唯一雲貴川風味

营业中

休息中

一直以來呢一間唯一米線係我最鍾意食嘅米線，好耐冇食米線，今日突然非常想食，第一時間諗起嘅米線就係佢。😆下晏晝兩點鐘去到仲係非常多人係門口排隊，入面好多人好迫，我叫咗炸醬雞翼蘿蔔小辣米線外賣，外賣都等得幾快嘅。返到屋企打開碗米線，見到外表同以前一樣咁吸引。點知一食落就知道賴嘢啦！！唔知點解會米線有浸奇怪嘅唔屬於米線既味..😩炸醬都唔入味，雞翼算正常，蘿蔔就好甜好好食！可惜d麵線湯底唔掂，而且米線又煮太耐，所以成碗感覺好差！我由超級fans變到完全唔想再食呢間嘢😪😭👋點解會咁㗎，仲要成53蚊，諗返都嬲

諗住下午菜時間黎坐坐已經3點都仲超多人位都好難搵不過員工服務好好即刻幫你砌位抵贊入去之前已經聽講好出名真係好期待啊！即刻就叫左我最鐘意既酸辣腩肉米線好吸引！一黎個腩肉隻色已經令我流曬口水啦！不過點知名大於實米線過硬 唔知係咪太多人煮唔切好失望腩肉就唔錯肥瘦得宜但酸辣要加$7實太貴而酸味不足 被辣味蓋過再次很失望但勝在份量很多腩肉同米線都夠2個女仔食！女士建議可以少米 以免浪費但整體都是比期待中差不會再去

唯一雲貴川風味在荃灣甚至是香港一向也有一定的名氣 亦令不少港人由其他地方遠道而來去一嚐風味 而作為米線愛好者的我 當然也不會錯過這間赫赫有名的傳統雲南米線食店我點了最著名的腩肉炸醬米線 的確非常惹味 由於我並不能吃十分辣 腩肉及炸醬本身的辣度已讓我吃得非常惹味而酸菜的酸度亦剛好 令我在濃濃的湯底中亦感受到小許的酸味 整體而言 米線的硬度適中 湯底亦濃郁 唯有點美中不足的是 友人點了酸辣湯底 湯底的油膩感過重 注意健康的食家緊記提出少油的要求 以免太過油膩

喺荃灣食米線， 一條街跌落嚟嘅招牌都有排揀，講食開又營業一段日子嘅鋪頭當然有呢間份。 盛興果時排曬長龍， 而家見唔到人龍唔代表佢唔好食㗎。前鋪係得幾張台，啲呀姐好好㗎，只要有位，你想揀邊個靚位都得，絕對唔會強迫你指定位，同人教硬迫一張枱，然後同隔離唔識嘅人筷子打筷子，膊頭掂膊頭。餐牌就喺牆上，擰到頸歪睇食乜， 唔好畀佢餐牌上面嘅xx+xx嚇到， 啲餸係自由配， 唔係限於xx+xx。次次唔使諗一定要叫雞翼，入曬味，又淋，又香滑。幾高g嘅豬腸都要點，隨碗有芽菜、酸菜， 最出色就係個湯底，食過就個幾難忘，食到抹鼻水都要食。因為帶小朋友唔食辣，我叫一碗一餸唔辣小米線，呀姐提議我咁樣叫比小朋友， 即時覺得好為客人著想。出名嘅鋪唔一定"略水" 雖然佢地聲大大聲粗粗，我覺得唔代表係服務差喎。 其實我叫一碗小米線，佢根本冇必要提議你咁叫。人情和道理嘅關係。 除咗佢咁貼心嘅服務， 難以抗拒的味道， 無論如何都會返轉頭再食!!每次坐低即刻問有冇大枝豆漿，又抵又好飲。

好幾年前食過，之後念念不忘，今天放假不枉我專程再來！中午時段預咗好多人，不過呢到係食完即走模式，基本上好快有枱，阿姐亦會預先叫你落定單，坐一陣米線已經專人為您送上😋雞翼尖，腩肉、紅腸小鍋酸辣米線，翼尖保持水準，入味，腩肉都不錯，份量也不少，可惜紅腸失色，來貨完全不行，最後要放棄，害我少了一個餸😭，米線彈牙，湯底依舊濃厚，非常喜愛！呢到唔好期望環境舒適，服務週到，最好諗定食咩，但試過應該想再試！

