喜膳燒

营业中

休息中

2024.10.22 最近真係好鍾意食串燒🍢所以今日放咗工出尖沙咀行完街🛍️就去咗呢到到食晚飯🥢呢間其實之前都嚟過嫁啦🤣因為食物種類多而且依家佢地星期一至日都會推出唔到優惠🈹好似今日係星期二就有十多款半價優惠串燒😍今日兩個人就叫咗⬇️💟海鮮類燒蟶子王 $88燒扇貝 $78💟肉類燒羊肩肉 $58/2串燒黑啤牛仔骨 $78燒BBQ豬頸肉 $29照燒雞軟骨 $42燒沙嗲雞肉腸 $26💟其他類燒流心鵪鶉蛋 $29芝士響鈴🧀 $26燒玉子🥚 $19💟蔬菜類蒜蓉燒茄子🍆$38燒虎椒🫑 $19💟甜品&飲品類今川燒（紅豆🫘）$38菠蘿梳打🍍🫧 $38上餐時間十分迅速而且食材新鮮加上調味惹味😋火喉亦都剛剛好🔥所以係食唔停口😛而飲品超清爽解膩💛甜品亦都作為完美嘅句號🔚

喜膳燒尖沙咀一間地舖港式串燒店,餐廳位於九龍尖沙咀寶勒巷10號地下,餐廳裝修以港式懷舊居酒屋設計,餐廳主打港式串燒居酒屋,餐廳每日有不同優惠,低至買一送一,服務員招呼熱誠友善。串燒燒麵筋,沙嗲味,第一次食好特別,吾錯。燒牛舌,大大塊的牛舌,烤到微微焦香,食落軟綿香口。燒蜜糖雞中翼,係我嘅至愛食物之一,廚師將蜜糖雞中翼烤生焦香,雞皮香脆雞肉仍保持嫩滑多汁。海鮮燒白鱔,烤白鱔烤至鱔皮煙煙靭靭,鱔肉嫩滑帶有鹹香味。燒魚片頭,厚切,烤魚片頭烤至表皮微焦,微鹹,食落好香口。燒聖子皇,配料有蒜蓉香蔥,炸過嘅蒜蓉甚香口,與聖子好夾。燒扇貝,配料有粉絲和香蔥,粉絲吸收咗扇貝的鮮味入口鮮甜,扇貝食落彈牙。蔬菜燒菠蘿,烤過的菠蘿特別鮮甜,酸酸地甜甜地好醒胃。燒粟米,粟米烤至微焦,食落好香甜。燒秋葵,烤過嘅秋葵冇咁多潺,新鮮清爽。手拍青瓜,配料有芝麻,香蒜,辣椒,微辣,食落爽口清。飲品青檸梳打和菠蘿梳打,兩種梳打酸酸甜甜可解膩滯。

今次又去到尖沙咀附近食一間串燒店，呢間串燒店除咗啲海鮮好出色之外，食落去都新鮮同足料！今次我就揀咗蒜蓉燒，除左香濃，蒜蓉控好愛！ 海鮮叫左呢二款：燒蒜蓉蟶子皇燒蒜蓉粉絲扇貝蟶子皇大大嚿肉，再加上入晒味！而粉絲扇貝都係大大隻！再加上粉絲完全感覺到蒜蓉嘅香味滲晒入去！飲品今次因為識串燒嘅關係所以就會飲啲潤喉啲嘅嘢，冰糖雪耳雪梨水！真係好足料冰糖雪耳雪梨樣樣齊飲落去超舒服！串燒就選擇左呢幾種：燒肥腸豬大腸豬大腸原本就已經好好食再加上燒烤令到層次更加香！燒牛肩胛同燒牛舌：啱啱食得返牛既我，表示牛肩胛超高分！肉質柔嫩，再加上燒得啱啱好！燒牛舌大大塊爆肉！另外再加左啲串燒：蒜蓉牛油焗娃娃菜充滿晒蒜蓉牛油既娃娃菜！真係好滋味！燒日本一口甜薯、當甜品食係一流㗎！燒焦糖片菠蘿、加左焦糖片真係好香好食！喜膳燒尖沙咀寶勒巷10號地舖

