喜善中餐廳 (已結業)

差不多每一個星期都會到九展一次， 但從未到過喜善飲茶。上個星期日約埋家人們一齊到喜善飲茶，我們大約下午一點半到達，之前打電話 來查詢，這裏是沒有下午茶的，因為他們下午 三點鐘落場。 第一次到喜善感覺環境舒適，假日與家人到這裏嘆茶都是不錯的地方。 坐低無幾耐，我們就點了冰花燉北海道牛乳 $9.8， 欖菜蠔仔炆伊麵 $54， 點心拼盤配白灼菜心 $80， 黃金煎堆頭 $21， 招牌叉燒包 $21， 香茜叉燒腸粉 $26， 牛肉焗餐包 $21， 薑汁焗蛋撻 $17。牛肉焗餐包 ~ 叉燒焗餐包就食得多，牛肉焗餐包都是第一次， 但個人喜好都是比較喜歡叉燒多啲， 可能牛肉的味道不太適合這一個食法。薑汁焗蛋撻 ~ 一碟有三個蛋撻仔，味道唔錯， 蛋撻皮是酥皮的，平時細細個蛋撻多數用曲奇皮， 所以感覺驚喜！黃金煎堆頭 ~ 如果可以完個煎堆上枱就比較靚，因為煎堆碌碌金銀滿屋的意頭。 味道一般不夠脆。白灼菜心 ~ 這是跟點心拼盤的一道菜，可是菜心比較老， 口感麻麻地。欖菜蠔仔炆伊麵 ~ 蠔仔大大粒脹卜卜，配伊麵又幾好食喎！香茜叉燒腸粉 ~ 這一碟一上枱家人們已經ko了， 我沒有機會試到，下次試完再寫食評！冰

除夕夜，二人晚餐。食$178的波士頓龍蝦套餐，兩位起，每位有半隻龍蝦，一碗燉湯；在三十款小菜中每位選一款，更連一碗白飯、一杯飲品，有甜品，又包茶水，只收加一，即是每位$192落樓。先來燉湯「圓肉元貝燉響螺豬腱」，雖然用料份量只得餐牌一半，也算是味道飽滿而不膩，溫度長期保留在滾燙和和暖之間，果真是燉品。第一味小菜選「黑椒醬汁牛仔骨」，黑椒汁帶甜味，醬味多過辣味，汁內的洋蔥絲頗甜。牛仔骨份量不少，啖啖肉，但缺點在廚師太在意要每塊都連骨，於是每塊頗大，吃來有點麻煩，但絕對不能說無肉食。或者自備剪刀剪開吧。第二味小菜「毛豆翠肉瓜炒帶子」，因為忘了拍照，相中份量已吃了三分一。但如此份量在旺區食，至少收你$168了。帶子件數不少，每粒中等大小，足以彌補炒得太糊的缺陷。龍蝦吃來應是雪藏貨，但以此價錢，已很划算，蝦頭部份多籽多羔，蝦鉗也夠多肉，而且不輆口。用芝士焗，沒有其他選擇。在某些地區吃飯，有時要為地區或環境付出溢價，這兒則因地點隔涉，倒轉是「負溢價」。但對駕車或的士一族，非常值得。散叫小菜，大多也是一百樓下，但此套餐接近全包，也無謂左計右計了。環境缺點：電視不開聲，長期放着罐頭音樂。用餐一小時期

相約附近工作朋友飲茶，哩個係唔錯嘅選擇，地方舒適，坐得好舒服。由於係訂十二點，未有人入座點心價錢OK，小點$17，中點$21，大點$26，特點$31，超點$35點心不過不失，以哩個合理價錢嚟講都唔錯啦⋯⋯最好味係鮑魚酥盒，煎堆都唔錯呀⋯⋯特價炒粉麵飯抵食，只係$52-$54，有6款選擇

本身想上13樓飲茶，但係因為婚宴包場所以冇得飲，之後從水牌見到喜善，咁就諗住是但入去飲茶啦⋯⋯點知驚喜就嚟啦！環境清靜又舒服，招呼周到有禮貌。必食推介，鮑魚酥！！

