喺度做乜

营业中

休息中

今晚同朋友去睇多拉A夢，然後行番去山林道食晚餐，見到呢間cafe食滿$150可加$1叫甜品就入左去試下，估唔到味道上好有驚喜！環境方面，cafe都好寬敞乾淨，而且侍應都會幫手加水同收碟，非常好！🍲前菜估唔到呢間Cafe嘅前菜會有焦糖爆谷，好香脆好味👍🏻！今次我哋叫咗兩個dinner set，蒜蓉包外皮酥脆，送上枱仲係暖笠笠，連埋湯係絕配！而餐湯就係蕃茄湯，入口酸酸甜甜非常開胃，而且仲有大蔥薯仔做配料，口感層次非常豐富！🍛牛肝菌啡菇意大利飯牛肝菌有種獨特嘅香味，配合啡菇濃郁滑順口感，非常match，加埋飯，兩種食材嘅汁都畀飯索哂，所以意大利飯係非常香濃，而且飯粒粒分明！🍝明太子軟殼蟹意粉軟殼蟹鮮嫩大隻，炸得啱啱好，香口多汁，加埋明太子，每條意大利粉濃郁咸香，而且份量都唔少，我同朋友食兩個dinner set好飽肚！🍰檸檬芝士蛋糕呢個甜品雖然只係加一蚊換購，但質素非常有保證，亦都大大件！味道方面，檸檬嘅清爽酸平衡番芝士蛋糕嘅甜同膩，入口滑順，蛋糕底仲係一個曲奇餅底，口感非常豐富！☕️凍朱古力份量比想像少，但唔錯係濃濃嘅朱古力！🍸凍柚子梳打有子味非常濃郁，加埋梳打好解膩，仲有裝飾，好有心思！

整條山林道搜索，兔發現西餐廳中，這家價錢相对最合適，不貴且對比其他便宜。餐廳裝飾簡單，而且店員很積極，經常在門口介紹，歡迎客人內進。兔相信今時今日的服務態度真的要這樣提升下。餐內的午餐有多種選擇，而且還配套黑松露湯，感覺很吸引。意大利面味道可以，不過不失，咖啡也可以。這兒最大的優點是店員不會趕你走，你吃好了，還可以邊嘆咖啡，邊看書。餐廳內有閣樓，朋友聚會可以安靜在上面，又不打擾樓下的食客，這樣很合適。

#christine開飯日記 成日經過山林道見到依間cafe，睇落環境都幾舒服，而且價錢又唔貴。🌟What‘s Up 牛角窩夫全日早餐（$138）我地就叫左個全日早餐，有牛角窩夫，巴馬火腿，香草腸，煙肉，野菌，炒蛋，薯餅，蜜瓜，沙律菜。材料好豐富😍岩晒我依啲唔係特別想食主食嘅人👍佢嘅牛角窩夫都幾香牛油味🌟龍蝦（半隻）鮮茄醬意大利飯（$158）另外我地仲叫左個意大利飯，龍蝦肉都好彈牙，調味都啱啱好👍而且份量都幾大份，性價比超高🌟薄荷朱古力（$57）薄荷味都幾濃，而且唔會好甜👍🌟$1可以食紐約芝士蛋糕😍冇錯丫，依架消費滿$150就可以加$1換是日甜品😙我地果日係紐約芝士蛋糕，大大件咁都真係幾抵叫架👍🍴喺度做乜 (尖沙咀)📍尖沙咀山林道3號地舖

尖沙咀西式餐廳 喺度做乜Whatsup Cafe山林道一帶都有唔少餐廳，今次小編就去咗呢一間西式餐廳。餐廳入面光猛舒服，座位之間唔會好迫，環境清靜，約朋友gathering都幾適合。而且呢度服務態度非常之好，值得一讚👏🏼小食：爆谷好少地方小食係提供爆谷，都有啲驚喜。蘆筍茄仔雜菌香草醬意大利飯 $138意大利飯嘅軟硬度適中，而且非常入味。有蕃茄仔同飯上面嘅青草配搭為呢個飯，增添咗一啲清新，唔會覺得呢個意大利飯太膩。燒原條石斑魚配秘製香草汁 $198好少西餐會原隻魚上，所以小編朋友特登叫試試。一般西餐煮肉類都會偏乾，但係呢隻魚可以保留到滑嫩嘅肉質，而且多汁，相信喺烹煮過程都非常有心，份量亦都好充足！南瓜餐湯配蒜蓉包南瓜湯厚身入味，蒜蓉包味道濃，而且夠脆身。味道: 4/5環境: 4/5服務: 5/5性價比:4/5

