唐宮小聚 (荃新天地) (已結業)

聖誕節放假，梗係要同朋友食豪啲。最難約嘅都長居荃灣區，咁梗係等我地呢啲港九好友衝入荃灣啦。唐宮小聚最適合我地一大班人歡聚慶祝聖誕。假日一早就要去霸位，好彩一開門就已經喺門口，唔係有排等。因為唐宮真係道道菜都咁好食。我地嗌到一枱都係。首先冷盤有桂花車厘、麻辣田螺、雷椒茄子，青絲蒿荀、薰魚、皮蛋豆腐。麻辣鴨舌，麻而不辣好入味。陳釀醉蟹嘅唔係花雕酒，但酒味極其香甜，令蟹前所未有咁香鮮😋🤤 燒乳鴿香脆肉嫩滑，唔油膩🤤😋黑金流心奶黃包更係必食👍🏻 右邊嗰籠就係啦~五寶點心拚 ，有包有餃，包羅萬有，新鮮熱辣。山竹果，其實係紫薯糯米滋，包住龍蝦汁嘅蟹肉，外皮脆得嚟軟糯，而餡靚又又多juicy 😋 三重口感蝦多士，成件脆遳遳，仲有黑松露香。蘿蔔絲又香又脆，但餡料白蘿蔔濕潤多汁又軟綿。食到好飽都仲要食甜品。朋友都食陳皮桂花燉梨，但我就真係飽到胃無位啦，所以就食椰汁紅豆糕 😂 無粒粒紅豆，因為紅豆都磨成粉再造糕，紅豆味濃仲有椰汁香，超好食。如果你問我推介邊款菜，Sorry，揀唔到～ 因為樣樣都超級好食呀 😆😋🤤🤤🤤

環境寬敞 , 清靜 , 舒適 , 侍應態度殷勤有禮。點心卡通造型可愛精緻 ，絕對係相機食先。開蔥拌麵 $39青蔥炸到很香脆， 麵條煙煙韌韌， 食完滿口青蔥的香味，戀戀不去。黑金流沙 $49 三件流沙包外皮是黑色竹炭， 很特色， 大口咬下去， 必出流心的奶黃， 好有鹹蛋黃的鹹香味， 溫馨提示 ，進食時真是要留心， 放涼小小才吃會比較安全。脆蝦雲吞 $39雲吞造型像一個小福袋， 外型別緻， 炸得 一啲都油膩， 外面鬆脆 ，內裏的蝦爽口彈牙， 配埋有少少拉絲的芝士，特別惹味。

今晚8點去到攞飛，4大1細，等左50分鐘有枱，食物質素ok，但到9點25分就已經叫你埋單，明明last order時間係9點45分，算，你話要埋數就埋單先。我地食到9點52分左右就已經有侍應行埋黎講‘’我地10點鐘收鋪”，之後唔夠2分鐘又有一個侍應走黎講同一反說話。到9點58分又黎個侍應講話要收鋪，再到10點正又有第三個侍應走黎講我地收鋪喇，仲話要做清潔喇，當時見到全場仲有8至9張枱未走，而且我地隔離左右既吉枱根本d侍應都未執拾完，當時即刻同佢講“你地10分鐘內已經有4個人走黎講同一反說話，如果你地要做清潔，可以先執左隔離左右已經冇人坐既枱先”。我地10點01分馬上起身走人，我知你收10點，唔該你到10點正先正式趕客走，10點未到已經催左3次，講明9點45分last order，竟然9點25分已經叫你埋單，呢間野永遠唔會再黎，埋單9百7十左右，價錢算合理，但服務絕對係極差

畢左業咁耐同d同學都係聚少離多今次難得既一次聚會就始於唐宮小聚整體黎講個裝修係最令人賞心悅目,而食物黎講質素都還好但會想讚下個流沙包呢d黑金流沙包我之前係其他brand都食過個樣都有9成似, 但味道黎計我會覺得呢度更勝一籌首先係個包真係好軟熟, 當然要趁佢熱辣辣個陣食啦唔係凍左既話都一樣會變石頭包而個餡真係不得了, 一d都唔姑寒, 咬開係滿瀉既流心餡仲食到有少少蛋黃粒 令成個口感昇華不少雖然流心既野都偏向漏 但我會覺得呢度既流沙包係會令我想食完再食

