喜來稀肉 (登龍街)

营业中

休息中

疫情下，都要食好野，第一次來喜來烤肉，是韓國國民烤肉店，如果有oppa 一齊食就更好。店舖空間很大，但坐位是沒有椅背的，舒適度扣少少分。前菜有泡菜，辣辣地好好味，還有芝士蛋卷同泡菜蛋卷，可以在餐後食，好期待。烤肉有牛肉同豬肉，我就較喜歡牛肉，特別是這個烤牛肉沒有醬汁調味，食出最真的牛肉juicy, 牛肉筋肉分明，入口彈牙。牛護心肉，甜甜惹味醬汁，牛肉卷成玫瑰花，燒起來香噴噴，入口是另一種味道。喜來五花肉，見到都流口水，燒一陣子，張d肥肉燒溶，但係個肥腩肉係最正，入口juicy肥美，脂肪口感不是人人喜愛，但我覺得彈牙美味，要做多幾下運動。海鮮蔥餅，海鮮十足，八瓜魚、蝦，正正。

第一次嚟到銅鑼灣呢間食，之前有去過尖沙咀嗰間，銅鑼灣鋪頭好似比較細少少，但係食物味道唔知點解好似好味啲。最好味我覺得係燒魷魚，完全令我好驚訝，燒出嚟好有鮮味，肉質吃到好爽口，感覺係好新鮮！超鍾意食，我下次會再食。雞湯都令我好surprise,雞入面有飯，個湯好膿雞味，好飽肚。嚟到今次叫咗比較多熟食，有薄餅，仲有石鍋飯同埋韓國年糕。韓國年糕味道好好味，好有喺韓國食嘅味道。餐廳樓下仲有一間小市場，喺上面食完嘢之後拎住張收據，可以由九折，多幾多選擇同埋幾抵。

本身想食串燒，不過果間餐廳冇位，就轉戰左嚟喜來稀肉。之前經過都想試，不過次次食飽先經過見到。我地行完樓梯上去，d侍應唔係好理人，要企埋去收銀望住個職員，隔1-2分鐘，佢先理下我地，問我地幾多位。我第一次嚟食，一坐底，覺得好搞笑，見到個穫有一兩篤白色野、又一篤篤紅色野，我忍唔住問我老公張枱係咪人地食食下一半走開左？不過望返隔離一兩張枱，原來佢地d枱係咁set，除左餐具、小食，個穫果d白色野係豬皮就唔知肥膏（for起穫）、蒜頭片；紅色野係泡菜...係撈蛋漿嘅...變泡菜蛋。手機落單，叫左喜來烤肉、喜來五花肉、牛護心肉、豬護心肉、牛舌、2杯orion。等野食上枱果時，侍應上左碟喜來烤肉比我地先，不過唔知係咪新人嚟，佢將碟肉嘅汁搗左落我老公條褲度，整污糟佢腳同褲，我老公勁嬲，個侍應想扮傻，冇啦啦望住我，搞到我唔敢出聲，我望返個侍應，佢先ee哦哦咁唔好意思，但係擺出一個「我係整污糟你呀，咁可以點呀」嘅樣，到佢走左，我老公仲係好嬲，不過佢死忍，扮冇事原本好開心試野嘅心情，即刻冇哂。隔左陣，侍應拎住2杯啤酒過嚟，剩係放低1杯就走去另1枱，我覺得好怪，所以望住佢去另一枱，見到人地耍手擰頭，個侍應仲推嚟

平時一年去幾次旅行，而家唯有過黎食韓國野當去左旅行啦～ 其實香港有好多韓國餐廳，但如果想食正宗韓國野，喜來稀肉係一間好唔錯既選擇。對呢度最大既印象就係員工都係韓國人，一定夠正宗啦！有一段時間無理，竟然比我發現地下果層變左賣韓國既食品同零食，正啊！一如既往，餐廳提供好多免費前菜，而且仲可以無限添，基本上叫少少野食都好豐富。海鮮泡菜餅大大塊，亦有好多魷魚，中意重口味既朋友可以一試，口味偏酸喜來烤肉賣相相當精緻，包到成朵玫瑰咁好靚。肉嘅厚度系偏薄，所以其實擺喺個爐上面燒好快就會熟，肉質較軟。而且一早幫你調咗味，所以好岩我呢個重口味人士喜來五花肉肉相對地較厚，同樣地調好味，所以基本上點整都係好食，油脂豐富。

喜來稀肉一向都係我嘅韓燒之選，鍾意佢口味正宗，舖頭入邊有不少韓國店員，有啲韓國同事都會走來食。今次嚟食叫叫咗三款食物，護心肉（豬）$158，呢個部位非常特別，夠肉味，比較唔會韌，又唔會太肥，醃料非常入味，唔需要點醬汁都得，用生菜包住嚟食一流！仲有點左調味醬油雞肉$110，佢係一塊大雞扒咁樣上嚟，厚薄適中，本身醃料都非常入味，甜甜地咁，非常值得推介！另外，叫咗一個蔘雞湯$125，有一整隻雞，入面仲釀咗糯米，好飽肚㗎～附送嘅韓式小菜款式都多，食完可以再加添！爐邊蛋又係我嘅最愛之一，有兩款口味，一款係蕃茄另外一款係芝士，真係食完又想再食！

