影片
更多
2025-07-15
51 浏览
人生最「伏」食評，獻左比呢間鋪！我人生第一篇食評，點知就係俾咗呢間激死人嘅「垃圾食店」！今次真係貼錢買難受，希望大家引以為戒，千祈唔好再中伏喇。上個星期日，係呢個鋪叫咗個所謂嘅「大盛招牌海鮮丼飯」。落單嗰陣，個店員話要等15分鐘，點知最後等咗半個鐘有多，望到頸都長埋先至等到我個「大盛」。當個飯送嚟我面前嗰陣，我個心真係即刻涼咗大半截。呢個賣相，用「極差」嚟形容都嫌客氣。圖文嚴重不符，啲海鮮唔單止少到可憐，仲要種類又少又齋。最諷刺嘅係，所謂嘅「大盛」，我真係唔知大喺邊度？大盛咗係啲白飯到？成座山咁高嘅飯上面得幾片零丁海鮮，啲「料」少過百佳嘅海鮮丼飯！就係咁嘅質素，竟然收我HK$90！我絕對唔會推薦任何人去幫襯呢間舖頭，性價比極差！
我人生第一篇食評，點知就係俾咗呢間激死人嘅「垃圾食店」！今次真係貼錢買難受，希望大家引以為戒，千祈唔好再中伏喇。
上個星期日，係呢個鋪叫咗個所謂嘅「大盛招牌海鮮丼飯」。落單嗰陣，個店員話要等15分鐘，點知最後等咗半個鐘有多，望到頸都長埋先至等到我個「大盛」。當個飯送嚟我面前嗰陣，我個心真係即刻涼咗大半截。呢個賣相，用「極差」嚟形容都嫌客氣。圖文嚴重不符，啲海鮮唔單止少到可憐，仲要種類又少又齋。
最諷刺嘅係，所謂嘅「大盛」，我真係唔知大喺邊度？大盛咗係啲白飯到？成座山咁高嘅飯上面得幾片零丁海鮮，啲「料」少過百佳嘅海鮮丼飯！就係咁嘅質素，竟然收我HK$90！
我絕對唔會推薦任何人去幫襯呢間舖頭，性價比極差！
大盛招牌海鮮丼飯
$90
44 浏览
0 赞好
0 留言
张贴
