咯咯雞韓食店 (亞士厘道) (已結業)

同朋友喺附近行街，行到肚餓搵餐廳醫下肚～餐廳環境都幾韓式，播住韓國綜藝幾有feel🤭香辣芝士薯仔煎餅 ($108)表面鋪滿晒芝士，好邪惡呀～ 做到拉絲效果😋薯仔好綿密，但又保留到少少顆粒口感，煎得好脆，有少少燶邊感覺更可口，泡菜辣辣地好惹味～而且都幾飽肚👍🏻👍🏻韓式甜辣炸雞 半份 ($128)經典韓式甜辣口味炸雞，甜甜地辣辣地好過癮，炸雞炸得脆，淋上醬汁恰到好處，雞件細細件，每件雞都可以均勻有醬汁😋而雞肉冇過老或者太乾👍🏻

呢排都有食下韓國野，但炸雞就真係少。岩岩有朋友suggest食呢間炸雞店，於是就嗌左一堆🤓其實係半份炸雞黎架咋，點知都有成8大舊😲呢晚食客都係後生仔居多，又枱枱都嗌炸雞，好香噴噴呢～～我地嘅蜜糖芥末味，見唔見到啲滿佈嘅芥末醬🤓炸皮夠脆，肉又juicy, 開胃好食！第一次食韓式大醬串串鍋，有勁多料架：白蘿蔔、冬菇、虎蝦串、魚糕串、年糕、墨魚仔、豆腐、厚豬腩片、鵪鶉蛋。其實我地覺得呢個份量係夠3人食🤣因為啲配料除左多款式，數量更係triple起計🙈呢個鍋係微辣，食到臨尾由其啲魚糕串索晒d湯好好味！極飽好滿足😎

去尖沙咀食韓國野🇰🇷唔一定去韓國街嗰邊，經開亞士厘道都有間韓食店好出名炸雞🍗，一於去試試🍴蒜香醬油炸雞🐔(半份) $128店員一送上枱已經聞到香噴噴，半份數量都有7-8件，咬落熱辣辣好香脆惹味，好濃蒜香味，而醬油帶有點甜味，估唔到好夾個味道🥄泡菜豆腐海鮮湯🍲(跟白飯) $ 98海鮮湯入面好足料，有蝦、青口、蜆、豆腐、翠玉瓜等，辣辣地好開胃，送飯一流📍 咯咯雞韓食店 (亞士厘道) (尖沙咀)尖沙咀亞士厘道20A號地舖

📍#尖沙咀 亞士厘道 食下午茶 🤩 炸雞啱啱炸起好好味，小心熱！本來想用手食，但熱到捉唔住😅😋 如果鍾意濕，可以揀柚子檸檬味😋 如果鍾意乾，可以揀咸蛋黃味兩款味我都鍾意😋 另外叫左杯凍飲黃到金

繼續「釋放雙手系列」今晚同老公出去尖咀噹噹入貨順便覓食老公話難得聽日放假可以抖抖一於啤啤佢亞士厘道出名多食店去到附近望到間叫「咯咯雞韓食店」🐔入面環境都幾chill 播住韓文歌 氣氛relax 有卡位或bar 枱一於入去chill下好彩六點幾早到 唔駛等（其後七點鬆就九成客滿了）啤酒配韓式炸雞毫無疑問🤪係絕配我地點左兩個飯 半份雞兩杯凍飲😝蒜香醬油雞（半份）$128上枱已經好吸引咬落蒜味濃 香脆得黎一D都唔油膩雞大約有七件 （兩件雞膇🍗🍗同兩件雞翼位 仲有三舊啖啖肉）Asahi 杯裝 $58 大大杯好抵飲👍🍺檸檬益力多 $18 出奇地夾 （推介）好清新 🫶🏻鐵板芝士蛋泡菜炒飯（海鮮）$128芝士🧀🍳蛋圍邊 紫菜碎蓋頂 每啖飯充滿香辣味 泡菜碎夾雜炒飯中 爽口惹味 拉絲芝士飯口感一流 食到唔停口呀 可以趁熱邊食邊玩拉絲🤭泡菜豆腐豬腩片湯 （配白飯）$86辣味十足 泡菜爽口 豆腐滑溜😋一啖湯配一啖飯 好滿足啊飲飽食醉😋🍺預祝大家端午節快樂🥳餐餐大魚大肉🐟🍖食盡人間美食😋