早幾年嚟過，回憶好好。今日再過嚟，直情覺得中伏🤮。排隊人少左以為執到，原來又貴又唔抵。雲吞冇晒，雞翼冇晒。連個湯底都淡味🤢，盛為$59。辣味得個辣子，完全冇香味。完全覺得俾人搵笨。試過對面間川麵，幾乎半價相雙倍享受。大家自己諗。除非有改善，我一定唔會再來。可能租金貴，要縮皮，但係都唔係要搞到我要嗌救命。咁樣嘅價錢，半價就可以。真心要反醍。衛生環境相片自己睇。搞到我Trip Advisor 都要寫多一篇。呢度廁所同埋環境不嬲都唔好有大期望。但係咁多年完全係退步左。唯一最好嘅，起菜快。

想不到在荃灣工作了三年多，終於找到機會試到這間荃灣著名的米線店，因為每次經過時都見到大排長龍令人卻步，難得今日十一時多早放飯，於是決定入內一試。 十一時半雖然沒有人排隊，但內裡已經坐滿了客人，不過因為我只有一個人所以很快便有位子，店內非常狹窄，基本上每張檯都是由不同客人搭檯而成，非常誇張。坐下之後望著餐牌好迷惘，因為有太多選擇，一二三四餸有辣有唔辣，但我又不太能吃辣，最後我決定點雲吞米線唔辣。 米線好快送上，先試一口湯底，實在是超酸的非常醒神！！！再試吃雲吞，是我喜歡的薄皮雲吞，不過內裡的饀料，居然也是酸的！湯底和雲吞酸上加酸，簡直是味覺上的震撼！ 埋單$38一大碗米線其實都算抵食，只是如此酸+油+濃的特色重口味，我實在是不太接受到，以後路過都不用心思思再想試幫襯了。

同老婆食佢最愛既米線，平時呢度人山人海排到外邊，今日有d雨少左人好快入到，由於我喜歡濃味，叫左個炸醬米線，呢都維持一貫美味，炸醬十分多，d湯又夠濃，米線有咬口同滑。喜歡米線的朋友，一定要試。

此店人氣非常犀利，每日中午必大排長龍，座位狹窄一定要搭枱，其實我真係好憎搭枱，仲要接近手肘貼手肘踎底頭先食到，所以秘訣係要坐底速食。老實講小弟幾食得辣，亦都好鍾意食辣，米線來講佢聲稱係雲南風味，叫咗個中辣賣相的確係幾吸引，足料之餘嗅覺上都係幾香既。可惜食落就完全無特別，辣味不足油份太多，食落好油膩，湯底質感好厚，鹹味偏重。佢個馳名辣腩肉都係不過不失，鞋口肉薄。雞翼係好食嘅，大大隻好滑。整體合格但唔算得上係好味。價錢唔算特別吸引，一般兩餸麵都要五十幾蚊，真係唔係好明點解要每日大排長龍先可品嚐哩碗我感覺上似車仔麵質素嘅麵，可能此店唔係小弟既口味。

荃灣出晒名多米線鋪，係未興食米線之前，荃灣已經有好多間米線鋪，間間唔同風味、各有特色同傳統。唯一雲貴川風味就係其中一間，保留住傳統既裝修，一磚一瓦、一碗一碟，全部都充斥住香港情懷。無打卡位，但每日都咁多人食，靠既就係味道。佢有好多餸你可以自己配搭，特別啲既就係佢地係當酸辣同小鍋係一個餸咁計價錢既。你唔洗一定跟佢個配搭架，總之你係餐牌上面見到就嗌得。每一碗本身已經有酸菜同芽菜，呢兩樣野對我黎講真係米線必備。今次嗌左酸辣豬腸貢丸同酸辣雞肉紅腸，大大碗好足料，熱辣辣上菜個湯係好濃偏油既，我不得不承認唔係個個都偏好呢個口味，有啲人會覺得太重口味，但我就係為左呢樣野而黎食。酸辣湯底一開頭食個時都唔覺辣，但食到一半就會出晒汗同流鼻水，大家記得帶定紙巾先好去食啊。豬腸夠冧，清洗夠乾淨，而且好入味。貢丸係漲爆，一咬入面好多汁流晒出黎，真係要小心唔到辣親個嘴。雞肉係隱藏Menu黎，我地偷聽到隔離枱嗌，我地又都跟佢嗌幾真係幾好食，而且加左雞肉個碗唔同左味道（應該係啲醃料味道滲透左落個湯到）米線今次去食就失準左，煮得太冧。我最後食唔晒一碗，就交比我個超級大肥仔清理埋去了，細食既人可能要嗌少麵啊。食得曬先至好