今晚收工去咗尖沙咀山林道搵食，嚟到呢間「Whatsup Cafe喺度做乜」西餐廳🍴一坐低店員就送上小食爆谷晚市時段設有Dinner Set或二人套餐，包括是日餐湯、蒜蓉包、主菜及飲品。定價適中親民黑松露忌廉湯及蒜蓉包忌廉湯口感順滑，每啖都充滿着細碎的蘑菇蓉，帶陣陣黑松露香氣，好好飲！配上金黃香脆的蒜蓉包，正呀黑椒蒜油豬柳意大利粉豬柳煎得微微香脆，外脆內軟，啖啖肉，味道唔錯～意粉口感軟硬適中，當中加咗雜菌、紫洋蔥、蒜蓉、青椒及紅椒等等一齊炒香，味道同口感都好豐富呢澳洲M4和牛西冷配紅酒燒汁足足重250克的澳洲M4和牛西冷，烤至七成熟，肉質軟嫩，牛味濃郁，頗高質！伴碟仲有粟米、秋葵、紫薯蓉及烤蕃茄，色彩豐富，營養又健康朱古力慕絲蛋糕晚市堂食限定$1蛋糕優惠，星期一至日，天天不同款。朱古力海綿蛋糕及慕絲層層相隔，口感軟滑，朱古力味頗濃郁，甜而不膩蜜瓜烏龍茶&玫瑰蜜桃果茶

🍊 餐廳名稱：喺度做乜 (尖沙咀)🐝 味道：7/10環境：7.5/10整體分數：7/10💰人均：$250+———————————————————二人套餐💰408蜜糖雞翼估唔到係炸嘅蜜糖雞翼，大大隻好有誠意！蟹肉露荀鮮蝦松露忌廉意大利粉真係食得出有蟹肉，份量都唔少，絕對唔係得個名。鮮蝦爽口彈牙，松露香味充斥住成碟意粉。頂級安格斯肉眼扒叫左七成熟，上枱剛剛好。牛肉肉質偏有咬口，牛味都比較濃。配菜正正常常，勝在夠多。香蕉牛角包窩夫 +$38呢間店嘅人氣甜品，即叫即整，果然無令人失望。牛角包窩夫係酥脆嘅感覺，加上朱古力香蕉真係無得頂。🗺️ 尖沙咀山林道3號地舖🔍#FlavorforToday尖沙咀🚆 佐敦站D出口，步行約5分鐘

經過山林道見到呢間個名幾盞鬼，門口有兩張綠色梳化嘅Cafe。最eye catching 仲有「一蚊可以食啲乜」呢幾隻字。佢哋每晚都可以用一蚊選購不同甜品，只要消費滿150就可以。咁吸引，叫個dinner set都夠啦，等於送俾你食！單點左波士頓龍蝦半隻配白松露忌廉汁意大利飯158 本身係跟蕃茄扁意大利麵，問佢可唔可以轉risotto ，佢又做到俾我喎，配合到幾高👍 芝士焗龍蝦表層芝士烤成焦香，啖啖肉之餘仲有唔少蝦膏🤤 松露忌廉汁香噴噴又滑溜，松露份量都幾重手，但略嫌個飯乾身咗啲，唔夠Creamy。至於今晚甜品係香梨乳酪蛋糕。海綿蛋糕上有新鮮香梨同埋乳酪。口感軟綿綿，夠moist, 但我覺得甜咗少少🤏🏻📍喺度做乜 (尖沙咀)尖沙咀山林道3號地舖

