唐宮中餐廳

营业中

休息中

一向無辣不歡的我，由酸辣去到麻辣，喜歡越食越冒汗的感覺。如今，我身在香港也吃到重慶的辣，嗜辣的朋友們，一起跟我開始山城霧都美食之旅吧﹗山城、霧都指的就是重慶，重慶菜 (渝菜) 味型多元化，味道濃郁且具地方風味，常用的烹飪方法有二十七種之多，除了典型麻辣味外，還有魚香味、家常味、怪味、紅油味、鹹鮮味等。辣椒、胡椒、花椒、豆瓣醬、酸菜等是主要調味品，不難在菜式中找到。就今次美食之旅，香港九龍維景酒店誠邀重慶維景國際大酒店的幾位重慶大師傅，帶來幹海椒、宜賓芽菜、紅花椒、幹青花椒、泡椒、泡二荊條、老豆瓣和泡仔薑等，以保證美食正宗原味。『涼菜類』 蜜汁白鱔、蒜泥白肉、巴蜀口水雞蜜汁白鱔 HK$80顏色像燻魚，魚肉質地相當彈口，很新鮮，蜜汁味道不會太甜，沒有搶走魚鮮。巴蜀口水雞 (2個辣) HK$70我一直不吃雞皮，因為那種感覺太難入口，但這個口水雞的皮很滑，皮下幾乎沒有那黃色的肥膏，雞汁凝結成啫喱，雞肉嫩滑。蒜泥白肉 (1個辣) HK$70薄薄的豬肉，沒有太多肥膏，肉質軟腍，夾著中間爽脆的青瓜絲，中和了辣味，出奇地吃過此白肉後沒有口臭現象，蒜頭份量控制得好好。『湯類』 圓盅松茸鴿、濃湯扒魚肚、一

杏汁芝麻湯圓愛吃潤口的東西  這一客杏汁香滑 湯圓也軟糯 挺讓人滿意 其實晚飯並不吃得多 不是減肥或其他理由云云二十年的生活習慣 並不會因為兩年的流浪 就輕易改變吧？在家的時候 喜歡吃的簡單 把食物最原本的味道表達  多半跟著時令走 就已是好味的不得了吃飯 只想留給重要或有趣的人兒而其他的時候 做些其他有意思的事情 舞蹈 瑜伽 電影 品酒課 計劃旅遊 讀書 掛一通電話和爸媽聊家常 還有 看沖上雲霄呀 哈哈哈

因於何文田區工作，故常往九龍維景酒店之唐宮中菜館午膳，其水準穩定，食品具質素，值得推薦。只要你在窩打老道看見培正中學或中央圖書館，再往對面看，便會見到酒店的招牌，走入酒店後向上走兩層，便會見到中菜館。本人常常在午膳時間到來，不只貪圖到工作以外地方走走，也渴望嘗嘗美味的食品。故常常到來，通常都跟同事或獨自一人到那裡用膳。今天跟平日一般，往那裡點了兩小菜，用後頗覺不錯，色香味俱備，故推介與各位網友。我們的首道小菜是火腿龍蝦炒飯。這碟份量不少也不多的小菜，足夠我們三人食用，不止五光十色，有白色的米、紅的蝦、火腿、翠綠的雜菜、黃黃的蛋塊、耀人奪目，細細咀嚼那些佳餚時，那些火腿的鮮味、咸味，加上雜菜及蛋塊在炒飯融合，加上菜館的少油少糖及少鹽的原則，你會吃到健康而富味道的小菜，可惜飯的温度較低，若加熱的話，火腿的油在飯中消融，加上淡淡的其他配料，相信更加惹味。我們點了另外一味小菜，鮮蝦雲吞撈麵。今天的撈麵跟平日不一樣，今天的雲吞皮較薄，蝦肉的味道明顯，混集著豬肉及菜，味道恰到好處，麵則跟平日一般，並沒有甚麼驚喜，温度也不高，若加熱的話，相信會更可口的。我們最後用了該中菜館的糖水，眉豆糖水，雖然較平

長輩生日，多數選擇食中菜新派官府菜，個名好吸引白梨好清甜，d汁有少少芥末味，仲有芝士同核桃。原來呢幾樣野材料加埋咁夾，好開胃以為食乳豬加埋鵝肝醬一定好肥膩，原來唔係架!! 中間夾左層包，問左侍應原來叫做蝴蝶夾，加埋一齊食可以減低油膩感外層鬆脆，中間入口即溶，正!第一次食玫瑰花，金槍魚粒加埋沙律醬，酸酸地，好開胃個湯膠質好重，入口味道濃郁，但完全唔覺得油好鐘意食帶子，好鮮甜好似片皮鴨，但裡面變左鴨肉絲我比較鐘意新食法，唔似片皮鴨咁油外層杏仁片好香口，蝦膠好彈牙望住隻小雞完全唔捨得食，好得意入面係紅棗蓉，個人興趣不大

