喜來稀肉 (登龍街)

营业中

休息中

晚餐來到銅鑼灣的喜來稀肉，餐廳環境很開揚，通風也不錯，不會很侷促，坐得很舒服。一坐下枱上已準備了前菜，這裏的泡菜很夠味，辣辣的很開胃，而且前菜和生菜也是任添的。我們點了喜來稀肉，護心肉和西冷扒。喜來稀肉薄薄的輕輕燒一燒已經很好吃了，不用加調料。護心肉也很不錯，肉味濃有咬口，配生菜夠味又清新。西冷扒就普通了點，只是份量大，可惜是肥了點，油膩感太重了。本來想叫水冷麵的只是今天太多人了有限時間，太晚點不切，唯有下次再來時再試了。

幾年前食過尖沙咀店，覺得好好味😋復活節假期冇得去旅行，同男朋友去食韓燒當去咗旅行啦～由於假期多人，餐廳限時食90分鐘，用QR code落單一坐低枱面已經擺好左幾款伴碟，包括泡菜同酸青瓜，仲生菜，比我地包住肉黎食爐邊有兩款蛋，一款加了芝士，另一款加了泡菜，個人覺得泡菜蛋比較濕潤多汁，芝士果款食落味道好夾，滑嘟嘟，仲可以無限追加 🌟喜來烤肉 $158（推介菜式）超薄身，浸係大量醬汁入面，燒十秒左右就熟，醃得好入味，甜甜地帶少少酸，唔洗再蘸醬汁，健康少少可以用生菜包住食🌟護心肉 $158（推介菜式）因為揀左2款牛，試下豬護心肉，又係醃得好入味，甜甜地，唔洗蘸醬汁已經夠味，肉比較厚身，要燒耐少少先熟透，肉質唔鞋口🌟真雪花牛肉 $228 睇落好似厚切牛舌，油脂分佈幾平均，肉質望落幾新鮮，可能由於係比較靚嘅牛，冇醃製過，燒完蘸少少辣醬食會更好味，又或者學男朋友咁蘸少少鹽再拎去燒，牛味會更突出整體而言，呢一餐好有韓國風味，個人最鍾意食喜來烤肉同芝士爐邊蛋

今日同老公去位於銅鑼灣嘅喜來稀肉食韓燒，餐廳限時個半鐘，一坐低枱面已經有可以無限添加嘅沙律菜、泡菜同生菜，仲有兩款邊爐蛋，分別配芝士同泡菜，我自己最鍾意就係芝士邊爐蛋，食落滑溜溜仲可以做到拉絲嘅效果呢度其中一款推介菜式就係護心肉，今次試嘅係豬護心肉，一早已經醃好，唔使特別點醬汁都已經好入味，亦都唔會太油膩，想健康啲仲可以用塊生菜包住嚟食添仲有喜來烤肉，同護心肉一樣都係已經一早醃製好，薄薄地一層肉，每面燒5至10秒已經可以進食，肉味香濃，點少少韓式辣醬食更加入味最後就係雪花牛肉，厚切得黎肉質嫩滑，油脂分佈平均，同先前兩碟唔同，呢碟高質牛肉冇經過醃製，我自己就點少少鹽落去先燒黎食，唔點醬汁食，更突顯濃郁嘅牛味

滑一滑既爐邊蛋平時睇相每次見到韓燒都有種好想食呀既感覺！ 但係出面既韓燒好多時幾百蚊位又唔多飽，以銅鑼灣地區最正宗最好質素既就係喜來希肉喇聽住韓文歌真係有種睇梗韓劇既感覺，加上講韓文既店長，就當自己去左次旅行喇。入座時已有生菜，沙律，泡菜，waiter很小心地幫你倒入蛋漿，呢個爐邊蛋係有得食完再加既，真係好滋味呀！ 一個爐分兩邊有分芝士味同泡菜味同時煮，食完再加可以指定味道！ 呢個送飯一流呀。燒肉方面因為我地係牛魔王，所以點左份護心肉，呢個肉質肥瘦平均，很香口呀。再黎個招牌喜來希肉，薄切很快熟。最後嗌左多款飲品，以蜜桃汁最好味，又唔會太甜。唔想飲酒既人可以一試。

