唐坊火鍋私房菜

营业中

休息中

以前食火鍋經愛選任食的，但現在反而喜歡吃得精，食材夠靚夠新鮮最重要，而「唐坊火鍋私房菜」就好岩我心水啦。叫得私房菜當然係夠私密，座落商廈高層，環境相對寧靜，更可居高臨下望住鬧市嘆火鍋，好適合同朋友聚會慢慢烚慢慢傾。單是火鍋湯底這裡就有18款，都好有特色。我們點了蟲草花茶樹菇鍋🥘，一端上枱已傳來濃郁菇菌鮮香🍄‍🟫，先呷一口，香濃鮮甜，非常足料，滋喉甘甜，未吃已忍不住飲多幾口。火鍋配料選擇都很多，先點了一碟特級手切肥牛🥩, 份量夠2-3人食，每片牛整齊排列，能清晰看到雪花均勻，厚薄一致，焯熟入口肉質嫩滑，肉味甘香，很高質😋。卜卜蜆$78份量都唔少，煮熟後蜆肉都唔細隻，真的有脆口感，味道好鮮甜，難怪有這名堂。另外有多款手打餃子選擇🥟，點了雙併的白菜餃+韮菜餃，餃子飽滿足料，鮮甜有口感，吸收了湯底更好味。其他還有潮州白魚蛋、紙豆腐、田園雜菜等配料，好豐富。除了火鍋配料仲有多款前菜小食，炸鯪魚球唔係太多地方有，這裡做的味道很家常，沒有過度煎炸，保留煙韌彈牙口感，魚味香濃突出。最後送上冰凍椰汁糖水，清甜解滯，吃完剛好滿足😊

🌟 唐坊火鍋私房菜（油麻地）朋友話油麻地有一間做私房菜既火鍋店 座位寬敞 餐廳位於23樓的高層 可以欣賞到街景 🏙️2人套餐$788刺身拼盤分別有三文魚、魷魚、希靈魚、八爪魚🐙 鍋底（4選1）我地揀左煲冬瓜瑤柱美腿鍋飲落清甜 湯底充滿冬瓜粒仲有啲瑤柱、金華火腿～2人海鮮盤海鮮全部都大大隻，有蝦、鮑魚、貴妃蚌等手切特級牛（細）牛肉新鮮 肉味濃郁韭菜餃及蟹肉餃餃子飽滿 真材實料田園雜菜籃娃娃菜、蕃茄、粟米等好多款式手打烏冬仲有兩杯椰子水 夠清新

兩個人去打邊爐，原來可以食得咁豐富。喺油麻地裕發廣場上面，有間全落地玻璃嘅火鍋私房菜。“唐坊火鍋私房菜”呢度視野開揚，枱同枱之間隔得好開，本身已經似係私房菜嘅格局。我哋叫到成枱都係嘢，有前菜有湯有肉有丸有鍋有埋嘢飲，豐富到不得了，最後仲送甜品 (今晚係椰子燉雪燕)。順返相嘅次序，原來我哋叫咗呢啲: 煲冬瓜瑤柱美腿鍋 $98手切頂級鮮牛(小) $248三寶丸 $92雲吞拼水餃 $72邪惡魚皮 $78冰鎮秋葵 $48娃娃菜 $38紙豆腐 $28椰子水 $15椰子燉雪燕 免費醬料 $15首先佢個湯係可以就咁飲，有非常濃嘅瑤柱同冬瓜味。牛肉嘅牛味好重，一擺落口就食得出。三寶丸明顯係手打處理，一啲粉感都感受唔到。雲吞拼水餃夠晒大粒，用料充足。邪惡魚皮份量好多，鹹蛋味十足。其他配料亦發揮正常，最特別嘅可能係”紙豆腐”，浸5秒就會變到充滿豆味嘅腐皮。可以睇得出，作為火鍋店，佢有盡力令到客人食得舒服，而且食物價錢合理，份量亦容易就。就算二人或一班人嚟都可以慢慢嘆。