第一次來維景食晚餐，和朋友由旺角火車站行過去，餐廳環境寧靜，可能是平日的關係吧。今晚我們食的 <金裝豪華菜譜> 是在<維景金裝豪華宴> 挑選一些菜式出來的，很期待。1. 明珠羅漢大蝦這個是我們的第一道菜，單看賣相已經十分吸引。‘明珠’大蝦爽口彈牙，炸而不膩，蝦頭配上特別的醬汁一起進食，味道清新！2. 黑松露菌螺頭燉竹絲雞今次是我第一次有機會嘗試黑松露菌燉湯，對於黑松露菌的外表和味道十分好奇，真是不懂如何評價呢，只感到十分爽口！ 這個燉湯非常足料，味道比一般的燉湯濃郁。3. 原隻紐西蘭鮮鮑魚扣鵝掌紐西蘭鮮鮑魚果然與別不同，很有鮮味而且容易咀嚼，而鵝掌肉厚夠滑，相信是女士們喜愛的膠原食品之一！4. 網烤富貴石班這個網烤石班與我們想像中的不同，一直以為網烤的食品就一定會有烤過的‘格仔’。 餐廳將烤過的石班，配上香草及士多啤梨，賣相十分別緻。而石班內卷著火腿，更見廚師的技巧。5. 唐宮脆皮茶皇雞是我最喜愛的菜式，這個充滿茶香味的脆皮雞。細問侍應之下，原來是有名的招牌菜，而且要先用普洱茶熏過，再炸成的脆皮雞，才可以做到雞滑皮脆！6. 五福錦繡炒飯很大碗的炒飯呀！

我打去問訂位, 佢問我幾時, 我答完佢, 佢CHECK完後話有, 問我係唔係訂位,我問有冇菜單我想睇左先, 佢話有, 但OFFICE同事收左工, 又再問我係唔係訂位, 我問可否留電話等佢同事覆左先, 佢話可以, 悔氣地: 咁你係唔係訂位先?!我睇留言話呢間唔錯, 但都係舊的留言,可能今日已經變得好差,連聽電話都咁, 我都唔敢去食.

老人家慶祝生日，最鐘意擺返圍，熱熱鬧鬧咁食返餐。去酒店包廳食飯都係第一次，感覺唔錯喎。服務比起酒樓真係好好多，起碼有個專人同你由頭跟到落尾，唔會因為要睇埋出面d客而忽略左。個廳可以開兩檯麻雀，仲可以有卡拉ok，不過song list就比較舊我最欣賞「江南八彩美碟」，可以話係8碟頭盆，有醉雞，炸鱔，薰魚，四季豆，素鵝，蝦，另外仲有兩樣麻辣。全部都係凍碟，分量每人少少開下胃先。其中，我覺得醉雞，炸鱔，四季豆最好食。平時出面食醉雞最怕好勁酒味，呢個又唔會喎，雖然酒味都好濃，但唔會好難入口，經理話係用上等黃酒整，所以會比較香醇。個炸鱔真係好得，外面炸到脆卜卜，裡面都仲係好軟滑，加埋芝麻同麥芽糖係面，如果真係可以整多碟，送下啤酒簡直一流！四季豆睇見都覺得好靚，原來凍食真係好爽脆同鮮嫩，好少食豆都可以食到索索聲。呢個蝦都好正，脆到連殼都可以食埋。其中有一味「醬皇珍菌鴕鳥柳」都值得推介，因為出面唔係咁多餐廳可以食到。鴕鳥肉係零膽固醇，岩晒老人家同成日都話要keep fit既我地，haha!! 而且佢用左好多菇&三色燈籠椒加埋一齊炒，菇菌吸收晒汁，三色椒又夠爽，正！其他菜色都係水準之作，雞絲翅都好足料

裝修後加價無良,茶位$12加到$15,點心籠籠都加到$30,飯麵要$108一碟,小菜$108,例湯都要$118,最弊我無信用咭無DISCOUNT,伙記不多但服務尚可,但係我坐成個中午都唔見有經理,令我無得投訴.

