咯咯雞韓食店 (亞士厘道) (已結業)

本身一心諗住出尖沙咀海旁睇MC演唱會，點知放工嚟到已經太多人，所以喺附近搵嘢食入咗呢間良心小店，款式都幾多，首先叫咗個蒜香醬油炸雞，估唔到又幾出色喎，啖啖肉嘅炸雞每件都包滿左醬汁，但依然超級脆皮！呢個味道仲有啲似韓國個橋村炸雞，唔錯唔錯，推介～已經諗定下次翻啅呢個想試埋椰香沙嗲味同埋鹹蛋黃味邪惡芝士粟米鍾意佢有埋個Gas爐，因為芝士凍左會唔好食，我哋想食嗰陣先整熱佢，店員仲好細心咁俾咗鉸剪我哋剪芝士韓式炒粉絲粉絲係我每次食韓國嘢都必叫，而呢間嘅調味我係幾滿意嘅，啱啱好，唔會太鹹又唔會唔夠味，好快成碟清哂溫泉蛋卡邦尼年糕呢個都好食！年糕煮得啱啱好，唔太淋又唔會un，連白汁同煙肉蘑菇一齊食，都唔會好漏，仲可以包埋芝士粟米啲芝士一齊食，仲guilty😂

今日朋友介紹左哩間韓國鋪頭比我,野食味道同款式都吾係傳統口味,而係mix and match,鋪頭設計都好young,性價比好高,色香味俱全,絕對會encore.我地點左哩度既招牌菜炸雞，有成十幾種口味，好彩每份都細細份，如果幾個人就可以叫吾同口味試下啦😍我地點左芝士炸雞，拉絲食落去又酥又脆，佢有兩款芝士mix and match ，賣相吸引之外仲好味！我地點左大醬蜆肉湯，入面既蜆肉好鮮甜，加埋豆腐加一個碗飯，幫你開胃😝真係令人食指大動。但最吸引既一定係薯仔🥔芝士煎餅，食落埋有薯仔粒同薯仔蓉，係出面真係未食過，芝士加餅底又香又脆，哩個係必點！玉子燒配埋明太子沙律亦係喜出望外既菜式，所以大家一定要黎哩間鋪頭試下😛真係好好味，價錢同位置都好合理方便

今日去咗尖沙咀食韓國嘢，餐廳位置唔係大街，不過嘢食幾好食都有驚喜。我哋兩個人叫咗四樣野，有炸雞，蛋捲，煎餅同埋蜆肉鍋。炸雞，蛋捲，煎餅都係有芝士嘅。炸雞幾香，醃得幾入味。估唔到蛋捲入邊都有幾隻餡，好香，有明太子，同少少蔬菜。我覺得煎餅係最特別，個樣有啲似Pizza，但係食落係有薯仔，同一般嘅韓式煎餅係唔同，有驚喜。不過咁多款入邊我最鍾意都係蜆肉鍋。天氣凍凍地，放咗工，食蜆肉鍋可以開胃，感覺好舒服。通常其他地方叫個波係冇飯，但係佢配埋一個白飯，唔洗再加錢。Overall 幾好食，都會想再來，難得好味既韓國菜，而且地點方便，坐得舒適

芝士薯仔粟米凍冰冰食呢個好舒服，因為佢會有個爐燒住佢，慢慢會令到啲芝士溶化，加埋薯仔同埋粟米，雖然好邪惡，但係真係好好食，暖笠笠，非常有拉絲感，職員仲好細心，見到啲芝士不停拉絲，即刻拎咗把鉸剪俾我，加分👍🏻👍🏻👍🏻蒜香醬油炸雞嗌咗半份，都有成七至八件，一啲都唔少。蒜味香濃而不膩，滑嫩多汁，雞味十足，外皮亦炸得十分酥脆，即使是雞胸部分亦不會乾柴，平衡得剛剛好，好食！韓式炒粉絲（牛）有洋蔥，紅蘿蔔，紅椒，冬菇和嫩菠菜做配料，加上牛肉一齊炒粉絲。牛肉炒得很入味，醬汁調味亦剛好，粉絲口感煙韌，粉絲吸盡香甜的韓式醬油，令粉絲很惹味。卡邦尼炒年糕份量都幾多，個醬汁好Creamy ，年糕係比較粗身好煙靭，中間仲有一隻溫泉蛋，流心嘅蛋黃撈埋喺卡邦尼醬汁入邊，非常好食。

