喬木

营业中

休息中

很久沒遇到一間無論出品或服務都出色的餐廳。留座了，亦早到了，疫情時代養成的習慣是盡快下單，準時交檯。便把菜單發給友人先看，決定後找店員落單。怎料到店員問朋友仲有幾耐先到，知悉仲要d時間先到達時，主動說咁我hold 1 hold張單，記低咗，等齊人就幫我地落。竟然係咁！突然覺得自己心急咗呢店員提醒醬料有少少辣。醮一下醬汁，些微的辛辣刺激食慾，胃口大增！店員話免費添飯。全日定食中選好主食，便附上一堆配菜。每一道都好食，確實感受到了餐廳及廚師的用心。定食食得七七八八，有點意猶未盡。醒起店家說過歡迎添飯。對出品有信心，決定追加小吃。一咬開隻雞翼，打趣跟友人說：「店家重新定義過咩叫芝麻雞翼」炸雞翼尖平時係唔會特別食，覺得只係裝飾一部份，但今次係會食埋…最後甜品可以選擇蕨餅或另一樣甜品，亦可以加錢轉蛋糕。食了這麼豐盛的一餐後，實在找不到理由拒絕呢件蛋糕！以一份淡雅完結這頓飯，非常滿足！完

我之前去店裡會有啲飛蟲飛來飛去，一路食嘢一路撥走啲飛蟲，滋擾程度嚴重到要同員工反映，員工話唔知點解咁多，好多方法都用過，佢哋嘢食幾好味，又精緻，份量少啱哂胃口細嘅我。

為咗食呢一餐飯我專登由觀塘搭車去元朗，仲要係自己好唔舒服嘅情況底下鬼叫佢無啦啦話book咗呢間餐廳咩平時都唔會book位食飯嘅又唔想掃佢興，唯有自己辛苦啲先搭車落去觀塘碼頭，再轉㗎巴士直接去到需時個半至兩個鐘。好彩長途巴士會搖吓搖吓，瞓吓瞓吓情況又好似好咗啲。原來係一㗎日式小店因為人手有限，樓面一個人打理晒所有嘢，照顧起碼10張枱嘅時候，見佢氹氹轉根本鐘冇停過。簡約嘅木系裝修，食既係一個set 入面有哂前菜，頭盤，主菜，甜品等等。我哋兩個人一個嗌咗鹽燒牛脷套餐（好似話係出名）一個係炸雞咖喱套餐！我本人係喜歡呢類型嘅，因為每樣嘢細細碟又可以試好多樣嘢。鹽燒牛脷切到長方柱體，好似砌積木咁，味道不錯！不過其實牛脷我真係－塊起兩塊止😝至於我個唐揚咖喱雞飯，炸雞同咖喱我都喜歡吃，而且炸雞嫰滑又juicy , 咖喱好似有啲肉醬咁。前菜頭盤就有沙律，茶碗蒸、魷魚、蜆肉湯，仲有細烏冬⋯ 仲有推介嘅甜品，芝麻奶凍或者蕨餅！飽到上心口！其實唔舒服，胃口都差咗啲。估唔到埋單走人仲有小插曲，我竟然失手即刻要衝入廁所勁尷尬，好彩都睇到佢勁細心❤️

有好多餐可以揀，套餐入邊會有茶碗蒸、沙律、漬物、前菜、大蜆湯、烏冬/素面、白飯同埋甜品。之前食咗幾次餸嘅都係毛豆，今次係生椰菜，隔離係蒜香醬。鹽燒厚切牛舌，上邊嗰幾舊牛舌整到岩岩好，但係下面個三舊就好乾。上面個幾款係煙燻鴨胸沙律，烤魷魚，涼拌螺前菜同炸物。個茶碗蒸唔好食。大蜆湯好清，少少鮮。烏冬係有質素既烏冬，飯就偏腍。西班牙黑豚壽喜燒，與其話係壽喜燒，不如話係醬燒。豚肉比較簿，冇乜口感。d 菇好入味。甜品係蕨餅，呢到既蕨餅係走清爽輕盈路線。今次去左廁所，老闆娘好貼心，比左肥皂紙我。