同事離別在即，梗係要帶佢食好嘢啦！要地方寬敞、坐得舒適、食得飽又要食得巧，我會揀喜善！平日如果唔係咩大時大節，一般行入去就有位！店內地方闊落，枱與枱之間有一定距離，絕對唔會背貼背。侍應服務超細心又醒目，舉手就即刻有人過嚟，九龍灣區酒樓嚟講，佢嘅服務一定係 no.1 食品方面，點心選擇同一般酒樓差唔多，亦有午市套餐，特價甜品／點心／小菜…… 所有味道都係水準之上，下列想介紹幾款比較特別嘅！豉油皇銀絲炒麵 - 看似簡單，往往就最顯功架！豉油皇炒麵最難就係，醬料要均勻、麵質要乾身爽口、既要有鑊氣又要唔油膩，喜善做到喇！仲做得好好 百花釀蘿蔔糕拼炸雲吞 - 前者出奇地咁夾，蝦膠嘅爽口鮮甜配搭足料蘿蔔糕，鹹甜香鮮齊晒，味蕾大滿足！炸雲吞嘅雲吞皮比坊間薄啲，所以炸起嚟又會脆啲同埋少油啲，醮汁係傳統嘅甜酸咕嚕醬，有助化解油膩感！鮮蝦腸粉 - 餡料嘅蝦真係新鮮蝦仁，食得出佢嘅爽甜味道。腸粉皮滑溜溜，但略賺粉漿太稀太薄，個人喜愛較厚身嘅腸粉。麻辣豬耳 - 特價小菜，可惜唔麻唔辣，麻就只有麻油味，花椒欠奉，感覺有形無味咁 鮑魚酥 - 中西合璧嘅精緻點心，西式酥皮起酥脆，餡料用白汁薯蓉，配以紅燒鮑魚仔裝

唔知大家最近有冇去九龍灣EMAX行下或者睇下戲順便玩下歡樂天地咁呢？如果有黎過既朋友都知道呢度經已徹底地改頭換面以全新時尚裝潢示人，內裡有九龍東市區既OUTLET且引入左大量食肆進駐吸引人流，食買玩應有盡有。睇完戲散場岩岩好7點幾，上左1-2樓兜個圈望下有D咩岩食埋當晚餐先走。見到二樓有間中菜"喜善"，佢地今期推廣既主題係原隻鮑魚 + 養生燉湯晚飯套餐，盛惠$178 一位，兩位起計至12人都可以享用此優惠。小貼士，指定信用咭結賬仲有額外折扣優惠!套餐價除加一服務費以外便沒有其他雜項收費，頗合理!首先個餐每位包一客鮑魚及一盅瑤柱圓肉燉響螺湯，另有2款小菜(當中多達30款小炒任你自由配搭)，仲包一杯餐飲(汽水啤酒或橙汁)，甜品及白飯，平平地咁多野食先二百不用值得試下先吃鮑魚再嘆返個足料燉湯，尼家入秋天氣開始明顯轉涼又乾燥既時候，飲吓燉湯滋補返下就最好不過啦小菜就點左我地最鍾意既大鱔煲同芝士焗帶子西蘭花，份量都足夠晒2位食到飽飽。鱔球肉厚且沒有泥味，帶子同樣肉嫩帶芝士奶油香，兩個餸都有水準，最後仲送你陳皮紅豆沙，好抵食

因為媽咪見倒海報片皮鴨放題所一book黎試下，開頭打電話去都無人聽 幾日keep住間中打下 竟然full晒要waiting 或者分開坐 最後係因為有人cancel所以我地先有張大枱 好好彩另個自助餐比較中式 自助餐6:30先開始 6:20左右店員就安排入座在𥚃面等 6:30開始既時候d人一窩蜂甘湧岀去 我跟住人群去左拎凍蝦同埋三文魚 三文魚無專人切 所以最好一開始拎 如果吾係放得耐吾新鮮 之後我再巡左一圈 甜品種類有好多 有綠豆沙 雪糕(雀巢) 紅豆糕 桂花糕等等 而前菜有海蜇 餣左既青瓜 等等等大家開開胃 到重點 就係拎片皮鴨 我覺得片皮鴨最重要係皮 因為鴨其實都差不多 佢個皮吾係原塊 而係一個圓形分左4份 都算簿 整體都ok既另外要贊下老火湯都好好飲 👍🏻👍🏻而且有無限量提供橙汁 另外啤酒就$28/3罐 如果同老人家去食不妨試下呢度

