咯咯雞韓食店 (已結業)

大角咀出名多小店美食，今日去呢間新開嘅咯咯雞韓式店，見到店面充滿韓國風，俾佢吸引到，食物有驚喜！lunch Menu都幾抵食呀！泡菜煎餅 $88久違了泡菜煎餅，好好味，煎餅加埋泡菜，好香，好開胃！大醬豆腐牛肉湯 跟飯 $79 （lunch menu)最鍾意飲嘅韓國湯，份量夠晒多，如果唔係怕肥，可以食兩碗飯！韓式凍豬手 $98韓國凍豬手，今次係第一次食凍豬手，原來凍豬手仲好食過豬手，因為凍咗嘅豬手唔會太油膩，豬手皮夠煙靭啖啖肉，夏天加埋杯啤酒，頂呱呱！

好耐無食過韓國燒肉啦🤓係社交平台見到咯咯雞韓食店大角咀分店出左個幾抵食嘅套餐😚$699 牛+豬 燒肉套餐💖夠晒我地三個食肉獸食😜店員仲會好好咁主動幫我地燒埋😉原條牛肋骨✨每次食韓燒必叫嘅就係牛肋骨！去咗骨嘅牛肋條完全無筋，啖啖肉脂肪比例較少，牛味香濃🤩牛小排✨牛小排肉質軟嫩，油脂分佈平均，牛魔王表示大滿足😍原條豬五腩✨睇落好似好肥嘅五花腩，但食落口唔算太過肥膩😜店員燒烤技術高超，將多餘嘅油脂煎香晒出黎！豬皮位爽口，豬肉味道帶點焦香，正呀！西班牙豚梅肉✨豚梅肉脂肪相對較少，但肉質一啲都唔嚡！肉味甘香而且不油膩❤️套餐用包咗幾款泡菜、生菜！包埋啲肉一齊食都無咁大罪惡感啦😌咯咯雞韓食店 (大角咀)大角咀櫸樹街88號奧柏‧御峯地下G11&G12號舖

今日去左大角咀一邊都算新開既韓式美食鋪 呢間主打多款韓國野食 我地就叫左一個大醬串串鍋 真心有驚喜門口好大 都有唔同套餐推介 同埋位置都好好坐闊落 仲有sofa 位置 menu 就太多野揀 由前菜主食煲去到甜品都有個大醬串串鍋係勁多料 我地兩個人食都食唔晒佢有幾串韓式魚糕加年糕 另外仲有蝦串 ！ 大醬味有啲似韓版味贈咁 唔會好咸 但配唔同既野食都好份味 鍋仲有韓國五花腩🤤 仲有蘿蔔冬菇 唔同既丸類 性價比真係好高！ 最後再加個辛辣麵 撈埋大醬湯底食真係100分 下次再黎一定要試其他唔同既野食！

大醬串串鍋🙌🏻🤩唔好以為兩個人剩係叫一個鍋 實唔夠飽但佢個鍋既份量實在太多 性價比極高 🥹 成個鍋總共有6串 串串 （包括3串鮮蝦 3串韓國魚糕及丸）賣相相當吸引☺️一上枱大醬味都好濃郁！勁適合重口味人士 小小辣 就算怕辣既都唔驚 仲有好多洋蔥 青蔥 青椒調味 夠哂韓風！3串鮮蝦 隻隻都大大隻好新鮮 啲蝦肉完全無雪藏味 同埋仲係好爽口👍🏻 3串魚糕同丸類 大大串 魚糕索哂啲湯 好惹味 ！ 又爽口彈牙 好好味😋😋 除左6串之外 ～ 配料仲有鵪鶉蛋！！！我的至愛！ 好好味🥹 仲有五花肉 ！ 煮到好淋好索湯 夾埋香蔥洋蔥食 勁夾勁好味🙌🏻 五花肉亦都唔會太肥 勁想送白飯😂😂 當然唔少得年糕🥰🥰 重口味湯底絕對唔可以少左佢😌 另外有蘿蔔香菇 大大舊！ 好抵食😂😂 同埋呢啲完全係for索湯份味 極重口味😍 蘿蔔好淋 香菇好爽口 食韓式鍋點可以無泡麵🥰 個湯咁惹味 加個泡麵落去 簡直完美😍 ！ 記住唔好煮太耐 如果唔係會有啲咸🥰🫶🏻呢個鍋湯底好味之餘 所有材料配料都好新鮮 絕不馬虎！ ！ 唔係得個樣🥹 佢仲有好多鍋 eg 部隊鍋 海鮮鍋etc..好期待下次再叫多啲朋友去食 咁就可以食好多唔同種類既野

