哥登堡餐廳

营业中

休息中

同朋友諗緊去邊食嘢，因為朋友有車，隨口講邊度易有咪表，然後朋友突然提議去哥登堡！我一直以為哥登堡執咗，但原來已經重開⋯！餐廳後兩條街有咪錶，啲咪表都唔難有位，好易就泊到車。去到門口，只係門口望緊時，已即刻有人開門迎接。入面裝潢睇得出無咩變，而卡位唔迫，都幾闊落的。啲staff 服務不錯，同好有效率，一坐低已立刻問你想要咩湯，都係例牌紅白湯可選擇。因為係平日1點幾去，所以有幾款午餐揀，如果唔叫鐵板，平均都係六十幾蚊，包飲品，免加一，而家茶餐廳都要呢啲價啦！最後叫咗個咖喱雞球同吞拿魚意粉。咖哩先上，初頭仲覺得好少飯，但個咖喱都有好多雞球，食食吓都好飽！之後上意粉，面頭有啲溶咗的芝士，意粉唔會太淋，好食！餐飲可加5蚊轉紅豆冰，但太飽，無轉。最後叫咗一杯凍飲加3蚊，埋單$123，抵食！

結業前幾年食過一次，印象唔係太好，舊式茶餐廳咁黑蚊蚊，到佢結業嗰時，見人排曬隊更加唔會去。早幾日啱啱行過見佢重開，六點鐘到，畀佢吸引咗入去，其實170蚊一個餐都唔係平,不過見話重開又睇下佢有咩改善。結果入到去一坐低，即刻埋嚟好似好趕咁叫你嗌嘢！飲乜嘢湯。跟住我話睇下先已經有少少唔like。之後我叫T骨扒，佢又話冇！喂 ！大佬，你冇，出面你就劃咗佢啦！結果叫咗羊扒同埋普通牛扒。牛扒話五成熟，其實都係六七成！味道…同花園餐廳嗰啲差唔多，冇乜牛味，仲有少少梳打粉味。總括黎講係屬中下級數。蒜蓉汁黑椒汁都係一般舊式茶餐廳扒類嘅醬汁。羊扒有四件，份量好大，都係好一般嘅嘢，冇乜特別唔再多講。食得飽你，又唔係難食嗰種囉。跟黎嘅沙律同田螺都係一樣，基本嘢。好啦，最講返最重要一部分，就係服務，份扒我未食到三分一，佢已經埋黎問我飲乜嘢！跟住我話稍後先，又唔Like,成餐飯d侍應不斷喺你坐位側邊行來行去，每一枱都係咁，擺低啲嘢就好大聲話…奶茶，凍咖啡，牛扒…真係好怕佢揸住啲嘢會倒落嚟！有個侍應仲要好快咁喺度跑！食餐飯啫，好大壓力囉！食嘢咁大壓力，我真係食咗背脊骨落！唔消化兼夾胃痛！使唔使咁趕呀！總之成餐飯畀壓

哥登堡重新開業那天，剛巧經過，所以就向朋友提議試試。店內裝修像是舊的，之前暫停時的內部裝修可能是修整廚房吧。無論是我們這些生客，又或是熟客，侍應們都熱心招呼，加友善嘅笑容，氣氛溫馨。點了兩份套餐 - 鐵板什扒餐($130)及咖哩牛脷飯($75)，餐湯有白湯(忌廉湯)或紅湯(羅宋湯)，餐包是烘熱的，好吸引。什扒餐有牛扒、豬扒、雞扒、煙肉、腸仔，很豐富(切開才記得影相)，選了黑椒汁，唔辣，可放心吃。咖哩牛脷飯的咖哩汁好香，牛脷有一兩件少許靱(只是少許)，但大部份都ok，且份量不少。什扒餐的甜品是啫喱，這頓晚餐很滿意，很有港式西餐的味道。