夜晚肚餓去邊好？呢間主打港式風味串燒，由下午四點開到凌晨兩點，提供多款特色海鮮、肉類、小食、飲品等。店內環境唔大但座位之間有適當距離，推介大家同朋友仔嚟傾心事👫海鮮有馬來西亞大蜆，鮮味十足，點醬更惹味、珍寶大扇貝燒得啱啱好，無變細到，加埋蒜蓉同粉絲增添口感。海虎蝦果然好大隻，啖啖肉，好滋味，肉質爽口彈牙，仲有膏食！肉類會推雞全翼，外層金黃色，嫩滑可口、豬肉串肥瘦適中，淡淡香氣、車厘茄煙肉卷味道鹹香，番茄爆汁，十分開胃、羊肩肉細細串，羊味突出，咬落唔嚡、魚皮餃第一次見，外皮脆內餡滿。丸同小食類方面都有幾多選擇，私心推介芝士響鈴，微微焦香，又鹹又脆、鵪鶉蛋用和風調味，熱辣辣，估唔到會爆餡，記得要放涼先好食。雞肉腸同芝士腸好有BBQ feel，點埋蜜糖好滿足、燒賣同魚片頭大大粒，外脆內彈，都幾飽肚。最後以燒菠蘿同今川燒作結，酸甜滋味，建議老闆可以加埋棉花糖落Menu😜

近日秋風起, 天氣涼涼地, 食吓串燒都幾合適。這間主打港日風味嘅串燒店位於尖沙咀寶勒巷, 居酒屋裝修格調頗具風格, 三五知己傾吓飲吓嘆串燒, 感覺都幾寫意, 熱熱鬧鬧有氣氛。串燒即叫即做, 熱辣辣香噴噴, 零舍美味。豬頸肉肥美爽脆, 肉質香滑。墨魚丸肉厚有質感, 爽口彈牙。白鱔爽口肉脆, 肥美不油膩。韮菜大大把夠曬份量, 清甜美味。魚片頭和生根香脆可口, 雞皮和雞皮餃子皮脆香口, 肉汁豐富。還有茄子、蒜蕊和 秋葵, 爽脆清新。邊吃串燒, 飲吓冰凍嘅巨峰梳打, 清爽怡神解熱氣。#尖沙咀美食 #香港美食 #香港必食 #香港探店 #香港打卡 #香港旅遊 #香港必喝 #尖沙咀探店 #香港燒烤 #香港好去處 #尖沙咀推薦食品

位於尖沙咀呢間串燒舖最近做緊優惠,逢星期一到日都有唔同嘅優惠俾大家🙌🏻如果星期一或者星期日去食,仲可以享有七五折添㗎,真係好抵!!!😻佢哋仲要營業到兩點,好適合過嚟宵夜暢敘🫶蟶子皇扇貝山賊雞翼車厘茄煙肉卷牛肩胛金菇肥牛卷雞皮台式香腸茄子虎椒玉子懷舊燒魷魚餐廳串燒種類多到眼花撩亂,咩都好想食😆除咗辣度可以揀之外,有啲串燒仲有唔同嘅風味可以揀,例如BBQ、原味、麻辣、黑松露同牛油等等,認真唔錯🥰另外推介大家一定要試吓佢哋嘅海鮮,真係好新鮮,海水味十足,好正🤤另外佢哋嘅串燒師傅手勢唔錯,串燒帶有淡淡的炭香味,而且佢哋會好窩心有一塊大大嘅熱石,每次加串燒就會擺喺上面,咁樣串燒就可以一直keep住熱辣辣啦,啱晒食嘢食得慢嘅我💕

