喬木

营业中

休息中

再次到訪喬木，不過今日Lunch Time都幾多人，幸好book咗枱，所以唔需要等太耐我同朋友點咗兩個午餐，一個係汁燒牛肉定食同鯖魚定食一如既往，喬木嘅午餐份量好多，亦都有好多個配菜，所以食嘅時候特別有滿足感。而佢嘅配菜亦都好有誠意，每次食配菜都會有少許變化，亦都十分推薦茶碗蒸👍而成餐飯令我最驚喜嘅，就係嗰個汁燒牛肉，牛肉好嫩，而且牛肉汁嘅味道夾得相當好！而呢個定食亦包括甜品，之前食開都係芝麻奶凍，今日係綠茶奶凍。想講佢哋嘅甜品亦都好出色，奶凍好滑，不論係芝麻定綠茶味，都唔會覺得過甜，啱啱好！