雖然我寫食評嘅呢一刻，哥登堡已經結業，但筆者都好想舒發一下哥登堡與我多年來嘅緣份。話說筆者中學就讀附近某陽氣極重嘅學校，所以30幾年前就開始食呢間野，老實講由於當年年紀細、見識少，有得食鐵板牛扒已經覺得好勁，即使好貴、儲一段時間錢就會嚟幫襯下。不過，其實當年都已經覺得食物水準一般，30幾蚊有得lunch鋸扒都算係咁。畢業後離開呢區，20幾年來應該幫襯過3次，主要都係老人家返嚟食下回憶。今次結業，返嚟完整地總結一下我認識的「哥登堡」環境 ✅✅✅論環境，同我30幾年認識嘅哥登堡可以話係無分別，當年環境好舊、依家一樣咁舊。枱椅擺設同以前一模一樣，舒適度都係一樣，真係好痴線！點解可以咁keep得食物 ✅✅✅雖然上文提到當年細個見識少，但其實當時已經覺得食物水準一般，去食嘅原因都因為成班o靚仔去鋸扒好型。今次返嚟同哥登堡埋齋，帶埋另一半叫咗兩份鐵板餐，分別係$160嘅鐵板牛扒及$170嘅鐵板牛柳，味道維持水準～～～唔好味！牛柳唔淋又細份，牛扒肉質有D假。跟餐飲品叫咗一杯紅豆冰同涼粉冰，前者味道幾好，不太甜又夠花奶，有傳統冰室嘅感覺；而後者味道一般，加上「涼粉冰」唔太有冰嘅感覺，所以都係差。性價比

土瓜湾兒時長大的地方，得知哥登堡快將結業，到來支持一番，早上11am到步已滿座，等差不多15分鐘便入座，懷舊老店設計，暗淡燈光，兩旁是四人卡位，中間設置四人方枱，侍應仍然熱情款待，實屬難得。倒數2天結業，Memu只供Signature鐵板套餐。👉👉主菜配甜飽+餐湯+飲品+甜品石斑和牛柳用鐵板上時，發出吱吱聲响，那份熱騰騰口感真的棒👍💥石斑>>用蛋粉薄煎石斑，魚質軟腍配薯條雜菜。💥牛柳>>牛柳軟腍，味道正常。💥甜飽，羅宋湯，紅豆冰，涼粉雜果冰，糯米糍，全屬正常😄今次到訪能尋回那份情懐💃💃心滿意足。😄再見🙌哥登堡。。。

屹立40逾年的懷舊鐵板餐👉最後倒數2日，因這區是我兒時長大的地方😊，今天決定來作最後支持💃今早11:40am到達，約等10mins便順利入座，舊式陳設，地方不大，燈光暗淡有點兒氣氛，在當時是屬於高級餐廳來呀！😊雖然忙碌，伙記們仍很親切熱誠地招待👍💥這兩天全日只專注供應他們著名的鐵板餐😆套餐👉甜餐飽配安佳牛油+湯+主菜+飲品+甜品🍽🤞$110-170免加一。💥麵包+羅宋湯+紅豆冰＆涼粉雜果冰+糯米糍雪糕👉👉羅宋湯正常，胡椒味甚濃郁，麵包一般，兩款冰也不會過甜，糯米糍雪糕正常😁💥鐵板牛柳＆ 鐵板石斑 配上雜菜薯條 👉👉兩款鐵板上枱時熱騰騰😁咋咋聲。。。牛柳有濃郁牛肉香味，石斑先用蛋粉煎熬才放上去，有蛋香夾雜，魚肉實有魚味，兩款鐵板絕無欺場🥳舊店舖的人情味是難能可貴，可惜很多都難經營下去，我們只好在這刻支持到底，讓大家留下美好回憶。💃💃💃

牛柳餐. $170 晚餐牛柳5成熟有少少醃過, 配黑椒汁.鮮茄石班飯 $75 晚餐想叫焗石班, 但沒有焗石班有煎過比較脆, 鮮茄汁配茄汁意粉非常惹味.焗肉醬意粉 $75 晚餐想叫焗豬扒飯, 但人多沒有供應. 叫了焗肉醬意粉.濃郁, 沒有汁, 比較咸, 有芝士. 熟悉既味道.黑椒牛柳絲炒面 $60 午餐- 根不是牛柳絲, 是牛柳. 份量好多. -  炒面炸過非常干身. -  黑椒汁調味正常. 餐湯, 紅湯, 羅宋湯. 白湯, 忌廉粟米湯. 花旗參蜜.椰汁紅豆冰.

