咯咯雞韓食店 (已結業)

帶同家人同朋友聚餐，有人提議到位於大角咀的咯咯雞，餐廳的位置有啲隔涉。今次係食韓式炸雞 + 燒烤。炸雞雖然唔特別出色，但OK。明太子玉子燒亦係OK。香辣芝士薯仔煎餅好味，值得推介。燒烤方面就唔太得，整體肉質太過肥。除五花腩算係可以接受外，其他講真係超出可接受程度，60%以上係肥肉。食物方面炸雞及小食會較為OK，建議餐廳檢討燒烤部分，食材調整一下。職員的服務尚算OK。不過餐廳的冷氣就較為不足，未坐滿都只係小小涼。