喜牛蘭州牛肉麵 (MONTEREY Place)

营业中

休息中

新開嘅麵食舖頭價錢大眾化 仲有得免費添配啲面嘅款式都有好多款 又粗身又幼身任君選擇今日我就買外賣 喜牛番茄牛肉麵湯同埋麵係分開上嘅蕃茄嘅份量啱啱好 同啲湯夾埋一齊變得好甜湯底好飲 啲麵好長 好有口感 係蘭州麵嘅回憶食得出手打嘅 啲雞蛋味幾香啲牛腱肥瘦適中 有口感又牛肉味道喜牛涼麵已經調配好 少少辣，有啲花生撈埋一齊食啱啱好另外仲有小食秘製豬肉腸、涼拌三絲同埋呢度有手打檸檬茶斑斕檸檬茶好香幾好飲仲有其他唔同口味外賣包裝幾精緻

喜牛牛肉麵 $58有多款麵尺寸，軟硬度揀，以前係大陸食過二細係最啱口味🤭今次試下係咪類似口感先！果然係至愛嘅口感呀！！相對硬啲，而且比較粗👍🏼絕對係手拉麵先有嘅效果！！好好食！！湯相對清啲，但叫微辣啱啱好，吊起個鮮味‼️牛肉係類似牛展咁，正正常常！！全碗麵最愛都係個麵😋之後再續咗一次(免費㗎😍😍)所以大胃王啱哂👍🏼👍🏼👍🏼喜牛番茄牛肉麵 $65里個跟餐要細麵，相對淋少少，幼啲，普通啲😂我有啲後悔叫咗唔辣，有少少辣會令成個蕃茄湯個味豐富好多！牛肉份量唔少，由頭食至尾仲有👍🏼滷蛋+$6唔算貴！滷蛋入味，入面唔係日式溏心蛋黎，都好好食！跟餐鴨屎香檸檬茶+$18老闆話佢地嘅茶都係好得，嗌我地可以試下👍🏼叫咗7分糖！唔會好甜，勁多香水檸檬肉😍係暴打嘅成果☺️好正呀！！見到好多人都有點！抵叫呀！！！

第一次試，叫咗3個麵，呢個價錢食物味道不過不失，份量又足，但係出面冇人等位，餐廳內又坐唔滿人，唔明點解個服務員係咁走埋嚟幾次收晒將枱上面啲嘢趕人走，應該冇下次😓

平時唔寫食評，但係都忍唔住想講兩句。放工7點左右去到門口唔使排隊直入。入到去七成滿左右。想叫人落單冇人理。。唔緊要啦。。等咗陣，終於有人落單，態度麻麻其實都冇咩所謂。因為第一次食，兩大一細，叫咗三碗麵，小朋友碗蕃茄湯麵走辣佢話okay。 兩碗湯麵嚟先，但係小朋友碗麵冇走辣，算啦。加咗兩隻滷蛋講到明加落個冷麵度嘅，最後去咗小朋友碗湯麵度，都係小問題。。我碗冷麵足足等咗30分鐘，我見其他比我遲黎嘅客人嘅麵都上咗。咁我都好聲好氣咁問個四眼哥哥，我話想問吓個冷面係咪通常要耐少少㗎？佢嘅態度都幾惡劣咁話，係呀冷麵係耐㗎，要煮，要過冷河，好麻煩㗎。喂大佬我嚟食嘢啫，我點知道會咁麻煩到你啫。你早啲講我咪唔嗌囉。嘢食質素其實還可以。價錢亦都唔貴。三碗麵唔使$200。但係好老實，你咁樣嘅態度做生意，其實都幾趕客。我做客人都唔該前，唔該後。喂大佬你唔講唔該唔講多謝都無問題，但係都唔使黑晒口面，講嘢態度好似搵交嗌咁啊嘛。而家我爭你錢咩。。。

將軍澳Monterey Place內的喜牛蘭州牛肉麵，是一間值得細味的地道麵店。放工後與友人相約到訪，發現這裡不僅僅是一個填飽肚子的地方，更是一個能夠品嚐到傳統手工麵藝術的小天地。店內的手工麵選擇豐富，每一種麵型都有其獨特的魅力。我們點了兩款不同的麵：酸菜牛肉刀削麵和酸菜牛肉毛細麵。刀削麵口感煙韌彈牙，讓人回味無窮；而毛細麵則掛汁力強，更能帶出湯汁的鮮美。湯底搭配辣椒油，為整碗麵增添了一份溫暖和香辣，讓人食慾大開。值得一提的是，店家提供免費續麵服務，但老實說，原本的份量已經相當足夠，一碗下肚已經讓人飽足感十足。這種慷慨的做法，讓人感受到店家的誠意。小食方面，原本想嘗試椒麻雞，可惜已經售罄。在店員的熱情推薦下，我們改點了秘製雞翼。這道小食的味道頗為特別，有點類似「粟一燒」的味道，令人驚喜。飲品選擇了店內的手作糖水系列，分別是蘋果雪梨無花果和敦煌杏皮茶。前者清潤爽口，後者則帶有一絲酸味，很能開胃，與濃郁的麵食形成絕佳的搭配。服務方面，店員親切有禮，主動介紹食法和招牌菜，讓顧客能夠更好地享受美食。這種親切的服務態度，讓人感到賓至如歸。價格方面，喜牛蘭州牛肉麵的性價比相當高。一大碗麵只需$58