記得細個都有同過屋企人黎据扒🥩，見佢31/3結業，都專登黎支持下。嚟到嘅時候都唔少人喺度排隊，而餐廳入面都有好多熟客。👍🏻👍🏻.🌟羊扒（4件）｜$170 ❤️跟餐有餐湯，餐包同埋飲品其實肉質都幼嫩滑幾香羊味不過唔知點解佢餐牌寫四件，到最後得三件薯條🍟炸得好食，都幾香脆.總括嚟講價錢有少少貴，侍應服務態度麻麻地，越叫越走。可能臨近結業，好多人去食，好多嘢都賣晒冇得食。但係勝在充滿着以前嘅回憶，食到香港懷舊西餐嘅味道！🍽️

💁‍♀️💁‍♂️ 04/02/2024(Sun), Dinner疫情過後唔少老牌餐廳都捱唔過去要結業，而💁💁‍♀️我哋從網上得悉位於土瓜灣嘅 將會喺3月尾結業，於是呢一晚就趁喺附近做完嘢，帶埋🧑👧小朋友過嚟體驗一下懷舊嘅港式豉油西餐。我哋大約晚上8點左右到達，推門入去就見到餐廳泛黃嘅燈光同埋舊式扒房嘅裝修，靠牆位置係一排卡座。啡色皮嘅卡座、泛黃嘅燈光同埋地板嘅地磚正正就係呢個年代餐廳嘅代表。我哋當日去到都唔使等位而客人唔算好多，聽聞近日餐廳每日都大排長龍，所以要去懷念或重溫舊日情懷要趁早啦！而今晚我地order咗：🔆 鐵板牛扒🥩餐（$160）嚟到當然係要食返最原始嘅豉油西餐，叫鐵板牛扒🥩就無錯啦，呢一份我哋選擇咗要7成熟，再配黑椒汁。鐵板上枱時熱焫焫，牛扒🥩同黑椒汁在鐵板上滋滋聲，配菜有三色豆同埋薯條🍟。牛扒🥩一如預料之內係有經過梳打粉嘅洗禮，肉嘅纖維已經唔係好感覺到，咬落好軟。因為叫咗7成熟嘅關係，所以切開內𥚃仍有少少粉紅。黑椒汁都幾香口，帶點微辣。🔆 鐵板牛柳餐（$170）另一份我哋選擇咗鐵板牛柳餐，要5成熟同埋配蒜蓉汁。同樣地呢兩件牛柳上枱時都係熱焫焫，配菜一樣係三色豆同埋薯條🍟。牛

鋪頭做到2024年3月就結業啦，作為老街坊，呢間餐廳除左食情懷仲有食回憶❤️待應做慣做熟，一坐低就同你落單。無耐，熱辣辣嘅餐湯同餐包已經上枱😁🌼 跟餐羅宋湯+餐包羅宋湯大推👍🏼酸酸甜甜，有少少黑椒辣辣地超開胃；餐包香軟，烘到微暖， 搽牛油食一流🧈🌼 鐵板牛柳餐 ($170) / 鐵板牛扒餐 ($160)牛柳碟上，牛扒鐵板上，配洋蔥汁+薯菜兩款肉正常發揮，唔會煎到乾柴切開仍然保留肉汁配上厚身扭紋薯條十分滋味😋個人喜愛牛柳多D，肉質更嫩滑🌼 特飲有紅豆冰、花旗蔘蜜、涼粉雜果冰唔洗加錢任君選擇，而家已經買少見少啦！紅豆冰大大杯， 紅豆裝滿大半杯，又煮到軟綿超足料，同埋好香椰汁味，真材實料👍🏼👍🏼🌼 甜品青檸啫喱正常發揮， 酸酸甜甜可以一解牛扒既膩

話說得知間野就結業， 一家7人琴晚專登去棒場， 7人叫左4個鐵板餐， 3個 "結業套餐". 鐵板 就正常發揮， 但個結業套餐， 就真係不知所謂， 細份唔講， 成碟野賣相好似廚餘咁， 杯紅豆冰， 就真係垃圾都不如， 明明係凍既，上到枱 仲有餘溫， 明明係椰汁黎， 點知水過開水。。 間野真係幫唔落， 結業係有原因既。...............................