《咯咯雞韓食店 (亞士厘道)》好耐無食過韓國野，今日去開尖沙咀買野見到呢間咯咯雞個名咁得意揭下餐牌都多選擇就入左去😋🐮韓式炆牛腩$108韓式牛腩係我至愛嘅韓國餸菜😋因為個汁甜甜地好好送飯，果然呢度嘅韓式牛腩一啲都無令我失望，見到佢咁多蔬菜同牛腩一齊炆到咁冧就知啲牛腩汁夠哂惹味！牛腩一啲渣都無唔難咬唔痴牙而且入味，雞肶菇、紅蘿蔔、翠肉瓜、大蔥吸哂啲汁一級棒！我一個人差唔多食哂成碗飯🤣🐣咸蛋黃炸雞（半份）$128咸蛋黃呢啲咁邪惡嘅野出現係menu度，女朋友作為咸蛋黃控，呢個口味嘅韓式炸雞真係必點👍🏻曾經試過其他地方嘅咸蛋黃炸雞遇過好多都整到啲炸皮冧哂，但今次完全無，半份都有8舊🤭最尾食果舊上左枱都起碼30分鐘都依然好脆😋咸蛋黃口味相當值得推介！見女朋友碗飯仲留住一匙羹，我仲諗住搶嚟撈牛腩汁食埋佢，點知一想郁手就比佢閘住😫佢話最尾一定要試一口咸蛋黃撈飯喎🤪🤪🤪琴日係平日晚，好彩早入座，坐低無耐就全院滿座😝食物質素都有保證，今次人少少食住兩樣先！下次叫埋朋友仔訂定位試多幾樣餸菜再同大家分享。食物質素 ⭐️⭐️⭐️⭐️⭐️/5用餐體驗 ⭐️⭐️⭐️⭐️⭐️/5性價比 ⭐️⭐️⭐️⭐️⭐️/5如果你都想試下出色同性價比高嘅韓國

其實都唔係第一次食，之前同朋友食叫做成枱炸雞超滿足，今次得兩個人，少少地都試咗兩款菜式🤤🐔韓式甜辣炸雞 (半份) $128本來見到顏色都幾紅當當，都怕會太辣，食落口又唔覺，仲甜甜地幾好味。就算平時唔算食得辣嘅朋友，都可以試一試～炸雞外皮香脆，肉質嫩滑，同韓國食嘅唔算差好遠～ 🍲大醬串串鍋 ＄268另外點咗大醬湯底嘅串串鍋，配料有魚糕串、虎蝦、年糕、墨魚仔、豬腩片等等，多到無法盡錄。佢一滾起當然首先食咗墨魚仔先，剛剛好嘅熟度，好鮮甜又易咬。再飲一啖湯底，大醬獨特嘅鹹味幾好飲。🦐虎蝦都幾大隻又夠彈牙，魚糕串好大串，魚糕夠魚香，又有口感。 整體調味因應香港人口味冇韓國嘅咁辣，食落冇咁大負擔，同時保留咗韓國菜精髓。

我們一行3大人2小朋今天完全不多人。全埸都沒有5枱客。訂位時間下午5:30已經好緊張說，訂枱不能給下午茶餐牌可以沒問題。但最差怕你不離？走來要求結帳又不斷催促離開。已經說了等車到達，一刻都不可，不停催促離開。但完全沒有客在等待。差到不堪。

尖沙咀韓式炸雞小店裝修走街頭風格，韓風型格調，環境舒服整潔，需加一服務費。🥕鹹蛋黃炸雞(半份)$128 ⭐️⭐️⭐️⭐️⭐️鹹蛋黃漏晒油勁邪惡，一啖放落口勁滿足，勁鹹香又重蛋黃味，炸雞大大件的又肥美，外脆內嫩，半份約有7至8隻。🥕蛋皮芝士紫菜包飯$128 ⭐️⭐️⭐️⭐️⭐️一上枱紫菜包飯表面佈滿兩款芝士，睇見都眼睛發光呀～蛋皮重蛋味煎得剛好，芝士同紫菜包飯真係絕配。🥕黑白是良知$48 ⭐️⭐️⭐️⭐️☆插左一塊Oreo吱左靚靚cream ，飲品偏重雲呢拿雪糕味多d，不會太甜。======詳情======咯咯雞韓食店 (亞士厘道)尖沙咀亞士厘道20A號地舖👣尖沙咀/尖東站L5出口步行約3分鐘================

今日同朋友黎尖沙咀覓食，大約六點幾整完野又未好餓～又好想食韓國野，所以就黎左呢間餐廳試下，一見到門面已經好有韓國feel🤣黃色既裝潢非常sharp🤪而餐廳入面都有分卡位同單邊窗口位～佢地用既餐具同凳都好有韓國特色🤭真係好似黎左韓國咁🇰🇷1️⃣🍗半份柚子檸檬炸雞（$128）呢間餐廳既炸雞都有好多唔同口味～例如蜜糖咖喱、冬陰公、蒜香醬油、咸蛋黃同青檸芥辣等😋我地今次叫左柚子檸檬味🫶🏻本身諗住外皮可能會好甜～但意外地唔係！甜度適中～岩晒我地🤪同埋佢個外皮炸到好香脆而唔會太油膩，而雞肉都保持到juicy同嫩滑👍🏻重點係雞件大大件～無論係雞胸、雞翼同雞腿都大件～仲要有八件左右，兩個人食岩岩好😋2️⃣🍙明太子蛋皮紫菜包飯（$128）我朋友好鐘意食明太子醬，見到呢款紫菜包飯即刻心心眼😍雖然佢既材料係普通既紫菜包飯餡，但係值得一提既係佢個蛋皮～無紫菜咁普通🤪仲要明太子醬既份量好多😍每舊都沾到滿滿既明太子醬～喜歡喜歡🫶🏻

