品味人生中國廚房 (已結業)

早排見報紙報導話到呢間鋪有幾好味, 又話D 醬汁好特別, 於是昨晚8點左右去食,一行5個人, 共點了11樣食物(好似好多, 其實份量不多):1. 手撕雞(全名唔記得): 唔錯的一道菜, 唔會有好勁的麻醬味, 可以有4粒星(5粒為滿分)2. 酸辣鳳爪: 無乜酸味, 辣味重, 食唔到辣的人未必食到, 但我地5位女仕都覺得好正, 4粒星3. 芝心丸: 表面炸得好脆口, 幾好, 不過內裡的芝心唔夠濃味, 唔算太突出, 醬汁要了沙律醬, 3粒星4. 酥炸蟹鉗: 比唔上去飲的, 內裡的墨魚肉唔夠彈牙,都係蟹肉會好味D, 同埋D 醬汁(甜酸汁)唔係好夠味, 唔甜唔酸咁唔知想點, 2粒星5. 酥炸雞軟骨: D 炸粉勁多, 唔似係茶樓食咁好有椒鹽feel, 只有數粒其餘係有炸粉的粟米粒, 想死, 半粒星6. 石碢齊齊撈米: 即係肉碎抄米咁, 不過就係石碢盤上, 又係無味, 無咸味好淡口, 唔知係未只想比米粉同肉碎本身的味去煮呢度菜, 我地人比左D 辣椒油去食希望好味D, 點知連D 辣椒油都係無辣味, 食到呢度菜大家已覺唔對路, 唔知呢間鋪想D 客食到乜野味道, 1粒半星7. 石中隱肉(選了牛肉): 尚算

餐牌菜色份量是走2-4人路線.每碟一般在30~40元之間.份量不大.可能新張原因,侍應不太熟悉自家出品,往往未能清楚回答查詢.上菜時間耐,效率不高.位上佛跳牆,見圖片賣相不錯,只每位38元位上, 到上桌,貨不對辦.最不知所謂是結帳時,見金額不對,查看有項註明是茶芥,每位8元.大感奇怪,因進店時有一經理/主任上前熱心推銷每盅30多元之花茶,並說如不需花茶,其他一般茶是免費的,亦沒有芥醬之類上桌,召喚經理查詢,解釋帳單上列之茶芥並非茶錢而是人頭費,並稱其他食府如是這般云云,真是吹脤! 但巳立心不會再次光顧.希望此店盡快改善,否則...唉!

上到雅蘭見咁多人唸住扲左票,之後慢慢唸食乜,點知一問呢間就有位仲係卡位, 咁我地就試下啦。坐底侍應比個menu我地, 乜得兩張有圖既menu咁少選擇架, 睇隔離台d size仲好少添冬菇肉澡飯- 得屋企裝飯個碗咁上下大碗, 味道普通無乜特別芥蘭豬頸肉- 熱騰騰既鐵板上, 豬頸肉唔太肥, 芥蘭爽口, 味道ok酥皮原味雞- 好似酥皮湯咁包裝, 裡面有3隻雞翼, 味道較淡鐵板薄燒牛肉- 有幾種汁選, 我地要左咖哩汁；牛肉係生既, 用火控住個鐵板自己燒, 好似韓燒咁都幾得意丫石中隱肉(雞,豬,牛選1) - 又係有幾種汁, 我地要左秘制汁同雞；侍應響我地面前用熱既石頭加埋d雞同汁炒下炒下, 炒熟後有部份雞肉黏住d石頭, 味道幾好但好難夾

繼悠悠同德米後, 品味人生又係一間主打創意, 份量輕巧o既新派中菜. 新開張一個月左右, 有多份報章雜誌介紹, 吸引到貪新鮮o既姐姐, 趁是晚happy friday一家人黎試下.由於碟頭真係好袖珍, 可以叫多幾款試:更上一層樓-- 豆奶+雞蛋+菠菜做成o既炸豆腐, 外皮幾脆, 味道口感介乎豆腐同玉子豆腐之間, 幾得意, 不過汁淡味左d.京都蟹拑-- 較坊間o既細1/3, 味道就大同小異, 炸得幾香口, 價錢平過酒樓一截, 抵食, 唔錯!米網喇叭卷-- 米網包住帶子粒同蝦粒炸脆, 香口又唔油膩, 而且較為特別, 是晚no. 1田園春色-- 雜誌介紹菜色, 娃娃菜包住粟米芯露筍同菇, 味道好淡, 一碟得四件, 貴又唔好食, 麻麻!翠緑釀竹林-- 菜心釀竹笙, 菜心苦o既, 而且無左菜單上o既杞子, 好求其, 劣!肉碎擔仔麵-- 麵質唔好食, 唔推介肉燥茶杯飯-- 飯夠熱, 肉燥係福建口味, 媽咪鍾意.款式選擇較悠悠少一半, 味道較淡, 貪新鮮試一次就足夠, 未必會再光顧.

自從雅蘭五樓年前塌過一次天花之後都無再黎原來塌天花果間已經執左除左別府同譚魚頭之外其他都轉晒手今次俾呢間舖頭既木椅吸引住因為有部分檯既木椅椅背有兩三個人咁高圍埋坐就好似一度屏風咁圍住張檯另外有兩張大檯好似涼亭咁用玻璃圍住幾得意餐牌都係偏向細細碟另外通常每款菜都可以揀唔同既醬汁類似悠悠食桌既一類中式居酒屋無論個名裝修同食法都令我聯想起之前係深圳食過好出名既廚房製造不過梗係無人地深圳咁大地方啦八點幾入座好多款都已經售罄最勁就係所有湯都賣晒真係要檢討下喇…酸辣鳳爪好酸但不辣酸得有少少過份喎蟹鉗同去飲既差唔多啦但好似無咁熱氣後來先知原來並唔係蟹肉而係墨魚肉配埋甜酸汁又幾得意喎酥皮牛油焗雜菇係一個怪怪地既組合酥皮同菇真係無咩關係Fusion有時真係會過左火位都唔知架喇叭米卷應該係最好食既香口得黎內涵都幾豐富配沙律芥茉醬(好似係咁既組合)亦都match竹筒飯又無晒所以叫petpet鴛鴦炒飯碗係心型但係令人諗起petpet壽包好攪笑醬汁唔太稠唔似糊仔已經合格有餘$8茶+$4小食(都算係好食既涼拌青瓜)真係貴喎好在環境唔錯多人黎食可以一試既