在土瓜灣開業四十多年的港式扒房哥登堡餐廳將於2024年3月底結業，引來不少食客大排長龍，到此享用最後一次的聖誕大餐🎄90年代的孩提時代，父母帶去尖東睇聖誕燈飾、去鋸份扒、飲碗酥皮湯，就已是美好的一個聖誕節。哥登堡餐廳的舊式裝潢，仍沿用舊式茶餐廳的桌椅，令我勾起小時候鋸扒的回憶！聖誕大餐只於12月22日至25日期間供應，26日才回港的我，只能選吃鐵板套餐啊！點了牛扒餐 ($160) 及牛柳餐 ($170) 各一，套餐還包括鮮油餐包、餐湯及餐飲，凍飲及特飲都不需加錢！羅宋湯足料，牛肉碎都有不少，味道香濃，嚐到牛肉香，茄膏酸香令人開胃。粟米忌廉湯的質感濃稠厚身，不會粉粉糊糊的。餐包微暖，外層微脆而包體軟熟，塗上牛油，牛油溶化在餐包內，滿滿牛油香。牛柳選黑椒汁，牛扒則是蒜蓉汁，黑椒汁微辣，蒜蓉汁充滿蒜蓉粒，兩款醬汁都香濃惹味而不鹹。牛扒及牛柳都選了5成熟，一切開，內裡都是粉粉嫩嫩，肉質軟稔得來又有點嚼勁，帶有肉汁！好吃！！惟薯菜份量不多。兩杯特飲是椰汁紅豆冰及凍花旗蔘蜜，紅豆冰的椰汁味香，紅豆粒微微起沙，不會過硬身。花旗蔘蜜的花旗蔘甘味與蜜糖甜味平衡。餐廳的上菜速度快，食物熱騰騰又好吃。侍應的

將在三月底結業的哥登堡餐廳頓時受到廣泛的注目，食客絡繹不絕。為了見證歷史，這天我和友人在土瓜灣上完興趣班也要來湊湊熱鬧了。一踏進餐廳，找到座位後，服務員已迅速殷勤地問我們要羅宋湯定忌廉湯。點過羅宋湯後，我們便看看餐牌，選了各人喜歡吃的午餐。～羅宋湯顏色鮮艶的羅宋湯頓時打開了食慾。湯煲得入味，酸酸甜甜，蔬菜又淋，非常滋味。～蒜茸豬扒意粉三色豆份量也不少，顏色配搭耀眼。豬扒煎得恰到好處，邊沿處微焦，吃起來有焦香味。豬扒肉厚，有著淡淡的蒜茸味道。港式意粉稍淋，未有彈牙感覺。～蒜茸雞扒意粉大大塊雞扒配上蒜茸汁，味道不錯。煎得剛剛好的雞扒，吃起來啖啖肉，超滿足。～椰汁紅豆冰淡淡椰汁味的红豆冰味道討人，紅豆入口既有咬口又不會硬，非常理想。這老店屹立不倒多年，必有其優勝的地方，但歲月不饒人，老店還是敵不過現今社會的高要求。

最後10日！緊係要把握機會去尋找童年回憶！聖誕節嗰期知哥登堡要執，但每次經過都大排長龍，應該好多人都唔捨得～等到今日終於可以再食多次回憶嘅味道今次叫左鐵板牛柳餐，$170黎講有餐湯、餐包、餐飲同甜品都算係咁🥹仲要有得唔洗加錢飲紅豆冰！鐵板牛柳包咗薯菜，一切開就會見到粉嫩嘅牛肉，雖然唔係超級出名嘅扒房，但係真係童年回憶今日行過再行過嘅時候，見到佢出咗告別套餐，都相對多人食，所以要預早少少去排隊！🏠 哥登堡餐廳 (土瓜灣)📍 土瓜灣馬頭圍道440號地舖

餐包+湯牛柳 (五成熟)凍檸茶糯米糍 (冇圖)上菜超快，嘢食全部都係熱嘅，牛柳好腍，餐湯好飲，餐包好正，呢間嘢就嚟結業，大家快啲幫陳同老細傾偈一齊集合去叫老細開耐啲，認真佢啲嘢真係