呢日嚟食晚餐，有晚市定食，有好多款，日式套餐，熟食為主。仲有追加小食，午市都有午市定食。仲有素菜定食非常貼心塩燒厚切牛舌定食好鍾意食牛舌但好怕食厚切會太厚有筋咬唔開，但呢個煮得好淋完全冇呢個問題，旁邊嘅醬好夾。牛舌好軟熟又香，配少少鹽更好食。定食包括日式茶碗蒸、沙律、漬物、三點前菜、迷你烏冬/冷素麵、麵豉湯、甜品、白飯，好豐富呀！烏冬好彈牙鰹魚湯底好香，白飯係珍珠米，麵豉湯好清唔會一堆粉，茶碗蒸都好香蛋味，沙律菜清甜，炸薯寶好脆好薯，凍雞扒肉有啲筋，辣醬蒜頭還好。塩燒三文魚腩好脆呀脆卜卜，好香三文魚味，仲好油香，面頭仲有三文魚籽，幾鮮甜唔腥。塩燒日本產鯖魚好香，魚肉滑唔鞋，煎得香脆西班牙黑豚壽喜燒好香，黑豚肉好彈牙爽口，個壽喜燒汁不會太咸甜品可揀芝麻凍/黃豆粉蕨餅，兩樣都好食小店唔係好多位，我哋有whatsapp訂位服務好，簡樸小店食物逐份即叫即整，需等待

已經係第二次嚟呢間餐廳啦😆呢度係主打日式定食，只需要揀主菜就可以了，每個定食都附有茶碗蒸、沙律、漬物、三點前菜、椀物、迷你烏冬、白飯同甜品，極為豐富！一行4人，有3個都叫同一款，只有我唔一樣🤣· 壽喜汁燒牛肉 - 安格斯牛小排 / $248牛肉仲可以揀鹿兒島黑毛和牛，但大家都揀咗價錢相宜啲嘅安格斯牛小排，牛小排好軟腍，亦有牛味，記得將蛋黃打散（蛋黃勁橙，蛋味好重！），撈均食肉質更滑溜🥹· 塩燒厚切牛舌 / $178外表望落雖然有啲乾身，但食落唔韌的，一咬就可以分開，帶爽口，亦可點蜂蜜芥末醬或生芥末一齊食，個人較鍾意就咁食或者點蜂蜜芥末醬👍🏻· 茶碗蒸太多小碟會唔知由邊度開始入手先😂建議先趁熱食茶碗蒸，蛋滑溜，有蟹鉗做配料。· 湯有別平時麵豉湯，比較清淡，但亦有淡淡蜆肉海帶鮮味。· 鴨胸肉沙律· （左上）一口炸豆腐· （右上）牛油煮螺肉· （左下）牛蒡漬· （右下）菠菜· 迷你烏冬· 芝麻手羽 / $48外皮炸得非常香脆，肉質juicy，細心分開雞翼尖同雞中翼部分，方便食用，好味🤤· 枝豆（前菜）· 芝麻奶凍跟餐甜品，可揀蕨餅或奶凍，一定要試芝麻奶凍🥹🥹🥹奶凍牛奶味夠濃，滑lulu，上面

是晚難得約到幾個閨密食飯，當然要揀一間高質餐廳，朋友介紹推介左喬木，所以早一個星期就預約好。真係好彩一早預約左，因為唔一定有得walk in的。3個人叫左 鹽燒油甘魚鮫、鹽燒厚切牛舌、壽喜燒安格斯牛 定食，再加一個小食 照燒雞橫格膜，成個定食賣相好精緻，有好多配菜，有味噌湯、蒸水蛋、沙律、甜品等等，都幾豐富，一D都唔馬虎，每個配菜都做得好認真。講真，本人一向都唔食牛舌的，可能以往係其他地方食過覺得唔好食，而且有D心理關口未跨越到，而今次有朋友叫左鹽燒牛舌，而且極度讚賞，咁我都挑戰下食一舊，果然好鬆化嫩滑，鹽味洽到好處，一D都唔似食緊好鞋嘅舌再沾少少青黃芥末，味道新鮮又互相配合，原來牛舌可以咁好食的～其他兩個定食都好好食，好表現到日本著重食材質素，而用少量簡單調味壽突出各食物嘅美味，而整個定食嘅份量都好充夠，最後上甜品，叫左是日布朗尼士多啤梨蛋糕 & 蕨餅蛋糕甜度適中，口感豐富，食得出有士多啤梨肉，蕨餅每粒大大粒，一啖食落去漿住個口，煙煙靭靭好好味好滿足嘅一餐～