小編以前午餐都常常幫襯尖沙咀，覺得豬肉泡菜湯好開胃，豬肉都無異味，整體CP值都高。今次同友人路過大角咀，見到有分店，就二話不說就選擇這間。芝士牛肋骨鍋 $388擺盤好colourful，中間是牛肋骨及芝士，旁邊是配菜例如玉米及米飯等等。店員會先幫手煮熱鐵鍋，令芝士融化，這樣就能拉絲。牛肉跟芝士永遠都是絕配，而且有車打跟水牛芝士，鹹奶味突出。同時，牛肉亦可配搭飯素及玉米，口感味道都各不同。鐵板芝士蛋炒飯 (牛) $138芝士跟泡菜都是開胃之選，所以小編叫一個鐵板飯作為主食，同時可以自己動手炒飯，玩樂性都高。芝士加上海量的紫菜，鹹香味跟爽脆的口感令小編跟友人快速吃光。嫩牛肉加泡菜及玉米粒，酸酸甜甜，好開胃。明太子玉子燒 $128玉子燒甜甜的，加上有明太子、芝士跟沙律醬，非常的開胃。明太子完全激發鹹香的鮮味，食多幾件都不會膩，推薦。咯咯雞韓食店 (大角咀)大角咀櫸樹街88號奧柏‧御峯地下G11&G12號舖#大角咀美食 #大角咀 #咯咯雞 #韓式餐廳 #芝士#明太子 #鐵板飯 #泡菜 #芝士牛肋骨 #foodie #foodiehk #hkfoodie

呢間韓食店小編之前係尖沙咀食過，選擇多味道都唔錯，原來佢地前排係大角咀開左新分店，新店環境比之前大同透光度高，今次叫左幾款野食，水準都keep倒🤤見佢地原來有燒肉，下次有機會試下🧀香辣芝士薯仔煎餅 $108記得要襯熱食，有拉芝效果，食既時候有粒粒薯仔，煎餅煙韌軟糯，辣辣地香口惹味🍗半份炸雞 7-8件 $128見倒好多枱都有叫炸雞當然要試下，有5款味道，今次揀既椰香咖哩甜甜地好滋味，上面仲有花生粒口感更佳

呢間炸雞店之前bookmark咗想試，最近係IG見到大角咀新店限定有得食燒肉，即去實測一下質素如何😎燒肉餐有3款，豬、牛、豬+牛，份量約2-3人如嗌豬+牛餐可以優惠價$128加配一份韓式炸雞，份量同原價$228一樣，有14-15件一次過食晒招牌炸雞同燒肉，啱晒食肉獸🤣-👍🏻牛肉+豬肉套餐 $699/3人份包括牛肋骨、厚切豬腩、西班牙豬梅肉、牛小排，附送生菜以炸雞店嚟講，燒肉質素都唔錯，就算成班朋友一齊去，都唔使淨係食死一種食物🤣牛肋骨牛味都幾濃郁，連住少量脂肪，有嚼勁但唔難咬，咬落都有肉汁牛小排就比較軟嫩，油脂香突出啲，兩款牛肉質素比想像中好😌味道：7/10性價比：8/10-👍🏻三重芝士炸雞 (跟餐加配) +$128招牌炸雞跟餐優惠價$128有成十幾舊真係算抵食大量芝士醬加上半溶拉絲芝士，聞落有啲似芝士龍蝦伊麵個隻芝士味，芝士鹹香濃厚雖然炸雞沾滿芝士，但外皮依然脆口，肉質正常發揮，唔係乾爭爭碟底啲芝士多到好似溶岩咁，芝士愛好者可一戰🤪但始終芝士量多又加埋燒肉，食食下都幾滯，最好搵多幾位朋友一齊share，話係三人份但其實4個人都夠食味道：7/10性價比：9/10-👍🏻吉列拼盤 $188

最鍾意喺大角咀捐窿捐罅搵嘢食咯咯雞曾經喺大角咀開過外賣店而家最新就擴展成門市鋪位都幾大，而且座位都好寬敞，而且裝修好新淨。嚟到當然要試吓佢哋嘅炸雞全隻炸雞228半隻炸雞128半半炸雞248 （可選兩隻口味）有唔同嘅口味可以選擇當中包括，柚子檸檬，蜜糖芥末，沙嗲，芝士，甜辣，青檸，鹹蛋黃等等之前食過，我個人就比較鍾意柚子檸檬，甜辣今次第一次試蜜糖芥末，感覺都幾好食而且值得一讚嘅係佢哋嘅炸雞，會提供雞嘅唔同部位，包括雞翼，雞髀同雞塊，等你試曬唔同口感！軟殼蟹泡菜蟹籽炒飯$158軟殼蟹炸得好香脆，呢個炒飯好有鑊氣，入邊嘅配料都好豐富，有泡菜，蟹肉，蟹籽 ，洋蔥，雞蛋等等。

