喜棧 (已結業)

又來到 Happy Friday，下班後決定約老公一起去睇波鞋，順道給友人買點小禮物。由銅鑼灣一直掃落灣仔，雖然行到兩個死吓死吓，但總算有點斬穫，提議在附近找個地方吃埋晚飯才回家。途經莊士敦道，發現原來這裡開咗間《喜棧》，記得之前曾幫襯過位於利園山道的《喜棧》，覺得食物都唔錯，見這新店門面乾淨企理，今晚就一於在這裡開餐。甫踏進店，即見內裡設計與銅鑼灣店分別好大，除了店面較濶落之外，連整個裝修望落去都好古色古香，感覺高雅，而且對正大門更設有一個燒味檔，掛著一隻隻燒鵝、油雞、叉燒及燒腩仔等，狀甚吸引。再往內轉，餐廳以紅黑為主調，綴以天花的大紅燈籠和店中央掛著的搶眼大金龍，裝潢充滿中國風。入座後拿起餐牌一看，晚市套餐主要分為燒味及粉麵兩大類，燒味飯餐定價由 $68 - $82 不等，而粉麵小食套餐價位就由 $59 - $79 不等，兩款都配小食一客及附送例湯。至於單點餐牌，其實選擇同套餐亦差唔多，都是以燒味和粉麵為主，見很久沒吃過炸醬麵，就一於點客蝦子炸醬撈麵套餐，另散叫兩碟燒味雙拼飯。候餐其間，拿起檯上的「健康茶療」簡介一看，原來餐廳每日都會為客人特別炮製一款茶，這天是星期五，服務員送上的

因利乘便、不知不覺間成為我每星期一次的飯堂。今日開O.T. 之前來飽飽肚先。柱侯牛筋腩河麵食過數次、今日試下河粉又如何？先嚐湯底、醇厚濃稠的牛腩味、好滋味。河粉滑溜、幾乎直入喉嚨。腩肉軟腍、牛筋入口即溶、那膠質就是極品。脆皮燒鵝拼油雞燭爐呈上、一邊加熱一邊品嚐幾窩心。大大隻燒鵝脾在眼前、末食已口水流。燒鵝皮脆、皮肉之間沒有多餘肥膏、鵝味出眾、醮少許梅子醬更顯滋味。油雞主要是雞胸部份、平時我甚少食因怕‘鞋’ 口、但試了一塊、雞肉嫩滑無比多汁、對雞胸有所改觀了。温飽之後又要返回岡位再努力賺＄＄＄。

之前經過被店舖的裝修吸引, search openrice 評價不錯, 便決定來試!! 坐在這裡欣賞大紅燈籠的裝修, 如置身古代, 令人放慢腳步, 好relax點了蝦子水餃面配炸雲吞連飲品, $55 好值!!侍應仲好細心解釋水餃同雲吞的分別, 仲提我水餃大份d 水餃味道OK 最讚係炸 雲吞, 好脆而不油膩, 真心好食

灣仔揾食其實都幾方便、行兩步就有一間、中式西式樣樣俱全。今天較為寒冷、粉麵湯類最好不過、可暖胃。粉麵　+　小食　+　飲品套餐蝦子鮮蝦水餃麵湯頭不錯、散發出蝦子香氣。麵性彈牙爽口。餃子粒粒飽滿、餡料絕不唏埸。魚湯菜心魚湯好香好濃、絕對沒有味精、幾乎一滴都喝光。菜心當造、非常鮮甜。奶茶茶味濃郁醇厚、幼滑。套餐有多款選擇、論質數和價錢、相當抵食噢！！

當找吃的時候，喜見一間像似賣燒臘的飯店，門口華麗，內裏清潔。看到有套餐，叫了一碗魚湯鮮蝦雲吞河，隨附鮮魚湯油菜及例湯「粉葛湯」。例湯一流，很快已買清光，油菜的魚湯和雲吞河的魚湯是不同的，兩者很有鮮味，最重要的是雲吞內是全隻蝦，不是蝦膠及豬肉，必試呢

今日去左呢間新店試下, 雖然要等位等左10分鐘左右,都好快安排到入去食野, 門口個收銀姐姐好有禮貌..入到去坐低已經比D裝飾吸引住, 有一條金龍係中央位置. 有個肥肥地的部長好好禮貌甘拎左個餐牌比我地, 仲sell我地食燒鵝添.見佢甘sell 得, 就是即管試下. 我地4個叫左一只燒鵝, 同其他麵及飯. 燒鵝真係值得一讃 好衰唔衰, 有個男侍應d態度勁差.叫佢收一收野啫, 都黑哂面口,又話唔夠人做野又話要等, 連問佢要張紙巾都話無. 又叫人下次唔係來. 都唔知點解果嗰侍應可以同其他唔同, 制服又特別怪...著波鞋都有, 態度又勁差..又黑面.. D嘢幾好食都假...

