喜喜冰室

营业中

休息中

銅鑼灣World Trade Center後面有間懷舊冰室, 門口有個特色露天花園, 感覺好休閒! 門前有張乒乓球桌, 在單車籃拿球和球拍, 跟同事打兩板, 鬆一鬆根骨, 心情都開心多了! 入到冰室見到小巴就聯想到 " 那夜凌晨，我坐上了旺角開往大埔的紅VAN" , 如果一邊食野, 打開份今天日報, 後面食客一個繼一個地無故消,失, 水吧上面時鐘不停轉, 彷彿進入了另外一個時空, 之後發生一連串的故事,係咪好想知呢? 今日午市套餐HK$59-有餐包, 主菜配飯或意粉, 凍飲加HK$3元 嘩！好大個包啊！我食完重有夏威夷豬扒意粉，食唔食得到呢？ 提子麥飽好有懷舊味道，入口鬆軟味道帶甜。 夏威夷豬扒意粉－夏威夷當然要有菠蘿啦！ 豬扒比較簿身，意粉較軟身，味道還好 。 喜喜冰室銅鑼灣Fashion Walk百德新街57號地下C&D號舖2868 0363

 又來一篇早餐類食評！茶餐廳全天侯供應常餐簡直是為愛吃早餐的我提供不用三心兩意煩吃什麼的好選擇喜喜冰室的常餐已吃過很多次，吃過很多不同地方的常餐，餐廳總將注意力放在炒蛋，多士的質素經常被忽略，但愛吃包的我，根本是為那多士來呀~所以發現了這裡的常餐除了通粉及炒蛋外，多士也是有花心思的，便成為了常客了，這可算是高質常餐。這次叫了：吃：常餐($49) - 义燒通粉、火腿炒蛋、蒜蓉牛油多士           义燒通粉 -  义燒出色，半肥瘦           火腿炒蛋 - 炒蛋很多，炒得夠滑            蒜蓉牛油多士 - 這是令我最驚喜的，一般常餐都只配牛油多士，但這裡是有加少少蒜蓉的，很香口很好吃喝：熱奶茶 - 不知是否茶返沖了很多次，茶味太濃，濃得有點苦，不好喝環境：餐廳搬了位置後大了很多，坐得舒服服務：職員友善，會跟客人開玩笑，很見到不少熟客很職員聊天，他們都很有耐性

未入到餐廳，都覺得環境好靚，但係入到去攞位，畀侍應點咗兩次，都搵唔到一個位for 4人見到出面有位，但係佢話人哋去咗打乒乓球係未走，點知一坐低，就有兩個人坐咗落外面張枱。點餐又聽唔清楚，叫凍奶茶畀咗凍檸茶，咁都算，午餐瑞士雞脾勁大陣雪藏味，茶餐加$3轉公仔麵，點知未熟，咁我不如食生麵王啦，凍奶茶少甜都甜到嘔，真係自己煮都無咁嬲總括，環境係幾靚，但服務同野食都差，店員仲好似唔做你生意都冇所謂咁，唔明點解咁多人食，又貴，作為一個傳媒，我覺得好差，唔會再嚟！

這間餐廳並不是開在臨街一面，而是開在建築物的背街一面，有點難搵，裡面卻是別有洞天。首先見到的是室外用餐區，除了有遮、餐桌椅外，還有大乒乓枱和兒童車供大小客人玩耍。店內裝飾用喜慶的紅色為主色調，與店名＂喜喜＂兩字相呼應。店員訓練有素，等客人 Order 後會迅速準確無誤地重複一次內容再開單。＂懷舊＂是這間餐廳的主要定位，連 Menu 都用舊時的學生簿設計。第一次幫襯，憑相點餐。＂雞批浮台＂，新鮮烘熱的＂雞批＂浸在綠豆蓉湯汁中，顏色黃綠相間中間一點紅（番茄汁），味道微鹹中帶微甜，食落覺得有點西餐 Feel 😍。＂黑白多士＂，烘得香脆的多士上面均勻地抹咗一層＂黑芝麻醬＂，再薄薄地淋咗一層＂煉乳＂，顏色黑白分明，口感少少甜，多多香😍。初次用餐留下愉快的感受，我會再來的😜。