喜膳燒，一間日式居酒屋感覺的串燒店，餐廳每日有不同優惠，鍾意飲酒嘅朋友星期三就最啱你，食物方面有多款燒烤串燒，海鮮類選擇特別多。燒蟶子皇（蒜蓉燒）蟶子好新鮮大支，加入適量蒜蓉及汁料，剛好帶出蟶子鮮味，非常爽彈。燒扇貝（蒜蓉）同樣大隻新鮮，加入蔥花更加提升扇貝鮮甜。燒白鱔好厚身日式照燒，皮脆肉彈牙啖啖肉。原隻鮮魷魚原隻魷魚燒烤，簡單調味保留魷魚鮮味，點泰式辣醬另有一番風味。除海鮮外還點了雞皮餃子，燒豬頸肉，蜜糖雞中翼，墨魚丸及燒玉子，都可以選擇不同調味。喜膳燒環境唔錯，海鮮類都係好新鮮，燒烤功夫同調味恰當，好味得嚟唔會搶去食物原味道。

朋友介紹呢間藏身於寶勒巷嘅呢間主打串燒嘅餐廳～如果平時經過真係好易錯過咗😝店内裝潢頗有地道風格～播住輕快流行曲～氣氛幾好！個人覺得如果店內有唔係高櫈嘅選擇會坐得更舒服😉😉.✨燒珍寶大扇貝 $78以蒜蓉、葱花、粉絲加上厚肉鮮味大扇貝😍😍燒得香氣四溢～口感鮮味出眾！！.✨燒新鮮脆皮白鱔 $72灑上咗芝蔴、海苔粉、木魚碎～滿滿和風口味🫰🏻🫰🏻白鱔肉質非常彈牙！讚！！.✨泰式燒原隻鮮魷魚 $98原條魷魚上碟夠哂吸引🦑鮮味十足！淋上泰式辣汁變得火辣辣好惹味🌶️🌶️(唔食得辣嘅朋友最好要求汁另上🤫).✨法式牛油蒜蓉焗田螺 $49新鮮熱辣焗製而成😚😚田螺爽口有彈性～底下嘅薯蓉仲吸收哂牛油蒜蓉嘅滋味！！.✨燒美式豬肋排 (半條) $108豬肋骨醃製入味🐽美式燒烤醬料美味！咬落肉質軟嫩唔嚡！.✨燒雞肉串 $29揀咗沙嗲口味～雞肉軟綿綿～好味道🐔.✨燒紐西蘭羊架 (兩隻) $98羊架肥美適中🍖🍖油脂感豐腴！加上香草加持更香噴噴✌🏻.✨燒黑啤牛仔骨(特厚)兩件 $78厚切牛仔骨口感紮實但唔難咬🐂牛味濃郁!!.✨可樂 $18@罐✨美果純水 $9@支

尖沙咀寶勒巷喜膳燒開到零晨兩點，宵夜都可以食串燒飲啤酒放肆一番。喜膳燒的串燒別具特色，有不少自家創作。燒珍寶大扇貝扇貝蒜蓉芝士雙拼，燒得剛好又有蒜蓉及芝士汁，有燒過的香氣又帶有肉汁。海鹽燒秋葵燒海鹽燒秋葵燒完仲有水份喺入面，唔會太乾又爽口。燒蜜糖雞中翼燒雞翼是串燒必然之選，雞翼外皮香脆，內裡肉質嫩滑。燒芝士響鈴響鈴原來除了放湯外還可以燒烤，響鈴釀入芝士再燒，響鈴輕薄酥脆，芝士鹹香與帶輕輕豆味的響鈴味道是意想不到的夾。沙嗲燒厚魚肚魚肚又是意想不到的可以燒烤，魚肚軟腍又吸滿沙嗲醬味。日本霜降和牛霜降和牛牛味濃又軟腍，燒得剛剛好有肉汁。照燒汁燒京蔥汁燒京蔥帶微微焦香，爽脆不辣。燒煙肉韭菜卷煙肉捲上韭菜段，煙肉薄脆韭菜爽口，兩者雖香濃但味道很夾。明太子釀雞翼雞中翼已去骨再釀入明太子，脹卜卜外型十分吸引，食落味道亦十分豐富。十三香燒豬仔脾豬仔脾外層搽上香料，入口肉嫩濃香，用鍚紙包著外露骨頭，可以拎著豬仔脾方便食用。豬仔脾容易咬開，肉質有彈性，軟腍程度剛好。燒肉桂焦糖金菠蘿燒烤必叫之選一定是燒菠蘿，菠蘿本身就鮮甜多汁，燒過後外皮略乾，內裡更為爆汁。

