哈豆

营业中

休息中

哈豆 (觀塘)📍觀塘成業街19號成業工業大廈2樓29室平時都有去開哈豆幫襯💜價錢親民得來又好食😝今日下午五點幾嚟到開餐包場咁濟🤣🤣 得我一個人估唔到呢個時間黎幾好又舒服又靜🙈🌟五寶什錦醬乾伴麵 $68（套餐價） 威威味蕾（👍🏻=👅x 6-10 👎🏻=👅x 1-5)👅👅👅👅👅👅👅👅今次嗌咗呢個雜錦醬乾伴麵呢個拌麵係有芝麻醬同埋麻辣醬芝麻醬香醇順口，麻辣醬唔會太鹹或者太辣都唔會蓋過芝麻醬既味道層次相當豐富，兩種醬加埋也相當有風味同好夾個麵條都好Q彈有嚼勁🥰1粒貢丸+1粒花枝丸+1隻雞翼+1條台灣腸+1塊豆腐😎 全部都好入味都係我最鍾意食嘅食材😏💜💜另外套餐價係免費包一杯指定飲品今次叫咗一杯無糖熱葉月豆漿紅茶其他飲品可以根據餐牌上嘅價錢再加少少錢😝

越黎越咸，唔會再去❌❌❌❌❌完全係對腎臟既挑戰無黎一排，差左好多，啲粉同豬扒分離晒豆漿無味。肉躁得個油。無一樣覺得ok 曬晒我啲quota 如果換左師傅既我建議佢地搵過個廚#哈豆 #觀塘 #真實差評 #伏

I was expecting an authentic Taiwanese beef noodle, but it's just an average beef noodle soup. There's no wow factor.The drinks are overly sweet, like I'm drinking a syrup instead. But I must say the guy who took my order is really nice and kind. Good service but just average food.

觀塘地道台式餐廳 哈豆以前喺觀塘返工，一個禮拜都總有一日嚟哈豆食飯，貪佢抵食好食又易搵位，係我哋一班女仔嘅飯堂～而我次次都會嗌1403 😂（我仲記得個Number）鹽酥雞拼香腸麻辣乾拌麵個人其實唔太食得辣，搬開Pat麻辣醬, 留少少已經好香～仲有肉燥同菜莆，其實已經好好食😋而我最懷念，係呢度嘅香腸，燒到好香，咬落去好Juicy, 係台灣嘅味道！鹽酥雞都炸得好香脆👍🏻好好食飲品通常都會嗌 豆漿月葉紅茶 熱嘅少甜，我今次記錯個Number，係2101 先岩😂😂阿姐真係好好人，知我寫錯，都照加番啲豆漿俾我😅好好飲😋比一般奶茶多咗一份濃濃嘅豆香👍🏻

Went there with a friend, it’s located in one of the industrial buildings in kwun tong. Ordered a beef noodle, some fried stuff and marinated stuff. The beef in the beef noodle is not soft and tender enough.The other food also taste quite ordinary, nothing special. This is the kind of place that u went there once but never want to go back. The food is not terrible, it just didn’t impress u so much that makes u want to go back again.

哈豆 係觀塘區都幾出名，因為佢既台灣菜幾得，2間分店雖然都位於工廈位置，但係都坐得舒服，而且同樣高質，出名絕對有台灣既味道第一次黎呢間分店，我感覺佢比駿業里果間舒服，可能係因為更似 cafe，又可能係我去既呢個時段剛好坐得比較鬆動d。。hahaaa先睇睇餐牌，佢既選擇其實都幾多，飯，麵，小食，飲品都一應俱全，雖然唔係全部選項都圖文並茂，不過都容易睇，而且幾吸引，價錢都同樣吸引的！先黎飲品，佢地係用外賣杯裝的，可以都幾好，衛生得黎，飲唔曬又可以拎走！一杯係 胚芽豆漿，一杯係豆漿紅茶，兩杯飲落都好舒服，豆漿味好香，胚芽豆漿 d胚芽更係多到每啖口腔入面都有大量胚芽！胚芽腔真係必試！先黎係兩款小食，分別係我覺得食台灣菜一定要有既 鹽酥雞！同埋台灣直送既台灣烤腸，唔好睇佢地分量好似唔係好多咁，不過佢既性價比係高架特別係鹽酥雞，佢每粒都炸得好分明獨立，唔會痴埋一堆，每粒大細都相約，如果以佢既價錢黎講，性價比其實都幾高炸得又唔乾身，炸粉唔厚，咬落去入面都重有肉汁，其實真係幾出色！除左小食，我地都叫左兩個主食，分別係 酥炸雞扒滷肉飯 同 牛肉麵雞扒飯個份量都幾大份，除左本身雞扒大大塊，飯既份量都多，就

