嘉寶漢堡 (嘉寶大廈)

营业中

休息中

慢煮牛肉漢堡,小店變人氣漢堡專家葵涌光輝圍起家,真正香港人港式漢堡專門店自當年開幕已經慢慢成為人氣店之前更加走到尖沙咀開設分店,走出工廠區手工漢堡,製作需時,但換來係味道更好!值得等待!慢煮既漢堡扒,肉質更滑更香,配上特製既麵包新鮮厚切番茄,生菜片,芝士,仲有新鮮既炒菇片麵包有焗過烘過,食起來特別多汁,有蔬菜平衡油膩感,難怪排隊30分鐘都人潮不散深受食客歡迎係有原因而家呢間鋪位係新搬鋪位葵涌青山公路葵涌段499號嘉寶大廈地下A&B號舖

之前試過兩次放工想嚟食，但一夜少少就已經賣曬d漢堡，已經係仆到去架喇，有一次買到熱狗咁大把。上星期六晏晝三點幾嚟終於買到喇，不過牛肉都係賣曬，已經算早架喎雙層芝士牛堡要轉做雙層芝士豬堡添...呢度鋪唔算大，環境正正常常咁，人流幾多下，出名所以成日好難買到想食嘅嘢，但真係好好食又唔貴，成個包都好新鮮，舊肉好好味，多汁又夠香，熱辣辣，加埋芝士一齊真係好正。個人真係鍾意牛多個豬，下次可能要佢開鋪無耐就要到先叫到牛堡

之前喺呢度返工嘅時候，同事就帶過嚟呢度食漢堡，真係超級高質，今日就帶男朋友嚟呢度食。佢嘅看到款式都有差唔多30種，第一次嚟嘅時候真係會揀咗好耐架。平時我就鍾意食蜜糖芥茉菠蘿豬堡，今次就試吓新野啦，叫咗一個BBQ豬蛋堡$31，一個芝士牛堡$31，兩個都加咗套餐，另外再買多兩隻原味雞翼樂園order之後店員會比一個牌你整好嘅時候佢就會震動你跟住佢去拎，汽水就自己喺個汽水櫃度拎嘅。因為佢所有漢堡都係即叫即整，所以都要等一段時間先會上枱，但相信我呢個等待係絕對值得嘅！你睇吓芝士牛堡芝士係幾咁吸引呢！以佢嘅牛肉豬肉同埋雞肉都係手打嘅漢堡扒，同連鎖店嗰啲好唔同㗎而我呢個豬蛋堡，咬開蛋仲係留心添架，咁嘅價錢真係好高質素，如果係中環嗰啲漢堡店應該要過百蚊強烈推介大家要黎試下，咁多種款式我都唔知幾時可以試完啦哈哈

想食漢堡包🍔薯條🍟 但又唔想食金拱門？咁就要試下嘉寶漢堡啦😛😛呢個唔單止地方都好大 好多野都好方便而你唔鍾意食牛肉 可以轉食豬 雞 牛添而且薯條都可以轉薯格 薯餅 薯仔等等🍔芝士牛堡 $31牛堡面包有烘過 仲有滿滿嘅芥末醬牛肉好juicy 咬落爆曬汁🤤🤤套餐+13薯條仲可以加錢轉薯格🤤🤤我仲加左10蚊食個BBQ雞翼🤫🤫雞翼大大隻 佈滿BBQ汁 好入味啊🤤叫左咁多野食 都係用左56蚊🤭🤭超抵啊🤯

漢堡包🍔最緊要多汁juicy, 喺葵涌呢間小店嘉寶漢堡就絕對做到，仲有唔少漢堡包款式任君選擇，個人就鍾意菠蘿牛堡，酸酸甜甜嘅菠蘿減低牛肉嘅油膩程度，又夠開胃，絕對係match!其他小食好似炸燒賣咁，都好值得一試，但前提梗係要加舖頭嘅辣椒油啦！左手邊個個係誠意推介嘅芝士牛堡，唔食牛嘅可以改豬肉或者雞肉。右手邊就係芝士烤菇牛堡，烤菇有啲草腥味，所以個人覺得麻麻地，同埋要打開成個口先咬到個包，食個時會有小小論盡