唐坊火鍋私房菜發掘旺角新餐廳~ 湯底以養生口味為主嘅港式火鍋餐廳! 靠窗嘅枱仲可以見到旺角嘅夜景, 好有格調🌃 見到店員都好盡責不斷跑來跑去為求完成每一台客人嘅請求🥹 ————————————————食物:❆ 前菜醬油 $15/人❆ 蟲草花茶樹菇養生湯 $108結合到蟲草花嘅營養價值同茶樹菇嘅鮮美口感! 湯汁鮮甜滋補😛清淡中充滿菇嘅香氣❆ 手切頂級鮮牛 (小) $248即切牛肉鮮嫩多汁🥩牛味濃郁加上有一定咬口, 口感極佳! ❆ 手打蝦滑 $98蝦滑鮮嫩細膩, 口感豐富❆ 椒鹽粟米 $68粟米經過炸製後變到外脆內嫩🌽搭配椒鹽嘅調味, 味道香醇! 係香脆可口嘅小食!❆ 香菇貢丸 $68, 白魚蛋 $48口感彈牙同時啲肉好紮實🖤 唔係求其得啲粉嘅丸, 食到全部都係真材實料❆ 紙豆腐 $28冇試過呢樣豆腐嘅製品, 都幾得意😯質地細膩, 口感滑嫩🤍 可以吸晒湯底嘅精華❆ 油麥菜 $38有清甜嘅蔬菜去解咁多肉同丸嘅膩🥗❆ 椰汁雪燕最後竟然有甜品食 omg! 好滋潤同有滿足感! ————————————————整體:✦ 價格: 4.3/5✦ 味道: 4.4/5✦ 服務: 4.3/5✦ 環境: 4.3

最近去咗唐坊火鍋，真係好滿足！🤤 我哋選咗二人套餐，成個晚餐都係一個味蕾的盛宴！2人刺身拼盤：鮮甜可口，魚肉質感極佳，每一口都好享受！🍣湯底：冬瓜瑤柱金華火腿湯，清爽又香濃，完美襯托所有食材，仲可以飲湯先添！🍲 2人海鮮拼盤：鮮味十足，蝦、蟹、貝類都好新鮮，食落去好滿足！🦞 2人特級牛（細：肉質滑嫩，煮到啱啱好，牛肉嘅鮮味完全發揮，真係好香口！🥩餃子： 白菜餃：皮薄餡多，清新可口，唔會膩！🥟 蟹肉餃：蟹肉鮮甜，口感滑溜，餡料十足，真係好正！雜菜拼盤：新鮮蔬菜，色彩繽紛，為火鍋增添健康感！🥬📍 唐坊火鍋私房菜 (油麻地)油麻地彌敦道560號譽發廣場23樓#香港美食 #香港必食 #hkfoodie #hkfood #hkfoodblogger #hkfoodlover #hkfoodpic #hkfoodie #hkfoodies #foodblogger #berryfoodie #berry油麻地 #唐坊火鍋 #火鍋 #美食 #香港美食 #食評 #晚餐 #海鮮 #牛肉 #刺身 #私房菜

🥳唐坊火鍋私房菜 (油麻地)油麻地彌敦道560號譽發廣場23樓今晚同老公撐枱腳食宵夜去旺角呢間私房菜火鍋湯底好多選擇我哋揀咗蟲草花茶樹菇養生湯真係好多菇🍄‍🟫🍄菇味濃郁好正叫左手打牛丸，墨魚丸蝦丸爽口彈牙😝另外一個特別推介黑墨滑入面有蟹籽同埋墨魚粒🤩好有咬口呢個平時冇乜火鍋店有得食仲有必食台灣豆腐紙一放落湯底拎起就食得滑嘟嘟好似腐竹一樣仲有招牌手切牛肉超香濃，牛肉味油花分布平均好食得來又唔油膩#唐坊火鍋私房菜 #油麻地美食 #打邊爐