【台式料理】Doctor Beams為了吃台式肉燥便當，特意來這間餐廳。肉汁濃郁，搭配淹過的酸甜的蘿卜碎，肉味和清新的配菜得到平衡，更加增進了食慾！ 飯是短身的米粒，特別有台灣風味，另外追加逢甲醎酥雞，鮮炸雞粒多汁香口，鹹酥剛剛好，下酒一流！雖然午飯不敢喝酒，但點了清醇的煎炸檸檬汁紅茶，呢個午餐十分滿足餐廳很容易找到，正正就在二樓電梯大堂對正，店內光線柔和，格外有一份寧靜的感覺😌哈豆（成業）觀塘成業街19號成業工業大廈2樓29室

見到網上好多人介紹呢間台灣餐廳，七點左右去到睇餐廳內仍然有好多嘅客人。見到呢一個漢堡嘅造型好特別，佢嘅麵包係黑色，原來係用咗竹炭粉製成。餡料唔似平時嘅漢堡，佢係有炒蛋同蘋果，睇落比平時嘅漢堡嚟得健康，價錢來講唔算好貴

觀塘成業街美食多，朋友話不如去成業工業中心 哈豆 吃台灣牛肉麵！哈豆裝修簡簡單單，但是整潔乾淨的！2:30pm 到達，沒有分午餐或下午茶時段的！台灣牛肉麵，牛肉厚切且牛味重，肉質夠腍滑，湯底濃厚，麵條夠煙韌！鹹酥雞麻辣湯麵，湯底麻辣香濃，鹹酥雞炸得剛剛好，不會過乾，外脆內肉質仍然多汁！台灣和牛薯餅，外脆內軟，薯蓉夠滑！青蛙搶奶，其實是黑糖鮮奶加珍珠，珍珠夠Q彈，黑糖比例剛剛好，所以甜度適中！葉月鮮奶茶加仙草，仙草份量適中，茶香甜度啱啱好（我點的是正常甜，沒有減糖）

觀塘是我多常踏足的地方，因為見客時他們的公司地址就在觀塘呢 觀塘上班💼族確真的不少，找好野食是好緊要！而這間位於觀塘的小店名字叫「哈豆 」的台灣菜餐廳，可愛的名字加親切友善的態度，食物都不錯，是我其中喜歡的餐廳呢！而我最鍾意食的食物皇牌有這豐盛台灣牛肉麵都係有水準，好幾塊牛肉大大塊又新鮮，仲加上丸類，滿足呀！最後飲品選上自家製的健康杯芽豆漿分外溫暖啊！哈豆 觀塘成業街19號成業工業大廈2樓29室

見到牆上嘅台灣名勝繪畫 就好想去台灣旅行🥺好想來個快閃 打個邊爐 走翻轉夜市不停食食食🔖 台灣牛肉湯米粉已經係多次到訪 小編比較偏好新竹米粉可以吸收晒牛肉湯汁 但麵質又不會變淋 正呢❤️餸方面則有秘製牛𦟌、菜同一隻滷水蛋牛𦟌肉質彈牙 夠咬口 肉味濃郁 滷蛋亦滷得入味落單流程係喺枱面張落單紙寫低食物/飲品編號再到收銀處先付錢的(´-ω-`) 這點要注意喔!

