哥登堡餐廳

营业中

休息中

哥登堡其實已經係我既飯堂好耐，細細個就開始食。一排冇去，今日又去返，就幫佢寫個食評。佢出曬名抵食有質素，而且出菜超快！坐係坐得有少少逼，但咁先有懷舊既味道！食物既款式唔算多，但貴精不貴多！除左依幾款仲有其他，但主打依幾個餐！我就食返我既最愛，牛排餐($120)加個意粉百二蚊塊排成塊鐵板咁長，邊到搵！個餐係包埋餐湯、餐包同餐飲！牛排五成熟，肉汁夠多，好香牛味，又唔會太油。切落去炸炸聲，仲不斷有牛油香湧出黎！very very good!

呢間係舊式既西餐廳, 呢類型既餐廳相信難免會被時代淘汰, 各位趁有機會要黎食下。用抵食夾大件黎形容就絕對無錯, 叫左個$95餐, 有羅宋湯+牛油餐包, 頭盤 法式焗田螺, 主菜係牛扒+吉列石班配意粉, 仲有杯餐飲,叫左凍花旗參蜜。真係非常抵食!先講羅宋湯,味道較重, 少少嗆喉, 唔能夠飲晒,餐包就熱辣辣軟棉棉加埋牛油好好食。法式焗田螺呢個就真係幾口味, 田螺本身無乜味,但有薯蓉調味得幾好, 加埋一齊幾好食。主菜: 黑淑牛扒+吉列石班意粉, 2樣都大大件,牛扒就真係麻麻地, 一般茶餐廳質素, 石班還可以但寄望太高。而家香港既西餐水準比以前真係高好多, 呢類舊式西餐廳喺廿年前既基層黎講算係高級啲, 一講鋸扒啲人已經開心, 但而家相信已經無左呢個驚喜。雖然唔係好好食,但黎食真係有細個時既味道, 煮既方法及調味都同以前一樣,呢種感覺好特別, 好懷念。但呢種經營模式相信會被淘汰

我一個朋友既父母 由結婚到依家 每次週年紀念都會去哥登堡食扒 距話又平又好味 d水準又keep到聽距地講到咁 當然要去試下！一行到門口 感覺好殘舊 好似開左10幾年 無咩華麗裝修既樣但係反正黎到 就膽粗粗入左去叫個八成熟牛柳餐首先有餐湯 餐包 再上扒 最後上飲品一食不得了 8成熟岩岩好 加埋濃縮黑椒汁 配埋薯條 好惹味下次會再幫襯！

住係附近既我一早已經想試下呢間餐廳，但係比較少行馬頭圍呢面，所以就一直都無試。咁岩果排興Pokemon Go就諗住食飽飯就去附近行下，去海心公園捉係鴨嘴火龍，所以就去左呢間度食入面侍應既效率速度極快，我真係有Ｄ跟唔上，餐牌同其他食扒既餐廳差唔多，款式亦都係，我就隨便叫左個雜扒餐，雖然唔係咩極品美食，但材料十足，而且多到一個餐我都食唔哂（好難得），開始明白點解咁多人會鍾意去食呢一間，下一次我都會再黎架！

今次是第一次來，星期六的午餐時間，我和老公2人早到來不用等位，午餐有十多款選擇，我點了黑椒牛扒飯，老公點了咖喱牛腩飯，黑椒牛扒飯餐有牛油多士及餐湯，咖喱牛腩飯則沒有，有點失望，來之前因為有睇左食評來，知道哥登堡是舊式扒房，不會有豪華裝修及浪漫氣氛……，四十幾蚊午餐，算很對板了，先來的牛油多士夠香夠脆，餐湯有紅或白湯可以選，我選了紅湯，很惹味，黑椒牛扒2大塊，有點點厚度，老公的咖喱牛腩飯份量也很足夠，整齊很滿意

同朋友去咗哥登堡餐廳食舊式西餐,呢度嘅裝修都真係幾懷舊.我哋叫咗兩份晚餐,都係包餐湯,飲品同甜品.呢份係自選晚餐,我揀咗黑椒汁豬扒牛扒配薯菜,兩份扒嘅肉質都算鬆化唔韌,不過就似係預先整好,拎到嚟時只係暖暖哋,唔係好夠熱.自選晚餐係包埋法式田螺嘅,呢個就好熱辣辣,不過又唔會焗到好乾身,田螺下面仲有薯蓉晌度,感覺上呢個比份扒仲出色.另一份就係鐵板餐,揀咗黑椒汁雜扒配薯菜,有牛扒,豬扒,雞翼,腸仔同煙肉,食鐵板餐最開心係倒啲汁落去嗰下,同埋食到最尾都keep到仲係熱嘅.呢度嘅食物唔算好特別,勝在價錢唔貴,想食下鐵板餐嘅話都唔錯嘅.