前排朋友帶我去左間尖沙咀嘅串燒店，食物質素吾錯😋好惹味！餐廳做緊優惠，指定串燒有半價優惠👏🏻抵食！蒜蓉燒廣島生蠔，生蠔新鮮多汁，每隻蠔都好飽滿🦪蒜蓉D香味好濃郁，完全提升生蠔嘅鮮味！燒珍寶大扇貝😍有蒜蓉味同芝士味，我哋就嗌咗各一款～蒜蓉味嘅扇貝外表金黃，蒜蓉香氣撲鼻而來。扇貝好新鮮，肉質鮮嫩，蒜蓉嘅濃郁味道完美地襯托海鮮嘅鮮味，讓每一啖都充滿香氣。芝士味嘅扇貝，表面覆蓋著融化的芝士，色澤誘人，好邪惡！燒蜜糖雞中翼，外皮金黃酥脆，蜜糖嘅甜味包裹住雞翼，增添層次感，忍唔住一啖接一啖😍燒牛舌，每片牛舌都切得厚薄適中，烤得恰到好處，外焦內嫩，yummy!燒豬頸肉，真係好正！豬頸肉有厚度，好有咬口，外皮金黃脆口，咬下去時，肉汁juicy!

之前見爆哂場無得食，今次特別打左電話落黎先食，唔駛等位，爽皮 。呢到因為坐位唔算多，所以好易同好快就爆場 。佢地每日都有唔同優惠，係好正同都幾抵食！燒雞翼值得encore，除左因為當日特價，而且佢燒得好好食🤤 另外必試就係個鵝肝多士！你望下舊鵝肝算大舊，值得叫黎一試！ 其餘串燒正常發揮，味道唔差，因為朋友唔食牛 所以都係叫豬腩、雞、海鮮、菜呢啲；可以先睇下佢當日有咩優惠 。撞岩啲優惠，係尖沙咀黎講就係幾抵食 。

每次想食串燒，我都會選擇「喜膳燒」😉因為價錢相宜，質素又有保證💯.蒜蓉燒廣島生蠔(9隻)🦪生蠔肉質飽滿，加上蒜蓉🧄超香口😛.蒜蓉燒珍寶大扇貝🌊扇貝厚肉鮮甜😍粉絲索晒扇貝嘅精華，大滿足🤤.蒜蓉燒貴妃蚌🐚貴妃蚌大隻爽口，鮮味突出😋.黑松露蒜蓉焗雜菇🍄‍🟫黑松雷香味洋溢，雜菇十分Juicy👍🏻.麻辣港式懷舊燒魷魚🦑魷魚燒至焦香乾身🔥沾上麻辣汁，幾開胃.燒金菇肥牛卷🐄.燒蜜糖雞翼3隻🍗雞翼外脆內嫩，多肉汁😆加上香甜蜜糖🍯簡單美味.BBQ燒雞肉串🐓.燒蒜芯🫛.孜然燒茄子🍆茄子上曬滿蒜蓉同孜然粉🌶️夠惹味😬.燒煙肉韮菜卷🥓🥬.自家製冰糖雪耳雪梨水🍐有唔少雪梨粒同雪耳☺️清甜潤喉.青檸梳打🍋‍🟩

