嘉寶漢堡 (嘉寶大廈)

咁啱約左朋友要去附近拎野，未去過呢區，最多都係搭車經過。

我本來對於漢堡包唔係咁大興趣，不過朋友話當食下午茶就一齊啦。
叫咗個芝士漢堡加個薯條汽水，原來佢啲野係即叫即做，喺度等嘅時候已經聞到好香，到拎咗餐埋位開始食嘅時候真係不得了，因為我平時食開嘅漢堡包都係好頹，個包又扁，啲嘢又飛晒出嚟.....

但呢個好大對比！個包好鬆軟仲係熱既！嗰塊肉好香 夾住芝士有少少溶，蕃茄同埋生菜都好爽，好新鮮，再加埋啲肉汁真係不得了！個薯條原來係厚切嘅，食到薯仔肉，原來漢堡包都可以咁好食，真係要多謝朋友帶我嚟呢度！

芝士牛堡

芝士牛堡餐