好耐冇食過韓國菜啦~ 今日去左間都幾多人食既韓國餐廳，相信食物都有D保證!蜜糖芥未炸雞炸雞外皮好脆，雞肉嫩滑多汁，唔會乾爭爭。蜜糖芥未醬帶D清爽辣味之不過又唔會過甜，同炸雞好夾。份量都好多，雞件厚肉! 仲附有手套，好貼心。韓國牛小排餃子平時食蒸既就多，煎就比較少，佢煎到好香脆，好似炸咁! 餃子皮薄得黎唔會好易穿,有少少煙韌感。牛小排餡啖啖肉，加上本身調味都好足夠，再點埋個帶有少少酸味既醬，好開胃。特濃部隊鍋鍋物熱辣辣，我本身就好鐘意洋蔥絲同青蔥絲，呢個鍋剛好加左好多好岩我口味既野!仲有吸曬湯汁既韓國拉麵，入口好Q彈好入味! 年糕都好彈牙，午餐肉同腸仔都比得唔少，好滿足。

今日收工，朋友話想食韓國野。尖沙咀除左韓國街，亞士厘道呢邊都有D選擇架，而且近海港城呢邊。今次叫左個特濃部隊鍋，會有個細爐仔keep住煲熱個部隊鍋，好似平時打邊爐咁! 個部隊鍋比想像中大份! 好足料。入面有午餐肉，五花腩，泡菜，魚糕等等。而且個湯同我係韓國食到既都好相似，感覺好地道。入面仲有個韓國拉面，呢個可以襯早食，唔係就會淋左架啦! 另外都叫左蜜糖芥茉炸雞半份，呢到炸雞口味比較多，仲有D特別口味，例如係椰香沙嗲/柚子檸檬/咸蛋黃等等，幾有特色。雞件大大件，咩部位都有D，店員會比埋手套同裝骨筒，方便進食。個醬包住雞皮，啖啖滋味。今日早食晚餐，走個陣係7點幾，已經見到成埸滿曬!果然係人氣食店。

見到好似好好食咁諗住book位，點知聽電話個男人超級無禮貌咁話：好忙呀 等陣先打黎啦！ 想問下我又唔係你秘書，洗唔洗命令人地幾點先打黎？餐廳打開門做生意架喎，連個電話都唔想聽？ 態度差成咁都廢事去食，成肚氣！👎Called to reserve a table and the man who picked up the phone was super rude. Understood the peak hour was busy, but supposed he should not ask the customer to call back later with that impolite and impatient manner! I’m not your secretary! Won’t try this restaurant EVER! 👎

餐廳改名真係好緊要！今日路過見到呢間「咯咯雞」即時吸引左我仲要大大隻字寫左「我真係好x鍾意香港」，仲有特別版「我真係好x鍾意炸雞」又支持香港又不失自己餐廳風格，唔會淨係一味主打香港毫無質素可言呢到主打韓食，今次我地叫左個二人餐，最特別係佢啲特飲改名都好出色，明既就明先黎個部隊鍋，入面有芝士、公仔麵、芝士腸、牛餐肉，真係唔邪惡都唔放係入面，大啖大啖咁食啲公仔麵，諗起都興奮椰香沙嗲炸雞，平時韓野炸雞都係三重芝士、辣醬、蜜糖，呢到既椰香好特別，即刻要試下韓式炆牛肋骨我比120分！醬汁甜甜地勁香濃，炆到骨肉分離軟淋淋，真正入口即溶，話佢好食過好多貴價西餐都唔過份！檸檬柚子梳打，酸甜度適中，唔錯5毛小粉紅，又係個名勁搞笑，其實係士多啤梨奶酪，飲到好重奶酪味之餘原來係沙冰黎，有啲驚喜，好正呀！

