喜悅咖啡 (已結業)

觀塘海濱呢間喜悅一向都不過不失，今日又嚟到食個晏。首先嚟個蘑菇湯，其實都好香，飲落有濃濃蘑菇味，不過真係稀咗啲，如果濃少少會好味好多。主菜叫咗個羊架，冇得揀熟度而佢又煎得幾熟下，搞到比較韌，又冇乜羊味，唔得唔得，係啲薯菜幾好味囉。食完送個甜品，類似布甸嘅物體，但又冇乜味。

今日下晝有以前大學同學約食飯，當然食好啲，就去左海濱道，公司附近一間cafe度食lunch，去嘅時候唔需要等位，冷氣亦都夠大，即刻透心涼哂，自己叫左一份西冷牛扒，而同行兩位朋友就叫左pizza同沙律share食，先上左南瓜湯先，甜甜地，唔錯唔錯，到上左份扒，就有啲失望，一早知佢係鐵板上，就叫左3成，等佢塊鐵板再整熟啲塊扒，點知嚟到嘅時候已經係7成，再加上塊鐵板，搞到塊扒非常之un，另外，薯條係幼薯條，唔算太吸引，好彩啲汁都幾惹味，朋友叫嘅pizza反而幾出色，烘培得岩岩好，啲料嘅份量亦都足夠，沙律我就嫌唔夠汁，真係好似牛趙草咁，最後送上一人一杯雀巢雪糕做甜品，整體嚟講同朋友傾下計食飯算係唔錯嘅選擇。

因為公司在附近的關係所以都經常到這間cafe食team lunch大大話話都食左5-6次我只好講1句愈黎愈差!無論服務定野食都真係愈黎愈差!這間羅宋湯好淡完全無味明明之前不是這樣點了肉眼扒明明要的是5成可惜黎到差唔多8-9成仲要好硬....

原先打算黎個Happy Friday 食個扒開心下，Lunch Hour等左幾個字都吾係問題，坐低叫個肉眼扒五成熟。禁湯上先，上次飲過都覺得吾錯，點知今次第一啖就飲得出加左水，雖然個日係多人左，但我寧願話無湯都吾好加水色就有味就無。到個扒，黎到其實都七八成熟，加上鐵板又辣一辣又熟左D，今次叫左配意粉，但汁就吾夠...連扒都吾夠點，最後都係加茄汁先夠，本身打算食過一次OK今次都應該吾會點差，但真係失望左D。

炎熱既星期五，黎到呢間海傍既餐廳，好多人呀！等左15分鐘度先入到去，叫左個西冷牛扒五成熟。湯就係例牌既雜菜湯，不過冇咩味。。。西冷呢，我諗都接近九成熟，叉都篤唔入咁濟！塊扒厚就厚喇，不過真係咬到牙都軟

海濱區附近多西餐廳，所以同同事一齊去食呢間性格比貌似幾高嘅餐廳，因為之前見同事食過豬手好似好正禁。不過今次有小小失望而回，因為無曬豬手，但中意食羊嘅我打算一試佢嘅羊架，肉質算吾錯，不過配菜就一般，因為想配飯或姐意粉都無機會，因為佢地好似SET死左跟餐配菜。總括黎講百另蚊有湯有肉有飲品有甜品吾加一，算係一個平民的選擇。

係呢個blue monday當然跟同事去食番餐好咁就去番我們覺得不錯的"cafe"食一餐好但點知……第一…服務好似差了上茶速度慢了第二...塊扒好似無之前咁好食汁都好少不過環境真係OK...希望下次可以水準好似之前咁就好了…

說真在牛頭角LUNCH的選擇不太多…所以又來了這間cafe食個午飯今次點了一個肉眼排…不算太貴…$118(未加一)…5成熟就真的是5成熟…肉味很濃!又軟食…比起上次在翠華吃的好很多……另外…那些薯條太美味了是CYN最愛的粗薯條!另外餐飲必定是點最愛的凍OT!CYN發現同事們也很愛凍OT!全台11人…9個都是凍OT!

