哥登堡餐廳

营业中

休息中

一直以為自己到餐廳無數，身經百戰。但經歷了這個“奇跡焗芝士肉醬意粉”後，才發現原來是自已少年太年輕，對食太無知，仍在萌芽階段。今日下午想吃意粉就遠遠少走去一間看似很傳統的鐵板扒房吃午餐。這間哥登堡餐廳不但外觀傳統，內裡的食物以致侍應招呼客人的方式都很傳統，一入來就先問你紅定白湯。我是來食意粉的，當然點意粉，考慮了一會，見午餐有焗芝士肉醬意粉就點啦。我曾經是一個肉醬意粉的粉絲，粗略計算自己起碼到過300間不同餐吃不同廚師做的肉醬意粉。沒想到仍有肉醬意粉給我如火星撞地球的衝擊。他們的羅宋湯味道是正常的，辣椒仔味偏重。凍檸茶超深色，感覺超甜，飲落真的超甜。到主菜肉醬意粉，見點餐後不到5分鐘就到已非常擔心。侍應一放下直情懷疑自己眼睛是否看錯餐牌或甚麼。餐牌寫焗芝士肉醬意粉即是焗啦。為何我這個焗芝士肉醬意粉是用膠碟盛載的？我認知的焗芝士肉醬意粉要放入焗爐，器皿就一定要耐高溫，用這膠碟沒有問題？當然有些餐廳為了加快出餐會用曬爐的方法，只用上邊的發熱線將芝士曬溶，但都不會用膠碟如此過份吧，現在有些可入焗爐的膠碟，但這隻又不像。而看這碟肉醬上面真的有溶了的芝士，我又摸摸這膠碟，微暖。我推測：1.這焗芝

之前都有介紹過一間迄立香港🇭🇰多年嘅港式連鎖扒房🥩，而今次就去到一間位於#土瓜灣 嘅平民#扒房 。呢間扒房仍然保留70年代時嘅特色，霓虹燈招牌🌈、皮造嘅卡位💺、特色嘅拱門入口，所有嘢都令人感覺時光倒流咁🕰️。今次我哋嗌咗鐵板牛柳餐($170)🐮、鐵板羊扒餐加意粉($140)🐑。所有嘅餐都有跟餐湯、餐包🍞、嘢飲🍹、甜品🍨，非常豐富！！！鐵板牛柳餐🌟🌟🌟🌟揀咗7成熟🥩，配蒜茸汁。嚟到嘅時候，feel到鐵板嘅熱力，聽著啲蒜茸汁「炸炸」聲🔥，真係好吸引💕！！牛柳有兩嚿，而且都幾厚🤩！！配料就有三色豆、薯條🍟。牛柳一切開，就望到裡面依然係粉嫩嘅顏色💖！！果然一食落口，又腍又充滿牛嘅油脂香味🤤。雖然有少少少少部位食到啲筋，但以呢個價錢嚟講，再配埋蒜茸汁、薯菜，真係幾好😋！！鐵板羊扒餐加意粉🌟🌟🌟同樣揀咗蒜茸汁，而羊扒🐑就有三件，帶筋同骨。嚟到嘅時候，未有聞到羊嘅羶味，但當一食落口，尤其食到比較多脂肪嘅位置，就會食到好濃郁嘅羊羶味👃🏻。有人會好鐘意呢個味🥰，亦有人好唔鐘意😣。單論肉質嘅，呢個羊扒非常嫩滑🥳，非常腍。意粉係另上嘅🍝，本身有撈到少少茄汁🥫，咬落口偏乾身同硬。餐包、餐湯都正常有誠意，紅湯白湯

呢日係附近有嘢做，諗緊午餐點解決。行行下就見到呢間哥登堡餐廳。被餐廳嘅懷舊氣氛吸引住，所以就入去食午餐啦。餐湯羅宋湯和忌廉湯都係經典嘅扒房必有的。午餐我和朋友各自叫咗蒜蓉牛扒飯和咖喱牛脷意粉。蒜蓉牛扒飯裡的牛扒煎得恰到好處，口感嫩滑，配上香氣十足的蒜蓉，唔錯。 咖喱牛脷意粉同樣好吃，牛脷煮得入味，咖喱汁則非常濃郁香辣，係幾好味嘅。餐飲我選擇了椰汁紅豆冰和涼粉雜果冰，兩者都非常清涼解渴，椰汁紅豆冰的椰香味道幾好，啲紅豆都唔太硬，涼粉雜果冰就普普通通啦。