🍔🍟🥤又來尋找漢堡包店@kabo.burger 呢度有多款漢堡比你揀，有岩愛食肉既（牛🐄，豬🐷，雞🐔，羊🐑）唔想食肉類亦有海鮮（蝦🦐）可以揀。每款漢堡或慢煮小食都可以$13升級套裝有小食有野飲（薯條，薯塊，燒賣，炸燒賣，薯格+$2，凱撒沙律+$4，）。飲品方面除左一般既罐裝汽水，奶茶，咖啡外，亦有茶類，較少有既洋甘菊茶都可以係呢度搵到👍🧀🧀🐄🍔雙層芝士牛堡$50 -》+$13 薯條，提子汁面包非常鬆軟，牛肉好juicy,生菜好fresh,芝士係可以溶到成個包都有，正🤤🤤🍟薯條係條條都熱辣辣既粗薯條🍗🍔麻醬雞堡$27 -》+$13 薯塊，洋甘菊茶面包同樣鬆軟，麻醬同雞肉好夾，完全一啲油膩都冇。薯塊用薯餅切細細件去炸，第一次甘樣食，好好味。香脆粟米片雞塊配蛋黃醬$20有6件，麥樂雞黏上粟米片去炸，脆卜卜超好食食完熱氣野飲杯洋甘菊茶清下熱😊📍青山公路499號嘉寶大廈地下A-B鋪, Kwai Chung#嘉寶漢堡

呢間黃店曾經 漢堡價錢貼地 大約$27-$50就可以食到 有🐮丶🐔同🐷同🐑漢堡 「烤菇芝士牛肉堡🐮🍄($50) 」菇菇同牛肉都爆多汁！重牛味！「日式芥末雞堡🐔🇯🇵($27)」雖然唔係一塊雞扒所以小失望 但估唔到佢雞肉漢堡同樣爆汁！芥末味好惹味！(+$13) 配套餐可有薯條/薯塊🍟同汽水🥤注意⚠️：食嘅時候小狼狽...約男神女神bb食飯要諗清楚💩-This burger restaurant The burgers are affordable, costing around $27-$50 each. There are 🐮, 🐔, 🐷 and 🐑 burgers. The 「Grilled Mushroom Beef Cheese Burger🐮🍄($50) 」is made of a big grilled mushroom and juicy minced beef.「Japanese-style Chicken Burger with Mustard Sauce🐔🇯🇵($27)」 is surprisingly juicy and savoury too! You can (+$

又係平靚正既黃店之選🙊🌟平均一個大大個既漢堡都係30零蚊✌🏻-呢到$68蚊就食到我餓住入捧住個肚走🤰🏻😂黑松露芝士牛堡 $45張相塊牛扒比啲黑松露醬同芝士遮住左 但其實佢一啲都唔細塊😂😂起碼有一吋幾厚 同埋一食就食得出唔係街買現成返呢果啲牛扒 而且唔會煎得太乾 仲食到啲肉汁 雖然價錢平 但個黑松露汁一啲都唔hea 都幾香黑松露味架☺️🌟星級套餐+$13 就可以要個小食同杯野飲我就簡左炸燒賣☺️炸到金黃色 外皮脆入邊又彈牙🥩BBQ雞翼 $10/2隻食食下漢堡有啲滯又可以食下雞翼 甜甜酸酸幾開胃

葵涌雖然是一個集工商業住宅於一身的地區，但老實說附近只是好多茶記，想找間有質素西式野非常困難。經同事介紹，由葵興站行十分鐘左右就到光輝圍既呢間港式漢寶店，漢堡新鮮即叫即煎，份量十足價格亦便宜。四十元左右的雞肉漢堡，夾著芥末沙律醬，雞肉扒打得鬆軟，配上生菜非常好吃。不過我認為若能加些蕃茄會令整個漢堡更豐富，減少油膩感。至於額外加錢的雞翼，則都是水準之作，即叫即炸，醬汁均勻，值得一吃。另外見到同事的炸燒賣賣相都好好，看來嘉寶的炸功都不錯！非常推介！

第一次幫襯，自助形式，付款落單後會俾部機仔你，食物ready後部機就會著紅燈兼震動提你取餐，成個流程好暢順及有效率。一睇到個餐即時口水流，個蜜糖芥末菠蘿牛堡真係靚到dum一聲！塊菠蘿香甜多汁，連埋個醬汁真係好加分，反而塊牛無想像中咁juicy亦無乜牛味，食落有d似素肉feel🤪薯塊應係薯餅切塊後炸的，雖然份量少咗d，但非常金黃香口，奶茶亦出色，以加$13升級套餐來講真係好抵！另外用餐途中睇到其他人的薯格好大份好吸引，不知是單點還是兩個餐併埋一份出，下次有機會再試！店內裝修光猛舒適，見佢廚房內人手多，出餐都好快，不過要雞蛋裏挑骨頭嘅話係用好多即棄嘢，比較唔環保😓題外話，見唔少食客用餐後都會自覺收盤，可能是物以類聚、人以群分的原因，有立場的高汁小店自然吸引高汁客人！😆

