咯咯雞韓食店 (已結業)

大角咀出名多小店美食，今日去呢間新開嘅咯咯雞韓式店，見到店面充滿韓國風，俾佢吸引到，食物有驚喜！lunch Menu都幾抵食呀！泡菜煎餅 $88久違了泡菜煎餅，好好味，煎餅加埋泡菜，好香，好開胃！大醬豆腐牛肉湯 跟飯 $79 （lunch menu)最鍾意飲嘅韓國湯，份量夠晒多，如果唔係怕肥，可以食兩碗飯！韓式凍豬手 $98韓國凍豬手，今次係第一次食凍豬手，原來凍豬手仲好食過豬手，因為凍咗嘅豬手唔會太油膩，豬手皮夠煙靭啖啖肉，夏天加埋杯啤酒，頂呱呱！