喜悅咖啡 (已結業)

因為此餐廳在公司樓下，膽粗粗走入去試試，因為實在太難忘，先至執筆寫個負評首先，行到入去，竟然一間西餐有個關公像，我對住太太笑了一笑，真係一間煣合中西文化既餐廳我叫左個午餐，我係叫海鮮意，我太太叫了意式雲吞先來餐湯(意大利菜湯)，真係稀過希特拉，無味到尤如水加鹽最爆笑係個侍應走埋來介紹個湯：名叫.........例湯我同太太堅笑鳥！主菜當然同樣精采(海鮮意)：金寶白湯煮超市Cheap意，加一埋海鮮，包括2隻營養不良既青口，減肥過渡既白爪魚，同埋相同味既魚加蝦，非常精采！意雲吞都相當好笑：同樣以高溫金寶白湯滾熱一棵半生熟既生菜，配以一隻單一巨雲吞，無錯，係單一巨雲吞，中間起用廣東式肉餅炮製，美味非常！甜品則以份子料理概念，整左幾粒屎狀既朱古力物體，味道當然，哈哈哈哈哈(May姐式)

我叫了一客西冷牛扒餐。牛扒說是燒烤的, 侍應還提意牛扒應七成熟。 結果牛扒來時是煎的。而且十分硬。收費不平宜, 環境本來不錯, 卻不知為何開了兩枱火煱客! 這不是西餐廳嗎?那兩枱客人也很吵呢!結果, 我吃了一頓貴但像茶記的晚餐。