嘉寶漢堡屹立於葵涌光輝圍已經幾年啦今日得閒經過，見到冇乜人排隊，即刻同朋友沖入去！鍾意食嘉寶，係因為...佢並唔係普通嘅漢堡包咁簡單。呢度選擇都唔少，有牛堡豬堡雞堡羊堡大大個包平均都係三十幾蚊，跟餐加多$13，有野飲又有粗薯條，唔鐘意食薯條又可以跟炸燒賣，都唔係加錢。而我覺得最好食係P1 蜜糖芥茉菠蘿豬堡。呢度嘅漢堡包好厚身，中間因為有醬汁，加上有多層菠蘿，唔會好有食咗好多肉嘅感覺，個重菜同肉嘅balance做到岩岩好。而朋友點日式芥辣雞堡，雞堡比較有咬口，彈牙啲，醬汁酸酸甜甜。另一個朋友點牛堡，佢第一句就講好味過某大快餐叔叔嘅signature包呀！夠厚夠juicy，又唔會煎到乾身，菜夠大塊，唔係生菜碎！最後個炸燒賣先係重點！外皮炸到脆一脆，但入邊仲保留燒賣嗰種彈牙，必定要轉呢個呀

咁啱約左朋友要去附近拎野，未去過呢區，最多都係搭車經過。我本來對於漢堡包唔係咁大興趣，不過朋友話當食下午茶就一齊啦。叫咗個芝士漢堡加個薯條汽水，原來佢啲野係即叫即做，喺度等嘅時候已經聞到好香，到拎咗餐埋位開始食嘅時候真係不得了，因為我平時食開嘅漢堡包都係好頹，個包又扁，啲嘢又飛晒出嚟.....但呢個好大對比！個包好鬆軟仲係熱既！嗰塊肉好香 夾住芝士有少少溶，蕃茄同埋生菜都好爽，好新鮮，再加埋啲肉汁真係不得了！個薯條原來係厚切嘅，食到薯仔肉，原來漢堡包都可以咁好食，真係要多謝朋友帶我嚟呢度！

由細到大我都好鐘意食漢堡包而且一定要食Beef Burger解釋唔到咁多，始終覺得牛肉配漢堡包先係正確呢間小店好多食客光顧，漢堡包既選擇亦算多而且小店好用心，食物都係即叫即整，熱辣辣，以呢個價錢價個份量，我覺得好抵食！雙層芝士牛堡(+煎蛋)🍔($55)嘩，個burger真係好大個好厚身，雙層牛肉果然唔同D ,我要Share先食得哂😂牛肉係自家製用剁碎咗嘅牛肉去整成漢堡扒，有肉汁，牛肉夾住兩層芝士😮半溶狀態睇吓幾澎湃😍，另外夾有新鮮既生菜同蕃茄，中和番油膩既感覺😍 套餐配炸燒賣 好耐無食過炸燒賣😍熱辣辣，應該係即叫即炸，食落外皮香脆，內裡煙靭👍🏻好正～

BBQ蛋豬堡🍔 $31+$13升級套餐 可選一款飲品及小食揀左可樂🥤同薯條🍟再+12追加爆谷雞粒6粒🍿🐔漢堡好大個好厚身 隻🖐🏻細啲都未必揸得穩麵包咬落好軟熟 有稍微烘過 仲係暖嘅塊豬睇落以為係平時食到嘅漢堡扒？🧐其實佢個口感完全唔同雖然都係免治豬肉捏實再煎 但就冇平時食到嘅口感咁實 有啲腍 好juicy😋但我都係中意雞多啲🤣個BBQ sauce望落深色 但個味岩岩好 唔會話好咸 同成個包好夾相影唔出 但其實佢好多醬 而個包又大 所以越食越「呢hea」🙈不過食好野就算幾「呢hea」都係唔會令到我驚㗎😤佢嘅薯條超有誠意 係粗薯條 仲要條條熱辣辣🔥掂！個人覺得爆谷雞粒冇乜特別😕但個蜜糖芥末醬就好好味 甜甜地唔會辣 唔食得辣嘅都唔驚 可以試試😚由嘉寶仲喺隔離舖 由冇咩枱嘅小店到依家搬左過隔離 擴大左店面 雖然人流多咗 但水準仍素保持到👍🏻

位於光輝圍的這家漢堡店🍔，可謂葵興人的飯堂，非常受附近居民、打工仔💼歡迎。吃過幾次始終覺得蜜糖芥末菠蘿豬堡最好吃，一來有漢堡扒又有配菜不會太肉膩，二來又有菠蘿汁十分開胃juicy 🤤價錢也只是$31, 十分相宜。加$13便有小食和飲品，說到小食款式也有很多選擇，與連鎖店不同的有薯塊和炸燒賣。薯塊單看這個名稱可能不知是什麼，其實就是薯餅的角切，喜歡吃薯餅的我一試難忘，想不到原來薯餅切開一塊塊炸更香脆可口，比起薯餅更好吃呢😋