哥哥添飯•妹妹泡茶 (已結業)

估唔到呢區竟然新開咗間超水準餐廳，重點係地點方便，喺正牛頭角港鐵站附近，就算觀塘行過去都好近，食完lunch去shopping 啱晒！一入門口見到個招牌好特別，有種繁華鬧市中隱世美食嘅感覺。唔知個主厨係咪有啲來頭呢🤔...本來想問吓啲店員，但又唔好意思開口。餐廳樓底好高，開揚relax，再加上落地大玻璃，未食已經心情靚。望見外面風和日麗藍天白雲，仲以為自己去咗酒店high tea～打開menu 最吸引我係啲飲品，樣樣都想試，選擇困難症嘅我用咗10分鐘，揀咗肉桂蘋果紫羅蘭綠茶。一上枱真係嘩嘩聲～杯飲品真係好精緻，仲有一整條肉桂伴著，陣陣肉桂香味撲鼻，茶底清爽，超級滿足！友人點了薰衣草芒果烏龍花果茶，淡淡的薰衣草花香十分清新，沒有其他餐廳人造色素的違和感。真心讚歎店主的心思，不同的飲品是配不同的玻璃杯款，出來的效果超搭配！輪到主菜，上菜那刻我們都傻了眼。一個餐竟有一個主菜、3份前菜、一碟青菜、1份水果。估唔到前菜都有驚喜，椒鹽爆溪蝦外脆內軟，口感一流。花膠胡椒豬肚雞，十分出色！個人偏好重胡椒味而不鹹的湯底，鹹酸菜濃度適中，一口炸炸脆米連湯品賞，先享受香脆口感，然後胡椒餘韻留在口中。豬肚又滑

朋友說觀塘渣打中心開了一間新台式餐廳，裝修都算不錯， 但人山人海，所以買了回公司吃。點了這個鹽麴雞飯，價錢不貴，而且有生果送。以外賣來說，其實他的賣相很不錯。有雞蛋 （可選炒蛋或太陽蛋）、鹽麴雞、青瓜絲。我選了炒蛋，都炒得很香滑。說到鹽麴，其實是一種天然的調味料用鹽、米麴、水按比例混合再發酵而成的日本傳統調味料，鹹度較鹽為低，味道比普通鹽更富層次；用來醃肉更能令肉質鬆軟呢！鹽麴雞很滑，味道不錯，小許咸味，鮮嫩多汁，香氣四溢。

我唔係官塘常客，偶然去到果邊做嘢，見到哩間喺火炭出晒名嘅外賣店開咗分店舖已經大喜，重點係終於有得堂食，而附近其他餐廳多人到太過恐怖所以即刻就入咗去。見到門口好多人等外賣攞咗個餐牌嚟睇，點知原來堂食係另一份menu。午市選擇套餐唔多，而家以返工lunch嚟講價錢就少少偏高。我揀咗個塔香松露台式燒雞，原來仲有好多配菜。第一時間帶(手)套扯啦喂。嘩，脆皮到kok kok聲，無油膩感，超鬆脆😍😍我好耐好耐無喺香港食過如此有水準嘅燒雞，而且松露醬超香，不過真係好難揀，又想直接嘆雞嘅原味，又想夾埋松露醬嚟食，開頭以為半隻雞我會唔夠食，點知食吓食吓就飽咗，仲好鬼滿足。仲有台式飲品送，其實我哩種食慣茶記嘅大叔好少似台式茶，但覺得佢好鬼清新，正。仲有一個重點係佢嘅裝修令我覺得好舒服，如果陪靚女嚟慢慢嘆真係賞心樂事，比起附件嘅逼爆餐廳好太多。我好少寫食評，但今次真係好食到要寫返個紀錄

呢間餐廳係公司附近既新餐廳， 中午放飯時特別多人。見堂食要等位，就唯有買外賣回公司。 外賣餐單和堂食餐牌不同， 堂食set lunch 附涼菜數款， 擺盤幾靚。 外賣則只有一款主食及數小塊生果作伴。 我點了一碗牛肉拌麵加黑糖珍珠奶茶（又名老歲萬歲）。 不論食物及飲品均令人失望， 拌麵質感偏軟稔，幼身， 沒有口感可言。 牛肉乾，不太入味，淡。 隨面附一小盒醬油用作撈面，味道像茶記的蔥油豉油。 最後飲品並不像黑糖珍珠奶茶... 完全沒有黑糖的味道。