見門口大大隻字寫可『續麵』，自問為大食之人，又見價錢公道合理，就入去食…入到去，有個四眼哥哥，就嗌我哋去圓檯坐，語氣真係普通🤪，跟住我哋諗住嗌嘢食，啲語氣都係麻麻，跟住嗌嘢食，佢俾咗啲意見…好啦…麵嚟到，牛肉麵，的確好正，檸檬茶又好正…食完個麵，我哋問，麵…係咪有得添？佢答我『廚房唔得閒』😜😜 ，跟住等咗十五分鐘，見佢無反應，就埋單囉…喺呢個等候過程，都係得四五檯客，繼續落單…食物質素，真係好…但服務態度就…

📍將軍澳南•喜牛蘭州牛肉麵趁小朋友返咗學就約朋友去將軍澳Monterey Place 行Donki 🛒 Shopping 完當然要搵好嘢食啦😋見到樓下新開咗間蘭州牛肉麵即刻想試吓🫶🏻午餐時段已經坐滿晒人,一望餐牌價錢真係經濟親民☺️💲58就食到〰️招牌喜牛牛肉麵〰️我哋睇餐牌睇咗好耐😂於是店員問我哋係唔係唔啱食⁉️其實係因為太多選擇,所以有選擇困難症😅🔻🌟特色:麵型已經有8️⃣個寬度可以選❗️可以✨免費續面✨係大胃人士福音🤭仲可以自由選擇辣度✔️最後我哋揀咗🔹招牌喜牛牛肉麵➰店員推介2細麵型我叫咗清湯湯底非常鮮甜配料仲有薄薄嘅蘿蔔片同蔥花💕牛肉牛腱切得非常靚,牛味香濃而且夠晒唸👍🏻🔹酸菜牛肉刀削麵➰加小辣酸菜加埋小辣真係非常之開胃惹味😃刀削麵質地比較有咬口煙靭➕2️⃣8️⃣ 加咗兩款素菜🔸涼拌土豆絲🔸涼拌木耳酸酸辣辣爽口又惹味🤤真係啱晒我口味嗌埋嘢飲😙飲品係自家製即時手打夠晒誠意飲品杯會仲好特別• 而且非常大杯🍹鴨尿香檸檬茶➰一飲落去真係超級fresh🍹茉莉檸檬綠茶➰ 覺得好清新⚠️麵真係超大碗飽肚🤭所以試唔到免費續面❗️平民價錢高質美食💕一定要收藏分享

叫咗兩碗喜牛招牌牛肉麵，麵質粗幼可以自由選擇，揀咗一碗細麵同埋一碗韭葉，聽店員講麵係由蘭州送黎。兩磅大大碗牛肉麵，上面鋪咗好多類似牛展部位嘅牛肉片，牛肉味道濃郁，加埋有啲筋位幾好食。細麵質地爽口好滑身，而韭葉好似裙邊咁樣好得意，中間厚而兩邊比較薄，有口感。湯底叫咗小辣，唔會講啦，有啲嫲嫲香香，加埋小辣味道好過癮。跟餐加咗兩個素食，一個就涼拌蒜粒豆角同埋涼拌土豆絲。豆角加蒜粒惹味，土豆絲好滑好爽。秘製豬肉腸，好啱餸麵食，味道香口，切片厚薄啱啱好。嗌埋嘢飲，酸梅湯，自家製造，味道非常香濃，清新開胃推介！

行完將軍澳海旁，今晚落雨，好彩去到商場，呢度原來除咗有日本超市之外，下面仲有食肆，所以我哋在呢間商場食。睇咗Menu，性價比高， 60幾蚊就可以有個麵，大大碗，非常之飽肚。牛肉麵是牛腱，切得非常靚，肉同筋非常分明，又有得揀刀削麵，又會有得揀細面，辣度都可以自己揀，非常多選擇。跟餐飲品一定要試吓佢嘅手打檸檬茶，見到真係水吧即刻手打，我們一個叫了茉莉檸檬綠茶，一個叫咗話梅檸檬茶。檸檬茶大大杯，非常解渴，建議選擇小糖少冰，因為檸檬味十足。伴碟小菜都一定要試吓，因為它是自家製的木耳及泡椒蘿蔔。木耳唔辣，非常爽脆。泡椒蘿蔔望落去好似唔辣，但係後勁的辣味滲出來。總括而言，環境坐得舒服，尤其鍾意冷氣十足，仲可以行完海旁之後唔一定食西餐Cafe，食返呢啲中式嘢，夠晒飽肚。