主題懷舊，簡單食物，裝修六，七十年代。有小巴卡位，掛滿唱片套，衫夾，練習簿，錄音帶盒，西瓜波。。。。門口有乒乓波枱。有特色，拍照，聚餐都不錯。侍應服務態度都友善，算順得人意。但感覺厨房係做唔切，要加人手。食物質素，就唔好太要求高。真係好懷舊冰室水準。是日精彩套餐，叫左B & C牛腩好棯好入味。送油菜。田园春雞，蒜汁，椰菜，保持傳統茶記味道。春雞都嫩口。但，餐湯係送完即止。餐牌有特色。就係咁，叫多左樣。。。錦鹵雲吞。味道，材料，雖然不能同酒樓相提並論，但有蝦，有豬潤，個汁就蕃茄汁多了。多少少酸味，就剛剛好了。食物買相同餐牌比較，像真度極高冇違反商品條例外籍人仕，有英文習作簿餐牌提供，設計有心思。內容比中文餐牌清晰好多。懷舊套餐仲有，渡輪餐（$45），茶餐（$54），通粉，福麵，維他奶。。。。貴左d囉。

隔著一個海港，真的很少機會踏足港島，所以難得去一次，就找一家特色食店「嚐」試吧。從雜誌的介紹中得知這家喜喜冰室，位置在百德新街的巷子內，有點隱蔽，但路旁有很大一幅招牌指路。走進去會先看到露天的部份，可惜當天下雨，沒有開放。正門招牌配色與門窗掛著的布簾已經透露出一種舊式感覺，門前一張的乒乓球桌也算是賣點之一吧。室內陳設也是走老式冰室的風格，牆身掛滿舊照片、報紙雜誌及卡式帶等，即使沒有經歷過那個年代，卻恍如穿越時空回到過去般...最引人注目的大概是這個仿小巴的卡位了，紅色座位、碧麗宮、十四座，是再也不復的回憶。看過了環境，作為冰室，食物當然是重點，不過在食物之前，像作業簿一樣的餐牌、復古的餐具盛器、菲林(膠卷)牙籤筒也是亮點之一。點了份有蠻多人選的茶餐，首先上桌的是叉燒湯意粉，用特色雙「喜」字大圓碟盛著，叉燒用上比較瘦的部份，卻不會太乾太柴，意粉煙韌有彈性，配搭上湯，是很久沒嚐過的茶餐廳風味。火腿蔥花炒滑蛋跟多士隔了一會才到，炒蛋嫩滑，可惜火腿跟蔥的份量並不太多；多士口感軟綿邊角香脆，吃起來味道有點像蒜蓉包。餐飲選了凍檸茶，就是一般的味道，沒什麼特別。雖然今次只吃了份簡單的茶餐，但意外的很

星期日，帶同家人去新開無耐嘅喜喜冰室，之前參看食評，覺得可以一試，到達後感到中伏了，入到食店，沒有服務員招呼，便自行找位坐。當天食店坐滿一半人，零零散散，一家三口搵了張四人檯，坐下來發覺檯面是埋單後沒有執拾，諗住叫人來執執，望不到有人，亦沒有人來協助，心想未開始進食已如此，落單後果不敢想像，最後我地決定離開！食評有大半都是好評，才會想住試試新食店，專登去幫襯，未開始食便一肚氣，感受很差，自己亦被家人埋怨，白走一趟！以後不要盡信食評，要做多點功課！有特別裝修，但沒有優質服務，浪費！

愈簡單的野愈貴，一個常餐會賣成49蚊⋯⋯但呢間野會覺得值囉因為唔想食飯的關係，所以簡番常餐食，同行的朋友簡海鮮焗飯個叉燒通，份量都幾多下，叉燒好食，唔難咬炒蛋入面啲火腿係厚的，仲有蔥花，第一次見常餐的炒蛋會咁，蛋的色較暗，但味道又ok，無奇怪野呢個份量一個女仔食太多了，仲有厚多士呢⋯⋯朋友叫的海鮮焗飯餐，淨係個餐包都嚇親，以為人地玩野個包高度長過我隻手喎 （走嘅時候見到好多人食淨）麵包係提子包，暖的，鬆軟，但無咩甜味，要加牛油同送湯會易入口啲飯就無影啦，係白汁加海鮮飯，一望至少有1.5碗飯呢一餐其實4個人食都得另外呢度的裝修係舊式冰室的，走懷舊路線，牆上有歌聲以前的相片見到以前的呂方同彭健新