喺尖沙咀行街經過呢間餐廳, 望到個餐牌就有啲肚餓, 所以入咗嚟食個下午茶～🍜韓式炒公仔麵 - 炒公仔麵裏面加入雞肉、黃椒、青椒🫑、紅椒、洋蔥🧅、等等, 上面再灑上白芝麻粒, 公仔麵同調味完美融合, 食落好香口, 好味😋！🍕泡菜芝士煎面 - 賣相好似一個薄餅🍕, 上面鋪滿邪惡嘅拉絲芝士🧀️。煎面外邊脆口, 而內裏就有啖啖泡菜, 口感軟綿煙韌～🍗洋蔥酸忌廉炸雞(半份)即叫即炸, 炸粉唔會太厚, 外皮炸得香脆又惹味, 裏面嘅雞肉好juicy, 肉質嫩滑, 一啲都唔乾身, 再配上洋蔥同酸忌廉, 更添風味～

放工一個人突然之間好想食人蔘雞湯，行經尖沙咀亞士厘道，見到一間好搶眼嘅韓式餐廳，於是入去試一試。店舖裝修以黃黑色為主，裝修簡約，用了紅色的鐵凳和韓式嘅餐具，好韓國feel。餐類選擇多，有小食、湯類🍲、麵類🍜、飯類🍛、肉類🐮🐷🐔、海鮮類🦐🦑、鍋類🥘、煎餅🍕、炸雞🍗🍖和甜品🍰🍮。以炸雞🍗和新式韓食為主，韓式炸雞🍗都有五種口味，新式炸雞🍗也有五種口味供選擇，飲品有非酒精飲品🍹和特飲🧋🧃選擇，更有2至4人餐和兒童餐供選擇，而且價錢唔貴。👍人參雞湯🐔🍲$128追加白飯🍚$10入到店內就即刻order了人參雞湯🐔🍲追加白飯一碗🍚，人參雞湯用一個石鍋熱辣辣咁樣上枱，不遠處已經聞到雞湯嘅香味，窩裏面有半隻雞🐔，配料有糯米、栗子碎、紅棗、人參粒和少許大蔥。這裏的人參雞湯不像一般韓國餐廳用烏雞淆湯，所以雞湯🐔🍲飲落好濃鬱帶有人參味，糯米煮得好淋，栗子碎好有口感，雞肉🐔好嫩滑唔嚡口，配上白飯🍚好飽肚。😋🫶👍💯

一人食韓國野,想食炸雞又驚食唔曬,所以雖然呢間店似係專門食炸雞,我反而叫左韓國牛肋骨飯,都好正。牛肋骨好多件,用特式既醬汁煮到好入味,牛肋骨好淋,肉同骨好易分開,我食到停唔到口,最後食晒,連D配料都好入味。個汁仲好岩拎來送飯,個飯好香好軟燸。呢個價錢好公道。冇諗過呢頭有咁多食店,都幾近MTR.呢間店好型,有高桌亦有普通桌。我一人來食,坐高桌望街景都好有風味。呢度仲有好多野食,如果多D人其實好岩叫炸雞同埋煎餅。

今個星期已經係第3次食韓國野😆 今日就去左尖沙咀既咯咯雞🐔 都忍唔住寫個食評紀錄一下，因為個炸雞真係好出色😌 係會翻check 既韓國餐廳🥹 價錢都十分合理👍🏻🫃🏻蒜香醬油味炸雞 半份 $128呢個蒜香醬油味炸雞嘅味道真係好正！佢嘅醬汁帶嚟嘅蒜香味好香濃，同時又有啲咸嘅醬油味道。呢個組合真係好開胃，令人食咗一口就停唔到🥹質感方面，炸雞皮脆肉嫩，一啖落去有種酥脆嘅口感，好多汁又鮮嫩，係近期食過最好食既炸雞🥰汁唔會整腍個外皮，暫時係我心目中炸雞number 1，尤其尖沙咀🤭🫃🏻韓式海鮮炒粉絲 $98韓式海鮮炒粉絲充滿咗海鮮嘅鮮味。唔會太咸或太辣，粉絲炒得恰到好處，有啲Q彈嘅口感🤓又吸收咗醬汁嘅味道，佢入口又唔會太軟爛。海鮮配料有細青口，魷魚，蜆，冬菇，仲有三色椒同洋蔥，餸好多😆每一啖都有滿滿既口感，$98幾抵食！🫃🏻明太子玉子燒 $128明太子嘅鹹香味同玉子燒嘅蛋香味結合得好好，層次豐富。味道既濃郁又不過份，食落去好開胃🤪玉子燒有軟滑嘅蛋質感。材料有三色椒蔥花粒，配沙律醬，明太子好毫不吝嗇，滿滿既明太子香味，而且有8件🤫好吸引