又來嚟到我其中一間最愛嘅餐廳食燒肉喇，因為今日比較晏先食午飯，所以夜晚唔算太肚餓。就算有好多好吸引嘅嘢食，我同朋友都唔係嗌咗好多嘢食。當然有嚟呢度必叫嘅護心肉啦！其實佢係豬肝同橫膈膜中間嘅肉，由於每隻豬只有好少呢一部份嘅肉，所以香港都唔係好多地方有得食㗎咋。佢除咗矜貴之外，係真心好好食，非常爽口彈牙，又唔會太肥太油，每一次嚟都一定會叫！另外亦都要咗碟牛舌，諗住食得比較輕鬆，冇咁飽肚嘛！但原來一碟份量都幾多，好在佢夠薄切，燒半分鐘已經可以食得，牛味濃亦完全唔韌。配合埋呢一個紫菜蟹子飯真係一流。唔好以為就咁普通一碗飯啊，其實可以用手套整粒粒飯團，夠晒好玩。用生菜一次過包住黎食都好正！

講到食韓燒，每次都一定係會來喜來稀肉，因為呢度每次食嘅質素都係keep得咁好，非常有品質保證。而且呢度嘅泡菜都好好味，對我來講鹹度，酸度同埋辣度都啱啱好。仲有包肉嘅生菜都係好新鮮，又大片又爽口。主角肉呢，每次嚟呢度有兩樣都係必點嘅，首先係呢度嘅王牌護心肉，千祈唔好睇佢好似其貌不揚咁，但信我，真係無論點燒，什至燒過龍都唔會硬。而且食豬最怕有嗰陣豬嘅so臭味，但呢個真係完全唔會有，只有好香既豬味。另外都係必點嘅就有喜來稀肉。呢朵”牛肉花”相信有唔少男士都會想收到。我自己鍾意嘅食法就係先燒冇汁既部分，食左牛肉本身嘅牛尾同埋香味先。之後就可以盡情將剩返落嚟嘅牛肉浸入去下面嘅韓國醃汁先再燒。個汁甜甜地，而且多汁嘅時候燒出嚟嘅牛又會有另外一番味道。而且呢度既爐邊蛋亦係我最愛，燒到半熟真係好正！

好掛住韓國😢相信今年每位香港人都好掛住日本和韓國 最簡單去感受旅行的方法 —> 食當地野食所以今日來食韓燒 銅鑼灣食燒肉，當然揀登龍街的喜來稀肉晚上7時多已經full house氣氛和環境都好熱鬧(雖然比較嘈吵，但正正這樣就像極了在韓國韓燒) 前菜-青瓜，泡菜，生菜（包燒肉）青瓜爽口開胃泡菜入味不算太辣燒爐旁會有芝士蛋漿和泡菜蛋漿，開爐後就會一併煮好，好方便。Menu 上有很多豬跟牛既選擇，仲有各種各樣韓式麵飯，但同朋友二人怕食唔晒，最後Order了護心肉和水冷麵。✨護心肉（豬）韓式燒肉必點的護心肉，護心肉較有咬口，最重要係唔油膩脂肪又唔多，加上醃料醬汁，肉質高質，可以加上生菜同醬，又有另一番風味。✨水冷麵非常韓色的水冷麵蕃茄青瓜絲芝麻蛋，再加上小冰塊配上麵條，麵條爽口彈牙，入口加上冰涼既感覺配上燒肉真係好夾好正食塊燒肉再食一啖麵涼浸浸✨餐廳環境都好熱鬧，服務都細心，而且每枱都有酒精同濕紙巾都，令人放心滿意的一餐廳。

約了友人去韓燒聚聚 韓燒又來到這間我們的飯堂 - 喜來稀肉位置方便，就在銅鑼灣的登龍街，貪佢選擇多同好食好在有book位，去到時等位的客人頗多，每枱限時九十分鐘。•未坐低枱上餐廳已準備好泡菜生菜 •護心肉 $158 調味醬油雞肉 $110必點護心肉，試過一次之後每次來都必點。這間餐廳的招牌菜，是豬橫膈膜和肝之間的肌肉肉筋，食落肉質軟腍，入味好食。一件接著一件燒，不錯！果真是這間餐廳的招牌，不錯。友人不食牛，可惜的今晚食唔到牛肉，下次自己再食😂 雞肉相對選擇不多，點了醬油雞肉🐔肉質鮮嫩，但我倆都prefer護心肉，肉質較特別，是平時較少吃到的口感•食韓燒，爐邊蛋是一大重點 有兩款味道，一款加泡菜一款是cheese 煮得半生熟就最yummy! •海鮮蔥餅 $90大大塊，不過只切成四塊，每塊都很大塊，吃起來有點狼狽蔥餅有點油，稍嫌海鮮材料不多，大條大條的蔥印象最深刻😂不過味道不錯，很飽肚。•餐廳客人多，笑聲人聲熱鬧著充斥整個餐廳肉質質素高，用手機落單夠方便每一碟上枱速度快，下次再來encore~ •As usual, menu for ref:-