星期五晚上六點半左右到不用等位，餐廳內差不多全部枱都有梳化坐位超舒服😌，我們一行二人叫了五樣菜，個燉雞湯超好味😋😋冰鎮咕嚕肉凍凍地好有口感值得一試👍荷葉飯有驚喜不會太乾身有瑤柱汁幾好食😋乳鴿又多汁嫩滑黑白包就普普通通啦，再來嗌多個甜品青蘋果包，賣相極似一個青蘋果因為太吸引忘記了影相，青蘋果包的餡料是麥記蘋果批碧餡料🤣🤣🤣總括來說生日飯還不錯👍😋如果有機會下次都會三五知己再來吃可以再試一試其他菜式😊

小蠔煎餅炸得鬆脆，突別在加入紫菜美味可口。點來聚聚點心，一籠多款精緻點心又多味道選擇，內餡料很足料。荷花蒸飯，一個荷葉飯內很足料，蝦仁多，飯又多，又夠味。白玉王鴿見很多人食，試食不錯，好夠味，不用再加任何調味料。小菜館食物不錯，價錢合理。

香港不嬲都多一啲整色整水嘅餐廳，而作為一個香港人其實都見怪不怪。不過講真今次真係非常失望，因為係要帶媽咪去食飯，諗住食好啲點知個價錢根本同食物水準唔成正比。先唔講入邊真係好唔舒服啦坐得，啲枱好奇怪啲setting根本唔係方便人坐㗎。最奇怪嘅係啲食物，整色整水，點心又唔似， Crossover小菜又唔似，都唔知做乜。唯一比較好食嘅就係嗰個最出名嘅菇菇包，真係幾似一隻冬菇，但係嗰個味道都係奇奇怪怪，唔知點解好濕。最差最差千祈唔好試嘅係嗰個拼盤，貴到乜但係不知所謂你睇下張相就會知道你根本唔知自己食緊乜嘢尤其是嗰個「蜂蜜波波」，而家諗返我都唔知食咗啲乜嘢。我淨係知道成件事又貴又唔好食，總之就係失望啦！我寧願食返一啲普通嘅茶餐廳，茶樓都好過食佢！

成日經過呢間野都好多人排隊，於是都排埋一份去食下有咩特別。入面環境好搞笑，有張好似乒乓球枱既大枱，d碗碟上面仲要畫左隻螞蟻🐜，打開張餐紙，發現佢係食新派點心，但新派得黎令人好期待係咩味道。佢既乳鴿仔好惹味，食完一隻根本都唔夠喉，佢好細心，會比埋膠手套同濕紙巾你，唔怕整到隻手油林林。而且環境好闊落，同格黎唔會逼逼貢，坐得好舒服，所以都見到有好一家大細去食，唔洗擔心老人家食唔慣。因為都好多老人家食。

店嘅裝修絕對係相機先食📷嘅港女店💁🏼‍♀，Tiffany Blue 色仲要周圍都係打卡位🏓，食物好味有驚喜，gathering 嘅好地方！ 👏🏻💗紅粉佳人 $49💗其實係紅菜頭蝦餃，白裡透粉紅色，仲要加金邊，睇見都已經覺得幸福。完全食唔到紅菜頭味，係豪華版靚蝦餃，皮滑唔厚，咬落蝦夠大夠爽口彈牙，好睇又好食。肥妹指數:🙆🏻‍♀🙆🏻‍♀🙆🏻‍♀🙆🏻‍♀🔘黑白無雙 $49🔘懶神秘其實係好好味嘅黑椒洋蔥雞煎包，唔止個餡，係連個包都好食，一咬落去啲肉汁加埋芝麻香味真係不得了！肥妹鬼好忍口都食咗兩件。
肥妹指數:🙆🏻‍♀🙆🏻‍♀🙆🏻‍♀🙆🏻‍♀🙆🏻‍♀🦐火冒三丈 $99🦐火燒鹽焗蝦上檯點火已經好架勢，食落仲好惹味，大大隻爽口彈牙好鮮味，個殼都啜乾凈，咸咸哋送飯一流。肥妹指數:🙆🏻‍♀🙆🏻‍♀🙆🏻‍♀🙆🏻‍♀🐄肥牛叉燒  $149🐮哩個真係一定要叫兩碟，軟稔幼嫩好好味，US Angus牛烤得剛剛好，真係食到停唔到。肥妹指數:🙆🏻‍♀🙆🏻‍♀🙆🏻‍♀🙆🏻‍♀🙆🏻‍♀🔥冬陰功粉 $69🔥泰式冬陰功+銀針粉又幾好味，湯小小辣加海鮮，細細碗，用銀針粉令口感提升，兩隻蝦都幾鮮甜大隻，大食嘅應該唔夠飽。肥妹指數