位於觀塘工廈樓上的台式小店，地方不算大。供應的菜式都是各種地道小菜及特色台式飲品。是日之台式午餐：萬巒豬腳肉燥乾拌麵材料追加：蝦卷醬汁追加：麻辣豬腳及麵分開上，確保不會影響味道。豬腳大大塊，骨膠原豐富，肉一層，已去骨頭，豬腳膠質豐厚，又佔了另一層，口感軟糯煙靭。台式蝦卷，口感像魚肉春卷，配上台灣的麵條陽春麵，用作拌麵最適合不過，因是扁平麵條，有口感，且掛汁。拌醬是肉燥及麻辣醬，還有菜脯、蔥花，鹹鹹香香，麻麻辣辣，拌勻後惹味一流。台式飲品：檸檬梅子山粉圓梅子生津解渴，檸檬酸酸的，飲品則是甜甜的茶底。粉圓細細粒，放到液體中就會發脹，一顆顆中間帶黑點的小圓粒，含豐富的膳食纖維。

呢間台灣料理價錢抵食，選擇多，有主食、小食、飲品等。午市仲有套餐，包飲品！我哋兩個人，一人叫咗一個餐。▶️鹽酥雞肉燥湯麵$60我就+$3轉咗新竹米粉，新竹米粉爽口，好味！湯底夠味，有肉燥、芽菜、滷水蛋等。鹽酥雞分開上，炸得夠香脆，細細粒好好食！飲品升級咗青蛙撞奶+$18常溫、半糖。味道剛剛好，奶夠滑，黑糖味夠香！珍珠煙韌！▶️台灣五寶拼肉燥飯$64相當豐富，有香腸、雞翼、豆腐、貢丸、花枝丸，仲有少少汁。全部都好食！飯嘅份量都夠多，相當飽！飲品揀咗蜂蜜檸檬粉圓+$12呢個粉圓原來係一粒粒黑色點嗰種，有口感，飲品酸酸甜甜。

我日日都同外國老細食lunch，估唔到佢都識帶我食好嘢😂 呢間台式餐廳係佢推介話好食喎😌 觀塘工業區嘅人氣台式餐廳，去到都好多人，好彩座位都多，唔駛等好耐😁豐盛台灣牛肉湯麵（$76）老闆話佢最鍾意嘅湯麵，牛肉湯底夠濃，我見佢連湯都飲埋，睇嚟真係唔錯。入面除咗牛腱肉外，仲有牛丸、貢丸、花枝丸，兩款蘿蔔，材料豐富，牛腱肉又夠軟腍。鹹酥雞肉燥乾拌麵（$54）鹹酥雞都好出色，外面酥脆，入面雞肉保持嫩滑juicy，bite size易入口。拌麵加咗味道香濃嘅肉燥，半隻滷水蛋，仲有蔬菜🥬。麵條夠哂煙韌，伴肉燥汁食，有口感。椒鹽排骨（$36）外面嘅粉好薄而且脆卜卜，排骨脂肪比例平均，所以食落肉嫩又香口。椒鹽鹹味啱啱好。XO醬辣蘿蔔乾（$9）估唔到老闆好鍾意食， 醃得惹味，可以伴麵一齊食。百香果綠茶QQ （+$12）清香嘅百香果，香濃嘅綠茶，加上QQ果，增添口感😋整體食物質素好好又抵食，服務態度好親切友善。

填上號碼係點餐紙上再交比店員。🥢1508 椒鹽排骨肉燥湯麵🍜🥢 $60炸皮酥脆香口，似係用左梅頭肉，肉質細緻，夾有少許脂肪，軟滑多汁，而且用左南乳汁醃過，超惹味，一口又一口。不過一炸起仲熱騰騰就上碟，蒸汽令到後尾食到既底層既炸皮軟泡左，唔係既咁話就係完美既排骨，可惜。湯底可轉麻辣/沙茶/蕃茄 (加$4）對於我呢d咁嗜辣既人黎講太小兒科，不過就幾香花椒味同麻勁都有，如果有得揀辣度就好。另外幾喜歡佢既肉燥，一顆顆肉燥黎講算好大粒，咁先有口感又有味道架嘛。🥢2805 青蛙撞奶🥢 $18即係黑糖珍珠鮮奶，珍珠甜味軟硬適中，好有嚼口，黑糖味都好足，不過唔太好甜，下次要叫返少甜先得。