一家七口去食，有75折，每人二百幾蚊食到自助餐真係超抵。餐廳光猛，枱與枱之間闊落。有任飲冷熱水同橙汁。大概有十款冷盤，二十款熱盤同二十款甜品，仲有壽司同刺身。廣告講所謂貴價嘢只係曇花一現，鳳尾蝦、帆立貝等全晚只係出過一盤，夾曬就會出第二款餸。如果唔落足眼力就會錯過心水餸菜。值得一讚嘅係片皮鴨。回本之作。師傅切到大大片，有皮有肉，夠熱夠香。相對塊餅皮太細，好難包得曬舊肉。另外好食嘅有XO醬蘿蔔糕，仲有半肥瘦叉燒。甜品亦唔錯。紅豆糕，芝麻糕，椰汁紫米糕都足料夠味。總結係，其實得一兩樣可以叫好食，但咁嘅價錢預咗食咁嘅質素嘅嘢就唔會失望啦～

幫長輩慶祝生日，老人家唔食生野，就想揀間多d熟野食ge buffet. 有人介紹九龍灣國際展貿中心有間buffet熟野種類多之餘，又幾好味，所以就book尼間。去到九龍灣德福廣場有免費shuttle bus去E max,都幾方便。個buffet個場都幾大，地方好闊落，座位好似酒樓gum都幾舒服。食物種類有皮脆肉嫩ge北京片皮鴨,中式小菜，中式甜點，涼拌生果，仲有少少魚生同shushi適合老人家、小朋友食，想帶一家大細食buffet就岩哂lah！

朋友係Facebook睇完片皮鴨任食既自助餐推介後，就叫咗我同佢嚟一齊試下，因為見網上介紹二百幾蚊晚餐任食都唔算貴。六點半已經準時到咗，雖然知道佢係粵式自助餐，但又諗唔到佢真係係酒樓入面搞既。嚟到已經見到好多人係度排緊片皮鴨，由於只有一位師傅即切即分俾客人，所以都唔快，人龍都有啲長，等咗好耐先攞到兩舊。片皮鴨嚟講佢又真係算切得幾大舊，不過提供既餅皮就太過細塊啦。要講抵食既話，三文魚都係回本位，朋友好鍾意食三文魚，所以都攞咗幾多嚟食。前菜冷盤～熟食唔算太多，而最多人追捧既就係龍蝦伊麵，食完成盤之後好多人都會排隊再等，但因為上菜太慢，令好多人等咗好耐，呢餐自助餐就好多位浪費咗係等食物上菜度，片皮鴨個邊有時換鴨都有出現呢個情況。中式甜品就都算幾多～

因為見到宣傳海報，覺得很吸引，一行四人結伴來到這間中式餐廳晚飯。食物方面：出面有兩張大枱 一張放了：蒸比目魚 ，炒青菜，鹵水雞翼， 炸蝴蝶蝦 ，西蘭花炒帶子 （ 長期只有西蘭花 帶子欠奉），鹵水鵝及叉燒大概有十數款中菜輪流 獻上， 味道是相當不錯的另一張枱 放了：雜果沙律 ，麻辣粉皮，烤夫 ，貓耳朵 等冷盤小食甜品方面有啫喱，拉椰糕 ，紅豆沙 和雀巢雪糕重頭戲有片皮鴨，這是相當美味的一道菜， 但奇怪的是 ，一隻鴨大概只切十多片， 跟著便將餘下的鴨放入膠箱 ，不知打算用來作什麼。 但填鴨的確皮脆肉嫩，非常美味。埋單打了折後，每人仍要付215個大洋，以一頓這種質素的晚飯來說，已經算貴