喜愛懷舊復古/60,70年代既朋友 絕對要黎喜喜冰室一趟!紅色小巴卡位懷舊收銀處成間冰室由上至下都經過悉心設計, 無論係紅色小巴既座位, 有生鏽痕跡既四字鏡匾, 定係印有6,70年代紅星既海報, 加上水磨石地同馬賽克懷舊牆磚... 我覺得.. 真係好似坐上左時光機去探訪我出世之前既年代.... 應該係屬於我父母/祖父母既年代 : ]盛載餐具既器皿當然都充滿60,70年代既風味啦~除左牆上既晚市推介同是日精選外, 呢度供應一系列融合懷舊加上玩味既新配搭食物款式!!呢度既signature dish 雞批浮台 $33其實即係雞批浸係青豆湯度 聽落同睇落都覺得好唔夾但係食落竟然無違和感.. 雞批好厲害 浸左好耐都無變淋到餅皮依然非常鬆脆 好好味呀~!!!青豆湯味道唔會太濃 而且仲令到雞批無咁膩! 終於明白整呢個配搭既原因~另一個主打食物-- 黑白多士 $24 !!!黎之前其實以為係朱古力味多士黎... HAHA原來係黑芝麻醬加煉奶~~~ 如果淨係得芝麻醬既話 我會覺得成份多士有d齋... 但係加左煉奶 成個味道都豐富了~其實食到呢度 已經有少少飽... 上面兩樣野都幾飽肚...但係跟住仲有更

自從屋企樓下間茶餐廳執咗笠之後，想食燴意粉嘅時候，都會出銅鑼灣。無錯啦！就係呢間懷舊喜喜冰室！三月頭去嘅時候睇到搬遷通告，搵極都搵唔到。原來只係隔離街，不過唔係馬路邊，要行入啲巷仔，細心啲睇先發現到！裝修咗之後又的確增加咗唔少香港風貌嘅元素，個裝潢都幾岩鐘意自拍嘅朋友！唔洗講咁多，立刻叫番個鮮茄牛脷燴意粉先！一如既往咁好，意粉煮到咁鮮橙色就知道好入味；至於呢到嘅牛脷真係唔怕叫，炆得岩岩好，冧身嘅程度非常易於入口，最岩我呢啲無牙婆；個鮮茄汁夠哂多，真係啖啖都好滋味。呢個質素加埋呢一種餐廳，五十幾蚊我都接受。因為係外面試十間都唔知遇唔遇到呢種質素嘅燴意粉，所以係我心目中，呢個意粉都算相當高分！仲等？快啲去試下我嘅推介啦！

一行六人去喜喜食快飯，五人先到，同行揹住兩歲多的小朋友，差一位未到，見冰室裡外冷清，小貓幾隻，入內，竟說要「齊人至入」。我同待應講想入去先，讓小朋友先食，朋友三分鐘內到，已在sogo行過來，待應竟說「我執好枱比你啦，你係出面等，齊人入得」。吾係化？係朋友堅持要食至去，否則，如此服務還去嗎？ 普通一個茶餐，不見得特別出色，價錢比翠x 貴一倍，一個扒餐要$148，餐廳價錢，茶餐廳格局，冷傲的服務，應該說沒有服務可言。食物方面：點了個茶餐，真的太難食，叉燒「媒」的，咬了一口，放棄了；湯太喊；華田如水般全沒華田味，只是溝了色的水；同行叫了個牛脷意米粉，太喊也太酸，意粉過熟，有點失望。想試下有幾難食及受受氣的，可一試。

假日想同老婆拍拖，逛到累係銅鑼灣想搵個地方坐下休息下，就試下呢間新開的喜喜冰室。想叫個茶餐同甜品。點知.............................用紅豆冰當刨冰，問侍應，侍應回答：係咁㗎啦，我地冇真正刨冰！算唔算違法商品說明條例？上完餐五俾餐具，叫侍應俾，阿叔回答：等等啦！阿哥！真係火都黎埋 ，咩態度啊，見你未俾問下都唔得，黎晒譜！茶餐廳仲要假日加一！我一定唔回再黎！又貴又唔好食態度仲咁差！

This is definitely not your typical cha chan teng, but its new location is perfect for a quick break from the busy streets of Causeway Bay. The inside decor is decked out in old bus seats and classrooms, while a little al fresco area is available outside, for those looking to bring pets or have a cigarette. Because of their location and decor, their prices are also higher than normal. A cup of iced 鸳鸯 goes for $22, but on the bright side, there is no service charge and it is a huge cup of silky

Matchbox isn't your typical cha chan teng. It has a theme in that it offers classic retro style food for the masses. Located in Causeway Bay, there are two locations. But recently, one of them has moved to a new location and revamped itself. I decided to check it out one day.Located in the alleyway behind Patterson Street, you'll find this pretty cool designed restaurant. The new shop is now a lot bigger than the original branch. I guess due to the location, it's a lot more quiet than the origin

Very bad service from an English speaking waiter. Our ordering process was met with aggression and rudeness. Bad service leaves a bad taste before, during and after the meal. Service aside, food is very average. Save yourselves a bad experience and head else where for food. You are not missing much.