同同事出嚟食lunch，佢話想食韓式嘢，上網搵咗一搵，原來附近有間喜來稀肉😁😁大家都一致認同就過左去食lunch😁舖頭啱啱一開都見到有唔少人入餐廳，睇嚟韓國嘅熱潮喺香港都仲係好流行✅同事叫咗個雪濃湯，味道幾正宗，聽聞餐廳係韓國人開，保留到韓國嘅原本風味我就叫咗個石鍋烤牛肉，佢個午市跟埋白飯同生菜，烤牛肉肉味濃郁，而且佢個湯底帶有少少甜味，幾清甜開胃，包埋生菜黎食，帶點爽脆口感🥬唔知係咪人大咗，食肉時都鍾意幫包住生菜🤣感覺健康啲冇咁油膩☺️下次放工叫埋其他同事一齊嚟食燒肉先，人多熱鬧啲🤤

今日出到嚟銅鑼灣行街，行到攰攰地就轉左入嚟登龍街搵嘢食。呢一間餐廳喺韓國好出名， 嗰時啱啱開到嚟香港都大受歡迎，主打正宗韓國烤肉，不過今日食住佢地嘅午市套餐先。一上樓上地方開揚，周圍都放咗消毒用品👍🏻👍🏻用電話QR code落單都好方便。午市食品價錢$75起，喺銅鑼灣區算中規中矩。我叫咗個石鍋烤牛肉($90)，加多一杯blue lemon ade ($20)成份午市套餐有前菜+主食+生菜+白飯，石鍋烤牛肉一上到黎熱辣辣，出晒煙，而且牛肉係估唔到咁多！！食極都仲有，味道鮮甜🤤加埋杯飲品，消暑一流🤓

趁今天見完客提早午餐去食一個地度的韓國菜，這餐廳十二時半才營業，剛去到時一樓餐廳仍未開門。於是在地下的韓國零食店逛一逛，內裏有很多不同類別的食物， 觸動了我的購物慾。餐廳剛開門營業，已有不少客人排隊進場。午餐原來有十多款選擇，我點了石煱烤牛肉飯和桃汁。 QR code下單很快捷，5分鐘內桃汁和韓式前菜首先奉上前菜有泡菜、 醃製魷魚、菜圃 、香腸仔 。四款前菜十分惹味令人提升食慾，桃汁內更有粒粒的果肉清凉解渴有咬口。熱辣辣的石煱烤牛肉飯， 原來是可以配生菜包著一起吃的。 生菜的份量也不少，十分新鮮爽脆，包著牛肉及韓式醬一起吃很有驚喜～讚烤牛肉煱的牛肉嫩滑， 原來煱內還有我最愛的金菇和彈牙粉絲，很足料。 這餐飯滿足了我三個的願望啊～下次一定要和朋友晚上來一起試試這裏的韓燒

即使是平日既晚上，有時間黎食餐好既黎獎勵自己也應該的。入到喜來稀肉，由社會運動到疫情期間，覺得香港變化真大，但係餐廳既食物和氣氛沒有改變。以韓國店長打理既餐廳，請左不少年輕人做侍應，餐枱上放滿前菜，水，生菜等，一入座侍應就倒入蛋液，我們利用電話落單，美味的韓國之夜即將開始。由牛肉護心肉，牛肉喜來稀肉，到石頭飯，款款高質，加分位係侍應主動換爐，前黎換了四次之多。看出心思，期間疫情快過去，bye bye口罩

在銅鑼灣的韓國燒烤店，最好吃都要是這間了，礙於登龍街不是銅鑼灣最熱門的核心地段，但有時又會大排筵席，今日我朋友在這裏吃晚餐，我們叫了米酒配上他們的好吃的燒肉，是絕佳配搭我們點了護心肉，安格斯牛扒，最驚喜的的是他的配菜例如生菜可以任加，一般來說我包肉會包生菜，明晚我也叫了海鮮煎餅，味道也是非常好，最後值得一題是燒板旁邊有一串加蛋汁的地方，10分有特色。下次經過銅鑼灣定會再去這間餐廳因為他的燒肉真的很好吃。

我今日同一個很愛沒有聯絡的好朋友在銅鑼灣happy hr,去了這間很出名也很好吃的韓國燒烤店吃晚餐，我最喜歡看確定米酒配上他們的燒肉，果然令人有一種絕佳配搭的感覺，我們點了我牛五花腩，有辣汁的豬肉，最令人興奮的是他的配菜例如泡菜可以任加！令到我們這些泡菜迷大飽口福，另外侍應生也很好頻頻幫我們換板，所以就唔會燒燶嘢而食得唔健康。特別推薦唔係牛肉五花腩，醬汁調得很好，另外他們的水冷麵很不錯，吃燒肉同事有一些冷凍食品也是一個絕佳的配搭。