秋天又是串燒的最佳季節，每次路過尖沙咀，都會途經這裏，今晚便專程來到這裏。燒珍寶大扇貝$78，扇貝上有粉絲和蒜蓉，扇貝吸收了蒜蓉的味道，帶點海洋的特色。燒新鮮脆皮白鱔$72，白鱔的皮帶點焦香味，肉質爽口彈牙，充滿了蜜糖的香氣。燒山賊雞翼三隻$49，雞翼表皮帶點燒焦．內裏雞肉鮮嫩多汁，邊喝啤酒，邊吃這個人生一大享受。明太子釀雞翼兩隻$49，明太子的鹹香和辣味，令到香脆的雞翼更添一種特色。炙燒海花蝦兩隻$98，海花蝦非常新鮮，如果燒的時間短一點更好。燒玉桂焦糖菠蘿$45，菠蘿的表明帶點香脆的焦糖味道，加上菠蘿的酸甜味道，更加開胃。燒蒜蓉茄子一條$38，蒜香味道十足，茄子軟腍可口。海鹽燒王牌牛舌$58，牛舌軟硬適中，帶點嚼勁。麒麟生啤$78，冰凍的日本啤酒，容易入口，配合串燒，更有特色。美股純水$9這裏的串燒放在鐵板保存溫度，這個安排非常貼心。

鍾意食串燒嘅朋友應該都幾鍾意間餐廳，上星期貿貿然搵到間隱世嘅串燒店，舖頭企理四正，可以望到廚師喺吧枱燒製食物俾你，感覺非常親切。餐牌有幾款重點海鮮，蟶子同生蠔好抵食，大大隻且加入蒜蓉，超級惹味，啖啖肉！餐單上特定串燒亦可要求唔同味道，如鹽燒、孜然粉等等，根據個人口味不同需要👍🏻牛利好厚身、豬頸肉厚實味道幾好！和牛串燒好香牛肉味，必點！叫左個豬肚丸，幾有特色，口感唔錯，翠玉瓜水份充足，真正嘅Juicy😆雞抱魚乾都係口感型食物，超有咬口🫰🏻🫰🏻🫰🏻

今晚去咗尖沙咀寶勒巷食串燒 🍢🍢🍢 店位於10 PRAT內地鋪，細細間約能容納20人度，裝修以復古日式風, 有別樹一格嘅味道 👘👘👘串燒🍢🍢🍢除咗有日式，仲有港式串燒，一次過滿足兩種口味 😇😇😇 我哋點咗以下幾款 ：冷盤🥗🥗🥗 ：涼伴牛舌 👅👅👅 有少少麻辣味，幾惹味開胃～串燒🍢🍢🍢 ：- 蒜茸燒生蠔 🦪🦪🦪 3隻一份，肥美而燒得幾香口多汁😋😋😋- 蒜蓉粉絲燒扇貝🐚🐚🐚 幾大隻下，燒得啱啱好，又juicy 😋😋😋- 燒和牛肩胛肉 🥩🥩🥩 燒完仲好juicy, 又有牛味👍👍👍- 燒豬肚丸 🧆🧆🧆 呢款比較少地方有得食，淡淡嘅胡椒味配豬肚，有啲似胡椒豬肚湯嘅味道，正～ ⭐️⭐️推介～- 燒台灣腸 🍖🍖🍖 燒得好好呀，juicy到不得了～ 仲好味過去台灣食～ 👍👍👍 另一推介 ⭐️⭐️- 燒雞皮 🐓🐓🐓1份2串，食完你會知咩叫做脆皮 👍👍 又要推介 ⭐️⭐️- 招牌菜 ：芝士嚮鈴 🧀🧀🧀 外脆內香芝士，唔錯，如果多啲芝士會更好 😃 - 燒山賊雞翼 🪽🪽🪽 普普通通，唔夠juicy 👌👌👌- 燒沙嗲雞串 🐓🐓🐓 幾好味，夠juicy 😋😋食完再食甜品 🍍🍍🍍 燒玉桂焦糖菠蘿，味道ok嘅，今次菠蘿可能唔當造