今日夜晚收工朋友話想去打邊爐，又想靜靜地傾吓偈於是就去咗依間火鍋私房菜。依間樓上火鍋店可以居高臨下咁打邊爐，感覺都幾chill。火鍋湯底係冬瓜瑤柱火腿鍋，湯底非常足料，有非常多嘅冬瓜同瑤柱。打邊爐之前都飲咗碗湯，味道非常清甜。手切頂級鮮牛 $248牛肉非常新鮮，入口非常鮮嫩。就算唔小心淥耐咗，一啲都唔會靭。三寶丸$92三寶丸即係蝦丸、牛丸同花枝丸，每款丸都非常彈牙。我最鍾意食牛丸，牛丸非常爽口彈牙，咬落去仲爆汁添！自家製蟹肉雲吞拼白菜餃 $78蟹肉雲吞一咬落去蟹肉味非常濃郁，好好食😋無論雲吞定白菜餃都做到皮薄餡靚。田園雜菜$88蔬菜拼盤非常大兜，有粟米、油麥菜、西洋菜同生菜。每款蔬菜份量都非常之多同新鮮👍🏻紙豆腐紙豆腐只需淥三四秒就可以食得，口感幾特別，有少少似腐皮，但質感又冇腐皮咁厚。白豬仔午餐肉$68午餐肉切成心形上碟❤️擺盤非常之靚椰子水椰子水非常清甜，解渴一流！椰汁雪耳糖水糖水非常足料，每一啖都有好多雪耳，椰汁同雪耳非常夾。糖水亦好清潤😋

我今日約同好友去位於油麻地彌敦道560號譽發廣場23樓的唐坊火鍋私房菜食火鍋，環境舒適，居高臨下，坐得舒服。前菜醬油$15/位，我和好友點左個 煲冬瓜瑤柱火腿鍋 $98，手切頂級鮮牛（小）$248，雲吞拼水餃 $72，手打三寶丸（蝦丸、花枝丸及牛丸）$92，花雕豬潤 $68，鮮腐竹 $30，田園雜菜（生菜、菜心、西洋菜、皇帝菜、娃娃菜、蕃茄）$88。椰子水2杯 $30。我地待湯底滾起後，就急不及待飲左碗鮮甜的瑤柱火腿冬瓜湯，跟著才將各種食材碌熟，整體黎講係高質素的食材，新鮮又原汁原味。

呢間喺油麻地商廈23樓嘅火鍋私房菜，位置非常之方便，最開心嘅係大部份嘅枱都係靠窗，可以欣賞城市嘅夜景🎑，一邊食一邊同朋友傾偈一邊欣賞景色，非常之好冰鎮秋葵 $48估唔到佢都有秋葵食，而且份量非常多，作為前菜係一個唔錯嘅選擇😎蟲草花茶樹菇養生湯 $108叫咗個比較養生湯，飲落去好清甜🫣🫣，而且入邊材料好豐富有好多嘅蟲草花同埋茶樹菇，甜湯令到食物鮮味更加出出手切頂級鮮牛(小)🐮 $248打邊爐一定要食牛，呢款牛係即切即上，牛味濃郁，呢款部位入口比較有咬口黑墨滑 $98呢個係手打嘅墨魚滑加咗好多蟹籽，食落去好彈牙，而且有蟹籽令到口感更加豐富鵝肝雲吞，拼蟹肉雲吞 $78鵝肝雲吞🥟幾特別，食落去真係有原粒鵝肝，其實都幾夾蟹肉餃充滿着蟹肉嘅鮮甜味🦀，而且明確咁樣見到有啲蟹肉娃娃菜 🥗$38蔬菜都清甜，而且份量足夠，邊爐一定要食下菜紙豆腐 $28呢款非常之特別嘅食物，長條型而且好薄，放入湯底幾秒鐘就可以食得食落去好似腐竹一樣，但比較甜少少幾特別三寶丸(牛丸、蝦丸同埋墨丸)$92食得出佢係全部手打丸🍡，非常真材實料，每粒嘅肉都實淨，最鍾意食牛丸，非常之有肉汁而且夠彈牙牛乳椰汁雪燕餐廳竟然附送甜品，好有

