唐宮中餐廳

营业中

休息中

3/9今日中午我們約咗Uncle Auntie又係去我們嘅老地方「唐宮中餐廳」飲中午茶！我們叫咗蜂巢雜錦芋角嘅外層炸得好酥脆，入面嘅香芋蓉好芳香軟滑！滷水掌翼滷得好入味，而肉質就好嫩滑！瑤柱蛋白炒飯炒得好乾身同鑊氣十足，而且餡料亦好足料豐富！榨菜魚崧燜米燜得好惹味，魚崧嘅肉質好爽口彈牙！杞子竹笙浸時蔬嘅菜苗好青嫩，加埋啲杞子令到湯底嘅味道更加清甜，而竹笙就吸收晒湯底嘅清甜味！市橋鯪魚燒賣一開始睇到點心紙上寫已經覺得好特別，因平日食開嘅通常都係用豬肉嚟做嘅燒賣，但呢個係用鯪魚肉嚟做，食落感覺相當爽滑彈牙，而且味道都幾鮮味，頂層仲有一片臘腸，夾埋一齊嚟食，令到味道更加甘香！香脆蝦多士雖然炸得好金黃香脆，但就超級油膩，因一咬落去就成口都係油，而蝦肉嘅肉質都幾爽甜彈牙！靈芝菇鷄絲腸嘅腸粉好晶瑩嫩滑，至於餡料嘅靈芝菇鷄絲都係淡而無味，所以要沾豉油嚟食，先可以叫做有啲味！彩蛋小蔥拌豆腐嘅豆腐極之滑溜，皮蛋亦好軟滑甘香，再加埋啲小蔥碎一齊食，令到味道更加芳香！

早幾日同外父外母食生日飯，黎左間酒店既中餐度食晚飯，佢地做緊個懷舊菜，有些菜式都真係好懷舊架喎，例如金錢雞啦，而家真係好少有地方有得食，見到有梗係要試試啦，外父外母聽到都話想食，個蜜餞金錢雞真係好好食，老婆仲話點解食唔到雞味既~~哈哈哈，同雞尾包無雞尾一樣，金錢雞都係無雞架，主要係用豬肉同雞肝黎整既，一啖咬落去已經充滿香味，配埋個汁真係正宗齒頰留香。第二樣就係呢個麻辣千層峰喇，我都未食過，外父一句咪豬耳囉，好多工夫架，我同老婆都鐘意食豬耳既 (成日去食米線都會叫既) 所以又係要試下到底有咩特別啦。一黎到同我想像既確係唔同，佢好似係好多好多豬耳整埋一齊咁，唔怪得叫千層峰佢有個汁配埋塊青瓜一整食，成個感覺好爽，同我地平時食豬耳完全唔同，絕對值得一試。我地仲叫左個大馬站煲，其實即係蝦醬火腩豆腐煲好香蝦醬味，而且豆腐真係好滑，熱辣辣配飯一齊食都真一流當然唔少得叫條魚食下啦，外父最鐘意食魚喇，見到有個懷舊荷香蒸皇帝老鼠班，就試下佢啦~其實同我以前食過既古法蒸魚既做法差唔多，都係有菇同肉絲鋪面一齊蒸，但係呢個特別在佢底下有塊荷葉一齊蒸，所以有陣好香既荷葉味，咁樣既配搭食條魚真係唔錯，雖然話懷舊，但

由於前一日Uncle同Auntie特意送咗一大盒荔枝畀我們，兼且約咗我們喺今日中午一齊去我們嘅老地方「唐宮中餐廳」飲中午茶！我們叫咗香麻鷄蛋散炸得好金黃酥脆，再配埋香甜嘅蜜糖一齊食，真係幾好味呀！松子鷄粒鹹水角嘅外層好香脆乾身，入面嘅質感就相當煙煙韌韌，餡料亦都幾惹味！喺點菜嗰陣見到呢個蕎麥麵海鮮扎，覺得都幾特別，所以就諗著叫嚟食吓，點知一上碟見到個賣相就覺得超級嚇人，嫌且非常嘔心，一食落去味道有完全格格不入嘅感覺，好似強行將幾樣完全唔夾嘅嘢放埋一齊，我們明白有創意同創新係好事，但呢個配搭係「唐宮」眾多款點心之中，最失敗之作，真係令我們覺得極之失望呀！流心奶黃包嘅包質都幾軟熟，但入面嘅餡料就非常稠身，一啲都唔流心！菠菜汁雜菌腸嘅腸粉皮係加咗啲菠菜汁造成，質感都幾煙煙韌韌，夾埋啲雜菌一齊食，感覺就好清新，完全唔會有油膩嘅感覺！

