品例牌list out 啲材料先😗有芋泥 芋圓 仙草 紅豆 珍珠 小丸子同牛奶冰怕甜嘅我哋叫咗半甜😀紅豆同珍珠 個甜度恰到好處芋泥比想像中細 唔夠綿密仙草偏向稀少少嘅質地 唔夠實淨芋圓味道可以 但份量略少 食完都有少少唔太滿足覺得主角<雙芋>嘅份量可以加多返少少咁其他材料就唔會喧賓奪主喇🙆‍♀️

＊呢一站太子＊😋五式牛奶冰(7/10)＊配料揀選咗布丁、小丸子、芋圓、地瓜泥及黑糖凍，各配料分量都算多1.布丁味道唔太甜，淡淡甜味淡淡奶味2. 小丸子分量特別多，口感非常煙韌3. 芋圓有2款：地瓜圓及芋頭圓，有淡淡味道，質感超級煙韌4. 地瓜泥重地瓜味，勁似食緊一個冷凍地瓜，另外地瓜泥唔係完全壓成泥，食落會有地瓜碎粒，口感不錯5. 黑糖凍質感滑溜溜，微微黑糖味＊冰底分量適量，唔會太多太少，一口有晒配料同冰，消暑一流＊同網上其他評語不同之處（正常有奶底？），今次冰底本身完全無任何味道，唯有加煉奶一齊食，只加煉奶味道唔夠濃郁，另外只加煉奶會令到加到唔夠味道平均，所以有啲會較甜有啲會較淡

管理超差人手極度不足，排隊十級混亂，又叫人哋點餐先後入座，排到隊俾錢又叫我再排隊，入邊有大量位置冇人安排，等咗40分鐘先有得食，西餐牛扒都煎好了，甜品同普通兼且貴，我推介大家食soymart 世界第一

食完飯之後整返碗糖水相信係好多人嘅指定動作🙌🏻 特別係最近日日都咁熱🥵 食碗夠曬清涼嘅糖水就岩曬啦🫶🏻🥰 今次就介紹嚐仙新出嘅 《芋圓冰淇淋系統》🍧！ 岩曬呢排咁熱嘅天氣啊～🔹冰淇淋五式牛奶冰首先雪糕方面可以選擇仙草 / 椰子 / 雲呢嗱味🍧 今次我就試左仙草味😋 五種配料可以憑個人喜好任意搭配😍 其中揀左煙韌又好味嘅芋圓😍 同埋小朋友最愛嘅布丁🥰 配上甜甜嘅煉奶，成件事更昇華🫶🏻 🔹芋圓冰淇淋黑糖凍黑糖冰做底唔單止夠曬香甜，冰底真係消暑一流🫶🏻 有選擇困難症嘅話呢款就岩你啦🤣 清爽夏日搭配：芋圓、椰果、水蜜桃🍑，嚐試已經幫你諗好！🥰

之前都食過一次呢間甜品舖，價錢非常之親民40至$60就有一個甜品就要大大份可以share喎！今次嚟到旺角呢間分店位置非常之闊落可以慢慢食！今次試咗佢哋新出嘅甜品，真心大推，完全吊打鮮芋仙，個人真係覺得鮮芋仙唔好食！🍴冰淇淋五式黑糖冰 $69 (8.5/10)自選雪糕再加五種配料！要咗椰子雪糕，芋泥、芋圓、地瓜泥、布丁、黑糖凍、嫩仙草！黑糖凍微微黑糖味幾香但係唔甜，嫩仙草好滑，椰子雪糕好香濃椰子味，入邊有啲椰子粒粒，一啲都唔甜，布甸都好滑有蛋味，芋圓好煙韌，個冰係普通碎冰但係都有黑糖味，香香地但係比較清淡唔會太甜。芋泥好香滑好濃芋頭味，真心好抵食又好食，兩個人share啱啱好！推薦指數: 8.5/10抵食大份又好食，完全滿足你想食台式甜品嘅所有慾望，有得自選配料，平平哋都可以食到好食嘅甜品😆

嚐仙係香港已經開左好多間分店，之前見到尖沙咀分店大排長龍，最後都食唔到，今次終於係旺角試到啦🤩一去到舖頭，出面有幾個食客等待同鼓躁中😳，無論你點樣叫d員工，佢地都好似充耳不聞咁，不少食客憤然離開😡，最後經過漫長既等待，終於有一位職員出黎招待我地，指示我地同其他食客排隊，明明見到入面已有整理好既位置，依然叫我地排隊，幸好等待五分鐘後，終於可以入座了。入面座位寬敞舒適，適合聊天，但可惜人手嚴重不足😥，顧客走了，等待好耐，都沒有人能即時清理枱面。今次，我地就叫左三款甜品：（一）小丸子一號（熱）首先，要稱讚佢地既芋圓，非常煙韌，有咬口，好Q彈，十分出色👍，珍珠甜度適中及入味，即使咬多幾啖依然有甜味，不會只有外層包住糖漿，食食下就淡而無味，小丸子軟硬度適中，再加上紅豆🫘林林嘅質感，成碗糖水既口感十分豐富，令人滿足😁。（二）黃金地瓜泥黑糖凍 呢個黑糖凍的黑糖味道並不太出，唔知仲以為食緊普通既仙草，地瓜泥既蕃薯🍠味道不太濃，淨食地瓜泥時甜度不足，食落去仲有d渣渣既感覺，不過因為有紅豆🫘，珍珠🧋同埋芋圓既襯托，令成個甜品加了不少分數，同埋鮮奶🥛都有畫龍點睛既效果，令口感更順滑，呢個甜品就中規中矩，個人