懼怕夏天打邊爐流汗又上火？只要選對湯底及食材，即使夏天打邊爐也能增加食慾甚至起到滋補作用。想清熱解暑，點上一個「煲冬瓜瑤柱美腿鍋」是最適合不過了，因為夏天的瓜果特別好吃，涼性食物可以消暑下火。在放進其他食材之前，店員邀請我們先喝一小碗湯，味道清甜可口；鮮牛的肉質細嫩而且肉味濃郁；邪惡響鈴一看便知道有多邪惡了，鬆脆的響鈴沾滿濃濃的鹹蛋黃芝士醬，吃完真的很有罪惡感；貌似平平無奇的豬膶其實用了花雕酒醃製，吃起上來帶有陣陣酒香；薄如紙張的紙豆腐，涮了幾下便吸盡湯汁，豆香味濃。

喺油麻地同埋旺角交界有一間專門做私房菜嘅火鍋店，店主非常熱情好客，見佢同每一台嘅客人都有傾有講，好似老朋友咁，地方闊落，係朋友聚會嘅好去處！酒莦箕藥雞鍋(花雕雞鍋)待湯滾起可以落鮮雞件，滾一陣就可以品嚐有著深琥珀色湯底，散發住花雕酒香氣嘅湯底，味道濃厚甘醇。雞件鮮嫩，大小適中。手切頂級鮮牛以乾冰做裝飾，上枱嘅時候煙霧彌漫，好岩打卡，鮮牛肉牛味濃郁。白魚蛋爽口彈牙皇帝菜新鮮皇帝菜，莖和葉都好鮮嫩邪惡魚皮以鹹蛋黃包裹魚皮新鮮炸起，香口惹味三寶丸有牛丸，蝦丸同埋墨丸3.6牛乳椰汁雪燕餐廳附送的甜品有意外驚喜❤️ 滋補養顏又不算太甜

🔥 唐坊火鍋私房菜今日特意來到油麻地,想與好友好好聊聊天,所以選擇了這間打邊爐私房菜店。環境十分舒適,坐落於23樓的高層位置,可以欣賞到外頭街景,令人感到格外放鬆。😌店內不僅環境雅緻,更有多款超值的套餐選擇,非常適合一家大小或一群好友來此聚會。🍴我們點了以下美味佳肴:濃蝦湯蕃茄鍋 - 湯頭濃郁,充滿鮮甜滋味,暖心又暖胃。 🍲蜆芥鯪魚球 - 新鮮彈牙的鯪魚肉配上柔軟的蜆肉,口感豐富多層次。 🐟🐚手切頂級鮮三寶丸 - 肉質嫩滑,蘸上濃郁湯汁,令人回味無窮。 🍲韭菜餃拼白菜餃 - 餃子皮薄而彈牙,內餡飽滿多汁,極其美味。 🥟椰子水 - 清涼解渴,是夏日最佳良伴。 🥤唐坊火鍋私房菜油麻地彌敦道560號譽發廣場23樓

呢間喺油麻地同埋旺角交界嘅「唐坊火鍋私房菜」主打高級火鍋 環境舒服 服務又好😆適合同朋友慶祝🤣.🐷 煲冬瓜瑤柱美腿鍋呢個湯底真係正到爆 比起平時食開嗰啲湯底更加濃郁冬瓜好軟糯 瑤柱味好濃郁 仲有陣陣嘅雞味 真係好正😉 雖然只係一個湯底 但係都真係幾入味😆 🐷 手切頂級鮮牛牛肉好嫩滑 而且份量都唔少🤣一碟都夠兩個人食 🐷 牛味都係幾香濃😜🐷 疍家白魚蛋第一次食呢個白魚蛋 成個感覺同平時食開嗰啲魚蛋有啲唔同 口感更彈牙 味道鮮甜 好特別🤣🐷蟹肉雲吞拼白菜餃蟹肉雲吞唔錯 真係啖啖鮮味😜 用上真材實料 白菜餃都唔錯 😌 裏面都幾鮮甜😆🐷手打蝦滑🦐蝦滑嘅味道好正🙌🏻 真係爽口又彈牙 煮耐咗口感依然咁正 😄🐷蜆芥鯪魚球呢個係嚟緊會出嘅新品 老闆最近會間唔中推出俾大家試吓先真心唔錯喎 作為一個小食 最緊要就係夠惹味🤣鯪魚肉好香🐠仲要做得到嘅啖啖都係魚肉 唔係普通嗰啲好似勁多粉嘅鯪魚球而且有個醬汁酸酸地 真係幾開胃🐷田園雜菜打邊爐其實唔係淨係食肉㗎 一個好嘅湯底配埋 食材都可以好正㗎😆 一開始未落啲牛肉嘅時候我哋就落啲菜 🥬 吸收晒啲湯嘅精華真係好鮮甜🐷椰子水🥥我哋就揀咗兩杯椰子水 感覺都幾清甜😆又唔

