嘉麗園潮州粉麵餐廳

营业中

休息中

地方好嘈,服務超差,唔好坐,地下唔乾淨,成日skip單好處:所有丸類別都好好食,尤其係墨魚丸,(雖然我覺得尖咀雞記正d),魚旦都好爽,叫八寶河(米或麵...)就可以試勻咁制,25蚊大大碗,好飽不過有味精,辣椒油好辣唔好落太多十寶就係牛什等(你去叫牛什麵呢,就冇十寶咁多款),牛什都好入味,不過好腩唔夠腍身三併:炸豆腐,炸大腸,炸春卷ok,即整,一時時抵食,因為一時會好細兜如果唔計較環境,服務平平地又幾好食又幾大兜既麵,可以一試ps,大兜係只限25蚊碗d 乜寶物寶=)

環境太嘈雜,侍應不停用擴音器說話,真係不時鬧伙計。話明粉麵餐廳,客人一入去唔叫飲品,佢例唔俾清茶一杯,擺明想閣下叫飲品。

試過兩次,一次食牛雜同魚旦,第二次食牛鞭.牛雜就算平平無奇,普通水平,未至於特出.魚旦就幾好,口感唔錯,味精又未至於太多.不過食魚旦粉無腩汁就完全食唔出湯底有咩味,廣告之中所言實虛,各位食粉切記要叫佢加色.牛鞭同牛腩一樣味,口感似牛筋,做得尚算幾好.我比較喜歡佢d牛春子,口感軟,味道淡,大大片咁,幾好味.整體尼講都算一間幾好既潮州粉面鋪,食物種類都幾多,又有d幾有新意,夠創新.店面寬敞乾淨,服務幾好,值得一試.中位價錢,粉面十柒大元左右.

唔知你地鐘唔鐘意食佢d墨魚丸，我勁愛囉……而佢果度賣得最貴o既都係佢，100蚊一斤。我上次用左50蚊買左半斤，得十九粒而淨食墨丸一碗就廿一蚊七粒真係幾好味o家

今日去食麵,又叫左杯五花茶飲,但侍應有叫無線咪,只不過係其他外藉女傭一時聽唔到唧,我同侍應追番杯野飲俾老闆見到,老闆為左一杯五花茶求其捉住兩個伙記猛鬧,搞到我都唔好意思,追單又累人俾人鬧,唔追又頸渴趕住送麵入肚,唉...呢度食野氣氛太緊張喇~

呢間野標明全店不用味精,但一食落口就即刻勁口渴,我就話佢係...全店不落味精(咁少)就真!

我至憎間野成日變化d 麵0既配料,有時俾幾條菜你,有時又加d 芽菜仔,有時d 腩汁又加鬼死咁多,有時d 乾蒜又鬼死咁多,同埋有時俾蔥有時又唔俾,次次食都唔同風味,但係最弊唔好食多過好食,我食潮州粉麵都係鐘意清湯多d 。我仲憎佢地唔寫單成鬼日嗌咪好得死嘈,最差就係有時俾杯清茶你有時又唔俾,我覺得服務0既野一定要執正d , 佢地0既圓檯唔知你地有冇發覺,係比較人體學25~28 咐高好多,我諗可能係唔想咁多一家大細黎幫襯,因為多細路未必會食多碗,而且進食速度又慢,又要多個碗仔又霸多個位。另一樣最唔好就係果度d 侍應成日趕客咁,未食完碗麵抖下氣佢已經急不及待拎走隻碗,有客等時又猛叫d 客圍0係身邊逼你埋單走。講真如果放假諗住輕輕鬆鬆食下野傾下偈,我就勸大家唔好幫襯佢啦,因為佢地個潮州火爆老細出哂名係又燥又多聲氣,睇見佢成日鬧d 伙記兼且呱呱叫0既性格,再加埋佢地d 伙記用頸咪高峰成日嘈,真係好抆掙好煩!

上次同朋友去食, 好味又唔係貴.衰在過份珠光寶氣, 叫我眼花瞭亂.

以前去元朗探亞公亞婆, 我一定會去食. 因為我勁愛佢d 魚蛋河, 魚蛋爽, 河粉滑, d 湯底好夠味. 辣椒油又辣喎!!<br />不過佢真係好多人幫襯, 成日都要等位架. 最攪笑就係d 伙計唔駛用紙筆落單, 佢地係用無線咪架. 都虧佢老闆諗得到<br />好耐冇去啦, 諗起都想食, 唔知d 水準有冇差到.

平時去食粉麵都係叫些例牌野.但呢度好特別,四寶河平時就食得多,但呢度居然有七寶去到十寶,真係想點選擇都得呀!而且味道都算不錯,不過環境就迫些,嘈些啦!因為那些伙計會掛住個咪,係咁係度叫,嘈死人

講真﹐對嘉麗園﹐我係有一定既感情﹔皆因細個既時候成日幫襯。仲記得以前D丸河好好食﹐平均黎講﹐水準都幾好。事隔數年﹐今日重遊故地﹐想回味一下。點知...真係”昔非今比“﹐尤其是碟油菜﹐收得唔平﹐但係就又少又”諗“到爛﹐灼到過晒火。唉﹗爭下氣啦好心﹗

比起勝利牛丸, 呢間好食好多, 但就真係好多人好迫, 仲會有人用咪嘈住你食野, 同埋都幾貴。

雖然D人話好好咪,確實真係幾好味,全因全部味精味,味精咪話唔係貴,唔係點會賣咁貴,仲有可樂係身邊,唔怕超級味精味,哈哈!!!!