影片
以上资料只供参考，请与餐厅确认详情
食记 (253)
$50蚊 牛腩河 +$9两粒牛丸我觉得屋企楼下碗$28仲好食过呢间好啲嘅牛腩要$73一碗 太贵冇嗌到 唔知好唔好食普通牛腩好硬 咬完都吞唔到夹硬食咗两嚿，基本上净食面 牛丸无味 唯一觉得辣椒油好食 可以送面 性价比低
继续阅读
以前住喺元朗差唔多个个礼拜都会去帮衬佢🤩嘉丽园因为佢啲墨鱼真系非常好食，系我食过咁多间粉面档最好食嘅一间！但系如果次次嗌墨鱼面一嚟比较寡越来又好似好闷咁! 所以我就会嗌四宝粉有一粒墨丸有两粒鱼胶仲有两粒扎肉望落好似丰富好多，而每一样嘢都好好味~~ 地道嘢真系特别唔同😛😛除咗四宝粉系我至爱之外我另外仲会加多碟腐乳通菜又有菜食又好味🤤当然配埋可乐就唔少得啦如果咁样叫大概$100一位，但食完系超级满足之后搬来元朗间中如果入去我都会回忆一下☺️呢啲除咗食个味，仲要食过回忆😛
继续阅读
讲到元朗食牛腩，一定系老字号嘉丽园，元朗街坊一定认识，听日听得多，食就未食过，今日去咗元朗行街，终于可以去试下。睇介意佢仲有牛4宝食，不过我系唔够胆食嘅店舖装修好有香港特色，老式潮州粉面，最有气势系面档个招牌原来牛腩都可以有好多选择，有平有贵，有唔同部位，今次叫咗碗新鲜牛腩河，新鲜牛腩牛味特别香浓，牛腩带小肥唔会太韧。汤头亦都系重牛骨味，用料十足，浓而不咸地址元朗康景街9号利景楼地下5号舖港铁朗屏站E出口，步行约13分钟
继续阅读
嘉丽园元朗经典 特式 老店 人地话冇食过同冇去过元朗一样 😂你又有无食过？宵夜精选 早餐特选 店铺系任何事段都欢迎光临 夜店 24 不关门 😂浦吧后宵夜我怀疑佢系开24 😂😂我任何时候去去都系营业嘅寻晚饮完酒去食左四宝丸子紫菜河粉加醋，超好味无限醋 重口味 常餐-沙嗲牛肉公仔面配两𩠌😂呢个系经典选择仲有一个选项，就系加通菜 不过寻晚我哋太饱，所以冇加如果你想食啲特别嘢仲有𠮶啲咩咩特色野 牛欢喜牛鞭食 😂以形补形 😂😂😂
继续阅读
元朗老字号嘅嘉丽园，一如以往咁好味！细细个已经成日去食！牛腩河嘅冰鲜牛腩反而最好食，牛肉好冧，重牛味，肉同肉之间有小小筋位，好好食。紫菜四宝河啲鱼蛋同猪肉丸都好弹牙，好好食。腐乳通菜都好正，腐乳味道好香但都唔会话好咸，通菜唔会有渣，加埋腩汁一流！豆浆偏甜，但豆味好浓。总括而言，嘉丽园果然系元朗嘅老字号，食物味道一流，质素好高！如果你钟意食粉面，呢度嘅牛腩河同紫菜四宝河一定唔会令你失望！🍜😋🫣
继续阅读
您可能会有兴趣的...