見到咁文青嘅門面吸引咗我去打卡同埋食嘢但係入到去之後發覺個價錢其實都唔平雖然佢睇落好多嘢食😀但如果比較大食嘅人嚟講其實可能未必夠飽，所以都係要衡量一下自己先好決定，我覺得啲嘢食唔係話差，但係唔值得呢個價錢。真係食環境

(⁎˃ᴗ˂⁎)♡┈┈┈┈┈┈┈┈┈┈┈┈┈┈三訪元朗人氣日料小店✨早前經友人介紹之下認識了元朗一家日式定食小店無論午市或晚市都是座無虛席！小店在區內人氣甚高🤍┈┈┈┈┈┈┈┈┈┈┈┈┈┈很方便的是可以網上預約，省下不少排隊時間但如果無預約也是可以walk-in的┈┈┈┈┈┈┈┈┈┈┈┈┈┈𐂐 ⠜咖哩吉列豚肉 $178 (4/5)色澤金黃的吉列豚肉賣相吸引咖哩醬汁是分開附上的很細心！😳不用怕會變得不脆口，入口外皮酥脆肉質還很juicy 咖喱配以碎肉煮成，味道甜甜的不會辣🫶🏻淋上濃厚醬汁的吉列豚肉相當好下飯咖喱汁份量較多，我也偷了不少來配飯(哈┈┈┈┈┈┈┈┈┈┈┈┈┈┈𐂐 ⠜塩燒厚切牛舌 $178 (4/5)上一次吃過這裡的牛舌便覺得好特別好好吃口感完全不一樣，入口真的非常嫩口🤤一點都不會覺得好硬好難入口(這也是我怕的口感，好像真的在吃👅）一碟共有6舊，每舊都很厚，份量很多，胃口小的建議少飯！牛舌配上黃芥末及特製的青芥末醬汁更加惹味┈┈┈┈┈┈┈┈┈┈┈┈┈┈定食還包含茶碗蒸，漬物，小物，麵鼓湯，甜品種類很多，吃得特別滿足✨還會定期更換菜式不怕會吃厭🤣非常推薦這裡的芝麻奶凍！奶味很足夠，

再次到訪喬木，不過今日Lunch Time都幾多人，幸好book咗枱，所以唔需要等太耐我同朋友點咗兩個午餐，一個係汁燒牛肉定食同鯖魚定食一如既往，喬木嘅午餐份量好多，亦都有好多個配菜，所以食嘅時候特別有滿足感。而佢嘅配菜亦都好有誠意，每次食配菜都會有少許變化，亦都十分推薦茶碗蒸👍而成餐飯令我最驚喜嘅，就係嗰個汁燒牛肉，牛肉好嫩，而且牛肉汁嘅味道夾得相當好！而呢個定食亦包括甜品，之前食開都係芝麻奶凍，今日係綠茶奶凍。想講佢哋嘅甜品亦都好出色，奶凍好滑，不論係芝麻定綠茶味，都唔會覺得過甜，啱啱好！

喬木都食過幾次，每一次水準都好高😋套餐入面會有茶碗蒸、沙律、漬物、前菜、大蜆麵豉湯、烏冬/素麵、白飯同甜品鹽燒厚切牛舌($178)牛舌整得岩岩好，唔會太un，但咬落仲有一絲絲肉絲，同埋食到好香牛油味鹽燒日本產鯖魚($178)鯖魚整得比較咸，雖然佢有個醋汁，但都減低唔到咸味整體環境舒適，但如果價錢平番少少，食既次數就可以增加番D，始終元朗好多日本餐廳