趕時間要食個快靚正嘅晚餐，黎到新開業不久嘅喜棧，見佢裝修靚，套餐又抵食，啲位又濶落，今晚就食佢啦。先送上茶，是日係菊花普洱，清香解渴。叫了一客燒鵝燒肉飯，鵝肉嫩滑多汁，燒肉皮脆肉嫩，飯有飯香，一客食落好滿足。亦叫了一個牛筋腩湯河粉，腩汁湯底好好味，牛腩炆得軟腍入味，好食。仲叫了雲吞河粉，鮮蝦雲吞肉爽鮮味，一口一粒好正。河粉香滑彈牙，不錯。跟餐選了魚湯菜心，菜心軟熟多汁又翠綠，魚湯鮮甜，好味到飲哂哈哈。另一個餐要了炸雲吞，好香脆，不算太油，少少酸甜醬點下更好味。最後餐飲要了凍檸茶同熱檸蜜，清甜好飲。快上快食又好味，正。

 是日諗住食個簡單晚餐，黎左新開既呢間燒味店，以六七十蚊一個set既燒味餐廳黎講，佢既裝修算係有心思，樓頂掛左好多個大紅燈籠，但又唔算老土，倒影係例湯上面老實講，有啲靚。未食嘢先上茶，一嗒，咦，唔係頹茶喎，拎起個餐牌睇下，原來每日提供唔同既茶，今日既係玫瑰綠茶，清清既玫瑰味，雖然唔算係我杯茶，但美容養顏喎！灌多幾杯先。同女友一人一個set，招牌燒鵝飯同柱侯牛筋腩河，燒鵝完全無臊味，鵝皮既脆且香，但因為上枱時已經凍冰冰，所以味道打左折扣，胸肉頗嚡，有少少失望，同埋個飯竟!然!係!無!汁!架!如果鵝油豐富尚可以幫白飯增色，不過因為無，我食到最後要好可憐咁用辣油送飯。柱侯牛筋腩河只有一碗仔，一個男人食應該唔夠，但係個湯底真係正，杰杰地咁好似九仔粉個湯底咁，非常咁惹味濃郁，而牛筋腩炆得非常冧同入味，幾正，幾正。跟餐有嘢飲同小食，我揀左例湯同魚湯清菜，兩者都唔覺有味精，而魚湯甚有驚喜，一般既魚湯米線湯底都無呢個質素。最後，雖然呢間嘢裝修幾靚，但佢係無大門架，十個趣，呢日溫度得十度左右，坐係門口位啲風係咁陰啲陰啲吹入黎，吹到嘢食都凍哂，哈！唔知佢夏天係咪又中門大開架呢。

朋友又約在灣仔飯聚。灣仔工作的朋友放棄選擇權，所以今次由我和另一位朋友發牌。其實灣仔對我來說，是見客或去灣仔會展才會路過。在MTR出口，只會向左走。邊走邊看這裡有啥好餐廳，看到這家古色古香的餐廳（未曾見過喎！）。　門前對聯：　上聯：何需四處尋佳味　　　下聯：極品燒鵝奉君嚐　　　看到玄關的開放式廚房掛著燒鵝，這家招牌菜好明顯是＜燒鵝＞。　探頭看到內裡有座位，我倆就決定在裡晚餐！傳統青磚牆壁配上深啡色的枱椅，再加上牆上的瓷碟，香港鬧市少見古香古色的餐廳。天氣寒冷，先就座，慢慢等朋友放工。職員奉茶。今天是星期二，是日靚茶是牛蒡茶。健康有益呀。難怪其他客人常常Refill & Refill。　朋友來到後，看著餐牌，3個女仔商量食咩好! 一於點2個套餐，再加一款食物！ 極品燒鵝雙拼飯　這家既然主打燒鵝，當然要點個燒鵝飯。網上資料燒鵝拼叉燒飯，大大碟，份量超多，1個男生也未能吃光！咁即係足夠3個女生分享啦。上來又真係好大碟。叉鵝飯：半肥瘦叉燒及燒鵝件。很喜歡厚切的半肥瘦叉燒，外表潤澤又少少燒焦。而叉燒中間油脂可中和燒到乾身的豬肉。如果是淨肉乾爭爭，好難咬囉！　　註：不太喜歡硬掘掘又乾身的食物。　自

這家茶記規模不小，以大紅燈籠裝飾，很有過年氣氛。與同事一人一個燒味雙併飯餐（＄72），一次過試齊叉燒、油雞、貴妃雞和脆皮燒腩。貴妃雞表現最好，肉質嫩滑，不黏骨。飯底與其他燒味店處理不同，並沒有加入叉燒汁或豉油，相對乾身。本人較喜歡有汁拌飯，唯有用薑蔥拌食。套餐另跟一份小食，我們選了炸魚條和蠔油芥蘭。