夏天熱辣辣，除咗行商場消暑之後，緊係要食返啲消暑美食。嚐仙係好多地方都有分店，最近仲係旺角moko開左新分店，地點咁方便緊係要捧下場。Menu上面有季節限定咁要試試佢。季節限定係芋圓冰淇淋，所以揀咗冰淇淋五式牛奶冰，可以先揀冰淇淋嘅味道，有仙草味、椰子味同埋雲尼娜味，仙草味冰淇淋咁特別緊係要揀，五種材料方面，揀左芋圓、嫩仙草、紅豆、薏仁同埋小丸子，然後佢係會有個牛奶同冰底，用嚟消暑真係一流，同埋分量真係好多。另外叫左個五式燒仙草，留意番係熱食既，可以揀五款材料都係可以自由配搭，呢款就揀左芝麻湯圓、芋泥、薏仁、花生，熱食係要配湯圓，湯圓有驚喜。飲品叫左芋泥西米露鮮奶同埋黑糖仙草烏龍拿鐵。芋頭西米露鮮奶本身已經有少少嘅甜度，唔會話覺得偏甜，成件事好夾。作為仙草控，飲品一定要配仙草，而且佢嘅烏龍拿鐵既茶味好突出，無糖嘅話成件事好健康。

買杯嘢飲要加錢好奇怪平時行街買杯珍珠奶茶都唔會另外charge「外賣費」咁我以為係charge膠袋費就同店員講我唔需要膠袋點知佢話係charge個杯有趣有趣😅😅😅（ps staff態度都唔太friendly）杯嘢飲就不過不失個人唔太鍾意飲甜嘢但冇得request走糖，fineGiven 杯嘢飲嘅質素，個人覺得個價錢係偏貴呢個價錢一定有其他更好嘅選擇

近排喺旺角食完野想食甜品 又知道佢喺旺角又新分店 仲有新推出嘅雪糕系列 所以打算去試吓 唔知好唔好食呢😚👅芋圓冰淇淋仙草凍（椰子）$59 佢嘅配料好豐富 有芋圓 水蜜桃 同椰果 仲有雪糕添 芋圓夠晒大粒同煙韌😋椰果同埋雪糕最啱係夏天食 夠晒清爽😝椰子雪糕嘅味道都好突出 正🤤👅冰淇淋五式牛奶冰（雲呢拿）$69呢個可以自選五樣唔同嘅配料 可以揀晒自己鍾意嗰啲 我哋揀咗芝麻湯圓 紅豆 芋圓 珍珠同小丸子 略嫌芝麻湯圓個皮厚咗少少 不過小丸子食落夠彈牙 唔會好粉🥰珍珠煙煙韌韌 好食🤩👅黑糖神仙珍珠奶 $33佢嘅珍珠都係夠彈性🙈黑糖唔會好甜👅芋泥西米露鮮奶 $32芋泥同西米嘅份量好多 都唔錯😙總括嚟講 呢間嘅甜品都唔錯😋尤其係佢新推出嘅雪糕系列 啱晒夏天食 大家不妨嚟呢度一試😆😋 好味：8.34/10🤑 價錢：7.97/10🤗 服務：7.23/10😝 環境：7.45/10😚 衞生：7.19/10🤩 整體：8.21/10

去買戲票，怎能不開心嚐嚐台式美味。 在奇怪的時間，就可以不用等位，自選入座，開心hea住食，沒有人山人海之感覺，才chill。 一坐下就看罷餐牌，只有五式燒仙草有多種食材可以自選，（芋泥，芋圓，紅豆，珍珠，芝麻湯圓）。 一大碗看到就很開心，仲要玩尋寶，加遊戲……眾裡尋她……想食咩，就要隨緣了。 燒仙草：熱食，清甜順滑，令人滿足芝麻湯圓：芝麻味香濃，正合心意芋圓：有咬口，質感厚實芋泥：芋頭味濃，軟滑香甜，食多顆也沒有問題珍珠：口感超好，馬上想去珍珠奶茶，，正宗台味道紅豆：火候十足，做到起沙，就是我所愛的口感