去開荃灣行街。想食米缐既緊係去唯ㄧ呢間米線鋪。因為試過真係正。所以專登放假去荃灣食佢。。雖然間老舗冇乜點裝潢。坐又坐得迫。人又多。但也無影響我對它的喜愛。每次點3個必食配餸。腩肉。雲吞。肉躁。酸辣米線。簡直絶配。真係好正。未試過的ㄧ定要試下。

荃灣呢間唯一雲貴川風味又係香港10大最好食既米線之一如果食飯時間黎必定大排長龍, 今晚我做完FACIAL過黎都9點幾鐘都仲要等位呀 好耐冇食, 又加左價啦, 一個餸既米線都加到$38, 麻辣雞更加係$40添另外仲有小食選擇最後我叫左腩肉同豬紅, 腩肉都係我必食既餸之一呢度既腩肉唔係用五花肉, 所以唔會好肥, D肉都係比較瘦腩肉同豬紅煮得好入味, 煮腩肉果個汁好好味, 有少少辣而且餸既份量好多, 絕對值呢個價錢呢度既酸辣湯底係會有酸菜既, 今日仲意外發現個湯底入面仲有粒粒蒜頭連埋湯一齊食味道好夾, 呢度既湯底都做得好出色, 酸甜度都調得好好香港10大最好食既米線係實至名歸既

荃灣依間米線，係隱藏一條巷入面，話難唔難話易唔易揾到，鋪面細細，但碗麵就唔細，份量樂大，湯底夠濃，d料好足，腩肉係我最鍾意食既瘦腩，雲吞簡單雪菜碎肉已經好好食，但最遺憾係雲冇得外賣。。。。

有時唔係太肚餓，想食啲粉麵，呢間唯一雲貴川係必然之選，除咗食咗咁多年，有感情之外，水準仍然保持到， 係主要原因 ！裏面嘅老伙記，大多做了很多年，同埋米線雖然味道很濃，但係唔算好口渴，我通常都係會必點腩肉，因為全部都係瘦嘅沒有肥膏！同埋豆卜、蘿蔔都係必然之選。我朋友今日就點了一個 炸醬、蘿蔔米線，呢度記住唔食得太辣嘅朋友就只好嗌小辣，同埋可以叫落單嘅姐姐走油及多蔥！呢度經常都喺門口都好多人排隊，所以最好避咗放工時間 ，今日係假期相對地人少一點，這間老點絕對可以一試！

依舊，推開那塊厚而不透明的透明膠門擋。仍然係圓膠櫈，圓摺枱。兩邊牆依然貼滿餐牌。佢老闆，依然頸戴八両金，健壯如昔。一切無變！係囉，好既野，變來做咩呢？！今時今日係香港地做餐飲，叫「唯一」既唔止呢家。但呢家真係做到合乎其名，全港只此一家。歸根究底，只有兩種可能性：１. 只懂堅持出品而不懂經營之道２. 資金問題我諗，佢屬前者。講錢，佢蝸居四坡坊，即紅遍港九近二十年，為不少人心目中雲南米線之首選。點會無金！知道老闆堅持每碗米線上枱前，均用小鍋煮過，力求熱烘烘，香味遍達。呢種近乎「戇居」的堅持，為佢開了發達之門，卻同時關了可能大肆擴張的機會。雖知道坊間做米線者十之有九點九九九九都係車仔麵檔咁運作，幾樣做好的食材執成一碗，加上熱湯上枱。好似佢咁做，搵鬼同佢打工～哈哈～～～呢碗「腩肉豬大腸米線」，由細食到大。由好早前一粒粒肥脂浮係面，到依家「清」左好多，但依舊係油立立！無錯，佢就係咁有個性。從來都無話sell健康少油。但個味道，真係令人回味。辣得來酸，酸得來一啖嫩滑、爽脆、軟稔．．．．．．忍唔住連湯都想飲埋。但我通常叫多支豆漿飲，明知你會搞到我再肥Ｄ，可避，則避ＤＤ啦！歲月如輪轉，小店，轉眼熬成經