唐坊火鍋私房菜

营业中

休息中

今晚約咗個好耐冇見嘅朋友食飯，想喺旺角同佢打吓邊爐傾吓偈，就嚟咗呢間喺譽發廣場頂樓嘅火鍋私房菜，環境清幽寧靜，同街外嘅旺角比較，好有世外桃源嘅感覺，而且呢間火鍋店嘅設施都好講究，抽風系統就喺個爐旁邊，唔會搞到周圍都係水蒸氣，對戴眼鏡嘅朋友好好，食物方面亦都好出色，絕對係會食過返尋味😋🍅蕃茄薯仔豬骨鍋 $188 同屋企自己煲嘅蕃茄薯仔豬骨湯有天淵之別，因為餐廳將蕃茄壓碎再炒香，再加入薯仔同大大嚿嘅豬骨入去熬成蕃茄濃湯，未食淨係飲湯都覺得好鮮甜美味🦑椒鹽墨魚嘴 $88 鍾意食墨魚仔嘅朋友一定要叫呢一個，依間餐廳整嘅椒鹽墨魚咀，係我食過最好食嘅，墨魚咀大大粒，實屬罕見，而且炸嘅火候一流，熱辣辣新鮮炸起亦都唔會覺得好油膩，配埋餐廳自家製嘅柚子醋，同平時街外嘅喼汁簡直係天與地嘅分別，簡直係色香味俱全🐠刺身拼盆(小) $188 刺身有三文魚、油甘魚、八爪魚、蝦、蝦同埋魷魚，呢間餐廳絕對令你明白到，打邊爐都可以食到好新鮮嘅刺身，每一件刺身都新鮮鮮甜美味，特別是帶子同埋蝦，爽口彈牙，鮮甜回甘嘅味道令人難忘，此外刺身擺盤一流，岩哂打卡影相🐂手切頂級霜降肥牛(小) $278 絕對係頂級嘅霜降肥牛，油脂分布

🌟餐廳：唐坊火鍋私房菜📍地址：油麻地彌敦道558-560號譽發廣場23樓💰價位：$201-400⏰營業時間：星期一至日17:30 - 01:00📱電話：52967186呢幾日天氣涼咗唔少，收工約同事打邊爐就岩哂～上網見到呢間新開既唐坊火鍋私房菜，主打新派創意私房菜仲有得打邊爐，菜式選擇多、價錢又合理，一於試吓先～———————————————————🔹椒鹽多春魚炸至金黃酥脆，咬開肉質嫩滑，滿口魚籽清甜鮮美。———————————————————🔹生牛肉刺身前菜揀咗呢個好特別既生牛肉刺身，油花細膩、味道鮮美，混以蔥花同薑蓉，再加入自家製酸汁，令人一試難忘！———————————————————🔹藥膳美人鍋養生火鍋湯底內含桃膠、圓肉、龍眼干等，香甜味濃，滾起後即刻飲返兩大碗湯先！味道濃郁且滋潤養生，女生們必試～之後再落新鮮雞件，啖啖肉夠哂嫩滑。———————————————————🔹手打蝦滑手打蝦滑夠新鮮，食落爽彈有咬口，完全唔鬆散！———————————————————🔹白鱔鮮美嫩滑相當爽甜且無泥味，厚切仲好有口感添～———————————————————🔹雜菌拼盤一次過可以試齊多款菌類

我最近光顧了唐坊這家餐廳，他們提供了各種令人垂涎的菜品，我點了邪惡黃金響鈴、橡果豬、手切頂級霜降牛肉、胡椒湯卜卜蜆煲、生牛肉刺身、田園雜菜腩和花枝丸。最無敵是鍋的附近有吸取煙和味道的裝置，就算有戴眼鏡的你也不會感到朦朧，令衣服也不會染上味道。首先，邪惡黃金響鈴。這道菜以獨特的醬，搭配著香脆的響鈴，口感極佳。響鈴外皮酥脆，與醬之間兩者的結合令人著迷。接下來是橡果豬，肉質鮮嫩，每一口都非常美味。手切頂級霜降牛肉是一道令人驚艷的菜品。這種牛肉切片十分嫩滑，入口即化。霜降牛肉的質量出色，帶有濃郁的牛肉風味，令人愛不釋手。胡椒湯卜卜蜆煲是一道傳統的海鮮湯菜。卜卜蜆，數量很多，非常足料，硯肉鮮嫩多汁，搭配著香濃的胡椒湯底，味道醇厚。這道湯菜溫暖了整個口腔，令人感到舒適滿足。此外，唐坊還提供新鮮的生牛肉刺身，味道鮮美，口感細嫩。田園雜菜腩和花枝丸也很不錯，它們的味道豐富，令人驚喜。服務也十分好，詳細解釋每一道菜品和指示如何最佳食用！地理位置：⭐️⭐️⭐️⭐️味道：⭐️⭐️⭐️⭐️⭐️價錢：⭐️⭐️⭐️⭐️⭐️服務：⭐️⭐️⭐️⭐️⭐️

本來去另一間食但去錯層數, 見到都係火鍋就坐低食了, 本來都唔太抱希望, 仲有少少驚因為我見好似裝修好西式, 唔係好知佢有咩食餐牌主打都係正常港式火鍋, 湯底標榜可以打邊爐之前飲, 係靚女經理大力推介下我叫左個番茄薯仔豬骨湯, 據稱冇落茄糕同味精係自家秘方, 我抱住極懷疑態度但都試下啦.. 結果都真係幾好, 真係冇味精同冇茄糕, 好似屋企煮果種番茄薯仔湯, 豬骨係用桶骨但又唔係大陸果隻食骨髓豬骨, 總體完全對得住個價同冇呃我火鍋來講就係中價野應有盡有, 魚生唔錯, 一魚兩食都係300幾, 已經夠食了, 牛肉我叫左個拼盤, 都係中價野講唔上係超高級但師父刀工很好所以可以推介, 另外牛丸同貢丸就出奇咁好食, 最後忍唔住encore 丸, 人生第一次, 美中不足ge係生啤只有1664 同埋即晚去冇象拔食, 要預訂, 不過整體係好推介食

同男友慶祝生日本來想去食西餐, 去到先知已經轉左做港式火鍋, 裝修同格局都好靚而且坐得比普通火鍋店舒服, 唔係佢台中心個火鍋爐我仲以為自己去左港島d 西餐廳😂野食勁有水平, 刺生有日本餐廳水平, 絕不欺場, 個美人鍋真係勁勁勁好飲, 牛肉同牛丸都係水準以上, 特別係個美人鍋, 個湯一上台就可以飲, 而且肯定冇味精, 好似屋企住咁甜咁好味!另外經理都好nice, 請左我男友飲椰水😂😂最後埋單都係1000蚊到, 真心係大件夾抵食😂真係好到忍唔住要寫食評讚揚!!

位於油麻地譽發廣場23樓⋯朋友無介紹錯，記得要訂枱訂海鮮，咁就絕對新鮮啦，花竹蝦🦐廚師發辦兩食，有驚喜😋地方吾算大，但環境一流，適合傾計飲酒聊天，傾左4粒鐘先捨得走😂，服務員親切有禮，老闆娘好健談😍⋯⋯有下次