影片
更多
2018-10-24
1370 浏览
同事離別在即，梗係要帶佢食好嘢啦！要地方寬敞、坐得舒適、食得飽又要食得巧，我會揀喜善！平日如果唔係咩大時大節，一般行入去就有位！店內地方闊落，枱與枱之間有一定距離，絕對唔會背貼背。侍應服務超細心又醒目，舉手就即刻有人過嚟，九龍灣區酒樓嚟講，佢嘅服務一定係 no.1 食品方面，點心選擇同一般酒樓差唔多，亦有午市套餐，特價甜品／點心／小菜…… 所有味道都係水準之上，下列想介紹幾款比較特別嘅！豉油皇銀絲炒麵 - 看似簡單，往往就最顯功架！豉油皇炒麵最難就係，醬料要均勻、麵質要乾身爽口、既要有鑊氣又要唔油膩，喜善做到喇！仲做得好好 百花釀蘿蔔糕拼炸雲吞 - 前者出奇地咁夾，蝦膠嘅爽口鮮甜配搭足料蘿蔔糕，鹹甜香鮮齊晒，味蕾大滿足！炸雲吞嘅雲吞皮比坊間薄啲，所以炸起嚟又會脆啲同埋少油啲，醮汁係傳統嘅甜酸咕嚕醬，有助化解油膩感！鮮蝦腸粉 - 餡料嘅蝦真係新鮮蝦仁，食得出佢嘅爽甜味道。腸粉皮滑溜溜，但略賺粉漿太稀太薄，個人喜愛較厚身嘅腸粉。麻辣豬耳 - 特價小菜，可惜唔麻唔辣，麻就只有麻油味，花椒欠奉，感覺有形無味咁 鮑魚酥 - 中西合璧嘅精緻點心，西式酥皮起酥脆，餡料用白汁薯蓉，配以紅燒鮑魚仔裝
平日如果唔係咩大時大節，一般行入去就有位！店內地方闊落，枱與枱之間有一定距離，絕對唔會背貼背。侍應服務超細心又醒目，舉手就即刻有人過嚟，九龍灣區酒樓嚟講，佢嘅服務一定係 no.1
食品方面，點心選擇同一般酒樓差唔多，亦有午市套餐，特價甜品／點心／小菜…… 所有味道都係水準之上，下列想介紹幾款比較特別嘅！
豉油皇銀絲炒麵 - 看似簡單，往往就最顯功架！豉油皇炒麵最難就係，醬料要均勻、麵質要乾身爽口、既要有鑊氣又要唔油膩，喜善做到喇！仲做得好好
百花釀蘿蔔糕拼炸雲吞 - 前者出奇地咁夾，蝦膠嘅爽口鮮甜配搭足料蘿蔔糕，鹹甜香鮮齊晒，味蕾大滿足！炸雲吞嘅雲吞皮比坊間薄啲，所以炸起嚟又會脆啲同埋少油啲，醮汁係傳統嘅甜酸咕嚕醬，有助化解油膩感！
鮮蝦腸粉 - 餡料嘅蝦真係新鮮蝦仁，食得出佢嘅爽甜味道。腸粉皮滑溜溜，但略賺粉漿太稀太薄，個人喜愛較厚身嘅腸粉。
麻辣豬耳 - 特價小菜，可惜唔麻唔辣，麻就只有麻油味，花椒欠奉，感覺有形無味咁
鮑魚酥 - 中西合璧嘅精緻點心，西式酥皮起酥脆，餡料用白汁薯蓉，配以紅燒鮑魚仔裝飾，配搭出豐富嘅口感！
喜善嘅食品，服務，環境都非常高水準，午市仲有信用卡優惠，以後响九龍灣飲茶就離唔開喜善喇！
豉油皇銀絲炒麵
47 浏览
0 赞好
0 留言
炸百花蘿蔔糕拼雲吞
55 浏览
0 赞好
0 留言
麻辣豬耳
46 浏览
0 赞好
0 留言
30 浏览
0 赞好
0 留言
鮑魚酥
65 浏览
0 赞好
0 留言
张贴