環境: 位於荃新天地一期一樓, 係開了差不多一年既中菜館, 亦都係繼尖沙咀同中環後香港第三間分店. 餐廳佔地都幾大, 適合多人聚會. 餐廳擺設和設計都很多特色和心思, 門口放了張大乒乓波枱作餐桌, 而餐廳用的碗碟也很有趣, 你會看到碗碟畫上很多小昆蟲, 大年紀的人看到真的會以為有昆蟲在碗入面, 很搞笑. 不過餐廳十分乾淨, 用餐時也看到半開放式的廚房很整潔企理, 相信真的不會找到這些昆蟲吧.食物: 餐廳主打乳鴿, 平時每人最多可叫一隻乳鴿, 荃灣呢間之前新開張時候推出優惠, 系打卡每人送一隻乳鴿, 令很多人瘋湧而至, 現在好像沒有了, 所以也不用排很久. 乳鴿係唐宮小聚招牌菜, 果然名不虛傳, 乳鴿整得相當出色, 味道非常入味, 而且炸得十分香脆可口, 水準十分高. 另外試左佢幾款包點, 黑金奶黃包外觀非常精緻, 食落都幾好食, 奶黃非常多而且會流沙, 不過佢另一款黑松露蘑菇包本人不太欣賞, 其實佢菇味相當濃郁, 可能我對菇味冇乜好感. 除左乳鴿之外, 小菜係意想不到非常出色, 特別推介菠蘿咕嚕肉, 咕嚕肉唔似平時出面既咁多粉, 而係用薄薄既粉包著肉去炸, 炸得好出色; 仲有雞絲粉皮同

其實之前喺海港城都已經見過呢間<唐宮小聚>， 今次呢到荃灣呢間畀佢啲裝修吸引咗😍😍😍 OMG 全間餐廳都係tiffany blue😱😱😱😱 簡直係港女最愛💖💖💖 入到去忍唔住要繞場一周 ，裝修好有特色!乒乓波枱倒吊咗喺天花板😂雖然我唔打乒乓波，但影相呃like一流👍👍除咗裝修靚之外，佢啲食物賣相都好靚😍黑白無雙 -- 入面係黑椒洋蔥雞肉，夠juicy!紅粉佳人 -- 本人唔好好菜頭但食落原來又好夾喎😝 最重要係佢粉紅色加埋金邊賣相100分🦐🦐🦐冬陰功粉 -- 銀針粉底幾特別，同埋都幾辣幾 惹味肥牛叉燒 -- 超好食!!!!!!😋😋好重牛味好嫩口，煮得啱啱好🐮🐮🐮

見佢新開將咪走去試吓，裝修都幾 fashion，張點心紙就好多唔同嘅菜都有，所以不能規範佢屬咩菜式，只可以講樣樣份量唔多， 4個人要食成10樣嘢先叫剛剛好，不過有多個好處就係可以俾我試多幾款。先講吓個陳讓醉蟹，隻蟹約四兩重左右有酒咪嘅，但本人都係鍾意食醉蝦多D，荷葉飯都普普通通，台式個五花腩包五花腩夠厚身但唔夠淋味道一般，而個雞絲粉皮真係好一般無特別，個菜就切得幾特別，但我寧願好食多過好睇，炸乳鴿個皮都夠脆肉質同味道都ok，蝦多士就油咗少少，糖醋骨都係ok...整體成餐飯都係不過不失，無特別令我食得好滿足好開心咁。