大紅燈籠高高掛、金龍壓場、装潢古典有氣派、有別於其他分店在灣仔悄悄來了。剛巧公司附近、因利成便偷懶去食番個下午茶。奉上的是一杯牛蒡茶、健脾養生。原來店方每日奉上不同的健康靚茶供客人品嚐、非常窩心。下午茶有多款套餐、雲吞、魚蛋、燒味配粉麵、價錢由四十幾至五十幾元、尚算抵食。聽聞喜棧燒味不錯、就點了燒味雙拼瀨粉（＄５４）瀨粉質感爽滑、湯底鮮甜、絕不馬虎。义燒肥廋各半、肉質軟柔、蜜汁香濃。貴妃雞皮薄有光澤、有一層透薄啫喱、這膠汁就是極品。雞肉嫩滑、細嚼更顯美味。既然燒味了得、多點一個脆皮燒腩（＄７５）小火爐端上、一邊品嚐一邊保持熱度、好配合今天的寒冷天氣。‘索’的一聲、皮好脆。肉質軟腍沒有太多肥位、達到我的要求。熱烘烘、非常滋味。無冰奶茶茶味香濃幼滑、不可不飲。食過豐富的下午茶、係時候回到自己岡位再拼搏了。

其實之前某日上班路過莊士敦道，發覺這裡仍在裝修中。然後今次有位久違的友人路經此地順道相約午飯，想不到對方竟選了這裡。就當是聊天順道嘗新吧。由於午飯時間，朋友已幫忙找位，沒太多心思去探究吃甚麼，就在午餐餐牌隨意挑選。午餐餐牌有燒味飯和粉麵可以選，不過價錢部份還真的十分進取。我的朋友叫了個牛腩撈麵不跟餐已是六十多元，我本身叫的叉燒燒腩雙拚飯加一份小食(炸雲吞 / 雞翼 / 炸魚條 / 油菜)再加飲品，約七十餘元，感覺比較划算，還好沒加一。店面裝修頗古色古香，但坐位間略為狹窄。見店面招牌未拆紅紙，應仍在試業中吧。店員態度尚可，不過舉目所見在午飯時間漏單遲出菜等情況還真不少。奉上的茶水熱度不足。很幸運的我們兩人的食物沒有漏單，也在合理時間上桌。先上的燒腩叉燒飯：份量對女生過多，男生而言算足夠。蔬菜零熱度，叉燒切得過大，沒有應有甜香; 至於燒腩，燒肉皮算香脆，鹹香味一般，不會過肥。隨飯奉上一包芥辣....收得呢個價錢，用調味碟另上會讓人觀感更佳。至於附上的炸雲吞反而讓我感覺比較滿意：雲吞是剛炸起的，以蝦及豬肉作的饀料豐盈，如有沾汁調味會更加理想。朋友的牛腩撈麵份量也頗大，據朋友表示牛腩算是炆的軟

其實舊年年尾已發現灣仔莊士敦道將有新食肆上場，每日行經門口更例別睇吓有動靜開張未 。今個星期初終於見到新店「喜棧」打開門口做生意。見佢招牌上仍貼有紅紙，又未有花牌，估計現階段只屬試業而已。餐店正門可見師傅忙碌地處理燒味，廚窗內吊有多隻油亮o既燒鵝 。十二點半左右，大廳已坐滿客人，故亦唔好意思影相。全店內側牆身以中式湯碗砌出幾幅三D牆畫。中央頂部一條大金龍可話氣勢如虹！ 天花多排大紅燈籠高高掛，傳統中國風味濃厚。同正門頭頂上新潮少少o既雀籠吊燈剛好做成一紅一白、一剛一柔、一古一潮o既對比，餐廳室內設計真係幾棧鬼 。XO仔同會計小姐被安排入座半梳化式o既二人散座。見到餐墊寫上食店有五大皇牌 ，當中燒鵝張圖片又最大，唔洗諗梗係要食燒鵝啦！細小o既會計小姐只有一個雀仔肚，食量頂多為小肥o既五分之一，所以兩口子就簡單叫咗個燒味飯餐黎分。套餐包例湯或熱飲。是日例湯為「蓮藕湯」，味道唔多似老火湯，咸得黎好似用水開出黎咁 ，早知飲杯咖啡或者檸茶好過。跟餐小食要咗個有兩粒o既「炸雲吞」，每粒中間有隻蝦仁，尚算爽脆，勉強合格啦。主角「燒鵝拼脆皮燒腩飯」o既白飯底份量以一人計算實在係過多，四周