📍喬木 (元朗)元朗馬田路38號怡豐花園地下63-64號舖每款餐都配上迷你烏冬、白飯、茶碗蒸、沙律、漬物同前菜等…..（白飯可添加）食完仲有甜品食😋😋樣樣都好好味，好食….平時都要訂位，公眾假期緊加一定要訂，有時多人訂位就無得walk in。基本上一個人煮，所以就算訂位個時都要諗定食咩，到時入到去等一陣就有得食了，不過都會輪住出菜，因為人手有限，去食既朋友要俾d耐性啊！全部都好食，每款肉淋度剛剛好，我最中意食羊，有so味😋😋太唔會好勁👏👏最尾個甜品芝麻奶凍又係好好食😍🔹厚切牛舌🔹黑豚肉片生薑燒🔹和風汁燒羊架🔹鱈魚西京燒🔹壽喜燒汁牛肉-安格斯牛小排

其實一直都好想去試吓！但係好難有位！今日一開門打電話去訂枱終於成功有得食👏🏻👏🏻喺門口等入座嘅期間原來Menu係大概三個月會轉一次都幾有新鮮感唔會食到悶一入到去,見到個裝修簡潔整齊環境好舒服,而且服務好好,店員一入到去馬上招待,先來咗支豆食住先，過多幾分鐘就定食出場佢嘅牛舌定食真係一定要叫厚切牛舌條入口即溶嘅感覺再配埋啲辛辣嘅蔥同埋 芥末醬,入口好驚喜,完全唔韌！而且定食都有其他配菜、烏冬、茶碗蒸 湯和飯。可以一次過滿足幾個願望,飯上面仲有少少白飯魚,成個定食好精緻！黑豚腩片生薑燒冇肥膩嘅感覺對比牛舌相對普通咗啲但係都好好味吉列豚肉吉列鬆脆唔會好厚嘅粉漿豚肉柔嫩炸得啱啱好唔會覺得好乾壽喜燒汁燒安格斯牛小排依個都係非常出色安格斯牛肉嫩滑配合埋雞蛋汁仲正真係要寫個食評讚下,同埋佢嘅甜品有兩款芝麻奶凍或者蕨餅兩款都好好味

終於可以試到喬木。每次search元朗有乜餐廳，呢間都會出現，成日想試，但walk-in 嘅可能性完全係零，今次一早已經決定試呢間，就what’s app book 位，book 到已經好期待。位置：唔喺大街，要啲時間先搵到。裝修：簡約日系風，但睇得出花咗唔少心思，令客人有舒服及輕鬆嘅心情享受呢一餐。播住一啲柔和嘅音樂，成個人放鬆心情，有放假feel。服務：一流。無特意催促客人點餐，可以俾客人慢慢考慮食乜。茶不停幫你Refill。其實成個外場只有一位員工去打理，上餐、落單、執枱、加茶都係佢，所以做到呢個服務水平，我覺得值得一讚。👍食物：當然嗌咗個人氣之選：牛舌。呢個真係可以再encore，因為牛舌煮得好好食，厚切嘅牛舌無燒得死實實，反而入口融化，牛味好出，旁邊仲有芥末醬，點咗少少，成件事昇華咗。另外，嗌咗個黑豚肉生姜燒，相比起牛舌，呢個主菜遜色咗，個生姜燒嘅汁整得好好味，淡淡嘅姜味同個汁好夾，配上黑豚肉係好食。食得出係有心思嘅煮法。只係牛舌太出色喇😋不得不提嘅係佢嘅擺盤，日式嘅定食風格，小碟嘅形式，令到食客更開胃同期待。沙律菜：非常新鮮漬物：冬菇（個汁完全被菇吸收，呢個食完一個有啲唔夠

每次入元朗一定諗起喬木諗返起原來有一年無嚟食啦一如以往walk in唔洗諗啦一定要book枱啊我今次試咗💚監燒油甘魚鮫燒得好香好脆呀老闆娘吩咐要食埋個粉紅色蓮藕😆👍🏽每次嚟都一定食唔晒啲飯好好食 盡量清哂💚吉列炸蠔一樣脆～加埋蛋黃醬完美💚茶蒸碗內有新鮮蟹鉗 鮮味十足💚海帶湯有一隻大大嘅蜆 啖啖肉啊😝💚沙律菜有燒粟米同番茄仔 夠哂健康仲有super food嘅羽衣甘藍💚甜品我揀咗厥餅 同出面有少少唔同口感比較煙韌d ，好啱我口味睇吓擺盤已經咁吸引就知仲要無收加一人均：$200店員仲會keep住加茶真係無得彈啦👍🏽