我又來「喜來稀肉」吃燒肉，最喜愛它的正宗韓燒。而因應疫情，又有貼心的防疫措施，令人吃得開心又放心。今日要走碳水化合物keep fit，叫了五花肉和熱大麥茶😋。先上三碟精心炮製的前菜，我一定會KO它們， 因為它們可以開胃，有助消化。韓燒五花肉無得輸，層次分明，肉汁豐盛，一碟九件，每次燒三件慢慢嘆。我以燒肉配生菜吃，健康地吃。另外，這裏有韓式烤爐，爐邊蛋左邊是芝士味，而右邊是泡菜味，上面那行有些蒜頭。店員說他們的泡菜是自家製的，不怪得泡菜味的蛋特别好味。最後，蛋份量太多，一個人吃不完。如果你也要走carbohydrate，可參考我以上的選擇。

中午補身喜來稀肉 地址: 銅鑼灣登龍街41-51號金龍大廈地下3號舖及1樓電話: 26185331做野做得好辛苦，一於食好d補充體力，登龍街好多人放lunch ,想一個人輕鬆食就上左1樓中午有set lunch 也有燒肉，其實都好想燒肉，不過lunch 時間有限食燒肉會好趕，點了人蔘雞湯$100竟然有前菜泡菜送添人蔘一向比人養生正氣感覺，等左10分鐘有得食，鍋湯好熱辣辣，成隻雞，掰開中間是塞了糯米紅棗同人蔘條。雞好嫩且多肉，口湯有淡淡人蔘甘味，我通常會把中間架糯米撈埋湯，嫩成粥咁食架。一個人一張台，間隔闊落，食完人蔘雞真係充滿力量同朝氣

今日放工同同事去食燒肉，喜來稀肉真係我同朋友都覺得係最好食既燒肉店。爐邊仲有芝士蛋同泡菜蛋。每次都最少會食2-3轉蛋。食完可以再叫真係太令人滿足啦。我地叫左兩款，五花肉同喜來五花肉配特製醬汁。有醃製嘅肉味道較濃郁，帶有甜醬油味，用嚟送白飯一流。燒肉沾上少少鹽再加白飯，令肉味更出色，韓國米飯又甘香，粒粒分明，有咬口。原味嘅五花肉，我就好鍾意用生菜加埋芝士蛋包埋一齊食。口感豐富又有層次，呢個配塔真係一流。仲叫咗個烏冬，海帶湯清甜，腐皮又入晒味。烏冬好彈牙，不知不覺就食哂成碗。燒肉又點可以少得支燒酒呢 豐富又好食既一餐！

第一次黎呢間食野，一入去已經感受到韓風，裡面既店員同老闆大部分都係韓國人，佢地真係用韓文黎溝通。野食方面推介牛肉同埋冷面，呢個配搭係韓國食法，咁樣食就唔會覺得太油膩。但呢間舖價錢偏貴，一餐兩個人都洗左過千，都未算真係好飽

最近都吃得頗清淡，前排突然心血來潮想吃韓國燒肉，就和同事去了喜來稀肉～原來除烤肉外，他們還有lunchset的，價錢$60-100不等，不過我們都係決定燒肉+食下辣麵！特別欣賞餐廳的辣海鮮麵，好足料之餘辣得好過癮！$65就有三隻青口+大大隻🦐，麵質亦好好，可以再來吃😋難得🔥肉，就要吃特別點，餐廳的招牌菜護心肉原來係好罕有的肉，值得試～肉質嫩之餘不會好乾，而且是沒有油份的😝將肉點上秘制醬汁上，格外滋味。食過燒肉後最開心的還是要吃蛋漿，特別喜歡芝士蛋，熱熔的芝士與蛋好match😋另外，他們的泡菜也很地道，連平日不太好泡菜的我都食了好多～：係時候燒一燒🔥最近都吃得頗清淡，前排突然心血來潮想吃韓國燒肉，就和同事去了喜來稀肉～原來除烤肉外，他們還有lunchset的，價錢$60-100不等，不過我們都係決定燒肉+食下辣麵！特別欣賞餐廳的辣海鮮麵，好足料之餘辣得好過癮！$65就有三隻青口+大大隻🦐，麵質亦好好，可以再來吃😋難得🔥肉，就要吃特別點，餐廳的招牌菜護心肉原來係好罕有的肉，值得試～肉質嫩之餘不會好乾，而且是沒有油份的😝將肉點上秘制醬汁上，格外滋味。食過燒肉後最開心的還是要吃蛋漿，特別喜歡芝