計埋今次已經係第三次到呢間餐廳食飯了兩次午飯 一次晚飯其實午餐到這裡食都十分抵食平均一百元就能享用一個set lunch第一次享用的是羊架很大份的羊架不會過硬!另外蘑菇湯十分美味濃濃的蘑菇味第二同第三次都點了意大利飯軟硬度適中味道都很足夠另外也嘗試過焗蠔但就一般了這間餐廳的甜品也不錯

朋友介紹，驚喜cafe公司三文治 : 材料豐富，厚厚的雞蛋，煙肉，火腿，蕃茄，加上烘底方包，咬起來咔咔聲。大蝦蟹子沙 : 沙律菜好新鮮，多士脆脆地又唔太硬，最正係個沙律汁，酸酸地，汁稀稀地，可以好均勻包住沙律菜印尼串燒 : 有點失色，太乾身，個汁唔夠惹味花茶好靚，仲可無限添飲，哥以坐足全日

喜悅咖啡 Cafe Delight唔明之前評語差得咁緊要可能唔同左大廚我覺呢度好OK今日等個FD放工見到有間咁GEI野咪入去試下裏面地方好大坐得好舒服55蚊叫左個公司三文治仲有杯餐飲三文治料好豐富好多菜番茄和Ham Bacon方包烘底我最欣賞係三文治內的醬汁酸酸甜甜，又唔會太"傑"，調得好好食個fd 要ot坐左係度好耐都無人趕我走

要到官塘辦點事，也順道在這裡開餐，獨自他他條條吃一頓，逍遙自在。餐廳面積幾大，裝修都算企理，只是西餐的模式，與那張「神檯」，有點格格不入。午餐由四十多元的碟頭飯，到百多二百元的扒餐均有供應，豐儉尤人。第一次來，未了解水準，還是小試牛刀，只來客鮮茄雞絲飯。用長碟盛著，賣相收貨有餘。茄汁味道不會太假，還有不少新鮮蕃茄，幾好送飯。只是雞肉稍韌了一點，否則會更好。邊喝凍檸茶，邊看著大電視，世界盃期間好像還有球賽播放。埋單不用加一，五十有找，真係茶餐廳都唔得啦！

見食評食家門講到好差，我多次揸車經過見門面都ok,今晚洛大雨，門口正有位泊，決定入內試下內裝修見怪D，紫色卡位，燈光較暗，有部投射機播近新聞，員工頗有禮貎，塲內約十台客揀左二人餐炸薯角-- 不錯喎，粗條薯條夠薯味+味粉，味道野味香口，份量足鮑魚野菌意大利粉--鲍魚一少隻夠入味，意大利粉夠大碟，汁都配撘不錯，夠熱火腿薄餅--呢個值得一讚，薄餠厚度剛好，薄火腿不錯有六件，薄餅芝士料超足，賣相加分我地冇揀扒類，這次感覺及味覺不俗埋單$268冇加10%

此餐廳在公司既留下, 本人見到門面已經唔想入去幫襯, 但有天同事說不如近近地去試一次吧, 就係甘就一試難忘, 我甘大個女都未試過食甘難食既野~裝修已經非常唔掂, 老土又要扮高級, 裝修成間舞廳甘, 黑沉沉又加上深紫色既椅子, 真係一個黑字, 加上門口入去見都個神位, 有個關公, 真係似舊式酒樓多些, 完全唔係西餐廳。四個人order左2個lamb chop and 2個steak (set lunch), 分別$108 and $98。 先上周打魚湯, 來了只得一半, 一見到白白的而且無料心知不妙以為只有奶味, 但一飲就出事了係椰奶味, 我想廚師將椰奶同牛奶調亂了, 真係好離譜!  同個waiter講, 佢仲黑口黑面說換沙律囉~  之後上main course, steak & lamb chop都算入得口, 甜品係pancake, 唔知點解又硬又咸~之後聽其他同事講呢間餐廳係鴻圖道一號飯堂個老闆開, 唔怪之得甘難食, 但佢地最慘就係茶餐廳又要扮高級餐廳, 價錢又甘貴, 真係叫鬼去幫襯, 我發誓以後唔會再幫襯~

觀塘區最近有間西餐廳新開業,本人係附近返工,午飯時間同同事外出午膳經過見到入去試下.服務員主動介紹午餐餐牌.一行5人,點左2個羊架,1個三文魚扒,2個虎蝦意粉,鵝肝和生蠔各2份.羊架無騷味,肉質嫩滑夠味.三文魚扒熟度剛好,配香檳忌薕汁,令人回味無窮!虎蝦有10幾尺長,大過1隻手,意粉份量略少.鵝肝配紅酒蘋果,可以中和鵝肝嘅油膩,紅酒蘋果亦係女性補品!可能新開業,略欠氣氛.