(兩大一細150蚊)3碗湯+ 4個包+1飯+1意粉+1啫喱+1雪米糍+ 1杯紅豆冰+1杯花旗參蜜)彷彿從2023回到30年前2大1小叫兩個餐 小朋友都比湯和包, 好有人情味, 唔同出面的舊式老牌餐又貴又冇服務 呢間真開開心心食。小朋友羅宋湯飲左半又唔鍾意 侍應問佢點呀?小朋友話想飲白湯,waiter話ok我比過碗你.d侍應問佢要唔要多個包, 又畀多個餐包佢.上次冇寫評語 今次忍唔住要寫一個讚佢哋,呢啲舖頭咪識做生意囉,侍應唔識你但都好親切 呢幾十年都好少見到啦。羅宋湯超好飲非常濃 👍👍👍👍👍忌廉湯就唔係太較淡較結 🥲餐包暖暖 唔錯香茅豬扒飯,豉油汁偏甜,香茅味冇乜京都猪意粉，呢個好食 將啲汁撈埋落意粉好開胃 啲豬扒 一碟都有兩大塊 紅豆冰,正常 起碼紅豆有起沙花旗參蜜 簡直滿分 真係煲畀你仲要有一湯羹嘅花旗參喺底 絕對唔係流 幾十蚊嘅餐竟然包一杯咁嘅高質飲品出面都40蚊啦咁重料 👍👍👍👍👍青檸啫喱 好味道雪米糍 一般超市嗰類上次嚟食過牛扒一般 ，見羊架好似幾正下次可試試。

朋友推薦呢間老自號西餐廳，於是嚟試下佢嘅扒餐。第一次嚟，一入內，佢嘅環境同細細個去嘅西餐廳(好多執了，真係越嚟越少)已經好似，侍應都係白恤衫，好整齊。我哋點了牛扒同牛柳餐各一， medium ，紅/白湯各一我嘅紅湯好正，同細個食嘅西餐廳一樣味道；佢嘅餐包同牛油又係好鬆軟。扒呢，依家冇咗當面淋汁囉，冇咗嗰種「炸炸」聲同D煙升上嚟，唔洗用餐巾遮住D汁彈落衫褲，不過味道同質素都係做到細個食嘅，尤其中意佢嘅薯條，超正!餐飲我哋叫了普通熱飲。但佢嘅甜品又係經典，青檸啫喱上淋滿花奶，啫喱而內有乾坤，有菠蘿粒，呢個係坊間少有喇，不過啫喱實咗D，如果落多少少水軟D好味D(純粹個人意見)。btw, 呢度嘅客人可能是街坊多，侍應們都親切同客人交談，感覺親切。

[🇭🇰香港- 土瓜灣].🔻邊個話一定要食西餐先有得鋸扒🥩？懷舊港式西餐廳都唔會失禮! 全部扒都係用鐵板上, 保證熱辣辣, 滋滋聲, 夠曬特別百幾蚊黎講塊扒都幾大份, 仲要有餐包, 湯, 甜品同飲品, 都真係幾抵!👍🏻.🔻🍽 哥登堡餐廳📌 地址: 土瓜灣馬頭圍道440號地下

大隻仔今次覓食嘅店舖就係💥 哥登堡餐廳 💥 拱門設計，燈光昏暗，外面見唔到餐廳內在環境，帶有一種神秘感。餐廳已經係土瓜灣40多年，充滿歲月，再加上「哥登堡」三個字，感覺好似外國古堡餐廳一樣，十分吸引有趣。餐廳裝修唔多唔少都有歲月痕跡，但地方整齊清潔，座位唔擠迫，坐得算舒適。waiter 行動反應極快，一舉手就即刻有回應。👏👏⋯⋯⋯⋯⋯⋯⋯⋯⋯⋯⋯⋯⋯⋯⋯5⭐️ 超班3⭐️ 一般1⭐️ 差味道 ⭐️⭐️⭐️⭐️抵食 ⭐️⭐️⭐️⭐️服務 ⭐️⭐️⭐️環境 ⭐️⭐️⭐️⋯⋯⋯⋯⋯⋯⋯⋯⋯⋯⋯⋯⋯⋯⋯🔥 午餐 （主食 + 餐湯 + 飲品）$60😋 黑椒牛柳粒炒麵遠處見waiter拎住鐵板，出晒煙 「咋咋」聲行過嚟已經好吸引。估唔到牛柳粒咁淋身，好有驚喜，唔乾唔硬，黑椒汁好滋味，少少辣，洋蔥絲同青椒絲煮得夠淋，好清甜好好食。鐵板燒得好夠熱，好夠鑊氣，炒麵夠脆，少少燶，上枱後要快速拌勻，否則炒麵就會好快燶掉。😋 +羅宋湯 $0大隻仔好耐都未飲過咁好飲嘅羅宋湯，夠酸夠辣，味道超濃，蕃茄味重，配料亦多，有蕃茄、紅蘿蔔、椰菜、牛腩碎肉，仲有辣椒仔嘅味道。😋 +飲品 - 椰