收工同朋友聚會搵左間適合一大班朋友一齊食飯嘅餐我哋叫咗個大醬湯暖下個胃先然後就點咗牛舌 豬即護心肉喜來烤肉真雪花牛肉啱晒我地成班食肉獸d泡菜超級好食 職員又好好人幫我地加同換板 上菜又快唔洗得好耐配埋個燒酒好完美既晚餐

牛護心肉 200g $160護心肉係肝及橫隔膜之間嘅肉，包住心藏兩邊肌肉，重油花丶牛味濃，每次嚟必點嘅！喜來烤肉 $158玫瑰花造型，唔止擺盤靚，味道都正，連塊刻咗名嘅菇都好味，不得不提個醬汁係加分嘅，鍾意佢夠薄，燒兩下就食得～ 喜來五花肉配特製醬汁 $138韓式烤肉必點，包生菜減油膩之餘，加埋泡菜丶蒜片，就更韓味！店員好好，會主動動加生莱俾我哋，又幫我哋清理啲鑊燶 👍🏻海鮮蔥餅 $90脆口，海鮮料唔算多，如果多返啲蔥丶韮菜就更好味；用餐時間係90分鐘，好準時截單，我哋爐邊蛋只係啱啱整熟，真係要把握時間食。門口右邊有韓國產品賣

前菜我特別喜歡青瓜, 特別爽脆! 泡菜有點辣辣的, 烤肉+生菜+泡菜一起吃好清新!調味醬油雞肉醬油味濃濃的, 和我一樣超喜歡醬油的話也會喜愛這款雞肉的調味!爐邊蛋一邊是加了泡菜, 帶點可以接受的微辣, 另一邊是加了芝士, 更為綿密, 好吃好吃!烤肉就是要配著白飯吃! 喜來稀肉和護心肉都好吃, 質素不錯所以下次再來可以點個更貴的試試看建議烤肉搭配梳打汽水或燒酒喝, 解渴也更有韓式風味呢!樓下還有各式各樣的韓式食品供顧客選購，吃飽了再來購物一番!

係香港韓式餐廳非常受歡迎, 我地都唔例外,好鍾意食韓燒, 今晚去買傢具順便烤肉, 值得一提的是呢到服務非常良好, 令我印象幾深刻, 除左數次留意到並主動幫我地添加生菜之外, 亦都有服務員主動幫手掃油, 更換烤網等, 留意到顧客所需, 服務貼心今日我地order左幾樣食物, 牛肉類有鎮店之寶-喜來稀肉, 仲有牛護心肉同調味雞肉, 已經夠兩個人食到飽一飽!建議想黎食既話叫喜來稀肉, 通常主打菜式都唔會令人失望~護心肉我食過牛同豬, 各有風味, 護心肉都係抵食之選~

今晚喺銅鑼灣開完會，約咗舊同事一齊食韓燒嘆吓。一坐低伺應好快手擺低三款前菜、生菜同醬汁。前菜分別由韓式餐廳必備嘅泡菜，另外仲有兩碟芽菜同埋酸瓜。爐邊分別有泡菜味同埋芝士味嘅蛋漿，一邊燒住肉一邊等佢慢慢熟，好快就食得。今日嗌嘅三款肉全部都係牛肉。第一款係招牌喜來烤肉，每片牛肉卷埋成朵花嘅造型好特別。牛肉用特製醬汁浸到好入味，肉質好鮮嫩好好味。第二款係牛護心肉，呢款肉質比較韌，咬落有口感，好啱夾埋泡菜芽菜再包生菜一齊食，口感十分豐富。最後一款係成扒上檯嘅牛肉眼，牛肉扒好厚身足料，油花好豐富，食落油脂感比較重。

放工約咗友人飯聚，大家心思思想食燒肉，我就推介我嘅燒肉食堂 — 喜來稀肉。友人未食過，我就點咗必食嘅喜來烤肉。每次食都覺得好惹味好好食，仲要間間嘅水準都保持到！又係輕輕一烤就食得，友人讚不絕口！牛護心肉係我最近新竉，牛味好重，就咁食或包生菜食都一樣咁好食。我就鍾意先就咁食，品嘗肉嘅原味，之後先包生菜同泡菜一齊食！今次試新嘢，牛肉眼。成塊扒燒，流哂口水。油脂夠，所以燒得塊肉眼好靚，真係好香好好味。大大塊兩個人share啱啱好！食完就差唔多可以食蛋，泡菜蛋同芝士蛋一樣咁滑咁好味。