係土瓜灣覓食...茶記...粉檔...Umm 望出去大街見到哥登堡餐廳平時搭車經過得多, 今晚就揀你兩個人企係門口等左一陣 原來都幾多人食先黎兩個餐包 配 羅宋湯羅宋湯帶少少辣 好多菜 好飲另外跟餐有沙嗲串燒, 不過唔夠熱又比較濕之後到我件西冷扒上枱熱辣辣又多汁 重點係超級厚啊！！！雖然味道黎講都係比黑椒味蓋過晒, 但肉質好淋揀左跟扒配意粉, 基本上食晒個扒會好full但個意粉居然係茄汁底, 好開胃, 好快食晒Last...跟餐有得飲紅豆冰, 椰汁代花奶 送埋甜品 OMG....飽到即刻瞓得著集團連鎖式快餐据個牛扒 (薄切)加幾蚊轉特飲, 平極都收你五十幾蚊, 食陣風落肚呢度雖然質素平平, 但勝在有心份量足又唔貴

舊式冰室嘅感覺 真係帶黎好多回億每一次黎我都要食佢個肉眼扒肉質軟滑 雖然有少量鬆肉粒味但味道還算不錯 而且生熟度非常好牛肉筋唔算多 唔會太煙韌而且黑椒汁味道濃縮 加埋薯條 正配餐甜品配有啫喱 非常懷舊

在網上看到有好多食評，就係放假就黎試下，因為食飯時間，門口都有幾檯在等，等咗十幾分鐘可以入去，叫咗個牛排餐，有湯有包，牛排就預咗普通過普通，仲有野飲同甜品，如果就價錢來看算扺，如果質素就麻麻。

你問我哥登堡餐廳好唔好食? 老實講lunch味道真係麻麻，紅豆冰啲紅豆一啲都唔甜，完全唔係用奶沖，溝左大部份水。忌廉粟米湯都好啲有番正常咸味，而且隨餐附送牛油多士一塊。總結呢度只可以用抵食夾大件形容，如果著重味道就真係唔好黎試，如果著重份量同價錢則可以選擇黎食，而我係前者👽焗鮮茄豬扒意粉啲豬扒有搽左浸蛋漿煎，所以豬扒煎完後散發淡淡蛋香，口感滑。可惜啲意粉煮得太腍，加上擺得耐，所以食落真係麻麻，我都冇食哂。肉醬意粉同一個問題，都係意粉煮得過腍，好難令人想全部食哂。

今日晚餐想食扒，原本想去金鳳或飛鷹，但朋友話士瓜灣呢間正。我第一次來，去到門口見到價錢已經覺得好平，我9:00先去到，都仲好多人，滿坐率9成。我們一行3人都點了紐西蘭牛柳餐，我要5成熟加蒜蓉汁，朋友要黑椒汁。個汁味道一般，但牛柳好正，切開入面係紅紅地，真係5成熟，冇overcook個餐$120，連餐飽同飲品，仲有個雪米糍，全日免加一，侍應服務又好，港式扒餐，到花X好過多多聲我一定會再來。

呢间有古老味道懷舊餐廳好掂！有情調，光線几好可能几舊，d椅子好灣待應service一流，不用加一既餐廳都有人不停服待，like!包，又香又脆，塗上牛油，牙痛既我都忍痛吞下去。湯好入味，又大碗正菜我order左个海鮮炒烏冬。味道一流，烏冬好入味。不过d海鮮就差d我，用料係日本魚蛋，唉！点了涼粉雜果冰，我只想食凉粉，所以唔介意杯野一d甜味都冇！仲有，係雜果only得波羅！咁既价錢，算唔錯

聞說土瓜灣哥登堡餐廳很耐，今日有機會一試。首先店鋪waiter 服務夠快，落單快、上餸快。紅菜湯：味道酸甜可口，帶微辣味，開胃！每一個套餐送牛油多士/麵包，紅菜湯還有飲品，抵食啊！黑椒汁牛扒飯：牛扒外酥內嫩，配上黑椒汁，好吃！份量走，作為帶扒午餐 唔錯啊！

港式扒房買少見少，屋企附近間哥登堡係小弟不時會去既餐廳之一。最愛佢既羅宋湯，夠辣，係我飲過最正既味道，平時唔飲湯既我連湯渣都飲埋。餐包鬆軟微暖，點湯食好味。主菜黎喇，兩大塊五成牛柳，切開血淋淋，咬落好嫩、香濃牛味，唔似其他餐廳用梳打粉嗱到冇晒牛味。食完仲有甜品+餐飲，食飽飽好滿足

在這個值得紀念過去的晚上，我們到了一間屬於過去的餐廳從紅磡沿海散步，一直走到了土瓜灣，專誠到來一試舊香港的味道到餐廳門外時，看到有六七人在等，還以為會等上一段時間誰知道過不了五分鐘，已經全部被安排入席與新式的餐廳不同，我們被安排了坐在卡位的一側，與另外兩個陌生人同枱很多年輕人可能不習慣搭枱，但有時候也有它的另一種風味看了看餐牌，本身試一試其他人介紹的燒春雞，怎知道原來只在星期一至四供應。。。沒辦法，看到有羊扒也挺特別的於是叫了一客羊扒，再加上另外一客吉列魚柳拼牛扒的晚餐在主菜到來之前，是親切的餐包和羅宋湯這兩樣平平無奇的食物，在這裡真的不得了湯，是充滿湯料的湯滿滿的配料在裡面，光喝湯就已經令人飽了味道清甜，沒有味精的味道在裡面而餐包，散發著不一樣的氣息端出來的時候已經散發香氣，好不吸引！牛油放在暖暖的餐包下溶化了，更容易塗在餐包上一口咬下去，外層略脆但內裡鬆軟，令人一試難忘沒兩口就食光了，唯有從不愛麵包的女朋友手中偷吃一口然後到主菜了 －　一份精選晚餐和黑椒羊扒先說精選晚餐，這個價錢，還有小食（４隻焗田螺）真的划算到不得了雖然牛扒只是薄薄的一塊，但絕不馬虎五成熟，配上黑椒汁，同樣鬆軟充