頭盤四小碟雖然很豐富，但味道一般，只有海蜇頭比較好吃。其他主菜式基本上和一本酒樓飲宴一樣，但有幾樣菜式略為難吃。錦繡河山炒螺片帶子，帶子正常味道，但隨碟的脆肉瓜卻有濃烈的臭青味，令人有反胃的感覺;至於蒸魚，似蒸得過久，魚肉不滑。唯一的意外驚喜反而落在最後香芒凍布旬上，冰凍的布旬搭配任意的花奶，很滿足。服務方面，餐廳的員工都很細心和服務周到。當然，我觀察得到其他普通的食客都是有著良好的服務態度對待。整體而言，這間餐廳的飲宴菜式中規中矩，味道和一般普通酒家沒有大分別，但性價比極高，同行的每個人吃到中段的菜式就已經飽了。實情是，一般酒家飲宴的價錢但多了1.5倍的份量，大食的朋友不彷可以考慮一試。

一大班人去飲茶朋友建議去九展三樓既喜膳之前試過walk in想去食LUNCH但平日竟然都話FULL左相信lunch time呢到有好多打工仔黎食…今次一早BOOK左枱所以有得食食左好多野食 不過無咩影相粉面飯果D就叫左炒飯 濕炒河,炒飯炒得乾身唔油 不過配料就普通左啲又少左D, 尤其是啲肉粒反而炒河好多海鮮 我食左幾舊魷魚都好爽反而覺得呢到冷盤做得唔錯尤其是啲海蜇好爽口又唔會過重口味至於個燒味拼盤有我想食既叉燒但叉燒唔入, 半肥但都唔吸引最大份量係啲菜 叫左個瑤柱扒菜苗超級大碟 芡汁亦夠哂味 我食左好多明明啲食物仲有淨 但朋友又動議要叫甜品有個$3.8既滋潤糖水 大家都好好奇係咩黎原來係紅豆沙 但一啲都唔起沙 好稀同淡 一分錢一分貨仲叫左佢個黑糖西米布甸係幾少見既 但黑糖只有面既少少 反而個布甸幾滑身不俗成餐飯都幾滿意 只係價錢偏貴 每人都過百蚊

看見某雜誌介紹，加上多人用膳可享更多優惠，便膽粗粗訂生日飯，結果卻大失所望。主打的片皮鴨雖是任食，但質素一般，外皮不夠脆身，食了兩塊後已不想再吃了。刺身只有三文魚，而壽司多為平價食材的卷物。熱盤更讓人大跌眼鏡，海鮮類只有海班魚、東風螺及白焯蝦；其餘大部份都是菜：生菜、西蘭花、翠玉瓜等。第一次嚐到帶苦味的翠玉瓜，其新鮮程度，可想而知。連芽菜炒蛋都算一盤，真該我大開眼界。雜誌上寫的扇貝、名貴食物、精緻菜式，我一點也沒看到。以自助餐來說，選擇並不多，我差點還以為自己參加了國內平價自助餐團。

係facebook見到廣告好吸引就打去訂，佢個電話怪怪地，成日飛左去留言，最後終於都打到仲等左成個星期先食到，但.........首先我覺得佢個廣告片影到啲嘢勁靚，去到又唔係咁既。主菜片皮鴨切到連埋大大舊肉，要排隊拎，每人每次拎兩件。刺身三文魚有骨，炸蝦，炸魚柳唔夠熱好難食，紅燒翅係粉絲都算，質素仲衰過街邊啲碗仔翅。辣酒煮螺係梅既，生菜鮑片係菇扮。蝦唔夠新鮮，壽司啲紫菜勁淋，椰林榚冇乜味，咖哩魚蛋浸到好漲好大粒，雞翼我估就用啲好啖既鹵水浸熟冇乜味，仲有個中式湯油到呢！可以放得入口係個盤帶子西蘭花，不過一出就好快比人拎哂啲帶子得返啲西蘭花，之後就冇見佢再出過了。佢賣點係二百蚊包你食得飽，如果咁都接受到你就訂啦