影片
人生最「伏」食评，献左比呢间铺！我人生第一篇食评，点知就系俾咗呢间激死人嘅「垃圾食店」！今次真系贴钱买难受，希望大家引以为戒，千祈唔好再中伏喇。上个星期日，系呢个铺叫咗个所谓嘅「大盛招牌海鲜丼饭」。落单𠮶阵，个店员话要等15分钟，点知最后等咗半个钟有多，望到颈都长埋先至等到我个「大盛」。当个饭送嚟我面前𠮶阵，我个心真系即刻凉咗大半截。呢个卖相，用「极差」嚟形容都嫌客气。图文严重不符，啲海鲜唔单止少到可怜，仲要种类又少又斋。最讽刺嘅系，所谓嘅「大盛」，我真系唔知大喺边度？大盛咗系啲白饭到？成座山咁高嘅饭上面得几片零丁海鲜，啲「料」少过百佳嘅海鲜丼饭！就系咁嘅质素，竟然收我HK$90！我绝对唔会推荐任何人去帮衬呢间舖头，性价比极差！
继续阅读