今天去山林道覓食 😋 看到這間一件蛋糕只要加 $1 🤩 馬上進去試試❗️🔸辣蒜片鮮蝦意大利粉配料有三色椒、冬菇和洋蔥，鮮蝦彈牙爽口 🍤 意粉用上淡忌廉烹調，口感十分creamy，特別是洋蔥碎令味道更豐富 🔸明太子軟殼蟹意大利粉軟殼蟹炸得很酥脆，沒有冷藏腥味，吃得出食材新鮮而且處理得好好 👍🏻 明太子加上軟殼蟹超級好味 🤤🔸雜果賓治 / 折骨木蘋果梳打好喝又很適合打卡的飲品～🔸朱古力慕絲蛋糕雖然是加一蚊的甜品，不過一點都不差！朱古力慕絲和蛋糕的比例恰到好處，不會太甜太膩 🥰隨餐附送是日餐湯和蒜蓉包，還有餐前小食一小碗爆谷 😍 十分開心 😆

早兩日去到尖沙咀山林道 喺度食飯😆餐廳有dinner set🍴每個餐有餐湯🥣蒜蓉飽🥖main course同包一杯$34既飲品🥤⭕️ 明太子軟殼蟹意大利粉🦀🍝 ($158)軟殼蟹size幾大🦀 炸到外脆內嫩底下既明太子意粉味道濃郁 偏杰身食完成份好夠飽👍🏻⭕️ 美國牛肋排配蜜糖燒汁 ($188)兩塊長長既牛肋排甜甜地 煎到半熟🤤🔥火喉岩岩好蜜糖燒汁質感輕盈 既甜又鹹 平衡左牛肉既風味on side仲有唔少配菜 蕃茄🍅粟米🌽蘆筍等餐廳環境舒適 侍應服務態度非常好期待下一次到訪🫶🏻

舖位喺出面睇落唔起眼，係山林道入面- 位置方便，係尖沙咀- 環境舒適、舒服、職員好nice👍🏻- lunch 揀咗Set A 意式香草醬蕃茄仔雜菌意大利飯 - 及 Set C 吉列雞扒窩芙配湯烏冬 - 整體味道有水準、好食 🤤👍🏻 - 套餐包一杯$34飲品，超出$34的飲品需另補差價- 叫咗一杯熱榛子牛奶咖啡及一杯凍抹茶鮮奶， 兩杯嘅味道都唔錯- 後尾係openrice睇返先知，原來可於openrice 訂座 - 只收現金/轉數快

呢間位於佐敦嘅Cafe行簡約路線，環境舒適，食物定價合理，晚市有dinner set，包括餐湯同飲品👍🏻👍🏻👍🏻.我哋揀咗兩份dinner set ，當日嘅餐湯係南瓜湯🥰仲配咗兩片蒜蓉片，烘得好香脆～.主菜揀咗「明太子軟殼蟹意粉」同「辣蒜片鮮蝦意大利粉」，兩款意粉味道都唔錯，意粉質地偏冧，軟殼蟹好香脆，大蝦新鮮爽口.值得一讚呢度嘅椰香鮮奶咖啡，椰香同咖啡味配合得好好✨✨✨.📍 喺度做乜 (尖沙咀)尖沙咀山林道3號地舖

見到喺度做乜最近有啲1蚊系列🪙 好似幾抵食👀除此之外 dinner set都吸引🥦西蘭花湯忌廉味吾重 🍞 蒜蓉包超級脆 揸滿曬牛油 蒜蓉醬 香口惹味☺️🐷黑椒蒜油豬柳意大利粉 $158豬柳冇骨 啖啖肉 而且肉質都幾嫩意粉睇落冇咩汁 以為會有啲dry 點知食落又吾錯咼 蒜油仲幾香👍🏻🐮美國牛肋排配蜜糖燒汁 $188牛肋排肉質腍滑 仲系粉紅色 又大塊 岩曬食肉獸😂醬汁甜甜地 味道層次豐富配菜有紫薯泥 粟米 車喱茄 秋葵💭晚餐有湯 餐包 野飲 一set齊曬 餐廳仲送左個爆谷比我地做小食👏🏼