帶同家人同朋友聚餐，有人提議到位於大角咀的咯咯雞，餐廳的位置有啲隔涉。今次係食韓式炸雞 + 燒烤。炸雞雖然唔特別出色，但OK。明太子玉子燒亦係OK。香辣芝士薯仔煎餅好味，值得推介。燒烤方面就唔太得，整體肉質太過肥。除五花腩算係可以接受外，其他講真係超出可接受程度，60%以上係肥肉。食物方面炸雞及小食會較為OK，建議餐廳檢討燒烤部分，食材調整一下。職員的服務尚算OK。不過餐廳的冷氣就較為不足，未坐滿都只係小小涼。

今日去左大角咀順便食lunch，搵到呢間個名好可愛既韓國餐廳，叫咯咯雞。餐廳樓底好高，環境好舒適，座位有部分係高枱，因為樓底高，所以好適合坐高枱。講明叫咯咯雞，點可以唔叫雞食呢，炸雞有成十種味道，滿足唔同人口味，見椰香沙嗲咁特別，於是試一試，味道果然好港式，岩晒我地心意，但仍然保留左韓式炸雞既口感同風味。另外我地同朋友每人再叫左個午餐，包括係溫泉蛋叉燒蓋飯同炸醬炒豬肉便當，便當擺盤相當吸引，有埋韓式粉絲，非常加分。

朋友話想食呢間韓國菜所以就去一試～-蒜味醬油炸雞醬油味濃 雞件炸得幾香口～會想試吓佢其他嘅口味！-水冷麵味道正正常常 牛肉略有微硬口感但配番油膩野幾清爽-明太子芝士韓式飯卷絕對有驚喜！係我鐘意既味道 蛋皮唔會太老 口感豐富好好食～-柚子檸檬梳打-5毛小粉紅 係草莓yogurt沙冰黎～整體分數：7.88/10

失望的一餐，炸雞外皮還算酥脆，但是裡面很幹，不好吃，沒有味道！海鮮麵，更差勁，除了辣就完全沒什麼味道，沒吃完，難吃！石鍋拌飯沒多難吃，就是普普通通吧！再說飲料也很難喝，一個柚子蘇打可以做得如此難喝，真的難的（最後一張圖沒吃完剩下的）

良心韓國菜小店💛 由之前嘅外賣店搖身一變可以堂食嘅餐廳 餐廳主打韓國料理及炸雞 仲有得韓烤🤭～ 尖沙咀都有分店🌟🌟🌟============᪥ 辣汁燴鯖魚 $128泡菜的辣加上鯖魚 酸酸辣辣甜甜的 味道層次豐富 底層放咗蘿蔔更吸哂啲醬汁～🫣🫣=========᪥ 洋蔥酸忌廉炸雞 半份 $128洋蔥酸忌廉口感creamy 香口惹味 半份嘅份量都幾多🙂雞肉嫩滑同時鎖住肉汁 仲有好多唔同口味可以選擇～👍🏻👍🏻

豬肉套餐🐷其實咯咯雞係一間好出名食韓式炸雞既韓國餐廳黎🇰🇷 炸雞有多款口味～既然咁出名 咁我緊係試下佢其他食物 睇下係咪真係樣樣都好食先😛今次叫左豬肉套餐🐷佢嘅豬肉套餐有多款豬既部位～ 非常豐富😍 有豬腩 西班牙牙豬梅肉 仲有煙豬大腸添呀😝 豬腩肉🐖豬腩肉質軟腍 脂肪同瘦肉隔住 爽口又有口感😋烤後既豬既油脂逼出 肉汁豐富 外脆內軟 非常美味🤤西班牙豬梅肉🐽仲有就係佢嘅西班牙豬梅肉嘅肉質非常非常軟腍 未煮時係呈粉嫩色 燒香後帶有濃郁嘅豬肉香氣👍🏻煙豬大腸🐷煙豬大腸真係唔係到到都食到🙊 口感彈牙，啖都充滿著煙燻嘅香氣💕📍咯咯雞韓食店 (大角咀)地址: 大角咀櫸樹街88號奧柏‧御峯地下G11&G12號舖

大角咀外賣店起家既 咯咯雞韓食店而家回歸大角咀仲有得堂食一於去試下先Lunch menu $69/5件雞因為有好多特別味，選擇困難下一個人都叫左兩set😂店員都問多次我係咪一個人食😂🤣不過真係太多，我又飽過頭我今次叫左椰香沙嗲同咸蛋黃一拎上手好熱辣辣好新鮮即刻帶好手套開餐啦外皮超級脆 肉汁仲滴緊出黎沙嗲醬好香甜🤤勁好味咸蛋黃係流油級別，好濃味五件雞有雞脾有雞翼全部都好juicy 而且食五件其實真係已經啱啱好🤣我仲有三重芝士 蒜香醬油 洋蔥忌廉都好想試呀❤️要去多幾次先得 @kokkokchicken424 咯咯雞韓食店 (大角咀)大角咀櫸樹街88號奧柏‧御峯地下G11&G12號舖