唐宮小聚 (荃新天地) (已結業)

聖誕節放假，梗係要同朋友食豪啲。最難約嘅都長居荃灣區，咁梗係等我地呢啲港九好友衝入荃灣啦。唐宮小聚最適合我地一大班人歡聚慶祝聖誕。假日一早就要去霸位，好彩一開門就已經喺門口，唔係有排等。因為唐宮真係道道菜都咁好食。我地嗌到一枱都係。首先冷盤有桂花車厘、麻辣田螺、雷椒茄子，青絲蒿荀、薰魚、皮蛋豆腐。麻辣鴨舌，麻而不辣好入味。陳釀醉蟹嘅唔係花雕酒，但酒味極其香甜，令蟹前所未有咁香鮮😋🤤 燒乳鴿香脆肉嫩滑，唔油膩🤤😋黑金流心奶黃包更係必食👍🏻 右邊嗰籠就係啦~五寶點心拚 ，有包有餃，包羅萬有，新鮮熱辣。山竹果，其實係紫薯糯米滋，包住龍蝦汁嘅蟹肉，外皮脆得嚟軟糯，而餡靚又又多juicy 😋 三重口感蝦多士，成件脆遳遳，仲有黑松露香。蘿蔔絲又香又脆，但餡料白蘿蔔濕潤多汁又軟綿。食到好飽都仲要食甜品。朋友都食陳皮桂花燉梨，但我就真係飽到胃無位啦，所以就食椰汁紅豆糕 😂 無粒粒紅豆，因為紅豆都磨成粉再造糕，紅豆味濃仲有椰汁香，超好食。如果你問我推介邊款菜，Sorry，揀唔到～ 因為樣樣都超級好食呀 😆😋🤤🤤🤤