由於今日係一年一度嘅父親節，我們一早約好咗Uncle同Auntie去我們嘅「老地方」九龍維景酒店嘅「唐宮中餐廳」飲中午茶！我們叫咗雪山焗叉燒餐包嘅頂層脆皮相當香甜酥脆，包質都幾軟熟，而且叉燒嘅餡料都幾足料！爆汁脆蝦丸一上碟嗰陣就咁睇表面以為係平平無奇嘅炸蝦丸，點知咬開一半就有啲湯汁流咗出嚟，味道都幾鮮味，而且質感都爽脆彈牙！蠔皇薑蔥冬菇叉燒撈粗麵嘅麵質比較腍身，唔係好爽口彈牙，而且鹼水味非常重，呢點令我們覺得比較失望！春風得意腸外層嘅腸粉質感好軟滑，入面係炸得好香口脆身嘅春卷，而且餡料都幾足料，令到口感更加豐富！鹵水豆腐鹵得好入味，但唔會好鹹，而且有好香濃嘅豆香味！蔥撈白鷄嘅肉質相當嫩滑，撈埋啲香蔥絲一齊食，令到味道更加芳香惹味！

今日中午我們又再約咗Uncle同Auntie去「老地方」九龍維景酒店嘅「唐宮中餐廳」飲中午茶！我們叫咗四川菜肉餃嘅餃皮軟滑薄身，菜肉餡料好鮮嫩多汁！冬筍蝦餃皇嘅餃皮煙韌薄身，爽甜彈牙嘅蝦肉，再加埋爽脆嘅冬筍，令到口感更加豐富！懷舊糯米卷嘅外層係香滑軟熟嘅包，入面係煙煙韌韌嘅糯米，唔會過腍或過硬！春風得意腸係用軟滑嘅腸粉，包著炸得相當香口鬆脆嘅春卷，層次感非常豐富，而且都幾有創意同驚喜！薑汁四季豆係涼拌冷盤，所以四季豆嘅質感更加爽脆，而且加上薑汁一齊食，可以辟除咗啲草青味！欖菜肉崧黃金炒飯炒得好乾身同粒粒分明，而且材料相當豐富，粒粒嘅鹹蛋，令到味道更加甘香！南翔小籠包嘅皮亦都幾薄身，豬肉嘅肉質好鮮嫩軟滑，湯汁都算多，而且味道好鮮味！薯蓉黃金角炸得好金黃香脆，就咁睇好似鹹水角咁，但剪開一半見到入面嘅餡料係軟滑嘅薯蓉，味道唔會太甜！

今次輪到呀媽帶我食好野！佢話有朋友介紹佢黎唐宮，話周不時都有特色餸菜可以試！茶位每位＄18 我地就叫左鐵觀音。唐宮XO醬 ＄22 淡淡咸香，一望就知有幾真材實料！微辣，記得要試試！可以係平板電腦上自己落order, 中菜館黎講都幾新潮！期間限定既炎夏水果美食之選都好吸引，中菜用水果入饌，我就比較少機會試到，今次就揀返幾樣啦！原隻木瓜燉海皇魚翅 ＄388比想像中大盅 好多。十分慷慨既份量。真材實料。個底仲有好多魚肉蝦肉同帶子粒！爽口彈牙！十分好食！我仲食埋個木瓜，十分清甜！加上海鮮既精華，認真超綽！檸檬燉鴨湯＄78睇返Menu先知係用左醃製過既檸檬，不過一D都唔會過咸，而且唔油膩，十分好飲！炸香蕉挪威三文魚卷 - 半例＄118厚厚既三文魚肉卷住香蕉，意想不到地夾！要特別稱讚一下個汁，好似麻辣醬既風味但係唔辣，仲有花生芝麻既香氣！真係令我回味無窮！香橙拾香子羊排 - 半例＄98羊肉微羶，肉質偏嫩，橙味不太濃，但有一種好清新既感覺～另有薯菜伴碟。南瓜香酥乳鴿皇＄168意想不到既大碟。南瓜香酥係糯米粉口感煙韌，微甜，惜油份稍多。乳鴿就比較乾身，味道香濃。石榴蘆薈大芝麻大皇蝦 - 半例＄148大