🙋🏻‍♀️身為火鍋控嘅我又岀去搵好食嘅火鍋哇😬💁🏻‍♀️Chill住咁打邊爐唔知你哋有無試過呢？唔係只有西餐先可以嘆靚景嘅，打邊爐都得㗎，前排👩🏻‍🦰帶咗我去位於油麻地譽發廣場嘅【唐坊火鍋私房菜】，係頂樓嘅呢間唐坊環境舒服寬敞，望岀窗外仲可以望到靚靚嘅夜景，無論係三五知己相約聚餐，定係家庭聚會都好適合㗎☀️炎炎夏日梗係要叫返個冬瓜嘅湯底啦，除咗消暑湯底之外，我哋仲叫咗好多嘢食添🍲煲冬瓜瑤柱美腿鍋（冬瓜瑤柱火腿鍋） $98清甜消暑嘅冬瓜湯湯底，加入瑤柱同埋金華火腿，為冬瓜湯底畫上點睛一筆🥩手切頂級鮮牛 $248(小）雪花分佈平均，牛肉味道香濃有牛味，咬落肉質鮮嫩細滑🐔鮮雞腸 $118新鮮嘅雞腸味道鮮香，口感爽脆，而家多數都只有鵝腸，真係好少見到打邊爐嘅地方有雞腸啦🐚卜卜蜆 $78粒粒都鮮甜嫩滑，隻隻都厚肉惹味，最緊要係冇沙呀👍🏻🥟自家製白菜餃拼水餃 $68清甜嘅白菜餃加埋鮮味足料嘅蟹肉水餃，一次過滿足晒兩個願望🍢潮州白魚蛋 $48魚蛋粒粒飽滿，夠哂鮮甜爽滑彈牙😋豆腐紙 $28超薄嘅豆腐紙，雖然薄，但係豆味香濃， 淥一淥就食得，仲吸晒啲湯汁，正呀👍🏻🥬唐生菜 $38🤩不得不讚嘅係，因為火鍋爐邊附

唐坊火鍋私房菜 (油麻地)油麻地彌敦道560號譽發廣場23樓位於油麻地譽發廣場23樓嘅唐坊火鍋私房菜，可以高高在上望出窗外，一路欣賞美景，一路打邊爐，其實都幾正，首先環境嚟講都算係唔錯，氣氛亦都好好，不過燈光有少少昏暗，可能係想製造氣氛。乾番啲嘢食先，三寶丸，確係唔錯，應該係手打，而且都幾新鮮，食落有咬口幾彈牙。椒鹽粟米，第一次食，我覺得普普通通，可能唔係咁啱我口味。雲吞同白菜餃都唔錯，打邊爐會容易散，而且餡料都幾多，外皮都唔算太厚。特長蟹柳，真係好鬼死長好大嚿，紙豆腐就真係幾有特色，就咁望落去真係好似一張紙捲埋左咁，但原來係豆腐，好快咁樣灼幾秒就可以食得，第一次食覺得都幾新奇。最正當然係頂級手切肥牛，脂肪分布嘅比例都唔錯，入口都算易咬。整個環境嘅裝修同埋氣氛都唔錯，格局好有情調，而且主打可以喺23樓望出去，一路睇住夜景一路打邊爐其實都幾唔錯。