原本我都好喜歡佢ge飲品，經常在尖沙咀分店買，今次嚟到旺角新開呢一間完全唔掂！叫咗一碗糖水，我問店員要等幾耐左右，佢話5至10分鐘，之後我足足等咗25分鐘，勁想取消唔要，見到佢外賣已經得個三/四個人等緊，都可以咁耐，堂食又唔係爆曬位，不過最安慰嘅係，佢碗糖水唔係太難食，叫咗雙芋仙草奶凍，但係芋圓就太少得4粒，尖沙咀份量多DD～整體價錢就貴咗少少

Moko新開左嚐仙, 嗌左碗經典嘅雙芋仙草奶凍試吓新店野食quality掂唔掂先<雙芋仙草奶凍>雙芋仙草奶凍好足料, 裏面有一球芋泥、珍珠、芋圓、地瓜圓、紅豆同仙草芋泥好綿好實在珍珠、芋圓同地瓜圓都煮到啱啱好, 外軟內煙韌仙草好多好滑

之前都一直有幫襯哩間台灣甜品店🍧佢哋主打 手工芋泥 同 芋圓最近得知佢哋推出咗冰淇淋系列🍨有🌿仙草味/🥥椰子味/🌼雲呢拿味個人認為甜品就係要搭配雪糕先過癮！！於是就迫不及待去新開嘅MOKO店試試🤣🔎冰淇淋五式黑糖冰💰69五式冰嘅好處就係可以自選五款不同材料配料我揀咗芋圓、芋泥、嫩仙草、紅豆、小丸子再搭配仙草味雪糕，整體口感非常豐富我都係第一次食仙草味雪糕，好夠味道仙草好滑🤤芋圓、小丸子都好煙韌！淋上自家手炒嘅台灣黑糖，健康無添加～正👍🏻🔎冰淇淋五式牛奶冰 💰69哩碗牛奶冰落單嘅時候掛住揀配料冇唸到搭配出來成碗白雪雪😂同黑糖冰形成了鮮明的對比🌚🌝哩碗揀咗布丁、綠豆、薏仁、小丸子、芋圓覺得夏天就係要食綠豆、薏仁清清熱🥵搭配椰子味嘅雪糕🍨 椰子味好突出🥥果然有雪糕嘅甜品先至夠完美～MOKO店環境寬敞，店內佈置都幾適合打卡📸豐富配料搭配金邊黑碗~特別有質感！🔎芋見桂花綠茶椰果 💰36夏天點可以少咗茶嘅存在🍵桂花+綠茶帶來了清新嘅感覺椰果+芋圓QQ彈彈用料好足，飲一杯已經好飽了😂🔎芋泥紅豆鮮奶 💰32哩杯真係好絲滑所有材料都打得好細膩哩三種材料搭配得恰到好處又係一款超級飽肚的飲品😋絕對係芋泥愛好

椰子味雪糕超推薦🥥🤩甜度適中 仲可以食到椰子乾👏🏻好好味 鍾意椰香嘅朋友唔好錯過❤️.椰子味冰淇淋五式牛奶冰 $69任擇五款唔同配料😍呢個個底係牛奶冰🍼奶香好重 溶咗都好好飲 佢仲會配埋煉奶(加咗會再甜啲 奶香更重) 我加1/3就夠😝配料今次揀咗芋泥、芋圓、紅豆、綠豆、地瓜泥芋圓、芋泥同紅豆不嬲都食開 質素一樣咁好芋泥天然粉香 甜度適中 間中食到少少芋粒紅豆係粒粒飽滿嘅紅豆🫘今次試綠豆都唔錯不過我就鍾意紅豆多啲😜地瓜泥好甘甜 質感比芋泥軟糯 各有特色🍠芋圓一貫水準 煙韌Q彈 係我香港食過最好食😋.雲尼拿味冰淇淋芋圓愛玉凍 $59呢款就黑糖冰底 愛玉凍酸酸甜甜超解渴🤣❤️雲呢拿味雪糕就係雲呢拿味🤣甜度正常 椰子味比較特別xd .芋泥紅豆鮮奶 $32呢杯點熱嘅真係好暖胃🥰 芋泥同紅豆超夾😍其實已經encore左幾次😁.芝味仙草烏龍茶 $35第一次點呢杯！佢哋嘅芝士奶蓋超好味😍鹹香十足 芝味濃郁 茶味都好濃 配埋滑溜仙草 味道同口感都100分👏🏻❤️.

平時都有食開銅鑼灣嗰間，今日行過旺角，咁啱佢出咗個新嘅款，有雪糕on top。雪糕有雲呢拿同仙草味，本來想試椰子，但佢未有，唯有下一次再試。我覺得搭雪糕仲好食過牛奶冰，出奇咁夾，可能再加埋天氣熱，好解暑。