係七.八十年代.喺嗰陣時去茶餐廳食嘢.係好高尚.茶餐廰唔會有好多.唔似依家咁.行兩步就有一間喺左近.我記得梁醒波係套戲裡面.叫咗隻豉油雞.用刀叉食.都唔知點樣食.左吉右插.足之飛咗隔籬枱.笑死我嗱.返到嚟現實生活點會咁呀！今日我哋食嘅餐廳就係嗰個時代生存到而家還在.真係松柏餐廳.早兩年前我哋都有嚟過.但今日我哋再嚟係一家人.因為我哋嚟食晚飯.如我哋早到咗五點幾未多夠六點就到咗.見還有下午茶餐.便改咗食下午茶餐牌.真係低食咗.晚餐價錢比下午茶貴好多！今日點餐如下：1. 黑椒汁牛柳～配餐湯.餐茶/熱飲或凍飲。2.黑椒汁牛扒～配餐湯.餐茶/熱飲或凍飲。3.黑椒汁羊扒～配餐湯/餐茶/熱飲或凍飲。4.黑椒牛柳麵～配餐湯/餐茶/熱飲或凍飲。註：呢餐由我嘅家人結帳.唔知實際多少。🚶🏻‍♂️👉📌哥登堡餐廳 (土瓜灣)土瓜灣馬頭圍道440號地下

💭餐廳真係好有細個去同屋企人gur 扒個種懷舊感（暴露年齡🫣），餐廳入面都好有以前扒房既裝潢❤️一坐低已經好期待倒汁落鐵板個種‘zhaaaaa’既感覺，食完成日見到唔同人都會知道你剛剛gur 完扒👧🏻🌸牛柳煎蛋飯，轉薯菜，蒜蓉汁(HKD 95)🌟🌟🌟🌟其實本身個餐都已經有薯條，轉薯菜係會多幾條薯條only，但係對於我黎講又飯又薯條會太飽🤔所以我都係轉薯菜就夠！唔知大家gur 扒最重視係邊個部分，我最重視係d 薯條要夠熱同點好多鐵板既汁黎食，呢個餐既薯條夠曬熱同d 汁都足夠我點薯條同牛扒食😋😋😋個牛柳都好好味，唔會好鞋同埋太韌👍🏻👍🏻👍🏻🌸雜果賓治（跟餐）🌟🌟🌟都係懷舊既味道，罐頭雜果糖漿+ 梳打👌👌👌覺得味道係細個飲到既味道，但係大左唔會主動叫既飲品💁🏻‍♀️🌸白餐湯（跟餐）🌟🌟🌟又係細個去gur 扒會飲到的味道，有粟米既白湯，飲完好溫暖👍🏻👍🏻👍🏻

學生時期luntime 最中意去呢間，一落堂就冲落去下面食，因爲唔快啲冲落去就會無位坐。黑椒牛扒飯+ 紅豆冰 （$50)平時都叫呢個餐，牛扒通常有兩塊，淋上去是黑椒汁，非常多，對於當時學生的我已經飽腹量大。紅豆冰和其他的餐廳不一樣，他是以椰汁來做，濃濃的椰汁撲鼻而來，喝下去非常順口。服務態度很好，裏面的叔叔很快帶位，禮貌第問我們要什麽，離開的時候還和我們說bye bye 對於現在來説，員工有很好的禮貌好難得。

今天早上在附近做完身體檢查，聞說土瓜灣有很多美食，個人又很少來這一帶，便上openrice發掘一下附近有什麼好吃的。本來想吃一間很街坊的雞球撈麵，可惜星期一例休，又不想行太遠，剛好來到餐廳門口，很久沒吃港式的豉油西餐，便去過下口癮。餐廳門面充滿著懷舊的感覺，一排圓燈加上已掉色的招牌，大門隱約還透著紫紅色的光，仿佛回到80年代。甫走進門口，一位穿著恤衫牛仔褲的待應便走來招呼，即使是一位兩位，亦會著客人先坐卡位。店面的都是上了年紀的叔叔，每一個都企得筆直，又會不時走來走去，生怕怠慢客人，看得出來上一輩對於一份工作的重視，未食已頗為欣賞。舖頭內仍然維持舊時香港西餐廳的格局，中空的圓拱形卡位有種令客人置身包廂的感覺，地面用上舊式的水磨石地磚，配上老餐廳酒樓的椅子，有如時光倒流到80年代。午市套餐選擇不算多，一般大路的都有，來到為數不多的港式西餐廳，沒理由不點一個豉油西餐吧。剛坐下未點餐前店員會先問你要什麼餐湯，有紅白兩款，個人特別鍾愛港式的羅宋湯，雖然跟傳統俄式的有很大分別，但港式口味吃的就是小時候的回憶。配料甚多，味道帶茄膏和蕃茄的酸勁，作為開胃湯一流! 還有一點點碎牛肉渣，個人喜愛再加一點