HSBC/DBS咭有85折4人~$800招牌荼皇雞- 嚐不到茶香, 且皮脆, 似脆皮燒雞多d, 還算有雞既味道。蒜香鑊仔牛柳- 無蒜香味, 普通青紅椒燒汁, 牛柳用梳打醃過(毫無牛肉既味道)。羊肚菌露荀帶子- 可以。賽外烤羊排- 脆槳炸羊架, 油。(在此介紹一下土瓜灣北帝街有間叫"大x "新彊菜既羊架, 皮脆肉嫩, 東亞咭仲有85折, 值得一試。)西蘭花炒東星- 混雜左其他魚塊, 味道一般, 魚尚鮮。海味什菜粉絲煲- 海味指蝦干,雪耳,黃耳,什菜少許,粉多多且淡。所有菜差不多同時一齊黎, 根本食唔徹, 上菜時間安排得頗差... 粉絲煲後來吸晒水, 要加湯(史雲生味精湯)...!另外有套餐, 平價餸 菜, 仲唔低食。如果無85折~~~環境算清靜, 因為冇乜客。相信唔會再黎食, 更加唔推介比朋友。

尋日母親節, 舉家去了唐宮食晚飯, 可能是酒店關係, 氣氛明顯冇酒樓咁旺, 點了套餐(散叫似乎重貴), 食物保持一貫水準, 份量亦調較得適中, 令人不太飽, 亦不會餓, 最好味都係果度既菜膽雞煲翅, 用料十足.....當然, 亦因為節日既關係, 比平日再貴一點....想享受寧靜既環境食飯, 呢間都係不錯既選擇

是日午市作業。早期出完特價點心、晚市任叫任食之後，呢間酒店中菜廳又推午$1 特價點心。由於對特價點心毫無興趣，再加上係要主動向職員查詢先至有既情況下，要o左客「雜菌扎素鵝」同「可愛小雞」。雜菌扎素鵝上檯時仍暖，可謂「即整」（但其實係冷盤）；可愛小雞即雞仔型蓮蓉酥，即焗...味道OK，但無乜特別。如果酒店貨色都做得差既話，我絕對有理由相信老外們只靠「語言」同「衛生」兩項評分。

had a dinner set (min 2 person, HK$90/each)aily soup: 夏枯草豬橫利, no tastes of chinese medicine, just like ordinary pork soup. quite tasty.Mango and beef, Stir fried hicken and shrimp with fresh fruit and vegetable in supervior soup are so so. the fried rice is quite good. Free dessert: almond sweet soup. too thick. overall, comfortable environemnet and good service. the food is ok and the dinner set is not expensive.

中午飲茶, 叫點心同炒粉,炒飯.整體用料新鮮, 點心尤其好味, 值得一試的有香茅紙包雞, 海鮮角(皮稍嫌厚), 上素餃, 北京水餃. 而腸粉, 牛肉球則普通.福建炒飯同台山海鮮(斑片及蝦球)炒河則平平無奇, 浪費新鮮用料. 炒河的蛋白汁同河粉炒出來味道更有唔夾味另外, 碟有唔乾淨, 話晒酒店

住嚮附近, 間中都會幫襯, 感覺此餐館很安靜. 就算很多顧客的時候, 這裡也不會嘈吵, 每個人都好像不會高聲說話, 放下茶杯都不會用太大的力度......Order左賽磅蟹(希望冇寫錯字), 竹笙豆腐, 北菇海蔘, 茶皇雞, 西蘭花桂花蚌同燕窩雙皮奶. 我覺得全部都有不錯的水準, 尤其喜歡茶皇雞同燕窩雙皮奶. 另外, 仲叫左個擔擔麵, 我唔知擔擔麵要點樣先至叫好, 但我覺得唔差.收費平均$155 一位, 我認為以呢度的水準來說, 收費係合理.

京華國際酒店的中菜"唐宮"一直有水準自上次與屋企人去過睇變臉上星期六再一次幫襯今次一共10人而家都有Live表演, 是女子2人樂坊, 比較靜一d, 方便傾計老公有VIP卡, 之前有5折, 而家都有8折所以即使每個"送"都要$100左右都可以每人$150鬆d埋單食o左10個"送"有多我比較記得而又好味的包括:中山靚一雞<--而家酒樓做緊係"中山美食節", 呢個係成隻雞拆骨, 手撕再砌返成一隻雞欖菜肉碎蒸菜心<--冇油冇味精, 一樣夠味, 而唔係過鹹, 難得!天下第一包<--英文名World-class Barbecued Pork Bun即是叉燒餐包o者, 不過最上面的蜜糖是新鮮加上, 幾得意菠蘿咕嚕肉<--次次來都會食, 因為將里脊肉片成薄片來做"咕嚕", 唔會咁漏連續2日食中菜, 結論都係"唐宮"比"利苑"好因為"唐宮"冇用味精"利苑"有, 雖然好味, 但搞到我而家周身骨痛添, 慘~