成日聽朋友講呢間韓國餐廳好啱香港人食，菜名又好特別，今日過開海，終於有機會試吓。真係連張張枱墊都靚過人, 果然冇介紹錯。由於太早食晚餐，兩個人都未係好餓，所以只係叫左兩個餓送，要左半份咸蛋黃韓式炸雞，尊貴毒L海鮮辣湯麵，仲叫左杯唔做港豬古力。咸蛋黃韓式炸雞咸蛋黃好香，雞炸得好香脆，半份睇落少少地，但因為咸蛋黃好漏，兩個人食都好夠尊貴毒L海鮮辣湯麵海鮮好足料，好新鮮，連埋爐上，可以自己控制個麵想硬啲定淋啲唔做港朱古力係朱古力沙冰，有一球朱古力雪糕，成杯都朱古力味濃郁，仲有朱古力碎，好好味

早排去完首爾旅行，令到個胃好想食韓國嘢🇰🇷尖沙咀韓國餐廳林立，唔想周圍行去搵，可以試吓呢間比較近地鐵站嘅咯咯雞，isquare出嚟行幾分鐘就到，算幾方便。小店嚟講，餐牌就好多唔同選擇，唔係淨係得炸雞架，有各式湯類、飯同埋小食。韓式炸雞🍗蒜香醬油（半份）主打炸雞，當然有好多口味，真係好難選擇。試咗比較特別嘅蒜香醬油，半份大概7-8件， 有雞翼同埋雞槌，份量少少哋，適合兩個人。味道方面，蒜香同醬油幾夾炸雞，少少濕潤咁食，似乎無咁熱氣。而價錢方面，算係幾抵食，唔使逼住叫大大份食唔晒。人蔘雞湯🍲去完北村食人蔘雞湯，一直念念不忘😅呢度嘅人蔘雞湯雖然唔算太正宗，但係個味道都有幾分似，雞幾滑，而且入面仲有飯，食極都仲有。女士們間中食吓人蔘雞湯進補一吓，都唔錯☺️🛎️必試指數：8/10🔆

食得好開心呀埋單比想像中平～(≧▽≦)同朋友搵地方食飯好想食炸雞就去左呢間三重芝士，不過可以拉絲芝士可以放多d好想有得拉www女仔一個人都食得曬半份下次想試下檸檬、甜辣味檸檬益力多先18蚊感覺好良心價錢的飲品！！韓式粉絲雞肉感覺還可以雞肉都多，可能我都係鍾意牛肉多d個感覺好似雞肉唔夠入味_(:з」∠)_所以不過不失！炸魷魚鬚好好味😋食唔停口！！(≧▽≦)配上沙律醬一流最後吐槽下個wc壞左希望快d整好啦～

去完尖沙咀行街就去搵間餐廳醫肚，經過亞士厘道有一間（咯咯雞韓食店）見到門外餐牌主要食韓式美食好吸引就入去試下。入到餐廳裝修很有韓式風格。韓式青檸芥辣炸雞是一道美味的韓國美食，口感酥脆，肉質鮮嫩多汁。青檸芥辣醬汁的味道酸甜微辣，非常開胃，搭配炸雞更是絕佳。鐵板芝士蛋泡菜炒飯賣相好吸引，口感豐富，味道鮮美。這道菜的泡菜和芝士的搭配非常恰當，泡菜的酸味和芝士的濃郁口感完美融合，口感豐富，讓人一試難忘。豬肉同蛋的加入讓炒飯更加豐富，仲有加入少量蔬菜，燒味。

我同朋友都鍾意喺尖沙咀一帶行街食飯，今日畀我哋搵到一間韓國炸雞店 😋🌟 香辣芝士薯仔煎餅 🌟又香又辣，令人欲罷不能！🌶️ 外觀金黃酥脆，一咬你落去，可以感受到薯仔嘅鬆軟同芝士嘅濃郁，真是讓人垂涎欲滴。辣味同香氣充滿口腔，令人舌頭發麻，但又讓人停不了口。這款煎餅層次感豐富，真係一種美味嘅享受！🍗 蜜糖芥末炸雞 🍯🌶️外皮炸得金黃酥脆，內裡肉質鮮嫩多汁，每一口都帶來滿滿嘅口感享受。蜜糖芥末醬汁散發出誘人嘅甜味同微辣感，讓味覺得到甜與辣嘅絕妙平衡。這款炸雞食落去有種嫩滑同微辣嘅風味，讓人回味無窮！👌 無論鍾意辣味定甜味，兩款美食絕對能夠滿足你味蕾需求。如果你想要嚐試新鮮別致嘅美食，不妨黎品嚐絕妙嘅佳餚吧！😍🍽️#咯咯雞韓食店#亞士厘道Kok Kok Chickhen (Ashley Road)地址 尖沙咀亞士厘道20A號地舖G/F, 20A Ashley Road, Tsim Sha Tsui營業時間星期一至日11:30 - 22:00