今天晚上在母校附近行過就順路來到附近的維景酒店的中菜廳用膳餐廳正在推廣水果入饌的菜式先來香橙拾香子羊排羊肉肉質細嫩配上香橙汁酸酸甜甜十分開胃哈密瓜露筍貴妃蚌是清新之選貴妃蚌鮮甜配上蘆筍青紅椒味道出奇地匹配值得一提是他們自家製的xo醬滿滿的瑤柱絲配上貴妃蚌食用非常惹味另外點了鮮椰子雪耳煲雞雞湯湯頭鮮甜美味 士多啤梨香酥骨味道甜甜的跟排骨的味道十分配搭可是上面的士多啤梨粒味道卻比較酸到了甜品時間有榴槤炸彈伴鮮果像炸過的糯米糍包著滿滿的榴蓮蓉喜歡榴槤的朋友不容錯過另點了椰絲蕉葉粿伴芒果蕉葉粿是清蒸的配上芒果肉食用特別這種甜品還是第一次見這裡侍者會都很專業絕不負酒店級中菜廳之名

還有十多天便是端午節，夏日漸近，天氣漸熱，菜式選材及設計上也要審時度勢，切合時令。唐宮中餐廳是九龍維景酒店的中菜廳，裝潢實而不華，用餐環境比一般酒家舒適寧靜。 為配合炎炎夏日，餐廳近月設計了一系列以鮮果作主題的菜式，為食客帶來清新的感覺。 首先以一客蓬萊鮮果明蝦沙律作頭盤，內含士多啤梨、火龍果、哈蜜瓜及蜜瓜等鮮果。就外觀而言，沙律欠缺一份光鮮感覺，很大程度與灰白色調的火龍果有關。論味道，則以爽口食感為主，明顯哈蜜瓜與蜜瓜佔據了主導位置。沙律面上的明蝦，可算是菜式的點綴，選料新鮮。 接下來是一盅滾熱辣的燉湯南北杏雪梨燉豬肺。有別於常碰到的杏汁白肺湯，湯汁色澤不是呈奶白色，杏香亦後退一步至更次要的位置。取而代之是一貫雪梨燉湯的清潤，可口穩實。 平日在酒家點菜，固然有加大這選項，但半例安排則很少見。對於人少點餸的情況下，半例的安排十分貼心。這份半例酥炸香蕉挪威三文魚卷，表面被適度煎香，脆而不膩，與中心部份的香蕉型造外脆內軟的反差口感。茘枝翡翠牛立方 (半例) 是一道可口的菜餚，牛立方即是牛柳粒，炒煮得鬆軟味濃。荔枝本是味甜多汁之物，與牛肉拌勻外掛一股誘人的清甜果香。 平日吃的松鼠魚

由於今日本人提早同Auntie慶祝母親節，所以我們就約咗Auntie同Uncle去我們嘅「老地方」九龍維景酒店嘅「唐宮中餐廳」飲中午茶！我們叫咗小炒肉鹵讚岐烏冬嘅肉質好軟滑，味道都幾入味，而烏冬嘅質感好煙韌彈牙！涼拌海參海帶絲係將海參同海帶切成絲，再加埋鎮江醋一齊食，味道非常清新醒胃，質感相當爽口脆身！瑤柱蛋白炒飯炒得好夠鑊氣，而且粒粒分明，餡料亦好豐富！風味排骨腸起初點嗰陣都諗緊點樣將排骨放入腸粉入面包著，但一上碟見到，就令我們覺得好失望，原來係將三條雪白嘅齋腸，而排骨就祇係放喺旁邊，感覺好似將兩樣互不相干嘅嘢「夾硬」放埋一齊咁！養生南瓜包嘅包質唔算好軟熟，有啲啲硬實，入面嘅南瓜蓉味道比較淡，唔係好香甜！薑蔥田鷄粥嘅粥底煲得好綿，田鷄嘅肉質好結實彈牙，而且份量都幾多！瑤柱裹蒸糭都幾大隻，糯米嘅質感好煙煙韌韌，入面嘅餡料都幾足料！豉汁陳皮蒸魚雲嘅肉質超鮮甜嫩滑，豉汁嘅味道唔會好鹹！