嗰日同女朋友一齊嚟食，一開始冇咩期待，但係當嗰個面上咗之後嗰個面好煙靭，湯好清，有浸胡椒味，辣辣地都唔需要額外加辣，幾好味。同埋嗌咗一個薏米水，冇點落糖，同埋有好多薏米。覺得有幾樣野可以改善吓，俾少少意見，希望唔好介意🤗🤗🤗🤗🤗🤗🤗🤗🤗🤗🤗1. 如果小菜有圖就好啦，因為嗌咗一個涼拌木耳，但係入邊有洋蔥，我女朋友唔食洋蔥，所以一碟我食晒；2. 薏米水俾一支好幼嘅飲管搞到啜唔到薏米。

食物普通，價錢唔係特別平。碗面小小蔥花，或者幾條生菜絲都冇，個湯唔係特別好飲，一般清湯腩粉面店都好過佢。幫襯後覺得條氣最唔順嘅係服務好差！一入去冇人見到我，所以我自己揀張枱坐，再叫侍應落單，點知佢又叫我轉枱坐，唔好意思同唔該都冇聲。問佢有冇熱飲又話冇，然後笑笑口咁話得熱水要自己去拿。感覺上係零經驗零誠意。這個價錢我去粉面店食過雲吞面，牛腩面好過，仲可以叫返杯熱奶茶。近近哋雍明商場嗰間荼餐廳其實不錯的。諗住佢新開就試吓，冇下次。祝佢好運。

兰州牛肉拉面挺正宗。汤底搭配上辣椒油，让人回味无穷。尤其是二细面条，有着独特的嚼劲，让人吃了还想再吃。虽然兰州拉面店的小吃选择相对正常，无法算得上惊艳，但毕竟来到这里，品尝兰州拉面是必不可少的体验。相比主食而言，小吃的价位可能就显得不那么划算了。至于饮品，推荐尝试一下鸭屎香柠檬茶。这款茶的口感清新，香味独特，是一种不错的选择，既可以搭配拉面，又可以消食解腻。环境来说，就是正常的商场餐厅。还算干净卫生。

見到新嘢當然要試..作為區內少數親民價錢嘅食堂 係吸引嘅不過要留意 新開張暫時唔收信用卡收費可以用現金 FPS等等入正題 佢係得6個主要嘅麵食牛肉麵 番茄 酸菜等..最吸引有唔同麵 有幼有粗仲有刀削麵我揀左個番茄湯底刀削麵 但係無刀削麵最後叫左幼麵想試個小菜 涼拌土豆絲 無土豆絲忍唔住一問 點知8個小菜得返兩個故事教訓我 8點食晚飯都太晏一上 外貌唔錯 一食 清新嘅滾水味真係好勁 有色 無味 （唔知點做到然後個麵係一餅咁落 一餅咁上食前要瘋狂咁搞散佢先食到有啲令人無語另外佢上嘅牛係牛展 無咩特別上菜速度算快另一位食客揀左喜牛牛肉麵以不過不失作為評價如果想食平野同趕時間呢間可以一試但一試就好 第二次都唔太需要另外見門口寫住免費續麵大食嘅朋友可以去一試

非常好吃，味道非常赞，非常正宗老板人也很好，非常推荐～ 北方人推荐点二细，比较有嚼劲，三细和细面也很好吃，细面其实已经有点细了凉拌牛肉非常好吃，鲜香爽口，都是牛腱肉，口感非常好！隐藏菜单柠檬茶很好喝，非常有鸭屎香柠檬茶的味道，可以尝试！性价比不错的，牛肉面汤底味道很正，50多块很划算了😆老板人也是很和蔼的大哥，人很好有需求可以多沟通^_^餐厅环境也非常干净舒适，宽敞明亮，晚上不用排队，老板说周末的话要等一会，但翻台率很高

喜牛的蘭州牛肉麵是一道令人難以忘懷的美食。湯底鮮美，採用多種香料精心熬製，入口後讓人感受到濃郁的牛骨香氣。手工製作的麵條勁道十足，每一口都能體驗到師傅的巧手與用心。牛肉片薄而嫩，入味深刻，搭配香蔥和蘿蔔，增加了層次感和清新口感。再加上特製的辣油，為這碗麵增添了一抹誘人的辣香。整體而言，喜牛的蘭州牛肉麵無論是在味覺還是視覺上都給人以極大的滿足，是一道不容錯過的美食佳餚。