成日聽同事講尖沙咀間咯咯雞🐔既炸雞好出色😳🤔好耐無食炸雞既我收工拉左朋友過黎同我食🤭餐廳裝潢以黃色做主打，令人最印象深刻就係「我哋真係好X鐘意食炸雞」既霓虹燈裝飾🤣，正因間餐廳既炸雞同樣出色！✨蒜香醬油味炸雞 半份 $128半份炸雞大份7-8件，今次我地嗌左蒜香醬油炸雞，炸雞呈現出焦糖金黃色的外皮，散發出蒜蓉的香氣，外皮上佈滿芝麻粒，咬開蒜香醬油炸雞酥脆的外皮，一點油膩感都沒有，值得一讚👍🏻而且炸雞份肉質鮮嫩多汁，醬油的鮮香和蒜蓉的濃郁相互融合，相比傳統的炸雞帶來了獨特的風味，尼個味道值得推薦😎✨韓式海鮮炒粉絲 $98尼款菜式以各種海鮮為主分別有細青口、帶子粒，蜆、魷魚、冬菇、三色椒、洋蔥和波菜炒熟而成，韓式粉絲爽滑煙韌，海鮮配菜非常足料🤣食餸多過食粉絲，相比傳統炒粉絲味道更為香口惹味🤤✨明太子玉子燒 $128之前係其他餐廳食既明太子玉子燒係外層玉子燒夾住中間爆滿得明太子🤔而尼間的明太子玉子燒做法不一樣，賣相意外地吸晴🤩面層佈滿明太子醬和沙律醬，而玉子燒夾住三色椒和蔥花粒，所以口感味道更為豐富刺激，玉子燒的蛋香和綿密口感真係無得輸🤤

咯咯雞位於尖沙咀亞士厘道20A號地舖講起韓國美食，炸雞，炒粉絲，拌飯，冷麵，煎餅等等，我最近食得最多炸雞想轉下口味今日收工黎到尖沙咀區係1881附近亞士厘道有好多唔同口味菜色的餐廳台灣菜，西餐，茶餐廳同韓國菜等等心想又係韓國菜，又係炸雞睇餐牌時見到有海鮮韓國香烤魚，辣汁燴鯖魚，韓式炆牛肋骨，辣味煙豬大腸等等我只係食到少辣店員介紹可以食茄汁泡菜燴海鮮$168另加$10 香飯等左5分鐘上菜啦好香蕃茄味有蝦仁非常爽口有大蝦原隻有殼大隻又彈牙有魷魚有青口新鮮有蜆蜆肉大大粒湯汁少辣越飲越美味

之前已經食過大角咀分店覺得價錢合理，味道好食，今次同frd 約係尖沙咀 試吓另一間分店，餐廳位於港鐵L5出口，行過對面3分鐘好方便，門口以年輕colorful色調裝修為主，入到去好醒神。餐牌食物選擇多，特別係炸雞類，上次食過蒜蜜味炸雞，今次試下店員推介的酸忌廉味炸雞，同叫左個部隊鍋和海鮮煎餅。先來部隊鍋，用料豐富午餐肉、芝士腸、泡菜、年糕、海鮮、魚糕等下面有公仔麵，部隊鍋湯底吾會好辣，加入蕃茄汁，好fresh跟著係海鮮煎餅，外脆內軟，味道香口然後係酸忌廉味炸雞，原味炸雞配上酸洋蔥忌廉醬，減低油膩感。本身想叫埋甜品窩夫，但太飽所以冇叫到，大滿足的一餐。