轉眼間又一星期 好似好耐無同媽媽食飯咁出左糧食好啲 同佢去食唐宮 貪其坐得舒服至愛嘅XO醬 大大碟 好香經理介紹佢地最近用生果做嘅菜色 好似唔錯我地㨂左呢個做前菜 有芒果同哈密瓜店員重好好幫我地拌埋一齊 入口非常清新青瓜同哈蜜瓜絲好爽甜 加埋肉絲增加口感重有芒果嘅酸甜 十分醒胃嘅菜色飲啖老火靚湯先 清甜少油滋潤 岩晒女生荔枝炒牛柳粒 牛肉入口軟林 有牛味帶有甜甜嘅味道 荔枝超甜又林 出奇地夾黃金松鼠魚 被鮮果煮成嘅醬包圍炸得外脆肉嫩 配上松子 增加左口感最後叫左少有嘅炸榴連 裡面熱辣辣外面煙煙靱靱 食完食粒西瓜清清熱 爽晒

以有限價錢爭取最高的享受是每個人的夢想，我也是。今天宴請一位同事，不想太貴但也要好好睇睇，尖沙咀酒店我真的out budget，唯有轉到去旺角維景酒店中菜廳。 涼拌錦繡玉鴛鴦($88): 以青瓜絲，蘿蔔絲及鮮果加上芝麻醬拌雞絲和火鴨絲，芝麻醬幼滑，帶淡麻醬香，香味並沒有功高蓋主，卻食得出配料的爽脆清甜，令肉不再單調。椒鹽骨($148): 一碟含八至九件，排骨新鮮炸起，相當酥香。其肉質軟腍而富肉汁，能輕易咬開，質感得分高。椒鹽竟不會過於油膩，反有追吃感覺，不知是否以紅酒相伴，特別配襯。香橙拾香子羊排($188): 羊排共有四件，擁有相當的肉感，同是軟腍，但就散發少許羊羶香味，較特別是，香橙的香甜能發揮其作用中和半點羊羶味，以鮮果入饌果然並不是gimmick之談。石鍋紅腰豆炆牛尾($118): 我選擇以較形體化的字彙來描述，此與紅酒炆牛尾相類似，應曾以紅酒炆製，酒除了能增強香味，亦能使肉變得軟腍，炆煮後自然香濃入味而肉質爽嫩，絕對值得。上湯蒜子浸時蔬($118): 時蔬選擇了唐萵菜，以上湯和蒜子浸泡能減低整體油膩感。上湯濃郁，使唐萵變得不平凡，光是簡單的時蔬也能輕易吃完。小結: 此為我近期

今日中午我們約咗Uncle同Auntie去我們嘅「老地方」九龍維景酒店嘅「唐宮中餐廳」飲中午茶！我們叫咗鹵水掌翼嘅肉質好嫩滑，而且鹵得都幾入味！上海年糕蒸肉排嘅肉質都幾爽滑，但年糕就超級腍身，一啲都唔煙韌彈牙！秀珍木耳拌蒜泥黃瓜嘅木耳好爽滑，清甜爽脆嘅黃瓜吸收晒蒜泥嘅香味，真係好正呀！魚肚蒸鳳爪燜得好腍好入味，但色澤賣相就唔算好吸引！蠔皇叉燒包嘅包質好軟熟，叉燒嘅味道好香甜！鮮蝦腿蓉香茜餃嘅餃皮好煙煙韌韌，餡料除咗有蝦肉同香茜之外，仲有火腿蓉，火腿蓉嘅香味，令到味道更加惹味！西紅柿海鮮粒泡飯嘅賣相好色彩繽紛，材料相當豐富，湯底嘅味道亦好鮮甜！鮮蝦水餃薑蔥撈粗麵嘅麵質好爽口彈牙，水餃都幾大隻，餃皮都幾薄身，而且份量都幾多！