今日飯脚們放曬假，自己一條友搵嘢食，忽然諗起呢間新開咗一段時間嘅食肆，就走去試下。室內裝修好舒服午餐餐牌唔係太多選擇，最後揀咗紅燒牛肉湯麵，價錢都算高，不過一場嚟到，都照食。嘩…碗麵到咗，好多前菜送，仲有生果添，不錯不錯，有驚喜。紅燒湯有少少辣，唔食得太辣嘅我，可以接受，但湯頭就冇藥材味，覺得都係爭啲。牛腱好入味及夠淋，牛筋好軟，正。食飽後，覺得可以再同飯脚再去食。

冇得去旅行，食餐台灣菜就可以當自己飛咗去台灣啦 呢間餐廳畀我感覺好光猛乾淨，加上佢用嘅顏色同個裝修都好鬼死似無印😂😂感覺幾舒服。餐牌選擇唔算多，不過佢個set真係做得幾好㗎（3款前菜＋主菜＋水果＋飲品），好有誠意嘅前菜👍 價錢都唔算貴，外賣價錢仲平🥰 賣相同味道都唔差。我最滿意係個菜，入口爽脆又夠熱，配埋 d肉碎好味主菜牛肉麵，湯底夠肉味，有牛筋和牛肉及糖心蛋，滿足🤤🤭下次會再來😋

係火炭試過佢既總店㗎啦，當時已經好鍾意飲佢既果茶今日經過觀塘又見到佢原來開左分店即刻入去試試分店有堂食位置好文青feel呀又光猛又舒服好似去咗台灣既餐廳咁疫情期間好怕去好迫既餐廳但呢度位與位之間好闊落都好乾淨令人食得安心因為午飯未落格只係叫左黑糖珍珠奶茶飲（超微糖）呢度既珍奶既味道同出面有啲唔同㗎好好獨特既茶香味第二度真係飲唔到啲珍珠軟硬啱啱好唔會好似彈彈波咁硬膠feel可惜真係食唔落野餐牌啲野都好吸引希望下次再試其他野食

喺公司附近嘅呢個位又有新餐廳開咗，開咗兩個零禮拜經過幾次次次都無乜人，無乜人通常唔係貴就係難食，不過疫情底下嘅無乜人就會變得有啲吸引，even 要有中伏嘅準備。餐廳裝潢簡約，帶點無印風，係幾舒適嘅，今日嚟試吓個早餐，價錢都有番咁上下，最平嘅堂食食物古早炒米粉 30 蚊，單點蛋餅最平 35 蚊，套餐最平 41 蚊，包個炒米粉、刈包同飲品。因為想試吓個刈包嘅關係我揀咗起司爆蛋刈包餐，貪心加咗五蚊雞絲米粉湯，刈包上面鋪咗啲花生碎同菜圃，不過淨係喺中間有，唔咬中間先啲碎就會跌到週圍都係，咬中間先咁你就淨係得第一啖有花生碎同菜圃，我想問係預人點食嘅呢 ?菜圃有少少酸，都幾好味，不過可惜得第一啖有，起司份量好少，而且集中哂喺底部，爆蛋就 ok 嫩滑，不過個包咁厚始終都唔係好夠味送，剩低啲包太淡食唔到；雞絲米粉湯味道清淡，要問哥哥仔拎啲辣椒油先夠味，哥哥仔好似未有客問佢拎過辣椒油咁要問廚房，而個辣椒油又真係由廚房不出嚟喎，攞個辣椒油都要驚動廚房，咁個廚房咪好唔得閒 !?睇番其他食友午市啲相，佢呢度啲飯麵都好似幾靚嘅，搵日食商務午餐可以再俾多一次機會佢，而早市無乜人嘅原因，我估係因為CP值低。

大家好，我第一次寫食評。在觀塘區工作，剛巧經過看到這間台灣食店，就被外表吸引。一試難忘，好像身處台灣小店一樣。愉快地過了一個午飯時間。不用多說，請看相片就能感受到嗎?(我自己給他5粒🥳🥳

睇介紹原來係台灣菜 非常有興趣黎試試餐廳尚在試業階段 不過運作都ok 餐好快就上套餐好豐富 幾個伴菜 主食 青菜 水果加餐飲叫咗牛肉麵 非常ok 肉好淋夠味 伴菜都各有味道 青菜水果都好新鮮 店員有禮欣勤 不錯不錯