喺度做乜Whatsup CafeDinner Set鮮番茄薯仔湯鮮番茄薯仔湯以新鮮番茄同馬鈴薯熬煮，味道醇厚濃郁。番茄嘅酸甜同馬鈴薯嘅澱粉質，口感細緻滑順，令人溫暖舒適。蒜蓉包西餐dinner set 另一令人期待嘅前菜係蒜蓉包，外表金黃酥脆，香氣四溢。麵包質地軟嫩，上面更放上蒜粒，令味道更香濃。明太子軟殼蟹意大利粉明太子軟殼蟹意大利粉色澤誘人。原隻軟殼蟹炸得鬆脆放意大利粉上，十分搶眼。蟹肉鮮嫩多汁，明太子鹹香醇厚，麵條Q彈有嚼勁，滋味層次豐富，而且充滿異國風情。美國牛肋排配蜜糖燒汁牛仔骨肉質鮮嫩可口，爽滑柔軟。配以濃郁醇厚嘅蜜糖燒汁，煙韻迷人。配菜係口感綿密，顏色獨特嘅紫薯蓉，粟米，青椒仔同蕃茄仔，非常豐富。蜂蜜柚子茶熱蜂蜜柚子茶感覺舒服，清新怡人。柚子帶出酸甜，蜂蜜香醇，回甘悠長。用黃色杯配襯，份外精緻。蜜瓜烏龍茶蜜瓜烏龍茶清透冰涷，蜜瓜味道甜美，烏龍茶清香，回甘綿長。用綠色竹筒形杯配襯，可愛別緻。藍莓布丁芝士蛋糕今晚一大驚喜係一蚊一件蛋糕！！每晚都有一款一蚊嘅蛋糕，今晚係藍莓布丁芝士蛋糕，芝士蛋糕濃郁綿密，藍莓果肉酸甜可口，層次豐富令人滿足。

俾餐廳放喺街頭嘅燈箱吸引去咗睇吓，門口寫住$1有甜品，仲要每日款式不同，消費滿$150就可以加購一件，都算幾合理，再睇睇餐牌都幾吸引就入去食龍蝦白松露手工扁麵 $168半隻龍蝦好有看頭，用叉拉出來啖啖肉，面頭有少少芝士焗香咗好惹味，手工意粉Al dente ，沾滿白松露忌廉醬好rich好creamy鹹蛋黄手工洋蔥圈 $68炸完都唔乾身，洋蔥仲保存少少水份。個鹹蛋黃醬好香，用咗大大個洋蔥，所以就算黐滿晒洋蔥圈外邊每一處都唔會太膩雜莓沙冰 $57藍莓顏色比較突出，沙冰好綿滑，入面仲有莓果肉Yogurt Coast $68靚靚 yogurt plate有大量雜果、果仁、脆脆，面頭仲有椰絲椰蓉，無論口感同口味都好豐富Tiramisu $1冇睇錯，真係一蚊！晚市堂食消費每$150就可以換購一件，仲要每日款式不同，一蚊一件蛋糕都冇將貨就價，都係大大件好 creamy有酒香！

平日收工嚟到山林道呢間叫「喺度做乜」嘅cafe，嗌咗個二人餐（只需$408），包兩碗蕃茄薯仔湯、兩份蒜蓉包、一個頭盤、一個餐粉飯、一個主菜、同埋兩杯餐飲($34內）。套餐嘅嘢食樣樣出色👍🏻👍🏻蕃茄薯仔湯味道濃厚！鹹蛋雞翼外脆內嫩，沾滿晒鹹蛋醬，好邪惡好惹味！蟹肉蘆筍蝦黑松露意粉，意粉有非常之濃厚嘅黑松露味，用料份量十足，每一啖都食到蟹肉絲、蝦仁份量亦都冇手軟！牛扮嗌咗5成熟，切落去都冇乜血水，口感都幾嫩，配埋個紫薯蓉食，減輕一啲油膩感👍🏻👍🏻呢度細細間，行過路過容易錯過！！但入面嘅食物質素高，價錢又合理，性價比好高㗎！！大家唔好錯過啊！！