影片
港铁佐敦站 D 出口, 步行约3分钟
继续阅读
电话号码
93479444
开饭介绍
装潢采用大地系色调的西餐厅，充满文青感觉，由店名到环境均营造轻松的氛围，加上定价合理，是聚餐的好地方。
继续阅读
营业时间
今日营业
11:30 - 22:00
星期一至日
11:30 - 22:00
以上资料只供参考，请与餐厅确认详情
-
网上订座服务暂停
Whats Up? 是我好友不时会讲的口头禅🤣𠮶日经过山林道见到呢间餐厅，兴之所致，忍唔住立即直入享用晚餐，十分开心😂😂。入座后，服务员就马上送上焦糖爆谷，真的非常有特色😍已经好耐冇食过，令我有小惊喜。是日餐汤粟米浓汤，内有非常多粟米粒，有咬感得来带微微甜味，搭配香脆的蒜蓉包，十分开胃。✨美国牛肋排配蜜糖烧汁✨ $188卖相吸引，两条长长的牛肋骨陈列成一座小山丘。肉质滑嫩，搭配甜甜的蜜糖，非常滋味。下面衬托紫色的紫薯蓉，微甜且健康，令人又十分惊喜。✨明太子软壳蟹意大利粉✨ $158软壳蟹炸得香脆可口，意粉做到每条也很挂汁。他们的酱汁非常Creamy，充满咸香又惹味，食到舔舔脷。所有晚餐已包一杯$34饮品，$34以上只补差额就可以了。✨ 玫瑰乌龙茶✨$34✨抹茶鲜奶✨$45（补$9）玫瑰乌龙茶带有玫瑰香气，朋友甚是喜欢。抹茶鲜奶比想像中大杯，抹茶味浓，而甜度恰到好处，真的不错。餐厅气氛柔和，喜欢旺中带静的朋友，不要错过。想睇更多介绍，马上Follow我啦😁。#big_big_foodie #big_big_foodie食匀尖沙咀
继续阅读
食开一两年，一向都唔错，尤其钟意佢个蘑菇汤不过近呢几个月汤越来越淡，果汁都系喇沙啲海鲜由颇为新鲜变雪藏咗唔知几多年嘅味道，焗嘢整好晒，摆喺楼下垃圾桶隔离都唔上菜两杯冻饮，得一支饮管坐楼上嘅话，要自己行落去落单攞menu，自己行落去攞餐具攞碗。。。同自助式嘅餐厅冇分别仲有加咗部电视劲嘈劲光，同朋友都倾唔到偈，又唔俾熄一阵，话其他人包场想睇咁其他人又唔坐埋去慢慢睇 ==“ 包场我哋又入到去食？唔知咩 logic。。。问佢攞小食Menu，拣完就系今日冇小食。。。上错咗三次drink无奈到。。。真系如餐厅个名一样 “喺度做乜？”已不复当年拉匀评分畀面当OK。。。
继续阅读
开头见大部分嘅食评都正面，碌多几碌，原来唔至我觉得呢间餐厅同个舖头名一样，喺度做乜？因为有主题cafe，所以嚟咗呢度食，满心期待咁去，食咗成肚气。喺度做乜1 （服务质素）:- 知道有主题会full啲，预先订咗位，结果都系walk in都无咩太大分别，求其揾个bar枱位俾你咁，个职员拎住本mark book枱嘅簿一脸迷惘，其实都唔知book嚟做乜？见到好多人book咗枱都俾人打尖入座先。同埋话订位可以优先安排有主题布置嘅位置，完全无。求其俾个位我坐都算，问佢拎张凳放嘢都无，真系多嘢度食唔到嘢先问你拎，其实有无预先考虑过应唔应付呢个人流先决定接生意？见隔离位啲人离开咗个位去睇啲主题布置，个职员就即刻走去想清枱，求求其其咁问隔离啲唔系同行嘅客人话仲要唔要，已经答你话佢哋行开咗，要问翻佢哋先知，都仲要继续问。知你想翻枱，但真系认真确保一下服务质素会好啲，我都系食咗半个钟都无就感觉太有俾人催住走嘅感觉而走人，讲真嚟得主题cafe都系想慢慢享受，而唔系食快餐咁。仲要收加一，真系唔知自己俾人serve咗啲咩，个餐有餐汤又系问先有嘅，写话可以俾FPS，收钱个下又系到话「最好俾现金」，咁就麻烦改一改个餐牌。喺度做乜2（食物质素）:本身都知道因为系主题cafe，食物价钱会贵啲，但食落真系一啲都唔值，牛扒质素同茶记杂扒其实都不相伯仲，又硬又痴牙，啲餐汤都系开出嚟嘅粟米汤，啲薯角又唔脆，啲嘢食都只可以用微暖嚟形容，嘢饮只系可以自己冲嘅柚子茶，呢个价钱你可以有更好嘅选择。整体嚟讲，真系唔会再嚟食，都唔推介嚟试。只能说浪费咗有心搞呢个主题嘅人嘅心意。
继续阅读
【尖沙咀Cafe食记｜喺到做乜Whatsup】 **明太子软壳蟹意大利粉** 软壳蟹现炸上桌，蟹壳酥脆带膏香，与浓郁明太子奶油酱相得益彰。酱汁奶香丰厚却不过腻，归功于意粉均匀挂汁。 三文鱼蟹肉大啡菇配芝士忌廉汁（紫薯底）手掌大的烤啡菇盛载蟹肉，淋上焗烤芝士忌廉汁，焦香与奶香交织。煎三文鱼外皮焦脆锁住鱼脂，底层紫薯泥口感绵密，微甜紫薯香意外中和海鲜浓郁感，创意搭配见心思。 两道主菜均显露厨房的跨界巧思：日式元素融入西式料理，却不过度炫技，惟份量偏精致。————————喺度做乜 (尖沙咀)尖沙咀山林道3号地舖
继续阅读
尖沙咀山林道开咗间Café，餐厅名叫做「喺度做乜Whatsup Cafe」，好鬼马吖，感觉牛角格饼系佢哋嘅招牌，因为喺小食、甜品嘅项目入面都会见到佢唧踪影。*此餐厅收取加一服务费。明太子软壳蟹意大利粉（单点$158），表面铺有豆苗、香草，炸软壳蟹口感外脆内软，内有蟹膏，味道甘香，意粉口感软硬适中，略嫌明太子酱份量少，令意粉食落比较干身，配料包括有蘑菇、彩椒、蟹籽。蟹肉牛角格饼（单点$88），表面铺有蟹籽、豆苗，忌廉蟹肉味道鲜甜，牛角格饼口感酥脆，食落充满牛油香味，沙律菜包括有苦菊、紫椰菜，配以意大利黑醋食用，味道清新。手工洋葱圈（单点$88），即叫即炸，口感松化，洋葱味道清甜，配以美乃滋食用，味道更佳。是日餐汤（跟餐$0），粟米浓汤，好足料，内有大量粟米。是日餐包（跟餐$0），蒜蓉法包，表面铺有香草、蒜蓉牛油，口感松脆，食落好香口。奶茶蛋糕（单点$48），表面铺有果仁碎、海盐焦糖糖浆、糖粉、朱古力酱，忌廉口感轻盈，奶味醇厚，蛋糕口感松软、带有茶叶籽，食落伯爵茶茶味浓香，略嫌奶茶味欠奉。焦糖爆谷（跟餐$0），表面铺满焦糖，口感香脆，味道香甜。折骨木苹果梳打（跟餐$23），表面铺有苹果干，采用蝶豆花茶、折骨木苹果汁、梳打水制作，分层效果突出，饮落好清爽。
继续阅读