之前試過中環的唐宮小聚，感覺不錯，約了朋友來荃灣區搵食，朋友話想來試試，未開門已經有不少人在門口等位，可以話係人氣食店...等了差不多10分鐘，侍應便安排我們入座，這裏的菜式賣相很精美，睇得出有花過心思在擺盤上, 為菜式加了不少分數!!!這裏的食物除了賣相美觀，味道都非常不錯，自己特別推介紅燒乳鴿，肥美肉厚入味，另外流沙包和刈包都不錯，我和朋友都十分滿意!!! 希望下次有機會再來試試其他的美食!!!!

之前都來過 唐宮小聚 食點心，點心款式新潮得來味道亦唔差，當然最開心就係符合了我地習慣「相機食先」的朋友，終於齊腳又再試其他野！紅粉佳人(紅菜頭蝦餃）$49 （3 件）記憶中，唐宮小聚只有菜餃，終於有蝦餃供應當然要點一客試試，咁樣先似飲茶！作為粉色控的姐，見到櫻花粉色外表已經覺得加晒分，加上金泊線Bling Bling 再高兩分，粉紅色是來自紅菜頭，而紅菜頭味道同爽彈大蝦都夾，唔係得個樣之作。冬陰功粉 $69估唔到中式的唐宮也有泰國經典菜色冬陰公湯粉。湯底辣味唔算太重（食開小辣的完全ok），有比較明顯的酸麻aftertaste，香茅亦係整個湯的精髓。另外小小的一碗，海鮮都算多，有兩隻大蝦，蜆肉，墨魚，配銀針粉，成個組合係幾特別的（不過單食就唔飽啦）！黑白無雙 $49 （3件）雞包以型格黑白無極的造型登場，外皮除左靚仲煎到脆卜卜，一咬開係爆餡洋蔥雞肉粒，加左少少黑椒調味，勁juicy！肥牛叉燒  $149平時叉燒是豬肉，這裡用的卻是美國安格斯牛，質感軟稔幼嫩（內裡是粉紅色的），少少燶邊香到不得了！火冒三丈(火燒鹽焗蝦)  $99呢個上台後會點火的，鹽醃制過的大蝦經過火焰快燒，把鹽味、香料

話說黎開荃灣😻因為隔離商埸有個卡通人物聖誕展☺️☺️☺️☺️ 緊係再黎食下野啦☺️今次為左試佢個肥牛叉燒🤤 我見人地影出黎好似好正咁☝🏻Gogogo 食貨兵團🤗環境依然好靚！係女生最愛既Tiffany blue 顏色裝修😻 打卡又點少得佢！☝🏻今次因為食平日！所以就安排左可以有機會會特色 乒乓波枱☺️ 等朋友既時候，就叫左椰青水同黑豆漿☝🏻椰青水好清甜！係原個椰青直出！聽講係無添加☝🏻天然野☝🏻😉叫左5樣野！三個人輕食黑白無雙 $49 黑色聽說係竹炭，入面洋蔥同雞肉粒！好juicy 食既時候入面會有d 雞湯汁流出黎☝🏻🤤火冒三丈 $99 推介佢係火燒鹽焗蝦，上台時候會有點火儀式！好有趣☺️☝🏻打卡指數很高！入面有5隻大蝦！如果食得重口味好似我咁！可以連殼食！野味～個頭重有蝦膏tim!👏🏻👏🏻👏🏻👏🏻👏🏻肥牛叉燒 $149 5粒星大大大大推介🤤到而家重好回味😭心思思想再食！原來黎自美國有名既安格斯牛，軟稔幼嫩！超正😭一d 唔乾，充出肉汁同半肥瘦既肥牛🤤一定要叫呀！！！冬陰功粉 $69小小辣既冬陰功粉☝🏻個粉係銀針粉😻煮得岩岩好😉有時出面食既銀針粉會太硬/太糊重有兩隻大蝦，細胃人士好岩紅粉佳人$49