上星期見佢開返，咁一行4人食去晚餐，好耐好耐以前經常食，後尾越食越麻麻，後來直情冇去。近來心思思，想試一試睇下佢哋開返會唔會好啲.....入到去都係果啲伙記，唉！！結果... 啲嘢食系唔會好啲，只有更差😞😞😞😞👎👎🙅。以前晚餐都有前菜選擇，而家冇🙅，扒餐貴，食物質素可以講只值$50😞。汁又咸，而且在廚房已幫你淋汁，冇得自己想落幾多就幾多😣。牛柳扒餐，貴，牛扒自己買既仲靚，汁太咸，阿仔食食下都話好咸😞。雜扒餐，極超級伏👎。每塊扒好薄，豬同雞，雞翼，煙肉，腸仔。屋企既扒真係靚過佢，所謂薯菜，系俾三色豆你，我去一啲普通冰室都有2棵西蘭花啦，人哋仲平過佢😞。羊架餐都叫做好啲，3件羊架，但細塊，邊邊既肥膏位多咗少少，切走肥膏位食完唔夠飽😞。甜品啫喱或雪米糍。呢隻雪米糍來貨普通到唔普通，甜，唔好食。另外，啫喱裏面硬身🙅😫😓搞咩呀🤦‍♀️。冇影相😞睇見啲嘢食都唔想影相😓。我覺得佢哋冇心機做好啲嘢食，hea 做😑只是有名氣搭救，就枱高價錢，降低食物質素。一個字‥.“差”！失望，唔會再來食🙅🙍

行過俾呢間餐廳個門面同招牌吸引到，幾個晚餐menu又好似唔錯，始終港式西餐廳買少見少，所以就去試吓佢，點知一試就覺得自己呢個決定好啱餐廳環境環境唔算光猛，睇裝修、枱櫈同卡位就知呢間餐廳已經有一段歷史。望落去少頹，但係有一番風味。晚市係幾多人，咩age group 都有。服務侍應好chill，俾人感覺幾親切。食物我哋叫咗兩個晚市套餐，包湯、主菜、飲品同埋甜品。我哋兩個叫咗羅宋湯，分別試咗佢嘅咖喱雞球飯同埋焗鮮茄豬扒飯。飲品叫咗椰汁紅豆冰同埋熱花旗參蜜。甜品分別叫咗啫喱同埋雪米糍。羅宋湯冇乜特別，係幾大碗。隨湯附上嘅餐包就有驚喜，好軟熟同熱未飲晒個湯就已經上咗主菜，本身驚飲完湯啲嘢食會凍哂，點知開始食嘅時候仲係熱辣辣焗豬扒飯嘅炒飯底係傳統做法，冇三色豆，炒得乾身粒粒分明豬扒好林，好入味。鍾意佢冇芝士，邪惡感大減。咖喱雞球飯啲肉好juicy，味道唔咸，超好送飯不過，兩個飯份量超大，食到2/3就要投降…甜品方面，啫喱係青檸味，中間有幾粒應該係罐頭生果，係好耐冇見嘅combination。啫喱較硬身，唔會好似食咗陣風咁，好滿足雪米糍係雲呢拿雪糕，個芯係士多啤梨醬飲品方面，特飲椰汁紅豆冰同花旗蔘蜜

很久沒有回去中學時代的土瓜環區，今日同太太返咗去行下。基本上所有店舖都不同晒啦，發覺只有這間哥登堡餐廳仍然喺度，是否己轉手了就未知啦！印象中，41年前這餐廳都應該算係比高檔的餐廳，我哋學生哥很少會幫襯，我都只是中六時入過一次去鋸扒。但現時應該是比較平民價！叫了兩個午餐，一個牛扒飯，一個咖喱雞飯，有湯及飲品，羅宋湯好好飲，咖喱雞就普普通通，牛扒都算可以。味道同茶記差不多，可能年紀大了，只係想回憶過去的味道，但一切過咗去都很難再尋覓，這並不是我追尋的味道。

由細食到大嘅懷舊西式扒房☺️味道一直都冇變！.午餐鐵板$88，仲有啲平啲嘅餐，黎到炸炸聲，牛肉好淋又有牛味，個人中意蒜蓉汁(太耐冇食黑椒就嗌左)多啲，甜甜地更帶到牛嘅鮮味出嚟🐮即使係鐵板，蛋都係小流心唔會熟曬！.我好中意佢哋嘅湯，羅宋湯好足料，偏酸但好夠味，忌廉湯好濃郁，絕對唔係出面好稀嗰啲。.呢間冇收加一，唔好expect佢有好好嘅service但就係食埋佢哋嗰種冇茶餐廳甘粗獷又帶點人情味嘅感覺😚.呢度嘅員工都做左好耐，希望會持續落去啦，獨特嘅風味真係出面成千蚊嘅西餐都不能代替。