今晚朋友請食飯，帶我嚟一間我未到過嘅酒店中菜廳，佢喜歡多菜小肉，對我呢啲唔食齋而齋食肉嘅人嚟講梗係齋左啲啦，不過朋友請食飯，我自然恭敬不如從命啦。清清地，唔錯，不過佢都體諒我，叫返碟肉嘅。不過環境真係一流，傾計啱哂，唔怪得佢約我嚟傾計啦，雖未致於包場，但都客人唔多。有時我真係會諗佢地點為皮嘅呢，講真，食晚飯傾計嚟呢度，我推介，不過如果越嚟越多人嚟食飯傾計，佢嘅環境優勢就無哂喇。講返餐飯先，二個菜，上湯浸菜和肉鬆四季豆，不過不失，可以講小菜一碟，食完唔會特別有記憶，絕不難食，但要話好食呢？仲未有呢種感覺。特別嘅餸嚟喇，南昌粉蒸黑豚肉伴紫薯，聽到個名都想叫啦，不過點菜時我未嚟，當個餸嚟到，我就問佢咩係南昌粉？佢竟然答我，唔好意思呀，我新嚟嘅，唔知呀，哈哈，不過我地都照食啦，只係我八掛啫。食落......我就對南昌粉無咩興趣，好彩啲黑豚肉(咪又係豬肉，其實我分唔出)) 都算蒸得唔錯，幾爽口，唔會太肥，反而個紫薯就最正，最驚喜，好甜，雖然好飽，食幾件已成碗飯咁。食飽飯，傾飽計，回家去也。地方唔錯，環境啱哂俾人傾下計，夠哂靜，食物就未見特式，或者同我地點嘅餸有關係啦，一於下次試下其他先。

假日難得同屋企人聚一聚，今次帶大家黎到食冮西菜😊環境都幾豐富而且乾淨冰鎮青芥秋葵，擺設得幾特別，用冰粒放喺底 令到秋葵食起上嚟更加冰涼！咬落去好爽口，配埋旁邊嘅酸酸似醋嘅醬汁同Wasabi食，味道都幾特別！系一道吾錯嘅冷盤生拆魚雲豆腐羹唔會太過咸，而且好足料！食起上嚟唔會感覺魚味好腥！豆腐亦算係好滑溜~一人份量黎講岩岩好～紅燒肉食落有啲似五花腩，醬汁味道唔會太過咸，而且紅燒肉亦都醃得好夠入味😄佢嘅肥瘦都做得算係均勻，所以入口唔會好硬身，肉質夠腍又香口😋配上蝴蝶夾，其實係蒸饅頭而成！有六片，形狀似蝴蝶🦋擺喺蒸籠上邊都幾靚😌用饅頭包住紅燒肉，剛好中和燒肉油脂嘅肥膩感～另外饅頭吸收左醬汁嘅精華再入口，味道亦算可口😉羊烤子羊肋排！個人都幾推介！因為羊味好香，烤得外脆內嫩～羊肉好入味，帶點酸酸甜甜嘅口感非常開胃！而且加左芝麻喺上面，更加香！羊肉質地嫩滑唔乾身，水準唔錯！而旁邊嘅西蘭花亦都落咗心思，有鹹鹹地嘅味，容易入口香芒綠茶甜簿撐，簿撐皮帶點甜甜地， 配以芒果食味道亦算係匹配！有四舊，皮帶點煙軔！所以食完之後都有少少飽～旁邊有香甜西瓜粒，有種清新嘅感覺飄香榴槤酥內含榴槤蓉，榴槤味超香，一切開已

話說呀哥去左HoneyMoon，屋企得兩個人真係懶得煮，一於同呀媽繼續出街食飯算。都好似係第一次去酒店食中菜，重要係何文田區，當新嘗試下！一坐低，已經覺得樓面的員工服務態度好好，好有禮貌，令人感覺好舒服。先黎一份秋葵開開胃先。冰鎮的處理方式令秋葵更爽身，配上芥辣去食，味道清爽得黎又夠味道。 味道爽爽甜甜，唔錯。我點左一份雞湯，雞湯的味道好香好濃，但可以見到湯汁十足清透，唔會覺得肉味好重而有雜質。藥材味唔濃，充份飲到雞同豬肉的香味，飲落好舒服。媽媽就叫左魚雲豆腐羹，食落有D飲平時去飲宴的魚肚羹。味道唔錯，而且好飽肚。羊肋排係一個大驚喜，6件大大件的羊肋十分足料，咬落去羊皮脆卜卜，而肉質非常腍，加上半吋厚左右的羊脂肪，其實感覺有少少似五花腩既感覺。醬汁味道唔算太濃，岩岩好可以壓住羊的脂肪味道，唔錯！六舊有質數的羊肋骨只係呢個價錢，推介要食！以蓮藕夾住蝦膠去油炸係一個唔錯的組合，味道係油炸之後依然保持到清爽的口感，其實唔錯。只係炸漿有少少厚而有點可惜，但整體都OK。食到咁上下，都係時候食甜品啦。半層紫薯配上半層山藥，味道偏甜，紫薯味道好突出，同呀媽每人兩舊岩岩好。(西瓜都好甜XD)食完咁多野